Fréttablaðið - 17.07.2008, Blaðsíða 10
10 17. júlí 2008 FIMMTUDAGUR
HAMFARIR „Þegar kostnaður við
málarekstur verður langt umfram
verðmæti eignar er það orðið
mikið áhyggjuefni,“ segir Jakob
Sigurður Friðriksson, fram-
kvæmdastjóri framleiðslu og sölu
hjá Orkuveitu Reykjavíkur.
Orkuveitan krefst 115 milljóna
frá Viðlagatryggingu eftir
úrskurð um að bæta beri Orku-
veitunni tjón vegna dælustöðvar í
Kaldárholti sem skemmdist í jarð-
skjálftunum á Suðurlandi sumarið
2000.
Dælustöðin var metin rúmlega
35 milljóna króna virði fyrir átta
árum en dráttarvextir nema nú
tæpum sextíu milljónum eins og
fram hefur komið í Fréttablaðinu.
Að auki vill Orkuveitan fá kostnað
vegna málsins bættan.
„Við höfum eytt 26 milljónum
til að standa á rétti okkar varð-
andi hús sem kostaði 35 milljón-
ir,“ segir Jakob Sigurður. „Þetta
er víti öðrum til varnaðar og mikil-
vægur lærdómur, ekki síst í ljósi
jarðskjálftanna nú í vor.“
„Þetta mál er mjög sérstakt
enda um nýtt mannvirki að ræða
sem skiptar skoðanir eru um enn
þann dag í dag,“ segir Ásgeir
Ásgeirsson, framkvæmdastjóri
Viðlagatryggingar.
„Athuganir sem gerðar voru á
jarðvegi við dælustöðina fyrir
stjórn Viðlagatryggingar á sínum
tíma virtust leiða í ljós að húsið
væri reist á óþéttri undirstöðu
auk þess sem deilt var um gæði
byggingarinnar,“ segir Ásgeir.
„Þegar fyrir lá að sérfræðingar
hefðu skiptar skoðanir á málinu
komu að því dómkvaddir mats-
menn og yfirmatsmenn sem þurftu
langan tíma til að komast að niður-
stöðu.“
Ásgeir segir umtalsverðan kostn-
að hafa fallið á Viðlagatryggingu
meðal annars vegna rannsókna á
stöðvarhúsinu og lögmannskostn-
aðar en hefur nákvæma upphæð
ekki á reiðum höndum.
Um fjögur þúsund mál komu til
kasta Viðlagatryggingar eftir jarð-
skjálftana á Suðurlandi árið 2000
og er dælustöðin í Kaldárholti ein-
ungis annað tveggja sem fóru til
úrskurðar að sögn Ásgeirs.
„Málið er afar óvenjulegt og
hefði vissulega ekki átt að kosta
svo mikið,“ segir Ásgeir. „Svo
getur þó farið með sérfræðimál
sem krefjast langrar skoðunar.“
helgat@frettabladid.is
Kostnaður
yfir verðmæti
dæluhúss
Orkuveitan eyddi 26 milljónum til að standa á rétti
sínum á dæluhúsi sem kostaði 35 milljónir. Víti til
varnaðar, segir yfirmaður hjá OR. Skiptar skoðanir
um málið, segir framkvæmdastjóri Viðlagatryggingar.
SPRUNGA Í GÓLFI Skemmdir urðu á
burðarvirkjum vatnstanks í húsinu auk
þess sem sprungur komu í gólf og veggi
stöðvarinnar.
DÆLUSTÖÐIN Í KALDÁRHOLTI Skemmdist í jarðskjálftunum sumarið 2000 og var
þá tryggð fyrir 35 milljónir króna. Nú gerir Orkuveitan bótakröfu um 115 milljónir til
Viðlagatryggingar vegna skemmdanna.
Bætur vegna dæluhúss 31.294.887 krónur
Vextir 2.740.910 krónur
Dráttarvextir 57.765.525 krónur
Lögmannskostnaður 2.783.066 krónur
Kostnaður Orkuveitu Reykjavíkur 19.609.244 krónur
Kostnaður innan Orkuveitunnar 3.810.000 krónur
Alls 115.003.632 krónur
BÓTAKRAFA ORKUVEITUNNAR
MÓTMÆLI Í NÍKARAGVA Femínistar
efndu á þriðjudag til mótmæla fyrir utan
byggingu hæstaréttar í Níkaragva og
kröfðust löggildingar fóstureyðinga.
FRÉTTABLAÐIÐ/AP
MALASÍA, AP Anwar Ibrahim, helsti
leiðtogi stjórnarandstöðunnar í
Malasíu, var handtekinn í gær og
sakaður um að hafa átt enda-
þarms mök við karlkyns aðstoðar-
mann sinn.
Aðstoðarmaðurinn, sem er 23
ára gamall, kærði Anwar til lög-
reglunnar í síðasta mánuði vegna
þessa atviks. Anwar neitar því að
þetta hafi gerst, og segir ásakan-
irnar pólitískan uppspuna til að
stöðva velgengni stjórnarandstöð-
unnar.
Pólitísk spenna hefur verið í
Malasíu síðan stjórnarandstaðan
náði betri árangri í kosningum í
mars en dæmi eru til um áður.
Anwar hafði sagst stefna að því að
fella ríkisstjórnina í september
næstkomandi.
Anwar var aðstoðarforsætis-
ráðherra landsins árin 1992-98.
Hann hefur áður sætt ákærum
fyrir sams konar sakir og sat í
fangelsi þess vegna árin 1999-
2004.
Í gærmorgun lokaði rúmlega
tugur lögregluþjóna veginum
heim að húsi Anwars, stöðvaði
bifreið hans og flutti hann til höf-
uðstöðva lögreglunnar, þar sem
hann var yfirheyrður í átta
klukkustundir.
Fyrir utan höfuðstöðvarnar
söfnuðust saman tugir stuðnings-
manna hans, þar á meðal þing-
menn stjórnarandstöðunnar til að
mótmæla handtökunni. - gb
STUÐNINGSMENN ANWARS Fyrrverandi
aðstoðarforsætisráðherra Indónesíu
hefur áður setið í fangelsi vegna ásak-
ana um samkynhneigð. FRÉTTABLAÐIÐ/AP
Stjórnmálaleiðtogi í Malasíu handtekinn vegna ásakana um samkynhneigð:
Segir ásakanirnar pólitískar
EFNAHAGSMÁL „Ekki hefur komið
fram nein aukning á atvinnuleysi,
fram yfir það sem reikna má með
árlega, eftir uppsagnirnar sem
víða hefur verið ráðist í á vinnu-
markaðnum,“ segir Lárus Blöndal
hjá Hagstofunni.
Atvinnuleysi jókst reyndar á
síðustu mánuðum um eitt prósent
en Lárus segir þá breytingu eðli-
lega.
„Atvinnuleysi tekur alltaf stökk
í öðrum ársfjórðungi vegna þess
að námsmenn streyma inn á vinnu-
markaðinn á þessum tíma árs.
Meirihluti þeirra hefur leitað að
vinnu í minna en mánuð eða er
þegar búinn að fá vinnu þó svo að
þeir hafi ekki hafið störf. Þessi
hópur er ekki skilgreindur atvinnu-
laus hjá ýmsum öðrum stofnunum
en við fylgjum alþjóðlegum stöðl-
um og teljum hann því með.“
Atvinnuleysið var 3,1 prósent á
öðrum ársfjórðungi, sem er ekki
meira en síðustu ár. - ges
Atvinnuleysi var 3,1 prósent á öðrum ársfjórðungi:
Ekki atvinnuleysi
þrátt fyrir kreppu
MENN AÐ VINNU Atvinnuleysi telst eðli-
legt þrátt fyrir uppsagnir undanfarinna
mánaða. FRÉTTABLAÐIÐ/ANTON BRINK
GAZASVÆÐIÐ, AP Tony Blair,
fyrrverandi forsætisráðherra
Bretlands, hætti á þriðjudag við
fyrirhugaða ferð sína til Gaza-
svæðisins.
Leyniþjónusta Ísraels hafði
varað við því að reynt yrði að
ráða hann af dögum kæmi hann
til landsins.
Þetta hefði orðið fyrsta ferð
háttsetts vestræns erindreka til
Gazasvæðisins eftir að Hamas-
samtökin tóku þar völd fyrir
meira en ári. Blair hafði þó ekki
hugsað sér að hitta neina
talsmenn Hamas að máli.
Hamas-samtökin höfðu þó gert
ýmsar öryggisráðstafanir fyrir
heimsókn Blairs, sett upp
eftirlitsstöðvar og bannað
umferð á þeim slóðum þar sem
hann ætlaði að ferðast um.
- gb
Ótti við banatilræði:
Blair hætti við
ferð til Gaza
LANDSPÍTALINN Fjórtán sóttu um
starf forstjóra Landspítalans en
umsóknarfrestur rann út
þriðjudaginn 15. júlí.
Þeir sem sóttu um voru: Anna
Lilja Gunnarsdóttir, Anna Linda
Bjarnadóttir, Björn Zoëga, Stefán
E. Matthíasson, Eydís K. Svein-
bjarnardóttir, Guðmundur
Björnsson, Helgi Þorkell Krist-
jánsson, Hulda Gunnlaugsdóttir,
Kristján Oddsson, María Heimis-
dóttir, Már Kristjánsson, Ragn-
heiður Haraldsdóttir, Sjöfn
Kristjánsdóttir, Valgerður
Bjarnadóttir.
Nýr forstjóri tekur við 1.
september. - vsp
Forstjóri Landspítalans:
Fjórtán vilja
forstjórastólinn