Fréttablaðið - 27.07.2008, Blaðsíða 62

30 27. júlí 2008 SUNNUDAGUR
HVAÐ SEGIR MAMMA?
„Ég sá að hann hafði burði
til að ná langt eftir að hann
byrjaði í glímunni. Þegar hann
ætlar sér eitthvað gerir hann
það og gefst ekki upp.“
Agnes Einarsdóttir um son sinn, Pétur
Eyþórsson, margfaldan Íslandsmeistara
í glímu.
Hvað er að frétta? Það er nóg að frétta. Ég
var til dæmis að opna sýningu í Lost Horse
gallerí síðasta laugardag, er að vinna að teikni-
myndasögubók sem heitir Herra Sigmarsson
og að skrifa sjálfshjálparbók sem verður með í
jólabókaflóðinu í ár sem heitir Love, Contact &
Sexual Communication og er að skrifa handrit
að stuttmynd um The Shivering Man. Svo
bíður bandið mitt, Evil Madness, eftir að 12
tónar gefi út Demoni Paradiso og við erum að
vinna nýja plötu sem ber heitið Zombie Hero.
Og svo margt fleira.
Augnlitur: Blár.
Starf: Listamaður.
Fjölskylduhagir: Ég og vinur minn Tommi.
Hvaðan ertu: Fæddur á Aukureyri, bý í
Reykjavík og líður eins og þjóðverja.
Ertu hjátrúarfullur? Ég þoli allavega ekki
þegar fólk sendir á mig tölvupóst sem í
stendur eitthvert rugl og að ef ég áframsendi
ekki meilið á vini mína þá deyi ég. Þessu trúi
ég og verð alveg skíthræddur og fer ekkert
út úr húsi. Er það að vera hjátrúarfullur?
Uppáhaldssjónvarpsþátturinn: Það var
Spaugstofan, en ég hef ekki horft á sjónvarp
í tuttugu ár.
Uppáhaldsmatur: Pizza Gorgonzola.
Fallegasti staðurinn: San Francisco.
iPod eða geislaspilari: Á hvorugt.
Hvað er skemmtilegast? Kvikmyndin Valer-
ie and her Week of Wonders.
Hvað er leiðinlegast? Það er svo gaman að
vera listamaður með athyglisbrest að það er
aldrei neitt leiðinlegt.
Helsti veikleiki: Ég er bullandi meðvirkur.
Helsti kostur: Að vera óvirkur alki.
Helsta afrek: Að hafa loksins komið sér inn
á Vog.
Mestu vonbrigðin: Að hafa misst af morg-
unverði með Paul Morrissey og Udo Kier
bara vegna þynnku.
Hver er draumurinn? Draumurinn
er og hefur alltaf verið að geta
lifað á listinni, annars er ég
doomed.
Hver er fyndnastur/fyndnust?
Werner Herzog.
Hvað fer mest í taugarnar á
þér? Að unglingar nú til dags
geti dánlódað öllum þeim
sjaldgæfu kvikmyndum sem ég
eyddi öllum mínum peningum í sem
unglingur, og það í svona sjóræningja
VHS-gæðum.
Hvað er mikilvægast? Að átta sig á
því að það kemur dagur eftir þennan,
vá, þvílík speki!
HIN HLIÐIN: SIGTRYGGUR BERG SIGMARSSON LISTAMAÐUR
Er bullandi meðvirkur með athyglisbrest
29.08.
1977
„Við heyrðum allt í einu tíst
undan veröndinni og héldum
fyrst að þetta væri ísbjörn. Ætl-
uðum að hringja í lögguna á
Sauðárkróki eða fá danska miða-
sölumanninn úr Tívolí til að
koma og skjóta hann,“ segir
Hjörleifur Jóhannesson flug-
stjóri sem ásamt fjölskyldu sinni
lenti í skemmtilegri lífsreynslu
á dögunum. Hjörleifur og kona
hans, Árdís Kjartansdóttir, eiga
sumarbústað í Húsafelli og þar
sem þau voru að bera föggur
sínar inn úr bílnum heyrðist tíst-
ið umrædda.
„Þetta reyndust svo vera þrír
andarungar, sennilega ekki
meira en vikugamlir. Minkurinn
hefur líklegast étið mömmu
þeirra,“ segir Hjörleifur sem ók
ásamt sonum sínum, Þorsteini
Inga, þrettán ára og Stefáni
Hauki, sextán ára, niður að á til
þess að finna aðra önd og venja
ungana undir hana. Áður hafði
fjölskyldan gefið ungunum
bleytt brauð og flugur. Ungarnir
busluðu í ánni en þegar Hjörleif-
ur og fjölskylda ætluðu frá að
hverfa komu ungarnir vælandi á
eftir. „Þeir hjúfruðu sig bara upp
að strákunum og vildu hvergi
annars staðar vera.
Hjörleifur tók ungana aftur
upp í sumarbústað og fengu þeir
vitaskuld nöfnin Rip, Rap og
Rup. Hann lét renna 37 gráðu
heitt vatn í heita pottinn og þar
svömluðu ungarnir um ásamt
fjölskyldufólkinu. „Fjölskyldan
hefur aldrei sturtað sig jafn-
vandlega og eftir þetta,“ segir
Hjörleifur og hlær. Ungarnir
dvöldu hjá fjölskyldunni í tvær
nætur en þá kom Jóhannes Örn,
bróðir Hjörleifs, að sækja ung-
ana á flugvél ásamt dætrum
sínum, Kötlu Margréti og Heklu
Guðrúnu. „Þeir fengu einkaflug
í bæinn og eru nú í Húsdýra-
garðinum,“ segir Hjörleifur en
ungarnir verða í búri í Húsdýra-
garðinum fyrst um sinn til að
vernda þá frá mávinum. Þegar
þeir eru svo orðnir nægilega
burðugir verður þeim sleppt út í
garð og geta flogið þaðan hve-
nær sem þeir vilja. Fjölskylda
Hjörleifs mun þó seint gleyma
þessum þremur mögnuðu bræðr-
um.
soli@frettabladid.is
HJÖRLEIFUR JÓHANNESSON: HÉLDUM FYRST AÐ ÞETTA VÆRI ÍSBJÖRN
Andarungar böðuðu sig í heitum
potti og fóru með flugvél í bæinn
KATLA MARGRÉT OG UNGARNIR Katla Margrét Jóhannesdóttir, bróðurdóttir Hjörleifs, lék sér í pottinum með Rip, Rap og Rup.
MYND/HJÖRLEIFUR JÓHANNESSON
BRÆÐURNIR Þeir Þorsteinn Ingi og Stef-
án Haukur hændu ungana að sér.
RIP, RAP OG RUP Kunnu vel við sig í
heita pottinum.
„Þetta er flateyskur skemmtidrykkur,“ segir
Lísa Kristjánsdóttir, konan á bakvið hinn sérís-
lenska Flajito sem er geysivinsæll á Hótel Flat-
ey þar sem Lísa starfar. „Hann varð uppseldur
á föstudagskvöldið,“ segir Lísa.
Tilurð drykkjarins er skemmtileg. „Það voru
hressar stelpur að norðan sem voru hérna á
barnum fyrr í sumar og þær voru að velta fyrir
sér hvort ég kynni að gera Mojito. Ég sagðist
geta það en því miður ætti ég ekki myntulauf.
En ef þær vildu að ég notaði skessujurt í stað-
inn þá skyldi ég skella í einn flateyskan,“ segir
Lísa sem tók dóttur sína með til finna skessu-
jurt. Dóttirin vildi ólm fá sér rabarbara svo
Lísa ákvað að rabarbarinn skyldi vera hluti af
Flajito. „Ég ákvað að saxa hann niður því
skessujurtin er svo braðgsterk. Síðan setti ég
púðursykur því ég var ekki með hrásykur við
höndina. Ljóst romm, sódavatn og drykkurinn
var klár,“ segir Lísa sem tekur ekki í mál að
setja rabarbarann í matvinnsluvél og notast
þess í stað við mortél.
Lísa telur að Flajito geti spjarað sig sem
skemmtidrykkur á mölinni, rétt eins og hvar
annars staðar. „Jón Gnarr kom hingað um síð-
ustu helgi og fékk að smakka drykkinn. Hann
sagði að Flajido væri svo ferskur að menn
langaði í sjóbað við það eitt að drekka hann.
Það var ekki bara út af umhverfinu sem hann
var í, heldur bragðinu.“ segir Lísa.
-shs
Flajito skákar mojito í Flatey
LÍSA MEÐ MORTÉLIÐ Lísa er höfundurinn á bakvið hinn
sér flateyska Flajito
Fyrrum Kastljósdaman Eyrún
Magnúsdóttir á von á sínu fyrsta
barni í október með unnusta
sínum Einari Árnasyni. Síðan
Eyrún sagði skilið við Kastljós
síðla árs 2006 hefur hún unnið
við ráðgjafarstörf
og almannatengsl
fyrir Björgólfs-
feðga og Lands-
bankann, en
Einar er starfandi
myndatökumað-
ur á Stöð 2.
Enn berast fregnir af breytingum
hjá útgáfufélaginu Birtíngi. Fyrir
skömmu var Lofti Atla Eiríkssyni
sagt upp sem ritstjóra Séð og
heyrt. Nú er horfinn á braut Janus
Sigurjónsson, umbrotsmaður og
ritstjórnarfulltrúi á DV.
Lið Breiðabliks í
Landsbankadeild
karla hefur átt góðu
gengi að fagna
undanfarnar
vikur og unnið
hvern leikinn á
fætur öðrum.
Mikið kapp
og kátína
hefur hlaupið
í stuðnings-
menn liðsins,
og þá ekki síst í
vallarþulinn Hreiðar. Hann hvetur
sína menn til dáða í gegnum
hátalarakerfi Kópavogsvallar og
stýrir meðal annars fjöldasöng
stúkunnar gegnum hljóðnemann.
Ekki fer kraftur Hreiðars þó vel í
alla og eru nú uppi raddir þess
efnis að ákveðnir aðilar hyggist
leita svara hjá Geir Þorsteinssyni,
framkvæmdastjóra KSÍ, hvort um
misnotkun á aðstöðu sé að ræða
þegar vallarþulur syngur í kallkerf-
ið: Olé, olé, olé, olé.
-ag/hdm/shs
EIGA VON Á BARNI
FLAJITO Flateyskur skemmtidrykkur með rabarbara
og skessujurt í stað myntulaufa.
„...fyrst á visir.is“
...ég sá það á visir.is