Fréttablaðið - 02.08.2008, Blaðsíða 10
2. ágúst 2008 LAUGARDAGUR
Skógarhlíð 18 • sími 595 1000
Akureyri • sími 461 1099 • www.heimsferdir.is
T
illaga að nýbyggingu Listaháskóla
Íslands á Frakkastígsreit við Laugaveg
hefur
vakið
mikla
athygli og verið
áberandi í
umræðunni
undanfarna daga.
Hjálmar Helgi
Ragnarsson,
rektor Lista-
háskólans og
formaður
dómnefndar
vegna samkeppni
um hús Lista-
háskólans, er
maður vikunnar.
Hjálmari er
lýst sem heiðar-
legum og hrein-
skiptnum manni.
Hann er mjög
skipulagður en
einnig sveigjan-
legur þegar þess
þarf. Hann er
sagður skemmti-
legur húmoristi
sem yfirleitt er
léttur í skapi og
kátur.
Hjálmar vill
hafa hluti
vandaða og
ígrundaða þótt
hann sé hug-
myndaríkur
eldhugi. Hann
framkvæmir
yfirleitt ekki án
þess að hugsa
málin vel. Hann
er mjög vinnu-
samur og
nákvæmur og er
það talið til kosta
hans og lasta.
Honum hættir til
þráhyggju og
smáatriðin eiga
til að flækjast
fyrir honum en
yfirleitt hefur
hann nokkuð
skýra heildarsýn.
Þá á hann mjög
auðvelt með að
hrífa fólk með sér
og hefur hann
sterka nærveru.
„Ef Hjálmar er í
góðu formi getur
hann selt hvað
sem er,“ er haft
eftir samstarfs-
manni hans.
Hjálmar er mjög
trúr þeim
verkefnum sem
hann tekur að sér
og vinnur þau af
miklum eldmóði.
Hjálmar er
fæddur og alinn
upp á Ísafirði en
á ættir sínar að
rekja til Þingeyj-
arsýslna. Hann er
því sagður
sérkennileg
blanda af Þingey-
ingi og Vestfirð-
ingi.
Hann er maður
andstæðna, frjáls-
hyggjumaður og
gamaldags sem
birtist meðal
annars í því að
hann er bæði
sveitamaður og
heimsborgari.
Sem hjá honum
fer vel saman.
Í eðli sínu er
hann sagður
nítjándu aldar
maður, róman-
tískur ofurhugi.
Þar liggi hans
stóru gæði sem
manneskju en
hugsanlega einnig
gallarnir. Hann er
líka praktískur hugsjónamaður og enginn
miðjumoðsmaður. Á sama tíma og hann er
rómantískur hefur hann mjög sterka tengingu
við raunveruleikann og nýsköpun. Hann er
skemmtileg
blanda af gamal-
dags og mjög
framsæknum
manni.
Hjálmar er
sagður bera mikla
virðingu fyrir
listinni og
listsköpun. Því
hafi það verið
mikil gæfa fyrir
Listaháskóla
Íslands að
Hjálmar skyldi
verða fyrsti
rektor skólans.
Þar er hann
sagður réttur
maður á réttum
stað. Hann hafi
blómstrað í starfi
rektors og verið
skólanum mjög
mikilvægur. Er
Hjálmar sagður
góður fulltrúi þess
anda sem þurfi að
ríkja í lista-
háskóla. Sjálfur sé
hann listamaður
sem er heill
gagnvart sinni
eigin sköpun og
beri virðingu fyrir
sköpun annarra.
Hann er sagður
eiga auðvelt með
að semja tónverk
og laglínur sem
grípa hlustendur
tilfinningatökum.
Því eigi sköpun
tónlistar vel við
hann. Vegna
mikilla anna sem
rektor Lista-
háskólans hefur
minna borið á
listsköpun
Hjálmars hin
síðari ár. Er það
sögð sú fórn sem
hann færir og til
marks um hug
hans til skólans og
uppbyggingar
listnáms á Íslandi.
Hjálmari er lýst
sem ákaflega
kurteisum manni
sem eigi auðvelt
með að eiga
samskipti við fólk.
Hann reiðist
sjaldan þó að hann
sé ákveðinn og
fylginn sér. Hann
er mjög krefjandi
maður í samstarfi
en á jafnframt
auðvelt með að
setja sig í spor
annarra.
Helstu áhuga-
mál Hjálmars eru
listir og útivist.
Hann er mikill
náttúruverndar-
sinni og stundar
göngur um
óbyggðir Íslands.
Laxveiðar veita
honum mikla
ánægju en þar er
hann ekki síður að
leita eftir útiver-
unni. Hann hefur
gaman af lestri og
mikinn áhuga á
stjörnufræði og
vísindum. Þá
hefur hann áhuga
á líkamsrækt og
sækir hann
líkamsræktar-
stöðvar reglulega.
Hjálmar er
heimakær og
virðir einkalíf sitt
mikils. Hann á
marga félaga en
fáa nána vini. Líf
hans að mjög
miklu leyti um starfið og þau verkefni sem hann
fæst við hverju sinni.
MAÐUR VIKUNNAR
Heiðarlegur ástríðumaður
HJÁLMAR HELGI RAGNARSSON
ÆVIÁGRIP
Hjálmar Helgi Ragnarsson fæddist á Ísafirði 23. september 1952.
Foreldrar hans voru Sigríður Jónsdóttir Ragnar, kennari, fædd á
Gautlöndum í Mývatnssveit, og Ragnar Hjálmarsson Ragnar, tónlist-
arskóla- og söngstjóri á Ísafirði, fæddur á Ljótsstöðum í Laxárdal í
Suður-Þingeyjarsýslu. Hjálmar á tvær eldri systur, þær Önnu Áslaugu
píanóleikara og Sigríði tónlistarskólastjóra. Hjálmar er kvæntur Sigríði
Ásu Richardsdóttur framkvæmdastjóra og saman eiga þau tvö börn,
Nínu Sigríði og Snorra. Hjálmar á einn son, Ragnar, af fyrra hjóna-
bandi. Fyrri kona hans er Sigríður Dúna Kristmundsdóttir sendiherra.
Hjálmar lauk lokaprófi frá Tónlistarskóla Ísafjarðar árið 1969. Að
því loknu stundaði hann nám við Tónlistarskólann í Reykjavík með-
fram námi við Menntaskólann í Reykjavík þaðan sem hann lauk prófi
árið 1972. Lá þá leið Hjálmars til Brandeis University í Bandaríkjun-
um. Lauk hann þaðan BA-prófi í tónlist árið 1974. Árin 1976 og 1977
stundaði hann nám í raf- og tölvutónlist við Instituut voor Sonologie
í Hollandi og árið 1980 lauk hann meistaraprófi í Fine arts frá Corn-
ell University í Bandaríkjunum.
Á árunum 1974 til 1976 starfaði Hjálmar sem tónlistarkennari við
Tónlistarskóla Ísafjarðar og tónmenntakennari við Menntaskólann
á Ísafirði auk þess sem hann var söngstjóri Sunnukórsins á Ísafirði.
Hann var tónlistarkennari við Tónlistarskólann í Reykjavík á árunum
1980 til 1988 auk þess sem hann var söngstjóri Háskólakórsins á
árunum 1980 til 1983. Þá kenndi hann raftónlist við Tónmenntaskóla
Reykjavíkur 1981 til 1982. Hjálmar var borgarlistamaður Reykjavíkur-
borgar á árunum 1988 til 1991. Árið 1999 tók hann við stöðu rektors
Listaháskóla Íslands og er hann fyrsti rektor skólans. Meðal annarra
starfa má nefna formennsku í Tónskáldafélagi Íslands og stjórnarsetu
í STEFi. Þá var Hjálmar varaforseti Bandalags íslenskra listamanna á
árunum 1989 til 1991 og forseti 1991 til 1999.
Hjálmar hefur samið mikinn fjölda tónverka. Þar á meðal verk
fyrir einleikshljóðfæri, kammerhópa, sinfóníuhljómsveit og kóra.
Auk þess einsöngslög, raftónlist, söngleiki, balletttónlist og tvær
óperur. Einnig hefur hann samið tónlist við margar leiksýningar og
sjónvarpsmyndir. Hann hefur einnig skrifað þó nokkuð um tónlist
auk þess sem hann er einn handritshöfunda að kvikmyndinni Tár úr
steini sem fjallar um ævi tónskáldsins Jóns Leifs.
VANN SÉR TIL FRÆGÐAR
Hlaut riddarakross hinnar íslensku fálkaorðu árið 1996.
HVAÐ SEGJA AÐRIR?
„Hjálmar er ástríðumaður í öllu sem hann tekur sér fyrir
hendur.“
Hilmar Oddsson, kvikmyndaleikstjóri, samstarfsmaður og vinur.
HVAÐ SEGIR HANN?
„Listaháskólinn verður engin skrautbygging. Hún verður sú
bygging sem fólkið á hverjum tíma, nemendur og aðrir vilja að
hún sé.“
Hjálmar Helgi Ragnarsson á blaðsíðu 18 í Fréttablaðinu 19. júlí
2008.