Fréttablaðið - 17.07.2008, Blaðsíða 12
17. júlí 2008 FIMMTUDAGUR
Verið velkomin í Nettó
Mjódd - Salavegi - Akureyri - Höfn - Grindavík
...mmm pasta !
TILBOÐIN GILDA 17. - 20. JÚLÍ
w
w
w
.m
ar
kh
on
nu
n.
is
125kr/pk
FUSILLI OG CRESTE 500g
TAGLIATELLE M/EGGI 250g
179 kr/pk
209kr
SPAGHETTI 1kg
299 kr Formidabile Pasta
30%
afsláttur
139kr
GEMELLI 500g
199 kr
139kr
HEILHVEITI-PENNE 500g
199 kr
ÍSRAEL, AP Meðal líbönsku fanganna
fimm, sem Ísraelar leystu úr haldi
í gær, var Samir Kantar, sem hefur
setið í ísraelsku fangelsi í nærri
þrjá áratugi.
Hann var handtekinn árið 1979,
þá aðeins sextán ára gamall, eftir
að hann hafði ásamt þremur félög-
um sínum í PLF, Frelsisfylkingu
Palestínu, farið á gúmmíbát frá
Líbanon til Ísraels. Þeir komu til
bæjarins Naharíja þar sem þeir
hugðust ræna fólki til að taka í gísl-
ingu og fara með aftur til Líban-
ons.
Ætlunarverk þeirra fór út um
þúfur og þeir voru handteknir eftir
að hafa orðið einum ísraelskum
lögreglumanni, öðrum Ísraels-
manni og ungri dóttur hans að
bana.
Sjö árum eftir handtöku Kantars
hertóku félagar hans í PLF ítalska
farþegaskipið Achille Lauro og
kröfðust þess að hann yrði látinn
laus ásamt 50 öðrum palestínskum
föngum.
Sheikh Hassan Nasrallah, leið-
togi Hezbollah-samtakanna í Líb-
anon, hefur hvað eftir annað kraf-
ist þess að Kantar verði látinn laus.
Ísraelar hafa þó verið tregir til og
fangaskiptin nú eru afar umdeild í
Ísrael. Gagnrýnisraddir segja þau
styrkja stöðu Hezbollah.
Auk fanganna fimm afhentu
Ísraelar samtals 199 lík af palest-
ínskum og líbönskum mönnum sem
fallið höfðu í átökum síðustu tvö
árin.
Í staðinn fengu Ísraelar jarð-
neskar leifar tveggja ísraelskra
hermanna, sem liðsmenn Hezbollah
handtóku sumarið 2006, þegar
Ísraelar gerðu heiftarlegar árásir
á Líbanon í nokkrar vikur.
Ísraelsk stjórnvöld hafði grunað
að hermennirnir tveir væru látnir,
en fengu þó enga vissu um það fyrr
en tvær svartar líkkistur komu í
ljós. Ísraelar létu rannsaka inni-
hald líkkistanna tveggja vandlega
áður en fullvíst þótti að þar væru í
raun og veru lík hermannanna.
Á Gazasvæðinu er þó enn í haldi
Palestínumanna hinn ungi ísraelski
hermaður, Gilad Shalit, sem tekinn
var í gíslingu þann 25. júní árið
2006. Árásir Ísraela á Líbanon hóf-
ust í beinu framhaldi af þeirri
gíslatöku. gudsteinn@frettabladid.is
Fögnuður í Líbanon
en spenna í Ísrael
Mikil spenna ríkti í Ísrael þegar fimm líbanskir fangar voru leystir úr haldi
og 199 líkkistur afhentar til Líbanons í skiptum fyrir jarðneskar leifar tveggja
ísraelskra hermanna. Í Líbanon fékk einn fanginn höfðinglegar móttökur.
SAMIR KANTAR FÉKK GÓÐAR MÓTTÖKUR Þekktasti fanginn sem Ísraelar leystu úr haldi í gær er Samir Kantar, sem fékk góðar
móttökur þegar hann kom til Líbanons eftir nærri 30 ára fangavist í Ísrael. FRÉTTABLAÐIÐ/AP
2004: Ísrael lætur lausa 436
arabíska fanga og 59 líbanska
bardagamenn í skiptum fyrir einn
ísraelskan borgara og jarðneskar
leifar þriggja ísraelskra hermanna.
1996: Ísrael lætur lausa 65 líbanska
fanga í skiptum fyrir lík tveggja
hermanna sem handteknir voru í
átökum í Líbanon.
1991: Ísrael lætur lausan 51 líbansk-
an fanga í skiptum fyrir staðfestingu
þess að einn af ísraleskum föngum í
Líbanon sé látinn.
1985: Ísrael lætur lausa 1.150
arabíska fanga, sem langflestir voru
Palestínumenn, í skiptum fyrir þrjá
hermenn sem skæruliðar handtóku
í Líbanon árið 1982.
1983: Ísrael lætur lausa 4.600 pal-
estínska og líbanska fanga í skiptum
fyrir sex ísraelska hermenn sem
rænt var 4. september 1982. Flestir
arabísku fanganna höfðu verið
handteknir í innrás Ísraela í Líbanon
árið 1982.
FYRRI FANGASKIPTI RÍKJANNA
FLUGMÁL Flugvél af gerðinni
Dash-8 þurfti að snúa við á miðri
leið á leið frá Akureyri til Græn-
lands í fyrradag vegna minnk-
andi olíuþrýstings í vélinni. Þá
var slökkt á hreyflinum og snúið
við. Vélin var á vegum Flug félags
Íslands.
Á einni viku hafa fjögur flug-
atvik komið upp hjá íslenskum
flugfélögum. Dekk sprakk á flug-
vél frá Iceland Express síðasta
mánudag. „Það var bilun í þjóna-
búnaðinum og unnið er að því að
skipta um hann,“ segir Þorkell
Ágústsson, forstöðumaður rann-
sóknarnefndar flugslysa.
Flugvél frá Icelandair sem var
á leið frá Reykjavík á fimmtu-
daginn í síðustu viku þurfti að
snúa við vegna þess að annar
hreyfillinn bilaði. Ferjuvél lenti í
hremmingum vegna hreyfil-
vandamála þegar vélin var að
koma til lendingar frá Reykjavík
síðastliðinn laugardag og málið
er nú í skoðun.
„Ég á ekki von á því að ástæða
þessara mörgu flugatvika sé eft-
irlitsleysi. Yfirleitt er júlí mikill
atvikamánuður vegna þess að þá
er flogið meira,“ segir Þorkell.
Um 80-100 tilvik koma á borð
Rannsóknarnefndar flugslysa á
ári en aðeins verða um 30-40 að
rannsóknarefni. - vsp
Á viku hafa fjögur flugatvik komið upp hjá íslenskum flugfélögum:
Farþegavél þurfti að snúa við
DASH-8 FLUGVÉL Flugvél Flugfélags
Íslands þurfti að snúa við á miðri leið frá
Akureyri til Grænlands.