Fréttablaðið - 27.07.2008, Blaðsíða 56
24 27. júlí 2008 SUNNUDAGUR
sport@frettabladid.is
12. umferðin hófst með fjörugum leik toppliðs
Keflavíkur og Íslandsmeistara Vals. Leikurinn var
hraður, skemmtanagildið mikið og bæði liðin
sóttu til sigurs, en 1-1 jafntefli varð niðurstaðan.
FH-ingar nýttu tækifærið til þess að brúa bilið
í toppbaráttunni með 4-0 sigri gegn botnliði HK
sem fór illa að ráði sínu í leiknum og misnotaði
fjölda góðra marktækifæra.
Botnbaráttulið ÍA lenti reyndar í talsvert verri
málum og tapaði 6-1 gegn sprækum Blikum.
Guðjón Þórðarson var rekinn í kjölfarið og
Arnar og Bjarki Gunnlaugssynir tóku við
stjórnartaumnum upp á Skaga.
Framarar virðast hafa gott tak á
Fylkismönnum í sumar og unnu
þá 3-0 á Laugardalsvelli en fyrri
leikur liðanna fór einmitt 0-3
á Árbæjarvelli.
Það var mikið fjör á
Grafarvogsvelli þar
sem Þróttur fór að lokum með 3-4 sigur af hólmi
gegn Fjölni eftir að hafa lent tvisvar undir, í stöð-
unni 2-1 og 3-2, þá einum leikmanni færri.
Grindavík vann loksins sinn fyrsta heimasigur
í sumar, 2-1, þegar KR kom í heimsókn en liðið
hefur unnið fjóra útisigra. KR var að tapa sínum
öðrum leik í röð.
12. UMFERÐ LANDSBANKADEILDAR KARLA: GUÐJÓN ÞÓRÐARSON REKINN FRÁ ÍA
Bjarga tvíburarnir ÍA á nýjan leik?
TÖLURNAR TALA
Flest skot: 22, KR
Flest skot á mark: 10, KR
Fæst skot: 2, Fylkir
Hæsta meðaleink.: 7,08 Breiðab.
Lægsta meðaleink.: 2,92 ÍA
Grófasta liðið: 20 brot, Keflavík
Prúðasta liðið: 6 brot, HK
Flestir áhorf.: Valur-Kefl., 1.353
Fæstir áhorf.: Fram-Fylkir, 512
Áhorfendur alls: 5.470
> Besti dómarinn: Jóhannes
Valgeirsson fékk hæstu einkunn
hjá Fréttablaðinu fyrir 12. umferð
eða 8. En aðrir dómarar fengu 7 í
einkunn fyrir leiki sína. Jóhannes
dæmdi leik Breiðabliks og ÍA á
Kópavogsvellinu.
Zoran Stamenic
Jóhann Berg Guð-
mundsson (4)
Hallgrímur
Jónasson (2)
Marel
BaldvinssonTryggvi
Guðmundsson (4)
Paul
McShane (2)
Reynir Leósson
Sigmundur
Kristjánsson
Scott Ramsay
(6)
Gunnar Sigurðsson
Hólmar Örn
Rúnarsson (5)
>Atvik umferðarinnar
Guðjón Þórðarson fékk að taka pokann sinn hjá ÍA eftir
brösugt gengi Skagaliðsins í sumar. ÍA jafnaði félagsmet
sitt yfir stærsta tap í efstu deild þegar liðið tapaði gegn
Breiðabliki 6-1 á Kópavogsvelli.
>Ummæli umferðarinnar
„Ég var mjög heppinn í markinu
því boltinn fór í varnarmann. Við
vorum líka heppnir að fá þrjú stig
en við erum mjög ánægðir með að
fá loksins þrjú stig á heimavelli. Við
þiggjum alltaf þrjú stig þótt við höfum
ekki leikið sérstaklega vel,“ sagði hetja
Grindvíkinga, Scott Ramsay.
FÓTBOLTI Marel gekk ekki heill til
skógar í upphafi móts þar sem
hann átti við meiðsli að stríða á
undirbúningstímabilinu en fram-
herjinn er óðum að komast í sitt
gamla form. Marel fór mikinn
gegn ÍA í 12. umferð og lagði upp
þrjú af sex mörkum Blikanna í
leiknum.
„ÍA er búið að vera að strögla en
það var ekkert í spilunum sem
benti til þess að við myndum rúlla
þeim eitthvað upp, eins og raunin
síðan varð. Ég neita því ekki að
það var gaman að spila þennan
leik, þar sem allt liðið átti góðan
dag og við gáfum Skagamönnum
ekki neitt í leiknum,“ segir Marel
sem fagnar nýtilkomnum stöðug-
leika í Blikaliðinu.
„Við erum á góðu róli eins og er
og virðumst vera komnir með smá
stöðugleika í okkar leik og þetta
lítur betur út núna en nokkurn
tímann áður, alla vega síðan ég
man eftir mér hjá Blikum. Það
heldur vonandi áfram og ég trúi
ekki að menn séu orðnir sáttir og
vilji ekki meira, eftir að hafa unnið
nokkra leiki í röð,“ segir Marel.
Ekki spurt um aldur
Marel tekur undir með blaða-
manni um að þjálfarinn Ólafur H.
Kristjánsson sé búinn að finna
skemmtilega blöndu af eldri og
yngri leikmönnum hjá Breiðabliki
sem nái vel saman, en telur þó að
aldurinn sé algjört aukaatriði í því
samhengi.
„Í fyrsta lagi er mikil fótbolta-
leg geta til staðar hjá leikmönnum
liðsins og hún er undirstaða þessa
góða árangurs undanfarið. Þar er
ekki spurt að aldri eða frá hvaða
landi menn koma,“ segir Marel
sem kvaðst þó vissulega vera
ánægður með þá ungu leikmenn
liðsins sem hafa virkilega stigið
fram í sumar.
„Það er náttúrulega frábært að
sjá alla þessa ungu stráka stimpla
sig inn í Blikaliðið og Landsbanka-
deildina eins og þeir hafa gert og
við eigum enn helling af ungum
strákum á lager, sem hafa burði til
þess að gera svipaða hluti. Það er
nóg af efnivið og það er gaman að
fylgjast með því,“ segir Marel
sem er einn reyndasti leikmaður
liðsins þrátt fyrir að vera tæplega
28 ára gamall.
„Jú, ég er orðinn gamli karlinn í
liðinu. En það hjálpar vissulega til
að hafa einn töluvert eldri, einn
eldgamlan,“ segir Marel og átti
þar við reynsluboltann Arnar
Grétarsson.
Óli sáttur með mottuna
„Það er frábær mórall í liðinu og
leikmenn liðsins eru góðir félagar
og ná vel saman og það hjálpar
auðvitað til. Síðan hafa leikmenn
og þjálfarar verið duglegir að
heita á leiki liðsins,“ segir Marel.
„Gott gengi undanfarið hefur
haft það í för með sér að þjálfararn-
ir hafa þurft að fara í sjósund í
Nauthólsvík og Óli þjálfari er
búinn að þurfa að safna í myndar-
legt yfirvaraskegg. Það er bara
verst hvað Óli er ánægður með
mottuna og hann baðar sig í þessu
alsæll og ég held að við þurfum að
finna eitthvað nýtt fyrir hann.“
Blikar mæta næst Þrótti í deild-
inni en liðið hefur nú unnið fimm
leiki í röð í deild og bikar. Blikar
gerðu 0-0 jafntefli við Þrótt í fyrri
umferðinni og Þróttur er eina liðið
í Landsbankadeild karla sem Blik-
ar hafa ekki náð að skora hjá á
þessu tímabili. omar@frettabladid.is
Eigum helling af strákum á lager
Breiðablik sýndi allar sínar bestu hliðar þegar liðið skellti ÍA, 6-1, á Kópavogsvelli í Landsbankadeildinni á
dögunum. Blikinn Marel Baldvinsson stjórnaði sýningunni og er maður 12. umferðar hjá Fréttablaðinu.
Á FLUGI Marel hefur leikið frábærlega
fyrir Blikana upp á síðkastið og er óðum
að nálgast sitt gamla form.
FRÉTTABLAÐIÐ/STEFÁN
FÓTBOLTI FH-ingar sækja Skaga-
menn heim í Landsbankadeild
karla og geta með sigri náð
toppsætinu af Keflavík, allavega
tímabundið.
„Það eru alltaf baráttuleikir á
Skaganum og ég á ekki von á því
að það verði einhver breyting á
því. Þegar það er skipt um
þjálfara þá hugsa menn með sér
að það geti allir sannað sig fyrir
nýjum þjálfara og þá kemur oft
nýtt blóð í þetta. Þetta verður því
erfiður leikur,“ segir Heimir
Guðjónsson, þjálfari FH, sem er í
nokkuð sérstakri stöðu því
þjálfarar andstæðinga liðsins í
dag, ÍA, ættu að þekkja öll
leyndarmálin eftir að hafa setið
alla taktíkfundi liðsins í sumar.
„Þeir vita alveg hvernig þetta
er lagt upp en úrslitin hafa aldrei
ráðist á töflum heldur á framlagi
leikmanna inni á vellinum,“ segir
Heimir sem býst við breytingum
hjá Skagamönnum frá því í
síðustu leikjum.
„Það verða örugglega áherslu-
breytingar. Þeir eru búnir að boða
sóknarbolta og við spilum
sóknarbolta líka þannig að þetta
getur ekki orðið annað en góður
leikur,“ segir Heimir. - óój
Heimir Guðjónsson hjá FH:
Úrslitin ráðast
ekki á töflum
SÓKNARBOLTI Heimir Guðjónsson,
þjálfari FH-liðsins, býst við góðum leik á
Skaganum í kvöld. FRÉTTABLAÐIÐ/STEFÁN
FÓTBOLTI Akurnesingar fjölmenna
væntanlega á Jaðarsbakka í kvöld
þegar Skagamenn taka á móti FH í
Landsbankadeildinni. Tvíburarnir
Arnar og Bjarki Gunnlaugssynir
eru komnir heim og stjórna sínum
fyrsta leik. Þeir fá verðugt verk-
efni, að reyna að snúa við slæmu
gengi Skagaliðsins.
Skagamenn hafa tapað fjórum leikj-
um í röð, hafa aðeins náð í þrjú stig
og skorað fjögur mörk í síðustu sjö
deildarleikjum og unnu síðast 20.
maí eða fyrir rúmum tveimur mán-
uðum.
„Ég get ekki séð annað en að menn
hlakki bara til,“ segir Arnar og segir
að þeim bræðrum hafi tekist að rífa
menn upp eftir stórtapið á móti
Blikum.
„Mér sýnist það að menn séu ekki
að dvelja í fortíðinni. Þetta hefur
verið fín vika, við höfum fengið
fjórar æfingar og þær hafa farið í
það að stilla ýmsa hluti. Það verða
breytingar aðallega á leikstíl en við
breytum eitthvað liðinu. Það er nátt-
úrlega sami kjarni fyrir í liðinu og
við ætlum ekki að skipta um allt
liðið,“ segir Arnar.
„Við ættum að þekkja FH manna
best en þeir eru með hörku lið. Það
eru ekki margir veikleikar í því liði.
Svona gott lið eins og FH kann þetta
bara, að aðlagast bara leiknum,“
segir Arnar aðsurður hvort hann og
Bjarki þekki ekki leikstíl og áhersl-
ur FH-liðsins út og inn.
Allt í einu verða mikil fagnaðar-
læti í kringum Arnar. „Ég er hérna
uppi á Skaga og annar flokkurinn er
að spila og þeir voru að skora. Þetta
er allt á uppleið,“ segir Arnar í létt-
um tón en þeir bræður hafa látið
það koma vel fram að þeir ætli að
gefa ungum strákum tækifæri.
„Bæjarbúar og stemning í bænum
er þannig að það kunna allir vel að
meta að sjá ungu strákana spila,“
segir Arnar og bætir við: „Ég held
að það verði vel mætt á leikinn því
það er nú alltaf þannig að þegar nýir
menn koma inn þá kemur auka
bjartsýni með. Menn upplifa þetta
aðeins eins og nýtt tímabil sé að
byrja og þannig á þetta líka að
vera,“ segir Arnar.
„Við höfum oft séð þetta á okkar
ferli að það taka nýir menn við og
það kemur smá innspýting en það
má ekki duga bara fyrstu fimm mín-
úturnar í leiknum því það verður að
duga allt tímabilið,“ segir Arnar.
Hann segir að þá sé bara gott að
fá svona sterkt lið í fyrsta leik.
„Ég held að það sé bara betra að
mæta FH í fyrsta leik í staðinn fyrir
að mæta einhverju liði sem er ekki
eins spennandi. Ef menn ná ekki að
stemma sig upp fyrir svona leiki þá
væri lítið sem við, Marcelo Lippi
eða Alex Ferguson gætum gert,“
segir Arnar og það er greinilegt á
öllu að hann og Bjarki ætla að nýta
sér meðbyrinn frá fyrsta leik.
Leikur ÍA og FH hefst klukkan
19.15 á Akranesvelli.
- óój
Arnar og Bjarki Gunnlaugssynir stjórna sínum fyrsta leik í kvöld þegar ÍA mætir FH:
Þetta er búin að vera fín vika
HVAÐ EIGUM VIÐ AÐ GERA Arnar og Bjarki spá í spilin. FRÉTTABLAÐIÐ/EIRÍKUR