Fréttablaðið - 31.07.2008, Blaðsíða 62

34 31. júlí 2008 FIMMTUDAGUR
Á hverju sumri gefst ferðamönnum tækifæri til að
fara í alíslenskt leikhús þótt leikið sé á ensku. Kristín
G. Magnúss hefur rekið Ferðaleikhús sitt allar götur
frá 1965 er hún stofnaði það ásamt eiginmanni sínum
Halldóri Snorrasyni.
Að líta yfir farinn veg er þemað í þessari sýningu sem
frumsýnd var í Iðnó á fimmtudaginn var. Kristín raðar
saman atburðum bernskunnar í Reykjavík sem
eðlilega tengjast mjög þeim tíma er landið var
hersetið, fyrst af Bretum og síðan Ameríkönum.
Umgjörðin er eins og við séum í heimsókn hjá henni
persónulega. Hún býður okkur velkomin að líta með
sér til baka og fáum við tækifæri til þess að sjá
kvikmynd sem ég efast um að nokkur í salnum hafi
séð áður en það var mynd sem Kristínu tókst að fá frá
herminjastofnun Bretlands, The Imperial War
Museeum. Það voru myndskeið frá því að Bretarnir
stigu hér fyrst á land og athyglisvert að sjá og heyra
hvernig þeir upplifðu sjálfa sig og fólkið sem hér bjó.
Það var verið að skipa upp timbri og öðru byggingar-
efni þar sem hér í þessu landi voru engin tré. Og það
var svo sannarlega satt af myndunum að dæma.
Fyrir svo utan að það virtist á myndununum að
Bretarnir hefðu komið hingað sem einhvers konar
skemmtikraftar, fótboltafélagar og sumarfóstrur, því
það voru heilu skararnir af krökkum sem eltu þá
brosandi víðs vegar í Reykjavík. Vafalítið einhver sem
þekkir sjálfan sig eða sína nánustu þar.
Milli þessara myndskeiða og fleiri mynda fléttar
Kristín svo söguna um Kristínu litlu sem snemma
byrjar að dansa og fer hún á kostum í hlutverki
kvennanna í lífi hennar. O dear, o dear, slær hún sér á
lær með skuplu og er svo ofuríslensk en þó með
þennan fágaða breska hreim. Hún kynnir foreldra sína
af mikilli hlýju og á skjánum birtast myndir af ýmsum
húsum í Reykjavík. Henni til fulltingis á sviðinu eru
tveir ungir leikarar þau Sandra Þórðardóttir og Ólafur
Þór Jóhannesson. Sandra leikur Kristínu litlu tínandi
blóm í sveitinni þar sem álfarnir hóa til hennar úr
klettinum. Ólafur og Sandra hafa bæði góða nærveru
og skýra framsögn en atriðin sem þau birtast í eru svo
stutt að við fáum heldur lítil tækifæri til þess að sjá
hvað í þeim býr.
Sýningin í heild spannar tuttugu áhrifarík ár í sögu
Íslands og þar með lífi leikkonunnar og það vantar
ekki dramatíska tóna eða litríkar myndir til þess að
lýsa þessu landi sem alið hefur álfa og tröll og
Djáknann frá Myrká. Kristín situr í huggulegu
söguhorni til hægri á sviðsbrúninni og flettir doðranti
og segir okkur þessa mögnuðu sögu um leið og stúlkan
fer á fund elskhugans og þarf ekki að hafa fleiri orð
um það því allir þekkja söguna en eins og hún birtist
hér mun hún seint líða áhorfendum úr minni. Stór-
karlalegur, hálf andlitslaus bröltir hann gegnum salinn
og afskræmdur þeytist hann upp úr rauðlýstri lúgu á
sviðsgólfinu. Upp um þá sömu lúgu og aðalleikkonan
féll síðan afturábak niður um að frumsýningu lokinni
og stórslasaðist.
Í salnum voru margir útlendingar en einnig mikið af
íslenskum áhorfendum. Það var hlegið mikið og dátt,
ekki minnst þegar gamla konan var að fá djáknann í
gröfina og reka út drauga. Gerfi Kristínar í því atriði
var óborganlegt. Hún nýtur sín einkar vel í gríni og
glensi. Því miður léku þau oft svolítið innarlega á
sviðinu sem kæfði nokkuð tal þeirra. Það sem
einkenndi sýninguna í heild sinni var einlægni og
leikgleði og alrómantísk sýn á landið með jöklana og
norðurljósin, huldufólkið og björtu næturnar.
Það var skelfilegt að verða vitni að þessu slysi í lokin
og vonandi jafnar leikkonan sig að fullu. Þessi sýning
á svo sannarlega eftir að falla mörgum vel í geð og alls
ekki úr vegi að sýna hana einnig á íslensku fyrir þá
áhorfendur sem voru þessi börn er birtust í kvikmynd
Bretanna. Elísabet Brekkan
Leiftur úr fortíðinni
LEIKLIST
Ferðaleikhúsið sýnir Visions from the Past
Höfundur og leikstjóri: Kristín G. Magnúss. Ljós-
myndavinnsla og aðstoð við samningu: Magnús S.
Halldórsson. Lýsing: Lárus Björnsson. Tækni: Jón
Ívarsson. Ljós og myndbönd: Björn Elvar Sigmarsson.
★★
Geðfelld sýning byggð á endurminningum
Hvorki meira né minna en þrjár
nýjar sýningar verða opnaðar í
StartArt listamannahúsi, Laugavegi
12b, í dag kl. 17. Um er að ræða sýn-
ingar listamannanna Creighton
Michael, Magdalenu Margrétar og
samsýningu þeirra Ingunnar Fjólu
Ingþórsdóttur og Þórdísar Jóhann-
esdóttur.
Sýning Creightons Michael nefn-
ist Bylgjulengdir. Á henni sýnir
hann tví- og þrívíðar teikningar
sem innblásnar eru af náttúru
íslands. Í flestum verkum sínum
leggur Michael fyrst og fremst
áherslu á teikningu; hann vinnur
með liti og þrykk og teiknar á papp-
ír, auk þess sem hann býr til svo-
kallaðar skúlptúrteikningar. Enn
fremur má finna sterk áhrif frá
ritun og letri í flestum verka hans
og því er ekki fráleitt að varðveisla
íslenskrar menningar í handrita-
formi hafi einnig haft sín áhrif á
listsköpun hans. Um þessar mundir
stendur einnig yfir sýning á verk-
um Creightons Michael í Hafnar-
borg, menningar- og listastofnun
Hafnarfjarðar, og því úr nægu að
moða fyrir aðdáendur verka hans.
Listamaðurinn sjálfur verður við-
staddur opnunina á verkum sínum í
StartArt í dag.
Grafíklistakonan Magdalena
Margrét Kjartansdóttir opnar sýn-
inguna Svart List í forsal StartArt.
Magdalena hefur starfað sem gra-
fíklistamaður frá 1984 og vakið
athygli fyrir stór verk þrykkt á
pappír. Verkin sem hún sýnir nú eru
svartar tréristur er fjalla um fórn-
ina, eilífðina, endurfæðinguna og
hringrásina sem tengir þetta
saman.
Þriðja sýningin sem opnuð verð-
ur í dag nefnist Flökt og er í austur-
og vestursal jarðhæðar StartArt. Á
henni tefla þær Ingunn Fjóla Ing-
þórsdóttir og Þórdís Jóhannesdóttir
saman hugmyndum sínum á óhefð-
bundinn hátt með því að nota verk
hvor annarrar sem efnivið í nýjar
innsetningar. Sýningin virkar
þannig sem sjónræn rannsókn sem
taka mun breytingum daglega, en
með henni vilja listakonurnar vekja
upp spurningar er varða sjónmenn-
ingu, frumleika, höfundarrétt og
traust og ferli sköpunar gagnvart
hinu fullkláraða verki. - vþ
Þrjár sýningar,
fjórir listamenn
TEIKNING Í ÞRÍVÍDD
Verk eftir banda-
ríska listamanninn
Creighton Michael.