Fréttablaðið - 05.08.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Sólrún María Reginsdóttir stundar fjölbreytta
hreyfingu til að halda heilsunni í lagi.
„Hestar eru aðalmálið þessa dagana, en ég hef stund-
að hestamennsku með hléum alveg frá sextán ára
aldri og finnst það mjög gaman. Ég á það til að gleyma
mér uppi í hesthúsi heilu og hálfu dagana,“ segir
hesta- og útivistarkonan Sólrún María Reginsdóttir,
sem hreyfir sig mikið til að halda heilsunni í lagi.
„Ég hjóla venjulega í og úr vinnunni og finnst ég
mun hressari fyrir vikið,“ segir hún. „Þegar heim er
komið ákveð ég svo hvað ég ætla að gera. Það fer
alfarið eftir því hvernig mér líður. Stundum er ég
þreytt og þá finnst mér best að taka mið af því; fer þá
bara út að ganga eða hjóla og hlusta á góða tónlist,
slaka á og reyni jafnvel að rífa orkuflæðið upp. Aðra
daga er maður hressari og þá tek ég líka vel á því.“
Þar fyrir utan gengur Sólrún, hleypur, fer á línu-
skauta, syndir og lyftir lóðum. „Svo var ég að prófa
golf um daginn og við vinkonurnar ætlum að skella
okkur í tíma til golfkennara til að ná undirstöðuatrið-
unum,“ segir hún hress í bragði.
Sólrún segist reyna að sameina hreyfingu og
skemmtan. „Þar af leiðandi tengi ég hreyfingu við
eitthvað sem mér finnst jákvætt, ekki átök. Þá geri ég
það sem líkaminn minn hefur orku og úthald í þá
stundina.“
Hollt og gott mataræði er líka liður í að halda heils-
unni í lagi að sögn Sólrúnar. „Ég passa upp á að borða
fjölbreytta fæðu og mikið af ávöxtum og reyni að
sneiða hjá öllum mjólkurmat. Ég á engan sérstakan
nammidag; borða nammi og kökur ef mig langar í, en
ég geri það í hófi og þá helst fyrripart dags. Á kvöldin
er mér meira umhugað um það sem ég læt ofan í mig.
Borða þá minna af sætindum og helst ekkert eftir
klukkan 19.30.“ sigridurp@frettabladid.is
Heilsan í hávegum höfð
Sólrún Reginsdóttir hugar að heilsunni með því að stunda hestamennsku, lyfta lóðum, hlaupa og synda svo fátt eitt sé nefnt.
FRÉTTABLAÐ/STEFÁN
Auglýsingasími
– Mest lesið
SÁRSAUKALAUST SÓLSKIN
Sólarexem lýsir sér í roða og
bólum sem klæjar í en útfjólubláir
geislar sólarinnar eru taldir orsaka
það. Ýmsum aðferðum er hægt
að beita til að hindra að þetta
vandamál blossi upp.
HEILSA 2
AUGNAYNDI Í ELDHÚSINU
Hönnuðurinn Jens Veerback
heldur úti heimasíðu sem hann
helgar brauðristasafninu sínu.
HEIMILI 3