Fréttablaðið - 21.07.2008, Blaðsíða 35

MÁNUDAGUR 21. júlí 2008 19
menning@frettabladid.is
Á þriðju tónleikum sumartónleik-
araðar Listasafns Sigurjóns
flytja Steinunn Soffía Skjenstad
sópransöngkona og Sofia Wilk-
man píanóleikari Vínarsöngva og
ljóð.
Á efnisskrá Steinunnar og
Sofiu á tónleikunum á þriðjudag-
inn eru meðal annars sönglög
eftir Franz Schubert við ljóð
Goethes, lög úr ljóðaflokknum
Des Knaben Wunderhorn eftir
Gustav Mahler og sönglög eftir
Richard Strauss.
Steinunn og Sofia eru báðar
fæddar árið 1983 og kynntust í
Síbelíusarakademíunni í Hels-
inki. Þær hafa unnið saman í rúm
tvö ár og í október 2007 hlutu þær fyrstu verðlaun í ljóðasöngs-
flokki Erkki Melartin-kammertónlistarkeppninnar í Savon-
linna í Finnlandi. Steinunn lýkur mastersgráðu í söng frá Síb-
elíusarakademíunni í Helsinki í
sumar en hefur stundað tónlistar-
nám frá því hún hóf að læra á fiðlu
sex ára gömul. Hún fór með hlut-
verk Fiordiligi í Così fan tutte eftir
W.A. Mozart í Óperustúdíói Íslensku
óperunnar í vor.
Sofia stundar framhaldsnám við
Síbelíusarakademíuna í Helsinki.
Hún hefur í námi sínu lagt sérstaka
áherslu á flutning kammer- og
ljóðasöngstónlistar og komið víða
fram á tónleikum í Finnlandi með
Wellentríóinu, píanótríói sem hún
hefur leikið með síðan 2003 og hlaut
Kees Wiebenga-verðlaunin sem
besti flytjandi á Kammertónlistar-
hátíðinni í Kuhmo sumarið 2006.
Tónleikar þeirra Steinunnar og Sofiu fara fram í Listasafni
Sigurjóns Ólafssonar, Laugarnestanga 70, og hefjast kl. 20.30.
- vþ
Vínarsöngvar og ljóð í Listasafni Sigurjóns
STEINUNN SOFFÍA SKJENSTAD OG SOFIA WILKMAN Koma fram á
tónleikum í Listasafni Sigurjóns annað kvöld.
Píanóleikararnir Sigríður Hulda
Geirlaugsdóttir og Valgerður
Andrésdóttir koma fram á tónleik-
um í Hásölum, sal Tónlistarskóla
Hafnarfjarðar, í kvöld kl. 20. Þar
munu þær flytja brasilíska tónlist
fyrir tvö píanó eftir tónskáldin
Mignone, Nazareth og Zequinha
Abreu. Það er Francisco Mignone
sem hefur samið eða útsett flest
verkin. Einnig flytja þær Scara-
mouche eftir franska tónskáldið
Milhaud, en hann var undir tals-
verðum áhrifum frá brasilískri
tónlist þegar hann samdi verkið.
Eftir nám í Tónlistarskólanum í
Reykjavík stundaði Sigríður
Hulda framhaldsnám í Boston og
síðar í Ríó de Janeiro þar sem hún
er búsett nú. Valgerður stundaði
framhaldsnám í Berlín.
Hugmyndin að þessu samstarfi
þeirra Sigríðar og Valgerðar
kviknaði í Ríó árið 2002 og er þetta
í annað sinn sem þær koma fram
sem píanódúó. - vþ
Tónlist fyrir tvö píanó
Um mánaðamótin lýkur sýningu
þeirra Önnu Hallin og Olgu Berg-
mann í Menningarmiðstöð Kópa-
vogs. Þar er ruglað saman reitum
þeirra við sýningargripi Náttúru-
fræðistofunnar. Flest verkin eru
unnin í samstarfi Önnu og Olgu og
mætast þar náttúrulífsmyndir og
ýmis tilbrigði við veruleikann í
myndbandsverkum og innsetningu.
Á sýningunni sýna Anna Hallin og
Olga Bergmann ný verk þar sem
meðal annars er komið við í heimi
syngjandi þorska og dansandi
marglyttna. Einnig er á sýningunni
velt upp hugmyndum um framtíð-
arþróun íslenskrar náttúru.
Hilmar J. Malmquist, forstöðu-
maður Náttúrufræðistofu Kópa-
vogs, birti við opnun sýningarinnar
hugleiðingar sínar um erindi mynd-
listarinnar inn í stofur safngripa úr
ríki nátturunnar: „Tengsl náttúru-
vísinda og lista eru margs konar.
Báðar þessar greinar hafa t.d.
byggt tilvist sína að miklu leyti á
sömu forsendunni − á villtri og
óspilltri náttúru. Hvað varðar nátt-
úruvísindin má benda á að afkoma
manna er háð afurðum náttúrunn-
ar, en haldbær nýting þeirra krefst
aftur á móti upplýsinga, sem
aðferðafræði náttúruvísindanna er
fær um að veita. Hvað listina snert-
ir er engum blöðum um það að
fletta að fjölbreytt náttúra, lands-
lag jafnt sem lifandi verur, hefur
verið listamönnum mjög hugleikið
viðfangsefni um langan aldur.
Önnur tengsl milli náttúruvísinda
og lista felast í siðferðislegri
ábyrgð, sem er sameiginleg vís-
inda- og listamönnum og varðar
umgengni manna og breytni gagn-
vart náttúrunni. Mikilvægi þessar-
ar ábyrgðar hefur aukist hratt á
allra síðustu áratugum og þar er
við manninn að sakast. Græðgi og
vanþekking hefur afvegaleitt okkur
í umgengni við margvísleg náttúru-
gæði. Dýrategundum hefur verið
útrýmt, vistkerfum rústað og líf-
ríki jarðar stafar ógn af loftslags-
breytingum vegna lífshátta okkar,
einkum í hinum vestræna heimi.
Náttúrunni, þ.m.t. manninum, staf-
ar einnig ógn af ríkri tæknihyggju
við lausn vandamála, svo sem í
erfðaverkfræði þar sem átt er við
erfðaefni lífvera og það jafnvel
flutt á milli fjarskyldra lífvera. Við
þessar aðstæður er mikilvægt að
listirnar og vísindin eigi í samræðu
um hvert stefnir. Í þessu skyni
býður Náttúrufræðistofa Kópavogs
upp á sýningu listamannanna Olgu
Bergmann og Önnu Hallin. Verk
þeirra eru sprottin úr hugmyndum
sem öðrum þræði tengjast þróun
lífvera og aðlögun þeirra að
umhverfi framtíðarinnar.“
Náttúrufræðistofa Kópavogs er í
Menningarmiðstöð Kópavogs og er
náttúrugripasafn hennar opið
almenningi mánudaga til fimmtu-
daga kl. 10-20, föstudaga kl. 11-17
og laugardaga og sunnudaga kl. 13-
17. - pbb
Syngjandi þorskar
MYNDLIST Anna og Olga við eitt verka
sinna sem nú er uppi í Náttúrufræði-
stofu Kópavogs.
Nú um helgina var opnuð í Skaft-
felli, miðstöð myndlistar á Austur-
landi, sýning þeirra Ólafar Helgu
Helgadóttur og Kristínar Bjarkar
Kristjánsdóttur, en hún ber heitið
Floor Killer. Sýningin er liður í
sýningarröðinni Sjónheyrn, en
hún er tileinkuð samstarfi hljóð-
og myndlistarmanna. Sýninga-
stjórar Sjónheyrnar eru Ingólfur
Örn Arnarsson og Elísabet Indra
Ragnarsdóttir.
Þær Ólöf Helga og Kristín Björk
útskrifuðust saman úr myndlist-
ardeild LHÍ vorið 2005 en hafa
ekki unnið saman fyrr en nú, enda
æði ólíkir listamenn. Þó grillir í
sameiginlega þræði í listsköpun
þeirra ef vel er að gáð, ef til vill
sprengiþræði. Á sýningunni Floor
Killer mætast þær á dansgólfinu;
það er víst kviknað í því.
Floor Killer stendur til 6. ágúst.
- vþ
Kviknað í dansgólfi
GENGUR FRÁ GÓLFUM Ljósmynd af
verki Kirstínar Bjarkar Kristjánsdóttur og
Ólafar Helgu Helgadóttur í Skaftfelli.
Síðasti túr Leonards Cohen til Evr-
ópu stendur nú yfir. Hann hóf ferð-
ina í Dyflinni, hafði áður haldið
fjóra tónleika í Toronto, þann 16.
var hann að spila í Edinborg og í
gærkvöldi í London. Næst eru tón-
leikar í Lissabon og 22. júlí spilar
hann í Nice, 25. í Lorrach í Þýska-
landi. Um mánaðamótin eru þrír
tónleikar á Ítalíu og loks 3. ágúst
verður hann á Ledbury-hátíðinni.
Öllum að óvörum hefur hann til-
kynnt að 18. október verði hann
með þriðju tónleika sína á fjögurra
mánaða tímabili í Kaupmannahöfn.
Miðasala er hafin en einungis 7.000
miðar í boði. Menn sem sátu hljóm-
leika hans í höllinni fyrir tveimur
áratugum tala enn um það gigg sem
Sjónvarpið filmaði. Hvenær fáum
við að sjá það aftur og því hefur
Sjónvarpið ekki reynt að koma
þeirri upptöku í erlenda dreifingu?
- pbb
Cohen á túr
TÓNLIST Kominn á áttræðisaldur er
Leonard Cohen á ferð og hefur ekki þótt
betri í langan tíma.
Kl. 14.03
Í þættinum Út um víðan völl, sem er
á dagskrá Rásar 1 í dag kl. 14.03, fer
Sveinn Einarsson með hlustendur til
Bayreuth, einnar af háborgum
tónmenningar í Evrópu, þar sem andi
Wagners svífur yfir vötnum. Hátíðar-
leikhúsið þar er sérstaklega byggt til
að flytja óperur Wagners og þar hafa
þær verið fluttar í bráðum hálfa aðra
öld.
Hinir árlegu Kammertónleikar á Kirkju-
bæjarklaustri verða haldnir í átjánda sinn
helgina 8.-10. ágúst næstkomandi. Þeir
tónlistarmenn sem koma fram á hátíðinni
í ár eru Ágúst Ólafsson baritónsöngvari,
Ástríður Alda Sigurðardóttir píanóleikari,
Eyjólfur Eyjólfsson tenórsöngvari, Sigrún
Eðvaldsdóttir fiðluleikari og Trio Nordica.
Listrænn stjórnandi hátíðarinnar í ár er söngkonan
Guðrún Jóhanna Ólafsdóttir og er ljóst að hún hefur
valið flytjendur og dagskrá saman af mikilli kost-
gæfni. Flytjendurnir eiga það allir sameiginlegt að
hafa vakið mikla athygli og hlotið talsvert lof fyrir tón-
listarflutning sinn á síðustu misserum. Til að mynda
var Ágúst Ólafsson tilnefndur til Íslensku tónlistar-
verðlaunanna árið 2007 sem flytjandi ársins í sígildri
og samtímatónlist og Trio Nordica, sem skipað er þeim
Auði Hafsteinsdóttur fiðluleikara, Bryndísi Höllu
Gylfadóttur sellóleikara og Monu Kontra píanóleikara,
hefur á undanförnum fimmtán árum komið fram á
fjölda tónleika vítt og breitt um Evrópu við einstakan
orðstír. Allir meðlimir tríósins hafa unnið til margvís-
legra verðlauna fyrir list sína og gert upptökur fyrir
ýmis útgáfufyrirtæki, svo sem King Records, Bis og
Naxos.
Tónleikahátíðin hefst föstudagskvöldið 8. ágúst, en
þá kemur Trio Nordica fram og flytur píanótríóið sem
þekkt er undir nafninu Dumky eftir Dvorák. Seinna
sama kvöld flytja Eyjólfur Eyjólfsson og Ástríður
Alda Sigurðardóttir ljóðaflokkinn Dichterliebe eftir
Schumann.
Á laugardagstónleikunum flytja Ágúst Ólafsson og
Ástríður Alda Sigurðardóttir ljóðaflokkinn Ferða-
söngva eftir Vaughan Williams. Þá flytur Trio Nordica
þrjú verk eftir Piazzolla og Sigrún Eðvaldsdóttir
leikur virtúósaverkin Theme and Variations eftir
Messiaen og Introduction og Rondo Capriccioso eftir
Saint-Saëns.
Á lokatónleikunum hátíðarinnar á sunnudeginum
leikur Sigrún Eðvaldsdóttir sónötu nr. 3, Ballade, eftir
Ysaÿe, en Eyjólfur og Ágúst syngja aríur og dúetta úr
óperum eftir Donizetti, Mozart, Bellini, Gounod og
Bizet við undirleik Ástríðar Öldu. Að lokum flytur Trio
Nordica píanótríó nr. 2 op. 67 eftir Shostakovich.
Tónleikarnir verða haldnir í Félagsheimilinu
Kirkjuhvoli, Kirkjubæjarklaustri. Þeir sem hafa áhuga
á að tryggja sér miða á tónleikana fyrirfram geta
hringt í síma 487 4840 og 863 6106.
Vinsælt hefur verið að gista í nágrenni Kirkjubæjar-
klausturs til að njóta þar tónlistar og náttúrufegurðar
undir lok sumarsins og er fólki ráðlagt að panta
gistingu í tíma. vigdis@frettabladid.is
Kammertónlist á
Kirkjubæjarklaustri
TRIO NORDICA Tríóið kemur fram á kammertónlistarhátíð á
Kirkjubæjarklaustri í ágúst.
SIGRÍÐUR OG VALGERÐUR Leika
tónlist fyrir tvö píanó á tónleik-
um á mánudag.