Fréttablaðið - 17.07.2008, Blaðsíða 34
● fréttablaðið ● austurland 17. JÚLÍ 2008 FIMMTUDAGUR2
Barðsneshlaupið fer fram
í tólfta sinn um verslunar-
mannahelgina í tengslum við
Neistaflug í Neskaupstað.
„Hlaupið er um það bil 27 kíló-
metrar og farið verður um þrjá
firði,“ segir Jóhann Tryggvason,
meðlimur í undirbúningsnefnd
Barðsneshlaupsins. „Þetta er gróf
gönguleið, aðallega rollugötur
og aðeins í skriðum en líka eftir
gömlum sinutúnum og yfir ár og
læki. Síðasti hlutinn er svo þjóð-
vegurinn inn í bæinn.“
Þegar Jóhann er inntur eftir
því hvort hlaupið sé fyrir alla eða
bara vana hlaupamenn segir hann
mun á því hvort fólk sé hlauparar
eða skokkarar. „Allir sem skokka
geta alveg farið þetta hlaup. Það
er kannski munur á því hvort fólk
ætlar að fara þetta undir tveim-
ur tímum eða á þremur til fjórum
eins og við skokkararnir gerum,“
segir hann og bætir við að Barðs-
neshlaupið sé fínt fyrir alla.
Hann segir að ákveðið hafi
verið að bjóða líka upp á hálft
hlaup því áhuginn á fjallahlaup-
um sé svolítið fjölskyldubundinn
en fólk í misjöfnu formi. „Þá er
hlaupinn seinni hlutinn af leiðinni
frá Barðsnesi, sem eru svona síð-
ustu fjórtán kílómetrarnir af leið-
inni. Hlauparinn í fjölskyldunni
tekur heilt hlaup á meðan hinir
taka hálft.“
Að sögn Jóhanns eru marg-
ir sem hlaupa Barðsneshlaup-
ið ár eftir ár. „Það er einn sem
hefur tekið þátt í öllum hlaupun-
um, Ingólfur Sveinsson, en hann
er uppalinn á Barðsnesi. Ingólfur
var ásamt nokkrum heimamönn-
um forsprakkinn að því að setja
Barðsneshlaupin í gang í upp-
hafi.“
Sjálfur tók Jóhann þátt í fyrsta
hlaupinu, en hefur ekki verið
með eftir það þótt hann hafi öðru
hverju hlaupið leiðina. „Það er
æðislegt að hlaupa svona einn úti
í náttúrunni. Þótt þrjátíu manns
taki þátt í því dreifist hópurinn
strax og þér finnst þú vera einn
með sjálfum þér úti í náttúrunni.
Það gerist ekki betra.“ - mmf
Um rollugötur og sinutún
Jóhann Tryggvason, meðlimur í undir-
búningsnefnd Barðsneshlaups, hvetur
alla til að taka þátt í því.
Margir kjósa að fara Barðsneshlaupið ár
eftir ár. MYND/KRISTINN PÉTURSSON
Hlaupið er um gömul sinutún og yfir ár og læki í Barðsneshlaupinu sem fer fram um verslunarmannahelgina. MYND/KRISTINN PÉTURSSON
Rúnar Júlíusson og Bjartmar Guðlaugsson munu halda tónleika
ásamt stórhljómsveit í Mörkinni í Hallormsstaðaskógi næstkom-
andi sunnudag.
„Þetta verða fjölskyldutónleikar haldnir í tilefni af skógardegi,“
segir Rúnar, sem mun í fyrsta skiptið spila í skóginum á sunnudag-
inn. „Það er lofað góðu veðri svo þetta lítur allt saman vel út. Við
förum í gegnum okkar helstu lög og munum spila í þrjá til fjóra
tíma.“
Stórtónleikarnir hefjast stundvíslega klukkan 14 en DJ Kiddi í
Vídeóflugunni hitar upp fyrir rokkið og byrjar að spila um klukk-
an 13. Skemmtunin er ætluð allri fjölskyldunni og kostar 1.500
krónur inn á svæðið en frítt er fyrir börn yngri en 13 ára.
Hallormsstaðaskógur er rómaður fyrir fegurð og grænt lands-
lag. Hann er stærsti skógur landsins og liggur við sunnanvert
Lagarfljótið í Fljótsdalshéraði. Mörkin er afmarkað svæði inni í
skóginum en þar var gróðrarstöð komið á fót árið 1903. Í Mörk-
inni er að finna yfir 80 trjátegundir víðs vegar að úr heiminum
og gaman er að ganga um trjáþyrpinguna og skoða merkingar um
aldur og uppruna. - mþþ
Rokktónleikar í
Hallormsstaðaskógi
Álfaborgarséns, fjölskylduhátíð á Borgarfirði eystra, verður að
venju haldin um verslunarmannahelgina.
Dagskráin hefst með hagyrðingamóti í félagsheimilinu Fjarð-
arborg föstudaginn 1. ágúst. Þar munu landsþekktir hagyrðing-
ar, með heimamanninn Andrés Björnsson fremstan í flokki, láta
gamminn geisa.
Ýmissa grasa kennir á laugardaginn en þá verður meðal ann-
ars boðið upp á ævintýraferð, knattspyrnumót og útimarkað.
Hljómsveitin Túpílakkarnir mun stíga á svið um kvöldið og loks
mun Danshljómsveit Friðjóns Jóhannssonar leika fyrir dansi.
Sunnudagurinn er helgaður Loðmundarfirði og Víkum en þar
verður farið í jeppaferð undir leiðsögn heimamanna. Um kvöld-
ið er síðan sameiginlegt grill og lýkur dagskránni við varðeld og
fjöldasöng.
Álfaborgarséns er fjölskylduhátíð þar sem hægt er að njóta
þess að vera á rólegum stað í fallegu umhverfi. Í gegnum tíðina
hefur myndast heimilisleg stemning þar sem gestir geta í bland
við heimamenn átt góðar stundir.
Upplýsingar um gistingu, þjónustu og dagskrá hátíðarinnar er
hægt að nálgast á vefsíðunni www.borgarfjordureystri.is eða í
síma 861 3677. - hs
Fjölskylduhátíð í
fallegu umhverfi
Rúnar ásamt Bjartmari og hljómsveit munu halda fjölskyldutónleika í Mörk-
inni á sunnudag. FRÉTTABLAÐIÐ/TEITUR
Álfaborgarséns er kjörin skemmtun fyrir fjölskyldufólk. MYND/HELGI ARNGRÍMSSON
Undir lok síðasta mánaðar var
opnað á Borgarfirði eystri ævin-
týraland Kjarvalsstofu. Þar geta
börn á öllum aldri hlýtt á og upp-
lifað sögur og ævintýri frá Borg-
arfirði og Noregi.
Sýningin er unnin í samstarfi
við norska aðila í Vesteralen og
er hún sett upp í gamla pósthús-
inu á Borgarfirði. Hún hefur hlot-
ið góðar viðtökur og er tilvalinn
áningarstaður fyrir fjölskyldur
á leið um landið. Á sýningunni er
hægt að heimsækja kastala, ævin-
týraskóg og ævintýrahaf og hægt
er að hlusta á sögur tengdar því
umhverfi.
Sýningin er opin frá klukkan 13
til 17 alla daga í sumar og er að-
gangseyrir 400 krónur fyrir fjög-
urra ára og eldri. - hs
Ævintýraheimur í austri
Í ævintýralandi Kjarvalsstofu er meðal annars hægt að skoða kastala í ævintýraskógi.
MYND/HAFÞÓR S. HELGASON