Fréttablaðið - 24.07.2008, Blaðsíða 29

[ ]
Friðsæl vera í
náttúrunni
KAJAKFERÐIR EHF. BJÓÐA UPP Á
NÝSTÁRLEGAN MÖGULEIKA TIL
NÁTTÚRUSKOÐUNAR.
Tilvalið er á sumrin að fara á
kajak og skoða náttúruna frá öðru
sjónarhorni.
Kajakferðir ehf. bjóða upp á
skemmtilegar ferðir sem vert er að
skoða. Róið er á kajökum um hin
sérkennilegu lón einnar fallegustu
fjöru sem er á Íslandi og vatna-
svæðið vestan byggðarinnar á
Stokkseyri.
Kajaksiglingar eru sérstaklega
friðsæl afþreying, reynsla sem
ekki mun gleymast. Mikil áhersla
er lögð á öryggisþáttinn og nota
Kajakferðir ehf. „Sit-on-top“ kajaka,
sem eru öruggustu kajakarnir sem
völ er á.
Allar nánari upplýsingar fást á
heimasíðunni www.kajak.is -stp
Kajakferðir ættu allir að leyfa sér að
prófa. MYND/VILHELM
Regnhlífar eru nauðsynlegar á sumrin þótt stundum geti vindurinn
strítt þeim lítið eitt. Það er þó gaman að reyna að berjast í íslensku
rigningunni og rokinu við að bera flotta regnhlíf.
Í næstu fimmtudagsgöngu
þjóðgarðsins á Þingvöllum
ætlar Árni Björnsson að leiða
gesti um gamla aftökustaði.
Í göngunni ætlar Árni Björnsson
þjóðháttafræðingur að fjalla um
refsingar og aftökur á hinum forna
þingstað. Árni mun leiða gesti um
gamla aftökustaði eins og Högg-
stokkseyri, Brennugjá og Gálga.
Gangan hefst í Fræðslumiðstöð-
inni á Hakinu klukkan átta að
kvöldi og tekur hún ríflega tvær
klukkustundir. - hs
Boðið er upp á fimmtudagsgöngur á
Þingvöllum í sumar. FRÉTTABLAÐIÐ/GVA
Almenningi gefst kostur á að
skoða menjar sem fundist hafa
í Vatnsfirði við Djúp laugar-
daginn næstkomandi.
Opinn dagur verður haldinn í Vatns-
firði við Djúp laugardaginn næst-
komandi, hinn 26. júlí. Þar býðst
gestum að skoða minjastaðinn undir
leiðsögn fornleifafræðinga.
Minjastaðurinn er merkilegur
fyrir margra sakir. Frá 10. öld fram
yfir siðaskipti var Vatnsfjörður við
Ísafjarðardjúp stórbýli og höfð-
ingjasetur. Á söguöld bjuggu fræg-
ir höfðingjar á bænum og á sturl-
ungaöld var hann valdamiðstöð
Vatnsfirðinga, einnar voldugustu
ættar landsins á þeim tíma.
Fornleifarannsóknir hafa staðið
yfir í Vatnsfirði síðastliðin fimm ár,
bæði uppgröftur og fornleifaskrán-
ing. Í ljós hafa komið mannvistar-
leifar allt frá landnámstíma, til
dæmis hafa skáli, smiðja og önnur
smáhýsi frá víkingatíma verið graf-
in upp. Enn fremur er hafin rann-
sókn á yngstu minjum staðarins,
fornleifum frá 20. öld.
Á opna deginum á laugardaginn
eru allir velkomnir og aðgangur
ókeypis. - mþþ
Fornleifar til sýnis
Námsmenn frá Háskólanum í Manitoba
sem dvöldu við Háskólasetur Vestfjarða
fræddust um fornleifarannsóknirnar í
Vatnsfirði á dögunum.
MYND/INGI BJÖRN GUÐNASON
Á aftökuslóðum
Skeifunni 11 • 108 Reykjavík • Sími: 517-6460 • Fax: 517-6465
www.belladonna.is
30-50% afsláttur
Tilboðsslár
990 kr.
1990 kr.
2990 kr.
Meðan útsalan er verður einnig 20% afsláttur af;
stígvélum, skóm, undirfatnaði,
sundfatnaði, slæðum og skarti.