Fréttablaðið - 28.07.2008, Qupperneq 8
8 28. júlí 2008 MÁNUDAGUR
Helga Erlingsdóttir hefur sögu
að segja: Ég fór í það verk í vor
að fá tilboð hjá iðnaðarmönnum
í að gera við múrskemmdir
vegna leka í húsinu hjá okkur.
Það komu örugglega átta
múrarar heim til mín að skoða
og meta skemmdirnar en aðeins
þrír sem sendu mér skriflegt
tilboð! Hinir vildu helst bara
hafa þetta munnlegt. Ástæðan
fyrir því að ég skrifa er til að
sýna fram á að það borgar sig
heldur betur að fá ALLTAF
tilboð í öll verk sem þarf að
framkvæma. Allir þessir aðilar
mátu skemmdirnar eins.
Tilboðin þrjú sem við
fengum voru vægast sagt
ólík. Það fyrsta hljómaði
upp á 395.000 kr. Næsta var upp á 90.000 kr og þriðja
hljómaði upp á hvorki meira né
minna en 1.796.500 krónur og
ætlaði sá að koma með vinnu-
skúr og vera heila viku að þessu!
Ég tók ódýrasta tilboðinu sem
var frá Viðhaldsvirkni ehf. Þeir
voru hálfan dag að þessu og allt
stóðst eins og samið var um, þar
á meðal verðið.
„Ég á nú ekkert svar við
þessu, mér finnst svo geysilega
mikill munur á þessum tilboð-
um,“ segir Ásgrímur Jónasson,
formaður Iðnaðarmannafélags-
ins í Reykjavík sem hefur aldrei
heyrt um annað eins. „Iðnaðar-
menn mega ekki vera með
verðsamráð samkvæmt lögum
né má vera samræmd verðskrá.
Iðnaðarmönnum ber ekki skilda
til að gera skrifleg tilboð en
persónulega myndi ég ekki eiga
viðskipti við þann sem treystir
sér ekki til að gera skriflegt
tilboð.“
Iðnaðarmenn landsins þykja vægast sagt misdýrir:
Sláandi munur er á tilboðum
MÚRARAR VIÐ VINNU Myndin tengist
ekki efni greinarinnar. FRÉTTABLAÐIÐ/GVA
Sendið umboðsmanni neytenda ábendingar eða sparnaðarráð á neytendur@frettabladid.is
DR. GUNNI
neytendur@frettabladid.is
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...
FRAKKLAND, AP Franska þingið sam-
þykkti lög um lengri vinnuviku í
vikunni sem leið. Hámarkslengd
vinnuvikunnar verður þó áfram
35 stundir, en fyrirtæki geta samið
við starfsfólk sitt um lengri vinnu-
tíma. Heimildin nær bæði til
lengri vinnuviku og til fleiri vinnu-
daga á ári.
Nicolas Sarkozy forseti hefur
sagt að reglan um 35 stunda vinnu-
viku hafi verið efnahagsleg mis-
tök. Í kosninga-
baráttunni
lofaði hann að
breyta þessu.
Frakkar eru
mishrifnir af
þessu og sakna
margir 35
stunda
hámarksins.
Fjöldi manns
efndi til mót-
mæla í París nú í vikunni, og veif-
aði spjöldum þar sem á stóð: „Það
er líf eftir vinnu“ og „Ég neita að
gefa líf mitt til hluthafa“.
„Ef ég neyðist til að vinna í 235
daga á ári, þá bitnar það á einkalífi
mínu,“ sagði einn mótmælend-
anna, Arnaud de la Bergerie, 27
ára gamall vélaverkfræðingur.
„Við fáum meira kaup en minni
tíma til að eyða laununum.“
Reglan um 35 stunda vinnuviku
hefur verið mjög umdeild í Frakk-
landi, allt frá því henni var komið
á fyrir tíu árum þegar þáverandi
sósíalistastjórn landsins gerði
viðamiklar breytingar á vinnulög-
gjöfinni.
Hægri stjórnir þær, sem á eftir
hafa komið, hafa smám saman
breytt vinnufyrirkomulagi lands-
manna að stórum hluta aftur til
fyrra horfs.
Gagnrýni hefur beinst að því
hvernig staðið var að þessari nýj-
ustu breytingu á þingi. Frumvarp-
inu var komið í gegnum þingið að
sumarlagi, þegar margir taka sér
frí og vitað var að andstaða yrði
sem minnst.
Sarkozy hefur sagt 35 stunda
vinnuvikuna hamla bæði sam-
keppnishæfni franskra fyrirtækja
á alþjóðavettvangi og draga úr
hagvexti.
„Fræðilega séð eru þetta enda-
lok 35 stunda vinnuvikunnar, en í
raun mun þetta taka svolítið lengri
tíma,“ sagði Marc Touati, yfirmað-
ur greiningardeildar franska verð-
bréfasölufyrirtækinu Global
Equities. Skammtímaáhrif á efna-
hagslífið verði lítil vegna þess að
semja þurfi um breytingar hjá
hverju fyrirtæki fyrir sig.
gudsteinn@frettabladid.is
Lengingu vinnuviku
misjafnlega tekið
Frakkar eru strax byrjaðir að sakna 35 stunda vinnuvikunnar, sem var við lýði í
áratug. Franska þingið hefur samþykkt að aflétta þessari kvöð af fyrirtækjum,
sem nú geta samið við starfsmenn um lengri vinnutíma en áður.
NICOLAS SARKOZY
STJÓRNMÁL Frjálslyndi flokkurinn
stefnir á að stofna sérstakt
borgarmálafélag flokksins á
fundi um borgarmál í næstu viku.
Á fundinum munu flokksmenn
ræða þörfina fyrir félagið og ef
samþykkt er að þörf sé á því,
verður borgaramálafélag
Frjálslynda flokksins stofnað.
„Í augnablikinu er þetta bara
tillaga, síðan kemur í ljós á
fundinum hvort hún verður að
veruleika. Tilgangur félagsins
mun vera að skerpa umræðu um
miðborgarmál innan flokksins og
verður aðaláherslan lögð á
stefnumörkun í borgarmálum,“
segir Jón Magnússon, þingmaður
Frjálslynda flokksins.
Fundurinn verður haldinn
annað kvöld í Skúlatúni 4. - stp
Tillaga að borgarmálafélagi:
Frjálslyndir
stofna félag
BANDARÍKIN, AP Ákvörðun George
W. Bush Bandaríkjaforseta um
að aflétta banni við olíuborun við
strendur
Bandaríkjanna
fyrir tíu dögum
er ástæða þess
að olíuverð
hefur lækkað
síðustu daga.
Þetta sagði
John McCain,
forsetafram-
bjóðandi
repúblikana, á
kosningafundi í Pennsylvaníu í
síðustu viku.
George Bush eldri og fyrrver-
andi Bandaríkjaforseti bannaði
olíuborun við strendur Banda-
ríkjanna árið 1990 af umhverfis-
ástæðum. Enn er í gildi bann
Bandaríkjaþings við olíuborun á
stórum hafsvæðum.
- gh
John McCain um olíuborun:
Ákvörðun Bush
lækkar olíuverð
JOHN MCCAIN
Stálu 42 tommu sjónvarpi
Brotist var inn í Sjónvarpsmiðstöðina
við Síðumúla um klukkan fjögur í
fyrrinótt. Einu sjónvarpi, 42 tommu,
var stolið. Lögregla telur að tveir
menn hafi verið að verki en þeir eru
ófundnir.
LÖGREGLUFRÉTTIR
Ef ég neyðist til að vinna
235 daga á ári, þá bitnar
það á einkalífi mínu.
ARNAUD DE LA BERGERIE
VÉLAVERKFRÆÐINGUR
FÆREYJAR Lögreglan í Færeyjum
hefur undanfarna daga þurft að
glíma við nokkra eyjaskeggja
sem þjófstartað hafa Ólafsvö-
kunni en hátíðin hefst formlega í
dag, 28. júlí.
Fimm voru látnir sofa úr sér
áfengisvímuna á lögreglustöðinni
í Höfn auk þess sem lögreglan ók
nokkrum heim sem þóttu hafa
fengið sér aðeins of mikið neðan í
því. Eitthvað hefur verið um
pústra í heimahúsum og var
karlmaður handtekinn fyrir að slá
annan í Steinatúni. Þá handtók
lögreglan ölvaða menn á báti og
má skipstjórinn búast við að
verða kærður fyrir brot á lögum
um sjósókn. - ovd
Annasamt hjá lögreglunni:
Ólafsvökunni
þjófstartað
FRÁ FÆREYJUM Ólafsvakan er kennd
við Ólaf Helga, Noregskonung sem lést í
bardaga 29. júlí 1030.
MÓTMÆLI Í PARÍS Á götum Parísar mótmæltu Frakkar nýjum lögum um lengri vinnu-
viku. Á mótmælaspjaldinu sem hér sést stendur „Það er líf eftir vinnu“. FRÉTTABLAÐIÐ/AP
ÆSKULÝÐSMÁL Jóhannes Jónsson,
sem oft er kenndur við Bónus, var
heiðraður af skátum á landsmóti
þeirra á laugardagskvöldið. „Hann
hefur sýnt skátahreyfingunni mik-
inn áhuga og stutt með ráðum og
dáð,“ segir Bragi Björnsson,
aðstoðarskátahöfðingi um heiðrun
Jóhannesar.
Bragi segir skátahreyfinguna
ekki eingöngu heiðra skáta heldur
fólk sem hefur komið fram sem
skáti í hinu daglega lífi. Jóhannes
hafi komið fram sem skáti með
samfélagslegri ábyrgð fyrirtækja
í sinni eigu. Einnig hafi hann löng-
um styrkt skátahreyfinguna fjár-
hagslega með beinum og óbeinum
styrkjum. „Hagkaup styrkir lands-
mótið okkar með matarföngum og
Bónus gerir útilegurnar okkar
töluvert ódýrari,“ segir Bragi í
gríni.
„Við vonum að þetta verði hvatn-
ing fyrir aðra sem hafa þessi fjár-
hagslegu tök að sýna þessa samfé-
lagslegu ábyrgð og styðja bæði
góð mál hér og erlendis,“ segir
Bragi.
Landsmót skáta var haldið á
Akureyri um helgina en á því voru
um sex þúsund manns. Tvö þús-
und þátttakendur voru frá fjórtán
þjóðlöndum, allt frá Íslandi til
Suður-Kóreu.
- vsp
Hefur stutt skátahreyfinguna með ráðum og dáð:
Skátar heiðra Jóhannes
JÓHANNES HEIÐRAÐUR Skátar heiðruðu Jóhannes með nælu á landsmótinu um
helgina. Jóhannes hefur stutt hreyfinguna vel fjárhagslega. FRÉTTABLAÐIÐ/VÖLUNDUR
1. Við hvaða kvikmynd munu
Hjaltalín semja og flytja tónlist
á kvikmyndahátíð?
2. Hverjir eru Íslandsmeistarar
í frjálsum íþróttum?
3. Hvaða plöntu er sagt að
þurfi að segja stríð á hendur
hérlendis?
SVÖR Á BLAÐSÍÐU 30
VEISTU SVARIÐ?