Fréttablaðið - 30.07.2008, Blaðsíða 16

16 30. júlí 2008 MIÐVIKUDAGUR
timamot@frettabladid.is
Sigurður Pálsson, rithöfundur og
skáld, verður sextugur í dag en stakk
af til Parísar til að verja afmælisdeg-
inum þar. „Ég endaði hér í París eftir
að hafa fengið ýmsar hugmyndir. Þetta
endar í þessari tiltölulega ófrumlegu
niðurstöðu, sem er mjög fín,“ segir
Sigurður kankvís og bætir við að hann
hafi nokkrum sinnum haldið upp á af-
mæli sín í París en að þau hafi ekki
endað á núlli fyrr en nú.
Líklega kemur fáum sem lesið hafa
nýjustu bók Sigurðar, Minnisbók, á
óvart að Parísarborg hafi orðið fyrir
valinu til að fagna þessum tímamót-
um því hún fjallar á mjög lifandi hátt
um minningar Sigurðar frá Frakk-
landi á árunum 1967 til 1982. Enda
var Sigurður staddur á kaffihúsi í
París þegar blaðamaður hafði sam-
band við hann og sagðist í tilefni af-
mælisdagsins ætla að finna einhvern
góðan stað til að borða á.
Að sögn Sigurðar eru eftirminnileg
afmæli hans í gegnum tíðina mörg.
„Þegar ég var ungur var mjög mikið
haldið upp á afmæli og þá var mikil
hátíð. Þannig að ég er vanur miklum
fagnaðarlátum,“ upplýsir Sigurður og
bætir við að það hafi verið frábært að
eiga afmæli yfir sumartímann. „Það
var mikið af fólki heima á sumrin
þannig að það var bara ennþá betra að
eiga afmæli yfir sumartímann.“
„Annars líst mér mjög vel á þetta,“
upplýsir Sigurður, þegar hann er
inntur eftir því hvernig honum líki
það að vera orðinn sextugur. „Það
er mjög fínt að verða þrítugur en
ég held að það sé helmingi betra að
verða sextugur,“ segir hann kíminn.
„Einhverjir spekingar voru að
skýra út fyrir mér að ævin er eins og
þrír þrjátíu ára hringir. Um þrítugt
eru mikil tímamót, þá er svokölluð
þrítugskrísa,“ útskýrir Sigurður og
bætir við að eftir það taki við tvisvar
sinnum fimmtán ár sem séu einskon-
ar uppgjör og undirbúningur undir
lokahringinn um sextugt. „En sextíu
er rosa merkilegt vegna þess að þá er
uppgjör miðað við þrítugskrísuna og
hvað menn völdu að gera þá.“
Sigurður segir að á fæðingardegi
sínum hafi verið hitabylgja á Skinna-
stað í Axarfirði þar sem hann er
fæddur. „Það getur orðið svona brjál-
æðislega heitt þarna og ég vona að í
dag verði þrjátíu stig þannig að það
verði svipuð stemning.“
martaf@frettabladid.is
SIGURÐUR PÁLSSON: SEXTUGUR Í DAG
Vanur miklum fagnaðarlátum
SIGURÐUR PÁLSSON Fæddist í hitabylgju og vonast eftir svipuðu veðri í París í dag.
FRÉTTABLAÐIÐ/HARI
Síðasti bíllinn af gerð-
inni Volkswagen Type
1, sem er betur þekkt-
ur undir heitinu Bjallan,
rann af færibandinu
þennan dag fyrir fimm
árum.
Framleiðsla bílsins
hófst árið 1938. Menn
fóru fljótlega að kalla
hann Bjölluna sín á milli
en framleiðandinn sjálf-
ur tók heitið ekki upp
fyrr en í tengslum við
kynningarefni á bifreið-
inni í ágúst árið 1967.
Bjallan naut mikilli vinsælda á sjöunda áratug
síðustu aldar. Vegna harðnandi samkeppni færð-
ist framleiðsla bifreiðanna frá Þýskalandi til Brasil-
íu og Mexíkó, en sjálf-
stæðir innflytjendur í
Evrópu fluttu þær inn
frá Brasilíu og Mex-
íkó þar til framleiðslu
var hætt.
Síðasta Bjallan var
framleidd í Puebla í
Mexíkó í 30. júlí árið
2003 og síðustu þrjú
þúsund bílarnir seld-
ir sem 2004 árgerð.
Stjórnvöld í Mex-
íkó bundu enda á
framleiðsluna, þar
sem þeim þótti bílarnir ekki uppfylla þá útblást-
ursstaðla sem þar voru settir. Síðast en ekki síst
höfðu vinsældir bílanna dvínað, þar sem neytend-
ur sóttu í auknum mæli í nýtískulegri bifreiðar.
ÞETTA GERÐIST: 30. JÚLÍ 2003
Síðasta gamla Bjallan framleidd
MERKISATBURÐIR
1797 Geir Vídalín dómkirkju-
prestur, 35 ára, er vígð-
ur biskup í Skálholtsbisk-
upsdæmi. Þetta er í fyrsta
sinn í 120 ár sem biskup
Íslands er vígður hérlend-
is en ekki erlendis.
1874 Kristján níundi stígur á
land í Reykjavík. Þetta
er í fyrsta sinn sem ríkj-
andi konungur kemur til
landsins.
1907 Friðrik áttundi Danakon-
ungur kemur til landsins.
1909 Giftar konur og vinnukon-
ur sem borga sveitargjöld
fá kosningarétt til sveitar-
stjórna.
1961 Brúin yfir Hornafjarðarfljót
er vígð. Hún var þá önnur
lengsta brú landsins, 255
metrar.
LISA KUDROW LEIKKONA ER 45
ÁRA Í DAG
Ég er yngst af öllum í fjöl-
skyldunni. Hin eru öll mjög
fyndin, ég var alltaf að
reyna að halda í við þau.
Mér fannst bara svo gaman
að fá fólk til að hlæja.
Lisa Kudrow er bandarísk leik-
kona sem er þekktust fyrir
hlutverk sitt sem Phoebe
Buffay í hinni vinsælu þátta-
röð Friends.
Elskulegur eiginmaður og faðir,
Magnús Karlsson
Mímisvegi 8, Reykjavík,
lést sunnudaginn 27. júlí. Útförin fer fram frá
Dómkirkjunni fimmtudaginn 7. ágúst kl.15.00.
Bára Guðmannsdóttir
Guðmann Sigurgeir Magnússon
90 ára afmæli
Kristinn Óskarsson
90 ára. Kristinn Óskarsson, fyrr-
verandi lögregluþjónn, verður
níræður 30 júlí. Hann tekur á móti
gestum í félagsmiðstöðinni Hæðar-
garði 31 á afmælisdaginn á milli 5 og 7.
Blóm vinsamlegast afþökkuð.
Ástkær móðir okkar, tengdamóðir, amma
og langamma,
Sigurbjörg Bóel Malmquist
Jóhannsdóttir
Aflagranda 40, Reykjavík,
lést þann 20. júlí sl. á Vífilsstöðum. Útförin hefur farið
fram í kyrrþey. Þökkum auðsýnda samúð.
Jón Ellert Guðjónsson
Guðrún Bóel Guðjónsdóttir Viðar Hjartarson
Kristín Margrét Axelsdóttir Árni Árnason
barnabörn og barnabarnabörn.
Ástkær eiginkona mín, móðir okkar,
tengdamóðir og amma,
Ragnhildur Kristín
Sandholt
lést á líknardeild Landspítalans í Kópavogi
sunnudaginn 27. júlí.
Jón Eiríksson
Eiríkur Jónsson Ásthildur Björnsdóttir
Íris Jónsdóttir Einar Sigurðsson
Atli Már Jónsson Lilja Dagbjartsdóttir
og barnabörn.
70 ára afmæli
Runólfur
Runólfsson
verkstjóri verður 70 ára mánudaginn
4. ágúst næstkomandi. Af því tilefni
verða þau hjónin Dúddi og Stína með
opið hús sunnudaginn 3. ágúst milli
14.00 og 17.00 að Rjúpnabraut 5,
Úthlíð í Biskupstungum.
Þau hlakka til að sjá ætting ja og
vini sem eru hjartanlega velkomnir.
AFMÆLI
AUÐUR
LAXNESS
er 90 ára.
ÁRNI
SIGFÚSSON
bæjarstjóri er
52 ára.
ARNÓR
GUÐJOHNSEN
knattspyrnu-
maður er 47
ára.
HILARY
SWANK
leikkona er 34
ára.