Fréttablaðið - 02.08.2008, Blaðsíða 13
LAUGARDAGUR 2. ágúst 2008 13
Fortíð og framtíð mætast
REICHSTAG-ÞINGHÚS-
IÐ Í BERLÍN Hvelfingin
sem breski arkitekt-
inn Norman Foster
hannaði við þinghúsið
í Berlín var opnuð
árið 1999 og er opin
almenningi. Þrátt fyrir
að hafa verið nokkuð
umdeild er almennt
talið að hún hafi
heppnast sérlega vel.
KUNSTHAUS Í GRAZ
Þessi bygging er
oftast kölluð „vina-
lega geimveran“ af
höfundum hennar,
arkitektunum Peter
Cook og Colin Fourni-
er. Safnið stendur í
jaðri gamla bæjarins í
Graz í Austurríki.
MILLENIUM DOME Í LONDON Þessi risavaxni skáli var byggður í tilefni hátíðarhald-
anna um aldamótin 2000 í Lundúnum og var hannaður af arkitektinum Richard
Rogers. Þessi umdeilda hvelfing er orðin ein þekktasta bygging borgarinnar og
kallast nú O2-hvelfingin og er notuð undir alls konar stórviðburði.
CONTEMPORARY ARTS CENTER Í
CINCINNATI Þetta nútímalistasafn var
fyrsta verkefni arkitektsins Zöhu Hadid í
Bandaríkjunum og var opnað árið 2002.
Eitt af hlutverkum safnsins var að draga
fleira fólk í miðbæinn sem þótti í örri
hnignun.
GLERPÝRAMÍDINN Í LOUVRE-SAFNINU Eitt frægasta dæmi um nútímalega viðbót við
gamla byggingu er pýramídinn sem arkitektinn I. M. Pei hannaði að beiðni þáverandi
Frakklandsforseta, François Mitterand, í lok níunda áratugarins. Hann er rúmlega
tuttugu metra hár og settur saman úr glerplötum og vakti gífurlegar deilur á sínum
tíma, en hann átti fyrst og fremst að verða nýr inngangur að safninu. Pýramídinn
öðlaðist frekari frægð þegar hann varð hluti af sögusviði metsölubókarinnar Da Vinci
lykillinn eftir Dan Brown. FRÉTTABLAÐIÐ/GETTY
NEW MUSEUM Í
NEW YORK Þessi
skondna bygging á
Bowery-götunni í
SoHo-hverfinu í New
York er nýlistasafn
hannað af japanska
arkitektateyminu
Kazuyo Sejima og
Ryue Nizhizawa.
Byggingin reis árið
2002 og er þakin áli
sem er alsett litlum
götum.
Vinningstillaga að byggingu Listaháskóla Íslands á
Frakkastígsreit er umdeild. Anna Margrét Björns-
son skoðaði erlend dæmi þess þegar samtímaarki-
tektúr mætir gamalli byggð.
KULTURHUSET
Í STOKKHÓLMI
Gamall bæjarhluti
Stokkhólms var
jafnaður við jörðu
til að rýma fyrir
Sergilstorgi og
byggingunum þar
í kringum 1960
sem svo leiddi til
þess að Gamla
Stan var friðaður í
heilu lagi. Kultur-
huset frá 1971 er
meginbyggingin við
torgið og var hann-
að af Peter Celsing.
Almenningur var
lítið hrifinn af
þessu framtaki og
fannst vera valtað
yfir óbætanlegan
menningararf.
SVARTI DEMANTURINN Í KAUPMANNAHÖFN Danska arkitektafélagið Schmidt, Hammer og Lassen hönnuðu svarta dem-
antinn í lok síðasta áratugs, nútímalega byggingu við hafnarbakka Kaupmannahafnar. Den Sorte Diamant er viðbygging
við konunglega danska bókasafnið sem þurfti nauðsynlega að stækka og er úr gleri, stáli og svörtu graníti.
FRÉTTABLAÐIÐ/ WONDERFULCOPENHAGEN