Fréttablaðið - 30.07.2008, Blaðsíða 34

26 30. júlí 2008 MIÐVIKUDAGUR
sport@frettabladid.is
KR 2-0 FJÖLNIR
1-0 Gunnar Örn Jónsson (39.),
2-0 Björgólfur Takefusa vsp. (62.),
Rautt spjald: Ólafur Páll Snorrason
(87.).
KR-völlur, áhorf.: 2.317
Einar Örn Daníelsson (3)
TÖLFRÆÐIN
Skot (á mark) 18-3 (5-2)
Varin skot Stefán Logi 2 – Hrafn 3
Horn 9-3
Aukaspyrnur fengnar 22-19
Rangstöður 1-0
KR 4–4–2 Stefán Logi Magnús. 7 - Skúli Jón
Friðgeirsson 6 (52., Bjarni Guðjónsson 6) - Grétar S.
Sigurðarson 8 - Pétur H. Marteinsson 7 - Guðmund-
ur R. Gunnarsson 6 - Gunnar Örn Jónsson 6 (68.,
Atli Jóhannsson 6) - *Jónas Guðni Sævarsson 8
- Viktor Bjarki Arnarsson 8 - Óskar Örn Hauksson 5
- Björgólfur Takefusa 6 - Guðjón Baldvinsson 6 (79.,
Guðmundur Pétursson -).
Fjölnir 4–5–1 Hrafn Davíðsson 4 - Magnús Ingi
Einarsson 4 - Óli Stefán Flóventsson 5 - Kristján
Hauksson 5 - Gunnar V. Gunnarsson 4 - Ólafur P.
Johnson 3 - Ásgeir A. Ásgeirsson 3 (79., Andri V.
Ívarsson -) - Gunnar M. Guðmundsson 4 - Pétur
G. Markan 4 (67., Tómas Leifsson 5) - Ólafur Páll
Snorrason 2 - Ómar Hákonarson 3 (90., Davíð Þór
Rúnarsson -). *Maður leiksins
FÓTBOLTI Varnarmaðurinn Arnór
Sveinn Aðalsteinsson hjá Blikum
fékk þungt högg á kjálkann í leik
Breiðabliks og Þróttar á Val-
bjarnarvelli í Landsbankadeild-
inni í fyrrakvöld. Hann lenti þá í
samstuði við markvörðinn
Bjarka Frey Guðmundsson hjá
Þrótti og lá óvígur í grasinu eftir
að hafa náð að pota boltanum
framhjá honum og skora sitt
fyrsta mark í efstu deild.
„Ég sá hann ekki fara í netið
en ég man alveg eftir því að hafa
potað í boltann, lent svo í sam-
stuðinu og fengið höggið,“ sagði
Arnór Sveinn en í fyrstu var talið
að hann hefði kjálkabrotnað.
„Mér leist nú ekki alveg nógu
vel á þetta fyrst. Ég var mjög
vankaður og ruglaður strax eftir
höggið og átti svo erfitt með and-
ardrátt í sjúkrabílnum á leiðinni
upp á spítala. En það kom ekkert
út úr blóðrannsókn né mynda-
töku á kjálkanum og bringubeini
annað en að allt væri í lagi og ég
er bara nokkuð sprækur eftir
þetta. Bitið er að vísu aðeins
skakkt og ég er með verk í kjálk-
anum en þetta er ekkert til að
kvarta neitt yfir,“ sagði harðjaxl-
inn Arnór sem ætlar sér ekki að
missa neitt úr Íslandsmótinu
með Blikum.
„Ég átti að taka því rólega í
einn til tvo daga en ég ætla að
byrja að skokka á fimmtudaginn
og sjá hvernig það verður. Lækn-
arnir er búnir að gefa grænt ljós
á að ég finni mig sjálfur í þessu
og ég á ekki að þurfa að missa af
leik eða neitt, sem eru vissulega
góð tíðindi,“ sagði Arnór Sveinn
vongóður að lokum. - óþ
Blikinn Arnór Sveinn fékk slæmt högg í fyrrakvöld:
Man eftir markinu
ÞUNGT HÖGG Í fyrstu var talið að
Arnór Sveinn hefði kjálkabrotnað
eftir samskipti sín við Bjarka
Frey, en svo var sem betur fer
ekki.
Njarðvíkingar munu verða fyrir blóðtöku í körfuboltanum á næst-
unni því landsliðsmaðurinn Jóhann Árni Ólafsson skrifar undir
samning við þýska liðið Crailsheim Merlins sem spilar í Pro-B
deildinni.
„Ég er kominn með samninginn í hendurnar en er ekki
búinn að skrifa undir,“ sagði Jóhann Árni kátur í gær.
„Þetta er það sem maður er búinn að stefna að síðan
að maður var pínulítill og þetta er draumur að verða að
veruleika,“ segir Jóhann Árni sem fær stórt hlutverk hjá
liðinu.
„Þeir ætlast til voðalega mikils af mér. Ég er
búinn að tala við þjálfarann og hann vill að
ég komi með kraft og orku inn í liðið,“
segir Jóhann Árni og bætir við. „Þeir líta á
mig sem byrjunarliðsmann. Liðið ætlar að
komast upp og það væri frábært fyrir mig að
fara upp með þessu liði og spila þá í Pro-A. Ég
lít aðallega á þetta sem stökkpall fyrir eitthvað meira.
Ég vildi finna mér lið þar sem ég fengi að spila og
sanna mig og þá fæ ég annað hvort að vita það hvort ég geti þetta
eða geti þetta ekki,“ segir Jóhann raunsær. „Ef maður stendur sig
þá er þetta klárlega stökkpallur því það sjá mann fleiri þarna en hér
heima á Íslandi. Framkvæmdastjóri félagsins sagði við mig að ef ég
kæmi með sama áhuga og kraft og Logi [Gunnarsson] þá værum
við báðir í toppmálum,“ segir Jóhann en Crailsheim er 33 þúsund
manna borg í Suður-Þýskalandi ekki langt frá Stuttgart.
„Það er rosalega mikil stemning þarna og gríðarlegur áhugi fyrir
körfubolta í þessum bæ. Logi talaði um að þetta væri skemmtileg-
asti útivöllurinn í deildinni að hans mati,“ segir Jóhann Árni. „Ég
sá viðtal við kanann hjá þeim, sem var að framlengja samning-
inn við liðið, þar sem hann sagði að ástæðan fyrir að hann
skrifaði undir aftur væru aðdáendurnir og hvað þeir væru
æðislegir. Ég held að þetta sé svona eins og Njarðvíkurnar
eru. Allt þarna snýst meira eða minna um körfubolta,“ segir
Jóhann en segir samt erfitt að yfirgefa Njarðvík. „Það er
leiðinlegt að skilja við Njarðvík og ég vildi gjarnan vera
með þeim áfram. Maður verður bara að hugsa um sjálfan
sig og ég held að þetta sé það rétta fyrir mig núna.“
NJARÐVÍKINGURINN JÓHANN ÁRNI ÓLAFSSON: MUN SEMJA VIÐ ÞÝSKA PRO-B LIÐIÐ CRAILSHEIM MERLINS
Lít á þetta sem stökkpall fyrir eitthvað meira
HANDBOLTI Hvorki Birkir Ívar
Guðmundsson né Vignir Svavars-
son fara með handboltalandslið-
inu til Peking á Ólympíuleikana.
Fjórtán manna leikmannahópur
Íslands var tilkynntur í gær en
Bjarni Fritzson fer með sem
fimmtándi maður. Hann spilar
aðeins ef meiðsli koma upp.
Fjórir detta úr æfingahópnum,
auk Birkis og Vignis þeir Hannes
Jón Jónsson og Rúnar Kárason.
Birkir er einn reynslumesti
markmaður Íslands með 135
landsleiki á bakinu. Vignir hefur
líkt og Birkir verið með í síðustu
stórmótum í landsliði Íslands.
- hþh
Landsliðið sem fer á ÓL:
Birkir og Vignir
ekki í hópnum
ÞJÁLFARINN Þurfti að skera hópinn
niður í gær. RÉTTABLAÐIÐ/ANTON
HÓPURINN:
Markverðir:
Björgvin Gústavsson (Fram)
Hreiðar L. Guðmundsson (Savehof)
Aðrir leikmenn:
Alexander Petersson (Flensburg)
Arnór Atlason (FC Köbenhavn)
Ásgeir Örn Hallgrímsson (GOG)
Guðjón Valur Sigurðsson (Kronau)
Ingimundur Ingimundarson (Minden)
Logi Geirsson (Lemgo)
Ólafur Stefánsson (Ciudad Real)
Sigfús Sigurðsson (Valur)
Snorri Steinn Guðjónsson (GOG)
Sturla Ásgeirsson (Aarhus GF)
Sverre Jakobsson (HK)
Róbert Gunnarsson (Gummersbach)
FÓTBOLTI Eiður Smári Guðjohnsen
gat ekki æft með Barcelona í gær
þegar liðið kom allt saman að
nýju eftir æfingaferðina til
Skotlands þar sem liðið vann tvo
leiki með markatölunni 11-1.
Eiður Smári lék manna mest í
liðinu í ferðinni og skoraði tvö
góð mörk. Hann glímir hins vegar
enn við meiðsli í vinstra hné og
gat af þeim sökum ekki verið með
á æfingum liðsins í gær.
Fram undan hjá Börsungum er
ferð til Ítalíu og Bandaríkjanna.
- óój
Eiður Smári Guðjohnsen:
Hnéð er enn til
vandræða
> Sara Björk í Breiðablik
Samkvæmt áreiðanlegum heimildum netmiðilsins Vísis í
gærkvöld mun landsliðskonan Sara Björk Gunn-
arsdóttir ganga í herbúðir Breiðabliks í Lands-
bankadeildinni. Hún kemur frá 1. deildarliði
Hauka og hefur aldrei áður leikið í efstu
deild. Hin tæplega átján ára Sara Björk
hefur leikið sjö leiki með Haukum í 1.
deildinni í sumar og skorað fimm mörk.
Hún braust fram á sjónarsviðið þegar
hún var valin í A-landsliðið á síðasta
ári og hefur síðan leikið níu landsleiki
og skorað tvö mörk og meðal annars
verið í byrjunarliðinu í tveimur síð-
ustu leikjum liðsins í undankeppni
EM 2009.
FÓTBOLTI KR-ingar eru komnir upp
að hlið Fjölni í töflunni eftir 2-0
sigur á Grafarvogsfélaginu í gær.
Fyrri hálfleikurinn var bragð-
daufur en fullur af baráttu.
Björgólfur Takefusa skaut framhjá
úr dauðafæri eftir 24 sekúndur en
heimamenn voru mun grimmari.
Fjölnismenn seldu sig ekki dýrt
og virkuðu sem keilur sem liprir
heimamenn dönsuðu framhjá án
þess þó að skapa sér hættuleg færi.
Flest skotin trufluðu Hrafn mark-
mann ekki mikið. Sókn Fjölnis var
léleg, sendingarnar daprar og félag-
ið komst vart yfir miðju.
Það þurfti eitthvað sérstakt til að
brjóta þykkan ísinn í gær og það
tókst Gunnari Erni Gunnarssyni.
Stórbrotið mark hans kom upp úr
engu, Guðjón sendi fyrir utan af
kanti og Gunnar hamraði boltann
óverjandi í netið á lofti. Staðan 1-0 í
hálfleik.
Bjarni varð fyrsti maður í
Íslandssögunni til að spila með
tveimur liðum í sömu umferðinni
þegar hann kom inn á sem vara-
maður þegar Skúli Jón meiddist.
Hann var heppinn að fá ekki á sig
víti mínútu síðar en stóð sig heilt
yfir ágætlega.
Dómarinn var hins vegar ekki í
neinum vafa þegar Hrafn kippti
Björgólfi niður í teignum. Fjölnis-
menn vildu meina að áður hefði
verið brotið á markmanninum sem
fékk gult spjald. Björgólfur skor-
aði sjálfur örugglega úr vítinu, 2-0.
Fjölnismenn byrjuðu ekki að
setja kraft í sóknina fyrr en þeir
voru lentir tveimur mörkum undir.
Samt sem áður gekk þeim nánast
ekki neitt og þeir ógnuðu Stefáni
Loga lítið. Björgólfur fékk dauða-
færi þegar Hrafn varði vel og
Fjölnir vildi fá víti þegar boltinn
virtist fara í hönd Viktors Bjarka
innan teigs.
Ólafur Páll á að skammast sín
fyrir hreint fáránlega tæklingu á
Jónasi Guðna undir lokin sem
verðskuldaði svo sannarlega rauða
spjaldið sem hann fékk. Hefnibrot
af verstu gerð aftan í Jónas.
Lokatölur voru 2-0. Yfirburðir
KR voru miklir og sigurinn síst of
stór. KR-ingar náðu að hefna fyrir
sætan 2-1 sigur Fjölnis í fyrri
umferðinni og liðið lék vel. Það
færist nú nær toppbaráttunni og
er jafnt Fjölni að stigum en Graf-
arvogsliðið átti ekki skilið neitt út
úr þessum leik.
„Þetta gekk ekki upp í kvöld,“
sagði Ásmundur Arnarson, þjálf-
ari Fjölnis. „KR-ingar voru virki-
lega grimmir og lokuðu vel á
okkur,“ sagði Ásmundur sem var
ekki sáttur við dómgæsluna.
„Það væri fróðlegt að sjá nokkur
vafaatriði í dómgæslunni aftur.
Mér fannst dómarinn missa tökin
að miklu leyti. Við vorum lélegir
og töpuðum vegna þess en dómar-
inn leyfði of mikla hörku. Svo gerði
hann mistök í vítinu sem við feng-
um á okkur. Þá er brotið á mark-
verðinum á undan og svo áttum við
að mínu mati að fá allavega eitt
víti. Það hefði breytt gangi leiks-
ins,“ sagði Ásmundur.
„Það er gott að vera kominn í
KR-treyjuna,“ sagði Bjarni sem
hoppaði um af gleði með KR eftir
sigurinn. Félagar hans kenndu
honum líka að fagna með skemmti-
legum dansi sem lauk með hoppi
langleiðina upp í stúku. „Það var
svolítið sérstakt að fara þangað.
En ég er ánægður með sigurinn og
móttökurnar voru frábærar,“
sagði Bjarni að lokum. - hþh, egm
Síst of stór sigur hjá KR-ingum
KR-ingar unnu sannfærandi sigur á Fjölni í Landsbankadeildinni í gærkvöld sem var síst of stór. Þeir skor-
uðu tvö mörk gegn bitlausum Grafarvogsbúum. Bjarni Guðjónsson spilaði fyrir KR og lék ágætlega.
FR
ÉT
TA
B
LA
Ð
IÐ
/A
R
N
ÞÓ
R
HART BARIST Leikur KR og Fjölnis var
nokkuð harður á KR-vellinum í gær-
kvöld. KR-ingar skutust með sigrinum
upp fyrir Fjölni í deildinni.
FR
ÉT
TA
B
LA
Ð
IÐ
/A
R
N
ÞÓ
R