Fréttablaðið - 21.07.2008, Blaðsíða 40

24 21. júlí 2008 MÁNUDAGUR
sport@frettabladid.is
GANGA.IS
Ungmennafélag Íslands
Kaplakrikavöllur, áhorf.: 784
FH HK
TÖLFRÆÐIN
Skot (á mark) 12-13 (9-6)
Varin skot Gunnar 6 – Gunnleifur 5
Horn 10-6
Aukaspyrnur fengnar 6-10
Rangstöður 3-2
HK 4–5–1
Gunnleifur Gunnleifs. 6
Damir Muminovic 5
Sinisa Kekic 7
Finnbogi Llorens 5
Hörður Árnason 5
Mitja Brulc 7
Finnur Ólafsson 6
Goran Brajkovic 6
Rúnar M. Sigurjóns. 6
(67., Hörður Magn. 5)
Aaron Palomares 5
(54., Hörður Már M. 7)
Iddi Alkhag 6
*Maður leiksins
FH 4–3–3
Gunnar Sigurðsson 8
Höskuldur Eiríksson 4
Ásgeir G. Ásgeirsson 6
Tommy Nielsen 5
Hjörtur L. Valgarðs. 7
Davíð Þ. Viðarsson 6
Arnar Gunnlaugs. 5
(62., Matthías Vilhj. 6)
Dennis Siim 6
(71., Björn Sverris. -)
Atli Guðnason 4
(55., Matthías Guð. 6)
Atli Viðar Björnsson 6
*Tryggvi Guðm. 8
1-0 Tryggvi Guðmundsson (12.), 2-0
Tommy Nielsen (45.), 3-0 Tryggvi
Guðmundsson (48.), 4-0 Atli Viðar
Björnsson (74.).
4-0
Magnús Þórisson (7)
Kópavogsvöllur, áhorf.: 1.002
Breiðablik ÍA
TÖLFRÆÐIN
Skot (á mark) 16-8 (9-4)
Varin skot Casper 3 – Trausti 3
Horn 3-2
Aukaspyrnur fengnar 14-10
Rangstöður 2-1
ÍA 4–5–1
Trausti Sigurbjörns. 3
Heimir Einarsson 3
Árni Thor Guðmunds. 4
Dario Cingel 2
(46., Andri Júlíusson 3)
Guðjón H. Sveinsson 3
(72., Þórður Guðjóns. -)
Aron Ýmir Péturs. 2
Bjarni Guðjónsson 3
Jón Vilhelm Ákason 3
(79., Hlynur Hauks. -)
Helgi Pétur Magnús. 2
Björn Bergmann 4
Vjekoslav Svadum. 3
*Maður leiksins
BREIÐAB. 4–4–2
Casper Jacobsen 6
Arnór S. Aðalsteins. 6
Finnur Orri Margeirs. 7
Srdjan Gasic 6
Kristinn Jónsson 6
Nenad Petrovic 6
Guðmundur Kristjáns. 8
Arnar Grétarsson 8
Nenad Zivanovic 8
(68., Magnús Páll G. 8)
Jóhann Berg Guðm. 8
(79., Olgeir Sigurg. -)
*Marel Baldvins. 8
(74., Prince Rajcomar -)
1-0 Nenad Zivanovic (3.), 2-0 Jóhann
B. Guðmundsson (21.), 3-0 Nenad
Zivanovic (25.), 4-0 og 5-0 Magnús
Páll Gunnarsson (68., 73.), 6-0
Prince Rajcomar, 6-1 Björn Berg-
mann Sigurðarson (82.).
6-1
Jóhannes Valgeirs. (8)
LANDSBANKADEILD KARLA
1. Keflavík 12 8 2 2 26-16 26
2. FH 12 8 1 3 26-12 25
3. Fjölnir 11 7 0 4 19-10 21
4. Breiðablik 12 6 3 3 25-17 21
5. Valur 12 6 2 4 19-15 20
6. KR 11 6 0 5 19-13 18
7. Fram 11 5 0 6 10-11 15
8. Grindavík 11 4 2 5 15-19 14
9. Þróttur R. 11 3 4 4 15-20 13
10. Fylkir 11 4 0 7 12-19 12
------------------------------------------------------
11. ÍA 12 1 4 7 9-13 7
12. HK 12 1 2 8 12-28 5
STAÐAN
Kvennalandslið Íslands í handbolta skipað leikmönnum 20 ára
og yngri fékk fremur óvænt boð á dögunum um þátttöku á
lokakeppni HM vegna þess að landslið Úrúgvæ og Chile drógu
sig úr keppni, en keppnin sem fram fer í Makedóníu hefst
á morgun og stendur í tæpar tvær vikur. Landsliðsþjálfarinn
Stefán Arnarsson kvað þetta frábært tækifæri fyrir íslenska
liðið, þrátt fyrir að hann hefði gjarnan viljað hafa meiri tíma til
undirbúnings fyrir mótið.
Stefán var staddur í Leifsstöð þegar Fréttablaðið heyrði hljóð-
ið í honum í gær en íslensku stelpurnar hefja leik í dag kl. 17.
„Þetta kom náttúrlega fremur óvænt upp og und-
irbúningur liðsins og skipulagning ferðarinnar er
eftir því. Þetta er hins vegar frábært tækifæri fyrir
þessar stelpur; að spila á lokakeppni á stór-
móti. Júlí er frímánuður frá handboltanum hjá
flestum þessum stelpum og sumar hverjar
þurftu að breyta ferðaplönum sínum til þess
að geta verið með og ég er viss um að þær
munu leggja sig allar fram í mótinu. Ég ætla
bara að vona að við náum fyrsta leik,“ sagði Stefán á léttum
nótum en mótherjar Íslands í dag eru Ungverjar.
„Ég er mjög ánægður með að við mætum Ungverjum í
fyrsta leik þar sem við spiluðum gegn þeim í forkeppninni
sem fram fór á Íslandi í mars síðastliðnum og þekkjum því
vel til liðsins. Við töpuðum þeim leik reyndar en vorum
inni í leiknum alveg þangað til á síðasta stundarfjórðung-
um,“ sagði Stefán, sem er þokkalega bjartsýnn á gengi
íslenska liðsins.
„Á góðum degi getum við alveg unnið þessar þjóðir,
þannig að ég er fullviss um að stelpurnar muni
standa sig vel,“ sagði Stefán en íslenska liðið
leikur í A-riðli með Ungverjalandi, Slóveníu,
Þýskalandi og Rúmeníu. Leikið verður
nokkuð stíft en íslenska liðið leikur fjóra
leiki á fimm dögum í riðlinum og eftir það
verður svo spilað um sæti.
STEFÁN ARNARSSON, ÞJÁLFARI U-20 ÁRA LANDSLIÐS KVENNA: FAGNAR ÓVÆNTU BOÐI UM ÞÁTTTÖKU Á HM
Ætla bara að vona að við náum fyrsta leik
> Grétar Hjartarson ekki með gegn KR
Fjölnir mætir Þrótti og Fram og Fylkir eigast við kl. 19.15
og KR mætir Grindavík kl. 20.00 í Landsbankadeild karla
í kvöld. Framherjinn Grétar Hjartarson er kominn með
leikheimild með Grindavík en hann mun hins vegar ekki
mæta fyrrverandi liðsfélögum sínum í KR vegna samninga
sem félögin tvö gerðu sín á milli þegar félagaskiptin gengu
í gegn. Grétar verður ekki heldur með Grindavík í viður-
eign liðanna í átta liða úrslitum VISA-bikarsins á fimmtu-
dag. Gabonski framherjinn Gilles Mbang Ondo
gæti hins vegar leikið með Grindavík eftir að hafa
fengið leikheimild. Framherjinn Jesper Sneholm
er að sama skapi kominn með leikheimild með
Þrótti.
FÓTBOLTI Fyrir leik FH og HK í gær voru FH-
ingar í 2. sætinu á meðan HK var á botninum.
Það breyttist ekki í gær því FH vann með
fjórum mörkum gegn engu og minnkaði því
forskot Keflavíkur í eitt stig. Leikur HK lofar
þó ágætu um framhaldið hjá þeim.
Leikmenn HK mættu grimmir til leiks og
ætluðu greinilega að láta fimleikastrákana
hafa fyrir hlutunum. FH var þó meira með
boltann og strax á 12. mínútu kom Tryggvi
Guðmundsson þeim yfir með góðu skoti úr
vítateignum.
Eftir markið var eins og leikmenn FH
slökuðu á því HK átti nokkrar álitlegar sóknir
og fékk tækifæri til að jafna leikinn sem ekki
nýttust því Gunnar Sigurðsson var þeim
erfiður í markinu.
Það var því gegn gangi leiksins þegar
Tommy Nielsen kom FH í 2-0 á síðustu mínútu
fyrri hálfleiks með skalla eftir sendingu
Tryggva Guðmundssonar
FH-ingar kláruðu svo leikinn strax í upphafi
síðari hálfleiks en þá kom Tryggvi Guðmunds-
son þeim í 3-0 eftir sendingu frá Atla Viðari
Björnssyni. Leikmenn HK héldu þó áfram
baráttu sinni og fengu færi til að minnka
muninn en Gunnar sá við þeim í markinu sem
fyrr.
Þegar líða fór á leikinn náðu leikmenn FH
betri tökum á leiknum og Atli Viðar Björnsson
skoraði fjórða mark Hafnfirðinga á 74. mínútu
og eftir það voru fimleikastrákarnir í hálfgerð-
um reitabolta. 4-0 sigur FH staðreynd, heldur
stórt miðað við gang leiksins, en það er alveg
ljóst að til að vinna fótboltaleik þarf að nýta
færin og það gerðu leikmenn HK ekki.
Heimir Guðjónsson, þjálfari FH, var
ánægður í leikslok.
,,Við vorum ekkert sérstakir í fyrri hálfleik
og smiðurinn Gunnar Sigurðsson hélt okkur
inni í leiknum. Í seinni hálfleik fannst mér við
svo vera töluvert sterkari og kláruðum þetta.
Við erum að spila okkar þriðja leik á átta
dögum og kannski sat smá þreyta í okkur. En
ég er ánægður með sigurinn og stigin þrjú
skipta máli,“ sagði Heimir og varðandi
framhaldið í deildinni bætti hann við:
,,Já það er ljóst að deildin er jöfn og það
virðist vera þannig að ef hugarfar manna er
ekki alveg rétt þá geta allir unnið alla. Við
erum þarna í toppbaráttunni, bara stigi á eftir
Keflavík þannig að það stefnir í jafna baráttu.“
Rúnar Páll Sigmundsson, þjálfari HK, var
hins vegar svekktur í leikslok.
,,Við fengum fullt af færum og vorum að
halda boltanum mjög vel og í raun langt frá því
að vera lakari aðilinn þrátt fyrir að hafa tapað
4-0. Við gáfumst aldrei upp og sýndum að við
getum sótt ágætlega. Aftur á móti náðum við
ekki að skora sem er ekki jákvætt. Hins vegar
var margt jákvætt í þessum leik og við ætlum
okkur að taka það með okkur í næstu leiki,“
sagði Rúnar Páll Sigmundsson, þjálfari HK, að
lokum. - sjj
FH-ingar héldu pressunni á Keflvíkinga í toppbaráttunni með stórsigri gegn HK sem vermir botnsætið áfram:
Stórsigur FH-inga gegn lánlausu liði HK
ÖFLUGUR Tryggvi Guðmundsson átti góðan leik gegn
HK og skoraði tvo af mörkum FH í gærkvöld.
FRÉTTABLAÐIÐ/STEFÁN
FÓTBOLTI Breiðablik gjörsigraði
ÍA, 6-1, í 12. umferð Landsbanka-
deildar karla í fótbolta í gærkvöld
á heimavelli sínum í Kópavogi.
Breiðablik hóf leikinn af mikl-
um krafti og náði forystunni strax
á 3. mínútu leiksins með marki
Nenad Zivanovic.
Fátt markvert gerðist þar til
Jóhann Berg Guðmundsson skor-
aði annað mark Breiðabliks á 21.
mínútu. Fjórum mínútum síðar
skoraði Zivanoic sitt annað mark
og áttunda mark á tímabilinu.
Fleiri mörk voru ekki skoruð í
fyrri hálfleik en Blikar hófu
markaveisluna á ný eftir að Ólaf-
ur Kristjánsson, þjálfari liðsins,
fór að hleypa varamönnum sínum
inn á. Magnús Páll Gunnarsson
skoraði á 68. mínútu eftir að hafa
verið þrjár mínútur inni á vellin-
um og bætti öðru marki við fimm
mínútum síðar.
Prince Rajcomar skoraði sjötta
mark Breiðabliks á 77. mínútu en
hann hafði þá verið þrjár mínútur
á vellinum líkt og Magnús þegar
hann skoraði fyrra mark sitt.
Skagamenn mölduðu í móinn með
marki á 82. mínútu þegar Þórður
Guðjónsson lagði upp mark fyrir
bróður sinn Björn Bergmann
Sigurðarson.
Eins og lokatölurnar gefa til
kynna voru yfirburðir heima-
manna miklir í leiknum. Blikar
voru betri á öllum sviðum fótbolt-
ans og þarf Guðjón Þórðarson að
kafa djúpt í reynslubankann til að
berja sjálfstrausti í sína menn en
ekkert í leiknum bendir til þess að
ÍA geti haldið sæti sínu í deild-
inni.
Sigur Breiðabliks er sá stærsti í
sögu félagsins í efstu deild og
bætti liðið met sitt frá árinu 1981
þegar liðið lagði Val, 5-1.
Marel Baldvinsson var einn af
mörgum leikmönnum Breiðabliks
sem fór mikinn í leiknum en Marel
lagði upp þrjú mörk liðsins og átti
einkar auðvelt með að vinna sér
svæði í framlínunni. „Þeir buðu
okkur í veislu. Það er ekki hægt að
segja annað. Við bjuggumst við
erfiðum leik þar sem þeir eru að
berjast fyrir sæti sínu í deildinni.
Við bjuggumst við þeim mikið
sterkari.“
„Við vorum tilbúnir í leikinn frá
fyrstu mínútu og gerðum þeim
erfitt fyrir. Þeir eru ekki með
mikið sjálfstraust og hafa verið í
erfiðu prógrammi, í útileik í Evr-
ópukeppni. Því var mikilvægt að
skora snemma eins og við gerum
og þeir hálfpartinn brotna við það
og við göngum á lagið. Lykilatriði
var að skora snemma. Við töluðum
um það fyrir leik að mæta grimmir
til leiks til að skora snemma til að
gera þetta auðveldara fyrir okkur
og það tókst.“
Blikar hafa nú sigrað fjóra leiki
í röð, þrjá þeirra í deildinni og
einn í bikar og eru komnir í fjórða
sæti deildarinnar. „Við erum á
góðu skriði eftir gott gengi og það
er mikið sjálfstraust í liðinu. Það
er gaman að spila þegar þetta er
þannig.“
„Það er ekki hægt að neita því
að það er stutt í toppinn en við
erum ekki að spá í því núna. Ef við
höldum áfram að taka stig þá verð-
um við í toppbaráttunni en við
þurfum að halda áfram að sýna
stöðugleika til að það sé raunhæft
að spá í því,“ sagði Marel sem
virðist óðfluga vera að nálgast sitt
besta form. -gmi
Skagamenn niðurlægðir af Blikum
Breiðablik vann stærsta sigur sinn í efstu deild karla frá upphafi þegar liðið valtaði yfir ÍA. Þetta var jafn-
framt stærst tap Skagamanna í efstu deild síðan árið 1976 en þá tapaði liðið einnig 6-1, fyrir Valsmönnum.
SÝNING Hinn ungi og efnilegi Jóhann Berg Guðmundsson fór á kostum í liði Breiða-
bliks í gær, ásamt reyndar öllum sóknarmönnum liðsins. Þetta var stærsti sigur í
sögu Breiðabliks í efstu deild. Skagamenn hafa að sama skapi ekki tapað svona stórt
í efstu deild síðan árið 1976. FRÉTTABLAÐIÐ/STEFÁN