Fréttablaðið - 24.07.2008, Blaðsíða 56

36 24. júlí 2008 FIMMTUDAGUR
bio@frettabladid.is
Að minnsta kosti fjórar íslenskar myndir
verða frumsýndar fyrir jól ef allt gengur
samkvæmt áætlun. Fyrst á dagskrá er
gamanmyndin Skrapp út eftir Sólveigu
Anspach, sem endurtekur leikinn síðan í
myndinni Stormy Weather og fær Diddu
til að leika aðalhlutverkið í mynd sinni.
Didda leikur skáldið og hasssalann Önnu
sem ákveður að selja „reksturinn“, far-
síma með nöfnum og símanúmerum kúnn-
anna. Meðan á kostulegu söluferlinu stend-
ur fyllist íbúðin hennar af kúnnum – fólki
eins og Krumma, Óttarri Proppé og Frikka
pönk sem bíða spenntir eftir næsta
skammti.
Sveitabrúðkaup, gamanmynd sem Val-
dís Óskarsdóttir leikstýrir, verður frum-
sýnd í lok sumars. Þetta er fyrsta myndin
sem Valdís leikstýrir en hún hefur getið
sér gott orð sem klippari síðustu árin. Par
ákveður að giftast í kirkju úti á landi, en
flest fer á annan veg en áætlað var.
Gamanspennumyndin Reykjavík-
Rotterdam verður frumsýnd 19. septemb-
er. Þetta er fyrsta bíómynd Óskars Jónas-
sonar síðan hann leikstýrði Perlum og
svínum árið 1997, en hann hefur vitaskuld
haldið sér við efnið í sjónvarpinu. Hann
skrifaði handritið með Arnaldi Indriðasyni
og Baltasar Kormákur og Ingvar E. Sig-
urðsson leika aðalhlutverkin.
Fjórða íslenska myndin fyrir jól er svo
Queen Raquela, mynd Ólafs Jóhannesson-
ar um filippseyska kynskiptinginn Raqu-
ela. Myndinni hefur gengið vel á kvik-
myndahátíðum erlendis og vakið umtal.
Ný hætta steðjar að Leðurblöku-
manninum og heimaborg hans Got-
ham þegar geðsjúkur stórglæpa-
maður, sem kallaður er Jókerinn,
er ráðinn af mafíunni til að drepa
hann. Ringulreið færist smám
saman yfir borgina þegar borgar-
starfsmenn eru myrtir til að egna
Batman úr felum, sem ógnar meðal
annars lífi hins nýskipaða ríkis-
saksóknara, Harvey Dent, sem
Blaki vonast til að taki við honum
sem löghlýðinn baráttumaður gegn
glæpum.
Með Batman Begins frá 2005
blés leikstjórinn Christopher
Nolan sannarlega nýju lífi í víð-
fræga persónu, sem hafði legið í
dvala síðan 1997 í Joel Schuma-
cher-stórslysinu Batman & Robin.
Batman Begins tók fyrir uppruna
hetjunnar á alvarlega, dökka vegu
og ljóst að Nolan var að gera raun-
særri nálgun á Leðurblökumann-
inn en áður þekktist. Útkoman var
frábær og bálkurinn var kominn á
rétt skrið, en hápunkturinn hafði
að sjálfsögðu verið Tim Burton-
myndirnar tvær.
Framhald Batman Begins er nú
loks komið og óhætt er að segja að
hennar hefur verið beðið með mik-
illi eftirvæntingu. Fréttir í vetur
af andláti Heaths Ledger, sem
tekur við af Jack Nicholson sem
Jókerinn brosmildi, juku enn á
umtalið. Þetta er síðasta heild-
stæða leikframmistaða hans og
líklegt Óskarsverðlaunaefni. Það
er sjaldgæft að myndir standist
himinháar væntingar en The Dark
Knight tekst það, og fer í raun
gjörsamlega fram úr þeim.
Myndin er mikil framför frá
Batman Begins en nú þegar kynn-
ingunni á upphafi Batmans er
lokið, er hægt að einblína algjör-
lega á baráttu hans við illþýði Got-
ham-borgar. Christopher Nolan
gerir ýmsar áherslubreytingar og
þá helst með að stækka umsvif
myndarinnar umtalsvert, svo úr
verður helst til mikilfenglegt,
epískt og drungalegt glæpadrama.
Michael Mann-meistaraverkið
Heat er mikill áhrifavaldur og sér-
staklega í hasaratriðum myndar-
innar, en Nolan hefur batnað mjög
við gerð þeirra og er orðinn mjög
öflugur.
En myndin er ætíð upp á sitt
besta þegar Ledger kemur á tjald-
ið sem Jókerinn brosmildi. Ledger
er hreint ótrúlegur í hlutverkinu,
gefur því raunverulegri nálgun
sem stangast á við ýkta útgáfu
Nicholsons, og leikur mann sem er
algjörlega siðblindur og snarbilað-
ur. Persónan er einnig snilldarlega
skrifuð, algjörlega óútreiknanleg-
ur stjórnleysingi sem notfærir sér
siðferði annarra. Þetta er eitt
magnaðasta illmenni í manna
minnum og Ledger á vel mögu-
leika á Óskari frænda.
Christian Bale fer á ný með hlut-
verk Batmans og gerir það frá-
bærlega sem fyrr. Hetjan myrka
þarf að takast á við öflugri illsku
en hann er vanur og í leiðinni að
endurskoða hlutverk sitt sem
handbendi réttlætis og fyrirmynd
í samfélaginu. Aaron Eckhart, úr
Thank You For Smoking, leikur
Harvey Dent og stelur oft senunni
fyrir það hversu magnaður hann
er; sá hinn sami verður á endanum
illmennið Tvífés, með viðurstyggi-
legum afleiðingum. Maggie
Gyllenhaal tekur við af Katie Hol-
mes sem Rachel Dawes, sem er í
tygjum við bæði Bruce Wayne og
Dent. Michael Caine og Morgan
Freeman standa fyrir sínu sem
reynsluboltarnir í hópnum.
Annars er það um handrit þeirra
Christophers og Jonathans Nolan,
bróður hans, að segja að það er
mjög viðamikið og kemur mörgum
persónum fyrir á jafnan hátt. Það
er sneisafullt af miklum drunga,
erfiðum siðferðisspurningum og
oft niðurdrepandi framvindu. Það
gerir myndina oft mjög þunga sem
gæti reynst helsti löstur myndar-
innar fyrir suma. Tónlistin er ótrú-
lega góð og sérstaklega þegar
Jókerinn á í hlut. Wally Pfister á
einnig hrós skilið fyrir kvikmynda-
töku sína, útlitið er mjög bláleitt
líkt og í Heat.
The Dark Knight markar ákveð-
in tímamót í ofurhetju- og mynda-
sögumyndum en þær hafa ávallt
haft ákveðin einfeldningsleg tak-
mörk. Nú er komin mynd sem
byggir á þess konar efni en stend-
ur á eigin fótum hvað varðar til-
þrif í kvikmyndagerð, og setur
algjörlega nýtt fordæmi um hvað
hægt er að gera ef metnaðurinn er
fyrir hendi. Þetta er besta Batman-
myndin, besta myndasögumyndin
og jafnframt ein besta mynd árs-
ins, og mun án efa opna margar
dyr fyrir ofurhetjumyndir í fram-
tíðinni.
Loftur Ingi Bjarnason - Topp5.is
Besta Batman-myndin
KVIKMYNDIR
The Dark Knight
Leikstjóri: Christopher Nolan.
Aðal hlutverk: Christian Bale,
Heath Ledger, Aaron Eckhart,
Maggie Gyllenhaal, Michael
Caine, Morgan Freeman.
★★★★★
Mikil framför frá Batman Begins.
Raunar besta Batman-myndin frá
upphafi og ein af myndum ársins.
MYRKA HETJAN Batman berst sem fyrr
gegn glæpamönnum í Gotham-borg.
BATMAN GEGN JÓKERNUM Batman fær verðugan andstæðing í Jókernum. Christian
Bale leikur Batman öðru sinni og Heath Ledger þykir fara á kostum í hlutverki Jókersins.
HASSSALINN ANNA MEÐ GÆS SEM ER MIKILL
ÁHRIFAVALDUR Í SÖGUNNI Didda skreppur út og
íbúðin hennar fyllist af hasshausum á meðan.
Fjórar íslenskar myndir fyrir jól
Í þessari viku koma tvær nýjar
myndir í bíó, nýja Batman-myndin
The Dark Knight og spennuhroll-
vekjan The Strangers. Nýja Bat-
man-myndin hefur fengið frábæra
dóma og enn einn dómurinn bæt-
ist í sarpinn hér við hliðina. Mynd-
in þykir færa ofurhetjumyndirnar
á nýtt plan.
Hin myndin sem er frumsýnd í
þessari viku er The Strangers,
spennuhryllingsmynd sem gerist
að mestu í einangruðum sumarbú-
stað. Ungt par (leikið af Liv Tyler
og Scott Speedman) fer í bústað og
fyrr en varir verður það fyrir
hatrömmum árásum dularfullra
fyrirbæra sem virðast eiga eitt-
hvað sökótt við þau. Leikstjóri og
höfundur handrits er Bryan Bert-
ino og er þetta hans fyrsta mynd.
Hún hefur fengið frekar lélega
dóma.
Nýtt í bíó:
Blaka og bústaðarógn
DULARFULLIR ÁRÁSARMENN herja á
parið í myndinni The Strangers.
THE DARK KNIGHT
Rotten Tomatoes: 95/100
Imdb: 9,5/10
Metacritic: 82/100
THE STRANGERS
Rotten Tomatoes: 41/100
Imdb: 6,8/10
Metacritic: 47/100
> INGVAR ALLS STAÐAR
Ingvar E. Sigurðsson þarf ekki að
kvarta yfir aðgerðaleysi. Varla er
gerð sú íslensk bíómynd að hann
sé ekki í henni. Það sem eftir
lifir árs á Ingvar eftir að sjást
í að minnsta kosti þrem-
ur myndum. Hann leik-
ur prestinn í Sveitabrúð-
kaupi, Steingrím í Skrapp
út og fer með aðalhlut-
verkið í Reykjavík-Rotter-
dam ásamt Baltasar. Geri
aðrir betur!