Fréttablaðið - 27.07.2008, Blaðsíða 58

26 27. júlí 2008 SUNNUDAGUR
KÖRFUBOLTI Ágúst Björgvinsson,
þjálfari A-landsliðs kvenna,
hefur valið tólf manna hóp fyrir
Norðurlandamótið sem fer fram
í Gentofte í Danmörku dagana 5.
til 9. ágúst næstkomandi. Það er
einn nýliði í íslenska hópnum,
Haukastúlkan Ragna Margrét
Brynjarsdóttir mun leika sína
fyrstu landsleiki í Danmörku en
hún var valin besti ungi leikmað-
ur Iceland Express deildar
kvenna á síðasta tímabili.
„Maður er að verða rosalega
spenntur. Hópurinn kom fyrst
saman í desember, svo aftur í
apríl og byrjaði síðan að æfa á
fullu í maí. Það er mikill spenn-
ingur í stelpunum því þær eru
búnar að æfa svo mikið en spila
lítið,“ segir Ágúst Björgvinsson.
„Þetta eru svipaðar þjóðir og við
erum að fara að kljást við í Evr-
ópukeppninni. Svíþjóð og Finn-
land eru sterkari þjóðirnar og
svo eru Danmörk og Noregur
þjóðir sem eru á svipuðum stað
og við. Það er svipað eins í Evr-
ópukeppninni þar sem Slóvenía
og Holland ættu að vera sterk-
ustu þjóðirnar í riðlinum, maður
veit ekkert um Svartfjallaland
en síðan ættu Írland og Sviss að
vera svipuð í styrkleika og við,“
segir Ágúst. „Hópurinn var val-
inn um helgina og það var ótrú-
lega erfitt því að það eru nítján
stelpur sem hafa verið að standa
sig gríðarlega vel í sumar. Það
eru einungis tólf sem komast í
þessa ferð en það verða væntan-
lega einhverjar breytingar á
milli leikja í Evrópukeppninni.
Þar munu fleiri stelpur fá tæki-
færi,“ segir Ágúst en hann er að
búa til framtíðarlið.
„Þetta er ótrúlega ungt lið og
það eru einungis tveir leikmenn
sem eru nálægt 50 landsleikjum.
Annars eru þetta allt hálfgerðir
kjúklingar þó svo að sumar séu
komnar með mikla reynslu miðað
við aldur. Þetta eru allt stelpur í
kringum tvítugsaldurinn,“ segir
Ágúst sem segist horfa meira á
að leikmenn séu að bæta sig en
hvernig stigin standa á töflunni.
„Það væri rosalega skemmti-
legur plús að fara á Norðurlanda-
mót og ná í pening hvaða litur
sem væri á honum. Evrópu-
keppnin er tveggja ára dæmi og
þar snýst þetta meira um lang-
tímamarkmið. Við þurfum að
reyna að vinna sem flesta leiki
núna og þá sjáum við hvaða
möguleika við höfum eftir ár.
Aðalmarkmiðið í Evrópukeppn-
inni er að eiga möguleika að fara
upp næsta sumar. Það væri
draumurinn að vera í þeirri stöðu
og hafa ekki spilað sig út úr
keppninni á fyrra árinu,“ segir
Ágúst að lokum.
- óój
Ágúst Björgvinsson hefur valið tólf manna hóp fyrir Norðurlandamótið í Gentofte sem fer fram í ágúst:
Það er mikill spenningur í stelpunum
LEIKJAHÆST Hildur Sigurðardóttir
hefur leikið 52 landsleiki fyrir Íslands
hönd. FRÉTTABLAÐIÐ/VILHELM
Helena Sverrisdóttir Haukar/TCU
20 ára 21 landsleikur - 310 stig
Hildur Sigurðardóttir KR
27 ára 52 landsleikir - 287 stig
Ingibjörg Jakobsdóttir Grindavík
18 ára 1 landsleikur
Jovana Lilja Stefánsdóttir Grindavík
23 ára 2 landsleikir
Kristrún Sigurjónsdóttir Haukar
23 ára 8 landsleikir - 25 stig
Margrét Kara Sturludóttir Keflavík
19 ára 5 landsleikir - 8 stig
María Ben Erlingsdóttir Keflavík/UTPA
20 ára 16 landsleikir - 39 stig
Pálína Gunnlaugsdóttir Keflavík
21 árs 6 landsleikir - 14 stig
Petrúnella Skúladóttir Grindavík
23 ára 6 landsleikir - 3 stig
Ragna Margrét Brynjarsdóttir Haukar
18 ára Nýliði
Signý Hermannsdóttir Valur
29 ára 44 landsleikir - 373 stig
Sigrún Sjöfn Ámundadóttir KR
20 ára 3 landsleikir - 4 stig
HÓPURINN
KÖRFUBOLTI Bandaríska kvenna-
körfuboltadeildin tók á sig nýja
mynd í vikunni þegar upp hófust
slagsmál á spennuþrungnum loka-
mínútum leiks Detroit Shock og
Los Angeles Sparks.
Aðsto ðarþjálfari Detroit, gamli
„slæmi strákurinn“ Rick Mahorn
úr NBA-meistaraliði Detroit Pist-
ins og tíu leikmenn voru dæmdir í
leikbann. Það var Plenette Pier-
son, leikmaður Detroit Shock, sem
átti upptökin að mati forsvars-
manna deildarinnar.
Eftirmálar slagsmálanna sner-
ust þó ekki bara um leikbönn því
þau höfðu áhrif á tvær skærustu
stjörnur kvennakörfunnar í
Bandaríkjunum, annars vegar
Cheryl Ford, dóttur Karls Malone
og einn besta miðherja deildarinn-
ar, og hins vegar Nancy Lieber-
man.
Pierson verður ekki aðeins í
burtu í fjóra leiki því æðiskast
hennar kostaði það að Cheryl Ford
sleit krossbönd við það að reyna
að halda aftur af henni. Ford verð-
ur því ekki meira með á tímabilinu
en hún var með 10,1 stig og 8,7
fráköst að meðaltali í fyrstu 24
leikjunum. Ford er dóttir Karls
Malone sem gerði garðinn frægan
með Utah Jazz á sínum tíma í
NBA-deildinni.
Fjórir leikmenn Detroit Shock
voru í banni í næsta leik á eftir og
aðeins átta leikmenn því á skýrslu.
Shock-liðið leitaði því til Lieber-
man sem hefur verið bæði þjálfari
og framkvæmdastjóri félagsins.
Nancy er nýorðin fimmtug og
með því að spila fyrir Shock í
umræddum tapleik á móti Hous-
ton bætti hún metið yfir elsta leik-
mann deildarinnar um ellefu ár
en það átti hún sjálf þegar hún lék
39 ára og 54 daga gömul með Pho-
enix Mercury á fyrsta tímabili
deildarinnar 1997. Lieberman lék í
9 mínútur og 14 sekúndur í leikn-
um, klikkaði á eina skoti sínu en
gaf tvær stoðsendingar og tapaði
tveimur boltum.
-óój
Eftirmálar slagsmálanna í WNBA-deildinni í körfubolta eru af ýmsum toga og snúast ekki bara um leikbönn:
Sleit krossbönd við að stoppa slagsmál
Í HJÓLASTÓL Tímabilið er búið hjá
Cheryl Ford eftir að hún sleit krossbönd
í hægra hné við það að halda aftur af
æstum félaga sínum. NORDICPHOTOS/GETTY
FRJÁLSAR ÍÞRÓTTIR Sleggjukast-
keppnin varð heldur betur sögu-
leg á fyrri degi Meistaramóts
Íslands í frjálsum í gær. Krist-
björg Helga Ingvarsdóttir tví-
bætti og jafnaði síðan Íslandsmet-
ið í greininni. Spretthlaupararnir
Silja Úlfarsdóttir og Sveinn Elías
Elíasson urðu bæði tvöfaldir
Íslandsmeistarar í einstaklings-
greinum og geta bætt við þriðja
titlinum á morgun. Silja sem er á
sínu kveðjumóti vann einnig sigur
í 4 x 100 metra boðhlaupi í loka-
greinni í gær.
Kristbjörg Helga Ingvarsdóttir
úr FH varð í gær fyrsta íslenska
konan til þess að kasta yfir fimm-
tíu metra í sleggjukasti þegar hún
tryggði sér Íslandsmeistarartitil-
inn og Íslandsmetið með frábærri
kastseríu.
„Ég ætlaði að vera fyrst yfir
fimmtíu metrana og bara að klára
þetta. Ég er rosalega ánægð með
þetta en ég er eigilega ekki ennþá
alveg komin niður á jörðina,“ sagði
Kristbjörg Helga kát þegar
Íslandsmeistaratitilinn og Íslands-
metið var í höfn.
Kristbjörg átti frábæra kastser-
íu, byrjaði á að kasta 50,02 metra í
fyrsta kasti og átti síðan þrjú
önnur lengri köst þar af tvö
nákvæmlega upp á 51,86 metra.
Hún náði því að kasta fjórum sinn-
um yfir fimmtíu metra en því
hafði engin kona náð fyrir daginn
í gær.
„Það voru öll köstin mín yfir
fimmtíu metra nema einhver tvö
sem voru ógild. Mér finnst þetta
mjög skrítið að hafa náð þessu.
Seinna kastið upp á 51,86 fannst
mér vera hundlélegt kast eins og
það væri bara geðveikt stutt. Þá
fann ég alveg að ég á meira inni og
ég á eftir að kasta lengra,“ segir
Kristbjörg sem segir það hafa
skipt miklu máli að hafa náð fyrsta
kastinu yfir fimmtíu metrana.
„Þá fór múrinn og ég vissi að ég
gæti meira. Ég var komin með
öryggiskast og setti þá allt á fulla
ferð,“ segir Kristbjörg sem segir
að fullt af fólki hafi mætt til þess
að hvetja stelpurnar.
Aðalheiður María Vigfúsdóttir
úr Breiðabliki kastaði einnig yfir
fimmtíu metrana en hún átti kast
upp á 51,25 m. Sandra Pétursdóttir
sem átti Íslandsmetið fyrir daginn
í gær varð hins vegar að sætta sig
við að enda í þriðja sætinu og
horfa á eftir bæði Íslandsmetinu
og hinum tveimur yfir fimmtíu
metrana.
Það var minni spenna í sleggju-
kasti karla þegar Ólympíufarinn
Bergur Ingi Pétursson kastaði
72,94 metra sem er um einum og
hálfum metra frá Íslandsmeti
hans en rúmum 24 metrum lengra
en næsti maður kastaði.
Silja Úlfarsdóttir, FH og Sveinn
Elías Elíasson unnu bæði 100 og
400 metra hlaupin og eiga bæði
möguleika á að vinna 200 metra
hlaupið í dag. Linda Björk Lárus-
dóttir úr Breiðabliki vann góðan
sigur í 100 metra grindahlaupi,
Stefán Guðmundsson úr Breiða-
bliki vann sigur í 3.000 metra
hindrunarhlaupi með yfirburðum
og Ólafur Guðmundsson úr HSÞ
kom fyrstur í marki í 110 metra
grindarhlaupi karla.
Hafdís Sigurðardóttir úr HSÞ
vann langstökk kvenna, Kristinn
Torfason úr FH vann langstökk
karla, Jón Ásgrímsson úr FH vann
spjótkast karla, Sigrún Fjeldsted
Sveinsdóttir, FH vann spjótkast
kvenna, Arndís Ýr Hafþórsdóttir
úr Fjölni vann 1500 metra hlaup
kvenna og Sigurbjörn Árni Arn-
grímsson úr HSÞ kom fyrstur í
mark í karlaflokki í sömu grein.
FH vann síðan 4 x 100 metra boð-
hlaupið hjá bæði körlum og konum.
ooj@frettabladid.is
Kristbjörg Helga fyrst yfir 50 metrana
Fyrri dagur Meistaramóts Íslands í frjálsum íþróttum fór fram í Laugardalnum í gær. Sveinn Elías Elíasson
og Silja Úlfarsdóttir unnu bæði tvö gull í spretthlaupum og keppni í sleggjuskasti kvenna varð söguleg.
METKASTIÐ Kristbjörg Helga Ingvarsdóttir sést hér setja nýtt Íslandsmet og kasta
sleggjunni 51,86 metra. Hún fékk líka hamingjuóskir í kjölfarið. FRÉTTABLAÐIÐ/DANÍEL
SIGUR Í HÖFN Sigubjörn Árni Arngríms-
son vann 1500 metra hlaup karla.
FRÉTTABLAÐIÐ/DANÍEL
FÓTBOLTI Knattspyrnuhátíðin
ReyCup stendur nú sem hæst og í
dag fara fram úrslitaleikir. Þetta
er fjölmennasta Reycup-mótið til
þessa en á mótinu keppa mörg
erlend og fræg félög. Alls tóku 77
lið þátt í mótinu í ár og leikið er á
níu völlum í Reykjavík og í
Mosfellsbæ. Liðin koma frá öllu
landinu og auk þess taka lið frá
Frakklandi, Englandi, Þýskalandi,
Svíþjóð og Danmörku þátt í
ReyCup í ár.
Enska liðið Charlton er komið í
úrslitaleik 3. flokks karla og
mætir þar Keflavík. Í 3. flokki
kvenna verður úrslitaleikurinn á
milli Breiðabliks/Grindavíkur og
LbB frá Malmö í Svíþjóð. Þýska
liðið Hansa Rostock leikur til
úrslita gegn danska liðinu
Herfölge í 4. flokki karla. ReyCup
er ekki bara keppni og alvara.
Skemmtiboltinn er alltaf
vinsæll en þar er blandað saman í
lið stelpum og strákum úr hinum
ýmsu liðum og markmiðið er ekki
að keppa, heldur að skemmta sér.
Hann fór fram í gær en daginn
áður var mikið sundlaugarpartí í
Laugardalslauginni. - óoj
Reycup aldrei fjölmennara:
Úrslitaleikirnir
fara fram í dag
MIKIÐ FJÖR Krakkarnir skemmtu sér vel í
skemmtiboltanum. FRÉTTABLAÐIÐ/ÁGÚST
SUND Átta sundmenn munu keppa
fyrir Íslands hönd á Ólympíuleik-
unum í Peking og til þess að
venjast aðstæðum og tímamis-
muninum munu þau æfa í
Singapúr næstu tvær vikurnar.
Sundfólkið hefur verið við
strangar æfingar undanfarið og
þá hefur hluti af hópnum verið
við æfingar í Frakklandi.
Hópurinn er nú kominn í æfinga-
búðir til Singapúr þar sem þau
munu dvelja til 5. ágúst en þá
fara þau til Peking.
Að þessu sinni telur hópurinn
fjórar stúlkur og fjóra pilta en
þau eru: Árni Már Árnason og
Erla Dögg Haraldsdóttir úr
Njarðvík, Hjörtur Már Reynisson
og Ragnheiður Ragnarsdóttir úr
KR, Jakob Jóhann Sveinsson og
Sarah Blake Bateman úr Ægi,
Sigrún Brá Sverrisdóttir úr Fjölni
og Örn Arnarson úr SH. - óój
Ólympíuleikarnir í Peking:
Sundfólkið til
Singapúr