Fréttablaðið - 31.07.2008, Blaðsíða 6

6 31. júlí 2008 FIMMTUDAGUR
EFNAHAGSMÁL Samanlagðar tekju-
skatts- og útsvarsgreiðslur lands-
manna fyrir árið 2007 námu 213,6
milljörðum króna, sem er aukning
um 15,1 prósent milli ára. Hver
skattgreiðandi greiddi að meðaltali
um 1.137 þúsund krónur í tekju-
skatta og útsvar á árinu.
Þetta kemur fram í samantekt
fjármálaráðuneytisins á skattálagn-
ingu síðasta árs.
Tekjuskattur nam alls 86,4 millj-
örðum. Skattgreiðsla á hvern ein-
stakling hefur aukist um 3,8 pró-
sent, þrátt fyrir lækkun
skatthlutfallsins úr 23,75 prósent-
um í 22,75 prósent.
Útsvar til sveitarfélaganna var
samtals 101,9 milljarðar króna.
Álagið eykst um 10,75 prósent á
hvern greiðanda.
Fjármagnstekjuskattur einstakl-
inga var samtals 25,3 milljarðar
króna, sem er 55 prósenta aukning
milli ára. Hlutfall fjármagnstekju-
skatts af tekjusköttum einstaklinga
til ríkissjóðs jókst verulega, úr 16,6
prósentum í 22,6 prósent.
Vaxtabætur vegna íbúðalána
almennings nema samtals 6,6 millj-
ónum króna. Meðalvaxtabætur eru
114 þúsund krónur, sem er 7,3 pró-
senta hækkun milli ára.
Framtaldar eignir heimilanna
námu 3.380 milljörðum króna í lok
árs 2007, þar af var andvirði fast-
eigna um 2.377 milljarðar. Á sama
tíma námu skuldir heimilanna 1.348
milljörðum króna, og höfðu vaxið
um 21 prósent milli ára. - bj
Hver skattgreiðandi greiddi að meðaltali 1,1 milljón til ríkis og sveitarfélaga í fyrra:
Skattgreiðslur 213,6 milljarðar
VAXTABÆTUR Upplýsingar um vaxta-
bætur vegna ársins 2007 voru gerðar
aðgengilegar á vef ríkisskattstjóra í gær.
FRÉTTABLAÐIÐ/VILHELM
LÖGREGLUMÁL Annar tveggja
manna sem enn var leitað vegna
hrottalegrar líkamsárásar í
Heiðmörk aðfaranótt sunnudags
fannst í gærmorgun. Eins manns
var síðdegis í gær enn leitað.
Manninum var sleppt að
loknum yfirheyrslum síðdegis í
gær eins og öðrum manni sem
handtekinn var í fyrradag vegna
málsins. Enn annar var þegar
handtekinn um helgina en fékk að
fara frjáls ferða sinna eftir að
hann var yfirheyrður.
Árásarmennirnir eru sagðir
handrukkarar en þeir drógu
rúmlega þrítugan mann út af
heimili sínu í Hafnarfirði
aðfaranótt sunnudags og gengu í
skrokk á honum í Heiðmörk. - ht
Árás í Heiðmörk um helgina:
Eins enn leitað
NJÓSNIR „Þetta eru ekki þau skjöl
sem við vorum að sækjast eftir og
ekki frá þeim tíma þegar íslensk
stjórnvöld voru að vasast í skatta-
málum Halldórs,“ segir Halldór
Guðmundsson fræðimaður.
Halldór hefur skoðað skjöl,
tengd Halldóri Laxness, sem utan-
ríkisráðuneyti Bandaríkjanna
sendi utanríkisráðherra Íslands á
mánudaginn. Ráðherrann hafði
beðið ráðuneytið um að fjölskylda
Laxness fengi að sjá leynileg skjöl
um hann.
„En hér er ekkert sem hefur
með þessi gömlu kaldastríðsátök
að gera, nema Laxness er sagður
„disillusioned communist“ á
einum stað,“ segir Halldór. Hér sé
komið til móts við beiðni ráðherr-
ans „með allt öðrum gögnum frá
allt öðrum tíma“.
Elsta skjalið í sendingunni er
frá 1974 en það yngsta frá 1988.
„Þetta eru skrif þar sem Hall-
dór er nefndur og fara á milli
sendiráðsins á Íslandi og utanrík-
isráðuneytis Bandaríkjanna.
Þarna er ekkert sérlega óeðlilegt.
Þeir senda meira að segja dagskrá
þjóðhátíðarinnar 1974. Á einum
stað segja þeir svo frá því að Hall-
dór hafi tekið þátt í undirskriftar-
söfnun til stuðnings sovéska skák-
meistaranum Viktor Kortsnoj.“
Eitt skjalið sé frá Marshall
Brement, þáverandi sendiherra
Bandaríkjanna á Íslandi. Þar fer
Brement bónleiðar að auknum
fjárframlögum til stofnunar sinn-
ar. Það hafi ekki sinnt sínu hlut-
verki sem skyldi. Hann notar sem
röksemd að formenn Framsóknar
og Sjálfstæðisflokks hafi kvartað
undan því að þeir hafi verið van-
ræktir af sendiráðinu.
Brement tekur undir þetta og
bendir á að miðað við mikilvægi
landsins hafi sárafáir Íslendingar
komið í sendiráðið að undanförnu.
Bréfið er frá 1981, þegar Stein-
grímur Hermannsson var formað-
ur Framsóknar og Geir Hallgríms-
son formaður Sjálfstæðisflokks.
„Og ég veit ekki af hverju þeir
hafa verið að senda þetta. Þetta
fyllir alls ekki upp í eyðurnar í
vitneskjunni sem við höfum af
FBI-skjölum og öðrum gögnum
utanríkisráðuneytisins,“ segir
Halldór.
Hins vegar sé gaman að sjá
hversu mikla áherslu sendiráðið
leggur á vel heppnuð kokkteilboð.
klemens@frettabladid.is
Ekki Laxness-skjölin
sem beðið var um
Halldór Guðmundsson segir skjöl um Laxness, sem komu til landsins á mánu-
dag, sakleysisleg. Í þeim eru formenn Framsóknar og Sjálfstæðisflokks sagðir
kvarta undan því að bandaríska sendiráðið sinni þeim ekki nægilega.
HALLDÓR GUÐMUNDSSON MEÐ SKJÖLIN Sum skjölin hafa þvælst milli bandarískra
stofnana, án þess að skipta miklu máli, að því er virðist. Þau fjalla ekki um njósnir
um Laxness í kaldastríðinu. FRÉTTABLAÐIÐ/ANTON
10 ltr.
4.590
NÝ MÁLNING
SÉRHÖNNUÐ FYRIR
ÍSLENSKAR AÐSTÆÐUR
RV
U
n
iq
u
e
0
60
80
3
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Hentugt við grillið
- einnota diskar, glös, bollar og hnífapör
Nánari upplýsingar veita sölumenn og ráðgjafar RV
HOLLAND, AP Radovan Karadzic, fyrrverandi leiðtogi
Bosníu-Serba, var í fyrrinótt framseldur til stríðs-
glæpadómstóls Sameinuðu þjóðanna í Haag.
Þá um nóttina særðust áttatíu manns í óeirðum í
tengslum við mótmæli, sem flokkur róttækra
þjóðernissinna efndi til gegn framsali Karadzic.
Flokkurinn boðar framhald á mótmælaaðgerðum
daglega.
Þrettán ár eru síðan Karadzic var ákærður fyrir
þjóðarmorð, stríðsglæpi og fleiri voðaverk í
Bosníustríðinu. Málaferlin á hendur honum gætu
staðið árum saman, eins og málaferlin á hendur
Slobodan Milosevic, fyrrverandi forseta Júgóslavíu,
sem lést í fangelsinu í Haag fyrir tveimur árum,
áður en réttarhöldunum lauk.
Saksóknarar dómstólsins hafa ógrynnin öll af
sönnunargögnum um að voðaverk hafi verið framin,
en það gæti þó reynst þrautin þyngri að sanna að
Karadzic hafi að einhverju leyti borið ábyrgð á
þeim.
Málflutningur verjenda Milosevic kemur þó að
góðum notum, því þeir færðu sterk rök fyrir því að
Karadzic hefði miklu frekar en Milosevic staðið á
bak við allt saman.
Karadzic var handtekinn fyrir tæpum hálfum
mánuði í Belgrad, þar sem hann hafði stundað óhefð-
bundnar lækningar undir fölsku nafni. - gb
Radovan Karadzic kominn í hendur stríðsglæpadómstólsins í Haag:
Málaferli gætu tekið mörg ár
Ekki útvarp úr bæjarstjórn
Bæjarráð Garðabæjar hafnaði tilboði
frá fyrirtækinu Konrad Engineering
um útvarpsútsendingar af bæjar-
stjórnarfundum. Sagðist bæjarráð
ekki telja ástæðu til að ganga að
tilboðinu að sinni.
GARÐABÆR
Hefur þú farið í sund í sumar?
Já 58,2%
Nei 41,8%
SPURNING DAGINS Í DAG:
Átti Ólafur F. Magnússon að
víkja Ólöfu Guðnýju Valdimars-
dóttur úr skipulagsráði?
Segðu skoðun þína á visir.is
Leitað að vitnum
Lögreglan í Reykjavík óskar eftir
vitnum að árekstri sem átti sér stað
mánudaginn 21. júlí. Slysið varð við
frárein milli Bíldshöfða og Suður-
landsvegar klukkan 18.05. Þar lentu
saman Yaris og Nissan en annar Yaris
ók í veg fyrir þann fyrri. Þeim, sem
geta veitt upplýsingar, er bent á að
hringja í 444-1100.
LÖGREGLUFRÉTTIR
EIGINKONA OG DÓTTIR RADOVANS KARADZIC Jafnskjótt og
Karadzic hafði verið framseldur til Haag afléttu stjórnvöld í
Serbíu ferðabanni á fjölskyldu hans í Sarajevó. FRÉTTABLAÐIÐ/AP
En hér er ekkert sem
hefur með þessi gömlu
kaldastríðsátök að gera, nema
Laxness er sagður „disillusioned
communist“ á einum stað.
HALLDÓR GUÐMUNDSSON
FRÆÐIMAÐUR
KJÖRKASSINN