Fréttablaðið - 24.07.2008, Blaðsíða 18

18 24. júlí 2008 FIMMTUDAGUR
hagur heimilanna
Kr
ón
ur
39
5
17
0
22
0
20
0
1999 2002 2005 2008
Útgjöldin
> Verð á DV í lausasölu á þriggja ára fresti frá árinu 1999.
HEIMILD: HAGSTOFA ÍSLANDS.
■ Hanna Björg Jónsdóttir, starfsmaður
hjá Sagafilm, kann að eyða vondri lykt.
„Mér finnst
gaffateip, grátt
strigalímband, vera
nauðsynlegt fyrir
heimilið,“ segir
Hanna Björg.
„Þegar eitthvað
bilar, brotnar eða
lekur þá kemur
gaffateipið til
bjargar. Það heldur nánast öllu
saman.“ Hanna Björg segist nýverið
hafa uppgötvað Air Sponge Odor
Absorber. „Svampurinn fæst á
flestum bensínstöðvum og dregur í
sig matarlykt, reykingalykt, fúkkalykt
og hvaðeina.“
GÓÐ HÚSRÁÐ
GAFFATEIP REDDAR ÖLLU
„Verstu kaup sem ég hef gert voru skór sem
ég keypti mér þegar ég útskrifaðist úr
Leiklistarskólanum. Þeir voru svo
óþægilegir að ég var farin úr þeim
eftir tvo tíma,“ segir Elma Lísa.
Skórnir góðu kostuðu um þrjátíu
þúsund krónur en Elma segist
aldrei hafa notað þá aftur.
Eins og svo margir hefur Elma
orðið tískunni að bráð. „Ég
keypti mér rándýra Buff-
alóskó þegar þeir voru í
tísku.“ segir hún. „Þeir
voru svartir, með þykk-
ustu gerð af sólum og
eiginlega stórhættuleg-
ir. Ég hefði auðveldlega
getað fótbrotnað.“ Elma
bætir því við að henni
hafi reyndar þótt gaman að því hve hávaxin
hún varð í skónum en segir að þetta hafi
verið í síðasta sinn sem hún hafi keypt sér
eitthvað af því að það var í tísku.
Elma sækir mikið af mörkuðum. „Ég
keypti mér níðþunga styttu af Jesú á
markaði í Barcelona sem ég er mjög
ánægð með.“ Elma er dugleg við að
halda markaði og sá um Sirkus-mark-
aðinn. „Ég ætla að halda markað í FIL-
húsinu um helgina,“ segir hún. „Með
því að selja fötin mín á mörkuðum
réttlæti ég það að kaupa mér
þau og þá líður veskinu mínu
mun betur. Ég mæli hiklaust
með því að fólk sæki markaði
og skoði sig um. Þar hef ég gert
mín bestu kaup.“
NEYTANDINN: ELMA LÍSA GUNNARSDÓTTIR LEIKKONA
Gerir bestu kaupin á mörkuðum
Það er hægt að spara dágóðan
skilding ef valin eru samheitalyf í
stað frumlyfja þegar farið er í
apótekið. Samheitalyf eru lyf sem
hafa sama virka efni og frumlyf-
in og eiga því að virka alveg eins.
Í reglugerð um afgreiðslu lyfja
segir:
„Lyfjafræðingi er skylt að upp-
lýsa sjúkling um val milli sam-
svarandi samheitalyfja sé ávísað
á slík lyf og verðmunur er meiri
en fimm prósent frá verði
ódýrustu samheitalyfja í viðmið-
unarverðskrá.“ Magnús Stein-
þórsson, framkvæmdastjóri
Lyfjavers, segir að fólk velji oft
frumlyf í stað samheitalyfja þrátt
fyrir að þau síðarnefndu séu oft
ódýrari.
„Sumir vilja fylgja því sem
læknirinn segir eða er einfald-
lega íhaldssamt,“ segir Magnús.
„Þetta virðist þó vera að ganga
ágætlega, fólk er almennt hlynnt
samheitalyfjunum og til eru
dæmi þess að samheitalyf hafi
tekið algerlega yfir markaðinn.“
Magnús segir þó að ódýrustu lyfj-
unum sé ekki nærri alltaf ávísað.
„Stundum reikna læknar með
því að apótekin sjái um að upp-
lýsa fólk um samheitalyf en svo
vilja sjúklingar kannski ekki
hvika frá tilvísun læknisins.“
- hþj
Það getur munað dýrmætum krónum að velja samheitalyf
Hafa sömu virkni og frumlyf
MÖRG LYF EIGA SÉR SAMHEITALYF Oft
treystir fólk eingöngu á lækna og kaupir
mun dýrari lyf en nauðsynlegt er.
FRÉTTABLAÐIÐ/VALGARÐUR
Óánægður Akureyringur skrif-
ar: Greifinn á Akureyri er merki-
legt veitingahús sem allir sem
koma til Akureyrar verða að
koma við á. Það sem er aðallega
merkilegt við þetta fornfræga
veitingahús er þó verðlagið á
matseðlinum. Jú jú, það kostar
að fara út að borða og ég veit um
staði slakari að gæðum sem
rukka svipað mikið fyrir einn
sveittan hammara en þegar veit-
ingahús rukkar 110 kr. fyrir smá
tómatsósudrull er mér nóg
boðið.
„Þetta hefur alltaf verið svona
hjá okkur,“ segir Arin-
björn Þórarinsson, fram-
kvæmdastjóri Greifans.
„Það fylgir samt kokkteil-
sósa með öllum skömmtum af
frönskum og ef fólk vill frekar
tómatsósu þá er ekkert mál að
skipta. Þessi verðlagning á því
bara við ef fólk vill tómatsósu á
pitsuna sína eða vill meira en
þessa einu skál sem fylgir
frönskunum.“
GREIFINN Á AKUREYRI Tómatsósan á
110 kall.
Sendið umboðsmanni neytenda ábendingar eða
sparnaðarráð á neytendur@frettabladid.is
DR. GUNNI neytendur@frettabladid.is
Glænýr viltur lax
Úrval fi skrétta á grillið
Óbreytt fi skverð frá áramótum
Þegar farið er í ferðalag
um verslunarmannahelgina
eru ekki allir í þeim hug-
leiðingum að fara í kostn-
aðarsamt ferðalag með
tjaldvagn, ferðaklósett og
gasgrill í eftirdragi. Sumir
vilja aðeins taka með sér
ítrustu nauðsynjar eins og
svefnpoka og tjald til þess
að geta hallað höfði yfir
blánóttina. Fréttablaðið
skoðaði verðið á hóflegum
útilegubúnaði á nokkrum
sölustöðum.
Í Intersport er hægt að fá bæði
svefnpoka og tjöld. Þar kosta góðir
heilsárspokar 19.900 en einnig er
hægt að fá skálapoka á 23.990.
Ódýrustu pokarnir í sumar kosta
aðeins 6.990 og eru, að sögn starfs-
manns Intersports, „fínustu sum-
arpokar“.
Tjöldin í versluninni eru á verð-
inu 9.990 til 29.990 en að auki er
veittur 40 prósenta afsláttur. Tjöld-
in eru af mismunandi stærðum og
gerðum en í þeim stærstu getur
fólk staðið upprétt. Útilegupakk-
inn hjá Intersport kostar frá
tæpum tíu þúsund krónum upp í
rúmlega fimmtíu þúsund krónur.
Rúmfatalagerinn býður upp á
úrval tjalda á lágu verði, allt niður
í 1.490 krónur. Eigi tjaldið að vera
með himni kostar það þó í besta
falli 2.990 krónur. Dýrustu tjöldin
fara upp í 30 þúsund krónur. Svefn-
pokarnir kosta frá 990 krónum upp
í fimm þúsund krónur. Nauðsyn-
legur útilegubúnaður frá Rúmfata-
lagernum þarf því ekki að kosta
meira en tvö þúsund og fimm
hundruð krónur en verðið getur þó
farið allt að 40 þúsundum.
Í Byko stendur yfir útsala en þar
kosta ódýrustu tjöldin 1.690 krónur
en þau dýrustu eru á 9.990 krónur.
Verðinu á svefnpokum er sömu-
leiðis stillt í hóf. Þeir kosta frá
1.724 krónum upp í 2.990 krónur.
Heildarverðið hjá Byko fer því
ekki undir þrjú þúsund krónur og
ekki yfir fimmtán þúsund krónur.
Hjá Húsasmiðjunni er verðlagið
aðeins dreifðara. Þar má fá tjöld
frá 3.990 krónum og upp í 49.990
krónur. Þau minnstu eru þriggja
manna en þau stærstu sex manna
með rúmu fortjaldi. Svefnpokar
kosta í kringum 3.500 krónur. Úti-
legupakki frá Húsasmiðjunni getur
því kostað frá tæplega tíu þúsund-
um og yfir fimmtíu þúsund krón-
ur.
Ljóst er að Rúmfatalagerinn
býður bestu kjörin af verslununum
fjórum. Engu að síður fær Rúm-
fatalagerinn ágæta samkeppni frá
hinum verslununum. Ef litlu sem
engu á að eyða eru þeir þó fremstir
í flokki. helgath@frettabladid.is
Að tjalda til einnar næt-
ur þarf ekki að vera dýrt
TJALDAÐ Í GÓÐVIÐRI Það er mun ódýrara að kaupa sér tjald og tilheyrandi búnað en stóran tjaldvagn eða fellihýsi. Að sofa í tjaldi
er kostur sem margir kjósa enn þá.
Í dag hefst samstarf Nóatúns og
garðyrkjubænda sem nefnist Beint
frá bónda. Tilgangur þess er að
koma vöru bændanna fyrr í verslanir
og gera neytendum þannig kleift að
njóta þeirra fyrr. Bændurnir keyra
vöruna í flestum tilfellum í verslanir
daginn eftir að varan hefur verið
tekin upp. Þeir bændur sem urðu
fyrir valinu hafa verið í fararbroddi
íslenskra grænmetisbænda undan-
farin ár.
■ Verslun
Grænmeti og ávextir koma fyrr í verslanir
Reglur sem Neytendastofa setti
nýverið um verðmerkingar og aðrar
verðupplýsingar hafa tekið gildi. Þá
falla úr gildi eldri reglur.
Nýju reglurnar fela ekki í sér
miklar breytingar heldur voru eldri
reglur sameinaðar og einfaldaðar.
Með þeim vill Neytendastofa „auka
skýrleika og aðgengi að reglum um
verðmerkingar óháð starfsgreinum“.
Neytendastofa er eina stofnunin
sem tengist neytendamálum sem hefur heimild til þess að sekta þau fyrirtæki
sem ekki fara að settum reglum.
Reglurnar eru auðlesnar og má nálgast á heimasíðunni Neytendastofa.is.
■ Neytendaréttur
Ný reglugerð um verðmerkingar tekur gildi
Veitingastaðurinn Greifinn á Akureyri:
Tómatsósan seld