Fréttablaðið - 28.07.2008, Page 30

28. JÚLÍ 2008 MÁNUDAGUR10 ● fréttablaðið ● siglufjörður
Gönguleiðir um fjöll og dali
heilla gjarnan ferðamenn
og útivistarfólk á Siglufirði á
sumrin. Mariska van Der Meer,
formaður Siglufjarðardeildar
Ferðafélags Íslands, bendir á
að þar sé að finna allt frá létt-
um gönguleiðum upp í erfitt
klifur.
Í kringum Siglufjörð og út um
alla Fjallabyggð eru margar fal-
legar og skemmtilegar göngu-
leiðir. Mariska van Der Meer,
formaður Siglufjarðardeild-
ar Ferðafélags Íslands, hefur
þeyst eins og fjallageit um fjöll
og firnindi. Hún segir að þar
geti allir fundið eitthvað við sitt
hæfi, allt frá léttum hálfsdags-
leiðum um dalbotna til erfiðs og
spennuþrungins klifurs á fjalls-
eggjum.
„Það er mismunandi hvað fólk
vill leggja á sig. Við mælum erf-
iðleikastig gönguleiða og gefum
þeim stjörnur í gönguskóm,“
segir Mariska og lýsir svo Dala-
leið, sem hún gefur einn til tvo
skó. „Dalaleið er gömul þjóðleið,
rúmlega hundrað ára slóð, sem
var kölluð messugrautur því
fólk þurfti áður að fara hana til
að komast í kirkju frá bóndabæj-
unum í Siglufirði til Dalabæjar
hjá Máná. Hún er um fimm kíló-
metra löng og afskaplega falleg,
ekki erfið nema ef til vill fyrst
þegar þarf að klífa dalaskarð
sem er 540 metra hátt. Síðan er
leiðin þægileg,“ segir hún og
bætir við að lækirnir á leiðinni
séu misvatnsmiklir eftir veðri.
Forsprakkar göngugarpa í
Dalvíkurbyggð og Fjallabyggð
hafa unnið ötullega að því að
kortleggja allar mögulegar leið-
ir, en þau kort má nálgast á
mörgum stöðum, meðal annars
í upplýsingum fyrir ferðamenn.
„Við fórum líka í að stika leið-
irnar,“ segir Mariska. „Þær leið-
ir eru alveg pottþéttar og ekkert
hægt að villast. En sumar leið-
ir eru ekki stikaðar bara til að
hafa umhverfið ögrandi. Maður
getur til dæmis farið fjallaleið í
gegnum Skarðsdal, Hafnarfjall,
Hvanneyrarskál og upp á Skrám
á Strákfjalli.“
Að hennar sögn getur leiðin
verið þægileg og falleg en líka
brött og erfið og miklir mögu-
leikar fyrir spennufíkla að finna
snarbrattar hlíðar í lausamöl og
himinhátt hyldýpi. Ef þeir vilja.
Yfirlitsmynd yfir leiðir og
nánari lýsingar má finna á vef-
síðunni www.siglo.is. -nrg
Mariska van der Meer á toppi Hafnarhyrnu, búin að sigra fjallið.
MYND/ PÉTUR KRISTJÁNSSON
Erfiðleikastig mæld í gönguskóm
● ÚTIVIST AF ÝMSU
TAGI FYRIR HENDI Fyrir
ferðamenn og útivistarfólk er
margt skemmtilegt að skoða
og gera í sveitarfélaginu Fjalla-
byggð, sem varð til við sam-
einingu Ólafsfjarðarbæjar og
Siglufjarðarkaupstaðar.
Á sumrin eru það fjöllin,
vatnið og svört sandfjaran sem
heilla. Í stórbrotnu landslaginu
má finna fjölbreyttar göngu-
leiðir um fjöll og dali og njóta
einstaks útsýnis í kyrrð og ró.
Boðið er upp á sjóstöng og
auk þess er hægt að stunda
stangveiðar í Ólafsfjarðará, í Ól-
afsfjarðarvatni, í Héðinsfirði, og
í Hólsá á Siglufirði.
Svo má ekki gleyma því að
hægt er að veiða á bryggjum
bæjanna. Miðnætursiglingar
og ferðir yfir heimskautsbaug
eru einnig í boði. Möguleiki er
á að skipuleggja sjóferðir eftir
misjöfnu áhugasviði fólks. Til
dæmis er hægt að setja saman
göngu- og siglingapakka þar
sem gengið yrði út í Héðins-
fjörð og siglt heim. Sjá www.
fjallabyggd.is.
Göngufólk fer Dalaleið í þoku og er rétt
ókomið í Dalaskarð
Nyrst á Strákafjalli er fallegt
útsýni yfir hafið.
6