Fréttablaðið - 31.07.2008, Blaðsíða 2
2 31. júlí 2008 FIMMTUDAGUR
Grill-leikur
me› s‡r›um rjóma!
Taktu þátt í grillleik MS og þú gætir
unnið glæsilegt Weber-grill eða
vandað grillsett. Kauptu dós af sýrðum
rjóma frá MS, farðu á www.ms.is, sláðu
inn lukkunúmerið sem er í lokinu og þú
færð strax að vita
hvort þú hefur
unnið.
H
V
ÍT
A
H
Ú
S
IÐ
/S
ÍA
0
8
-1
0
2
0
ÍSRAEL, AP Ehud Olmert, forsætis-
ráðherra Ísraels, tilkynnti í gær
að hann ætlaði ekki að bjóða sig
fram í leiðtoga-
kjöri flokks
síns, Kadima,
sem verður í
september.
Þar með er
ljóst að Olmert
ætlar að hætta
sem forsætis-
ráðherra. Hann
hefur verið
hvattur til þess að segja af sér
vegna spillingarmála á hendur
honum, sem eru til meðferðar hjá
dómstólum.
Takist arftaka Olmerts að
mynda ríkisstjórn, þá gæti hún
tekið til starfa í október. Að
öðrum kosti þarf að efna til
þingkosninga. - gb
Forsætisráðherra Ísraels:
Hættir í stjórn-
málum á árinu
EHUD OLMERT
STJÓRNSÝSLA Lögreglustjórinn á
höfuðborgarsvæðinu gerir ekki
lengur athugasemdir við að veit-
ingastaðurinn Goldfinger í Kópa-
vogi fái leyfi til að bjóða upp á
nektardans.
Sýslumaðurinn í Kópavogi
synjaði í fyrra Goldfinger um
leyfi fyrir nektardansi með vísan
í neikvæða umsögn lögreglu-
stjóra höfuðborgarsvæðisins. Sú
synjun var kærð til dómsmála-
ráðuneytisins sem úrskurðaði 15.
maí í vor að gallar hefðu verið á
umsögn lögreglustjórans og felldi
synjun sýslumannsins þar með úr
gildi.
„Þá var málið unnið á þeim
grunni sem ráðuneytið lagði upp
með. Við fylgjum auðvitað því sem
ráðuneytið ákveður þegar við veit-
um næstu umsögn í málinu,“
útskýrir Stefán Eiríksson, lög-
reglustjóri höfuðborgarsvæðisins,
breytta umsögn embættisins.
Hin nýja umsögn frá lögreglu-
stjóraembættinu barst sýslumann-
inum í Kópavogi fyrr í þessum
mánuði. Sýslumaður hefur óskað
eftir umögn bæjaryfirvalda áður
en hann tekur ákvörðun um leyfis-
veitinguna. Bæjarráðið vísaði
málinu fyrir viku til umsagnar hjá
bæjarlögmanni.
Gunnar I. Birgisson bæjarstjóri
segir að málið verði næst tekið
fyrir eftir verslunarmannahelgi.
Bæjarráð hafði á árunum áður
samþykkt slíkt leyfi en Gunnar
bendir á að nú sé annað fólk í bæj-
arstjórn og óvíst með afstöðu þess.
„Þetta verður bara að koma í ljós,“
segir bæjarstjórinn.
Ásgeir Davíðsson, eigandi Gold-
finger, segir vandséð hvernig bæj-
aryfirvöld geti gert annað en að
lýsa jákvæðu viðhorfi til leyfis-
umsóknar hans.
„Maður þakkar guði fyrir að
þeir virðast hafa séð að sér þessi
menn. Það var hálf skuggaleg
þessi yfirlýsing sem kom frá Jóni
HB. Snorrasyni, þáverandi yfir-
manni efnahagbrotadeildar ríkis-
lögreglustjóra, að við stunduðum
líkast til mansal og værum í
tengslum við alþjóðleg glæpasam-
tök. Lögreglustjórinn byggði á
slíkum kjaftasögum þegar hann
veitti sína neikvæðu umsögn sem
dómsmálaráðuneytið gerði hann
síðan afturreka með,“ segir Ásgeir
er bjartsýnn á að fá leyfið:
„Á sínum tíma voru allir sam-
mála um það í bæjarráði að fá
umsögn lögreglustjórans. Nú
hljóta þeir að verða að fara eftir
þessari umsögn sem þeir báðu
um.“
Lögreglustjóri hefur enn til
meðferðar umsóknir þriggja veit-
ingastaða í Reykjavík sem einnig
hafa sótt um leyfi fyrir nektar-
dansi. Borgarráð veitti í vetur sem
leið neikvæða umsögn um þær
umsóknir. Stefán Eiríksson segir
þau mál enn í vinnslu. „Það má vel
vera að það fari aftur í umsagnar-
ferli,“ segir lögreglusstjórinn.
gar@frettabladid.is
Lögreglustjóri breytir
afstöðu til nektardans
Samkvæmt nýrri og breyttri umsögn lögreglustjóra höfuðborgarsvæðisins er
ekkert athugavert við það að veita leyfi fyrir nektardansi á staðnum Goldfinger.
Sýslumaðurinn í Kópavogi veitir slík leyfi og bíður nú afstöðu bæjaryfirvalda.
STEFÁN
EIRÍKSSON
GUNNAR I.
BIRGISSON
Á GOLDFINGER Ásgeir Davíðsson segist ekki geta séð hvað geti nú komið í veg fyrir
að hann fái leyfi fyrir nektardansi á skemmtistað sínum. FRÉTTABLAÐIÐ/VILHELM
EFNAHAGSMÁL „Að sjálfsögðu þarf að kalla alla
að samningaborðinu eins og gert var árið
1990,“ segir Birkir Jón Jónsson alþingismaður.
Hann tekur heilshugar undir með þeim
Þórarni V. Þórarinssyni, fyrrum framkvæmda-
stjóra Vinnuveitendasambandsins, og Ara
Skúlasyni, fyrrum hagfræðingi Alþýðusam-
bandsins, sem í Fréttablaðinu í gær kölluðu
eftir forystu stjórnmálamanna við gerð nýrrar
þjóðarsáttar.
Birkir Jón segir ríkisstjórnina gegna mjög
mikilvægu hlutverki. „En því miður virðist
algert framtaksleysi einkenna stjórn efna-
hagsmála hér á landi.“
Ágúst Ólafur Ágústsson, varaformaður
Samfylkingarinnar og formaður viðskipta-
nefndar Alþingis, segir stjórnarflokkana mjög
meðvitaða um að ástandið sé alvarlegt.
Ýmislegt hafi verið gert til að skapa meira
jafnvægi í hagkerfinu. Nefnir hann útgáfu á
ríkisskuldabréfum, aðgerðir í húsnæðismál-
um, aukningu gjaldeyrisforðans og lækkun
skatta á fyrirtæki sem dæmi. Einnig liggi fyrir
heimild Alþingis til lántöku.
Þá vísar Ágúst Ólafur til samstarfsvett-
vangs ríkisstjórnar og aðila vinnumarkaðar-
ins. „Nú er aukið atvinnuleysi helsta áhyggju-
efni mitt en það er, ásamt verðbólgunni okkar,
höfuðógn,“ segir Ágúst Ólafur.
„Auðvitað endurspeglar ástandið hér á landi
ástandið annars staðar. Það sem er sérstakt við
okkar aðstæður er að gjaldmiðillinn okkar er
augljóslega of lítill fyrir okkar hagkerfi. Að
sjálfsögðu þurfum við að dýpka umræðuna um
hvernig fyrirkomulag við viljum hafa á okkar
gjaldeyrismálum,“ segir Ágúst Ólafur. - ovd
Varaformaður Samfylkingarinnar segir stjórnarflokkana meðvitaða um að ástand efnahagsmála sé alvarlegt:
Atvinnuleysi og verðbólga er höfuðógn
FRÁ ÞJÓÐARSÁTTINNI 1990 Þórarinn V. Þórarinsson,
þáverandi framkvæmdastjóri Vinnuveitendasambands-
ins, Jón Baldvin Hannibalsson, þáverandi utanríkisráð-
herra, Ólafur Ragnar Grímsson, þáverandi fjármálaráð-
herra, og Guðmundur J. „Gvendur Jaki“ Guðmundsson,
þáverandi formaður Verkamannasambands Íslands.
Eiríkur, tóku mótmælendurnir
stakkaskiptum?
„Já, og vonandi hafa stakkar Orku-
veitunnar verið sniðnir eftir vexti
„stakkels fólksins“.“
Starfsmenn Orkuveitu Reykjavíkur létu
mótmælendur á vegum Saving Iceland fá
stakka til að verja sig gegn kulda. Eiríkur
Hjálmarsson er upplýsingafulltrúi OR.
LÖGREGLUMÁL Fréttastofu Stöðvar 2
barst í gær nafnlaust bréf þar sem
hótað var að koma fyrir tveimur
sprengjum þar sem gleðiganga Gay
Pride fer fram eftir rúma 9. ágúst.
Bréfið var nafnlaust og ritað á
ensku með stórum prentstöfum. Á
íslensku hljóðar það svo: „Að breiða
út alnæmi um allan heim er ekkert
til að vera stoltur af. Tvær sprengjur
verða sprengdar í gleðigöngu hins-
egin daga á Íslandi og annars stað-
ar.“
„Mér finnst það aðallega sorg-
legt að fólk geti verið annaðhvort
svo truflað eða fullt af hatri að
það missi vitið hreinlega. Ég vona
svo sannarlega að þetta séu ekk-
ert nema orðin tóm,“ segir Heim-
ir Már Pétursson, framkvæmda-
stjóri Hinsegin daga, um bréfið.
Geir Jón Þórðarson yfirlögreglu-
þjónn segir lögregluna taka allar
hótanir alvarlega. Bréfið verði
skoðað af rannsóknardeild og
ákvörðun svo tekin um mögulegar
varúðarráðstafanir. - gh
Fréttastofu Stöðvar 2 barst hótun vegna Hinsegin daga:
Hóta sprengjuárás
í gleðigöngunni
VESTMANNAEYJAR „Ég fer með
kartöflugarðinn heim til fólks,“
segir Haukur Guðjónsson,
kartöflubóndi í Vestmannaeyjum.
Haukur hefur í nokkur ár sett
niður kartöflur í fiskiker að vori
og flutt þau heim til viðskiptavina
sem sjálfir sjá um að taka upp
kartöflurnar.
„Það er sérstaklega gaman að
geta fært fólki heim kartöflur í
kjötsúpuna fyrir þjóðhátíð,“ segir
Haukur.
Haukur kveðst hafa sett niður
kartöflur í kartöfluker undanfar-
in ár og það hafi mælst mjög vel
fyrir. Í vor setti Haukur niður
kartöflur í tuttugu ker.
- ht
Kartöflubóndi í Eyjum:
Flytur kartöflu-
garðinn heim
KARTÖFLUR Í FISKIKERUM Haukur Guð-
jónsson í Vestmannaeyjum færir fólki
kartöflugarðinn heim að dyrum.
FRÉTTABLAÐIÐ/ÓSKAR P. FRIÐRIKSSON
GLEÐIGANGAN Nýtur gríðarlegra vinsælda.
TYRKLAND, AP Stjórnlagadómstóll
Tyrklands tók í gær þá ákvörðun
að banna ekki stjórnarflokk
landsins, og gera þar með
ríkisstjórnina óstarfhæfa.
Þó ákvað dómstóllinn að svipta
stjórnarflokkinn helmingi þess
fjár, sem hann hefur fengið frá
ríkinu.
„Þessi úrskurður er viðvörun,
alvarleg viðvörun“ til Réttlætis-
og þróunarflokks Recep Tayyips
Erdogans forsætisráðherra, segir
Hasim Kilic, formaður dómstóls-
ins.
Sex af ellefu dómurum
dómstólsins vildu banna flokkinn
vegna tilhneigingar hans til að
efla ítök trúarinnar í stjórnmál-
um, en til þess að dómur félli á þá
lund hefðu sjö dómarar þurft að
standa að honum.
- gb
Stjórnlagadómstóll Tyrklands:
Stjórnarflokkur
ekki bannaður
Ráðist á karlmann í Holtum
Ráðist var á karlmann á sextugsaldri
á gatnamótum Stórholts og Þverholts,
rétt fyrir klukkan eitt í fyrrinótt. Hann
var fluttur á slysadeild og var nokkuð
slasaður, meðal annars með skurð á
höfði. Fórnarlambið sagði að stöng
hefði verið notuð sem barefli.
LÖGREGLUFRÉTTIR
VIÐSKIPTI Bifreiðaumboðið Ræsir
hefur sagt upp öllum fimmtíu og
sjö starfsmönnum sínum frá og
með næstu mánaðamótum, að því
er Vísir greindi frá í gær. Ræsir
er umboðsaðili Mercedec-Benz,
Smart- og Mazda-bíla á Íslandi.
Geir Zoëga, stjórnarformaður
Ræsis, sagði aðgerðirnar miða að
því að forða fyrirtækinu frá
gjaldþroti. Endurskipuleggja eigi
fyrirtækið og uppsagnirnar séu
liður í því. Segist hann vonast til
þess að sem flestir starfs-
mannanna verði endurráðnir að
skipulagsbreytingum loknum. - gh
Starfsmönnum sagt upp:
Ræsir á barmi
gjaldþrots
Piltar grunaðir um íkveikju
Lögreglan á Suðurnesjum yfirheyrði
í gær þrjá fimmtán ára drengi sem
grunaðir eru um að hafa kveikt í
geymslu á Víkurvegi í Reykjanesbæ.
Tjón er ekki talið vera mikið en reykur
barst um nágrennið, meðal annars í
skrifstofuhúsnæði.
REYKJANESBÆR
SPURNING DAGSINS