Fréttablaðið - 05.08.2008, Blaðsíða 18
[ ]
Fólki með ljósa húð er hættara við sólarexemi. NORDICPHOTOS/GETTY
Fólki á norðlægum slóðum er
hætt við sólarexemi sem lýsir
sér með roða og bólum sem
klæjar í. Best er að reyna að
verja sig fyrir sólargeislunum,
en sé exemið komið á annað
borð eru sterar eina lausnin.
„Sólarexem er frekar algengt á
norðlægum slóðum þar sem sumr-
in eru fremur stutt og mikið um
fólk með ljósa húð,“ segir Stein-
grímur Davíðsson, húðsjúkdóma-
læknir hjá Húðlæknastöðinni
Smáratorgi. „Á vissum svæðum
glíma allt að 20 prósent við þetta
vandamál en á suðlægari slóðum
er það fátítt. Talið er að orsök
exemsins sé sú að útfjólubláir
geislar sólarinnar breyti prótíni í
húðinni þannig að ofnæmi mynd-
ast,“ útskýrir Steingrímur og
bætir við að húðgerð og erfðir
hafi mikið að segja um hvort
ofnæmi komi fram.
Sólarexem lýsir sér með roða
og kláðabólum sem oft mynda
klasa eða jafnvel smáblöðrur.
Útbrotin koma yfirleitt fram
nokkrum klukkutímum eftir úti-
veru í sól en geta þó komið eftir
nokkrar mínútur og vara í nokkra
daga.
Steingrímur segir ungar konur
oft þjást af þessu vandamáli og
segir mögulega skýringu að þær
leiti frekar í sólina en karlar.
Hann segir vandamálið yfirleitt
koma fyrst fram á fyrri hluta
ævinnar og að ekki sé óalgengt að
sjá það hjá börnum og unglingum.
Það geti þó einnig komið fram
síðar á ævinni.
„Algengast er að sólarexem
komi á staði sem sólarljósið nær
auðveldlega til, svo sem á bringu,
handleggi og eyru. Exemið hegð-
ar sér þannig að það er oft mest
áberandi á vorin þegar sólin fer
að skína og fólk fer að vera meira
úti. Svo þegar húðin fer að taka lit
myndast vörn og þá lagast vanda-
málið en endurtekur sig yfirleitt
að ári,“ útskýrir Steingrímur.
En hvað er til ráða? „Í fyrsta
lagi er mikilvægt að verja húðina
með fatnaði og vera ekki of lengi í
sólinni í einu. Sumir hafa gagn af
því að nota sólarvörn en þá þarf
hún að vera sterk og innihalda
bæði vörn gegn A- og B-geislum
sólar því misjafnt er hvaða geisl-
um fólk er viðkvæmt fyrir.“
Fái fólk slæmt sólarexem segir
Steingrímur steratöflur eða
sterasprautur duga best en á væg-
ari tilfelli er hægt að nota stera-
krem.
Hann segir að ekki virðist meiri
hætta á húðkrabbameini hjá þeim
sem hafa fengið sólarexem en að
fólki með ljósa húð sé hættara við
hvoru tveggja.
vera@frettabladid.is
Skuggahlið sólarinnar
Hot.is er vefur aðallega ætlaður þeim sem stunda líkamsrækt og
vilja geta fylgst með mataræði sínu og árangri. Á síðunni getur fólk
skráð inn hvað það borðar og séð næringarinnihald fæðunnar.
Mikilvægt er að konur noti
réttan stuðningsbrjóstahaldara
í líkamsrækt.
Háskólinn í Portsmouth á Englandi
gerði nýverið könnun sem sýndi að
lélegur stuðningur brjóstahaldara
getur leitt til slits og sigs.
Rannsóknarteymi við háskólann
prófaði fimmtíu tegundir brjósta-
haldara á hundruðum kvenna yfir
þriggja ára tímabil. Við mikla
hreyfingu kom í ljós að flestir
brjóstahaldarar styðja aðeins við
hliðarhreyfingar brjósta, ekki á
meðan þau hreyfast upp og niður.
Sýnt þótti að konur velja oft
ólíka haldara til íþróttaiðkunar og
daglegrar notkunar. Margar virt-
ust halda að brjóstahaldarar sem
farið er í yfir höfuðið veiti besta
stuðninginn. Rannsóknin sýndi
hið gagnstæða. „Konur vilja
ákveðna tegund brjóstahaldara og
eru tregar að breyta til,“ segir
Wendy Hedger, einn meðlimur
rannsóknar teymisins. Hún bendir
á að konur velji líka oft ranga
brjóstahaldara til að ganga í dag-
lega, sem valdi óþægindum og
jafnvel verkjum.
Þá er mikilvægt að muna að
lögun brjósta breytist á lífsleið-
inni, einkum eftir brjóstagjöf og
tíðahvörf. Velja þarf brjóstahald-
ara í takt við það. Sjá www.bbc.
co.uk. -kka
Réttur stuðningur
Flestir brjóstahaldarar veita aðeins
stuðning við hliðarhreyfingum brjóst-
anna. NORDICPHOTOS/GETTY
Flókið púsluspil
Breskir sérfræðingar rannsök-
uðu nýverið 3.000 börn á aldrin-
um átta til ellefu ára og komust
að því að börn með offitugen eiga
þrátt fyrir ólíkan bakgrunn sam-
eiginlegt að borða reglulega yfir
sig og eiga í erfiðleikum með að
greina það þegar þau verða södd.
Jane Wardle, ein þeirra sem stóð
að rannsókninni, segir málið flókn-
ara en svo að allir með genið þjá-
ist sjálfkrafa af offitu. Þeir séu þó
í áhættuhóp. „Þetta fólk er við-
kvæmt fyrir skyndibitamenning-
unni sem þróast hefur í hinum
vestræna heimi,“ segir hún. „Það
eru líka önnur gen en offitugenið
sem ýta undir matarlyst og þyngd-
araukningu. Saman hafa þau veru-
leg áhrif. Þetta er flókið púsluspil
en með þessari rann-
sókn höfum
við náð að
setja saman
fyrstu
tvö púsl-
in,“ segir
Wardle. - kka
heyra allt skýrt skynja allt rétt upplifa lífsins gildi
Samefling gerir gæfumuninn
Nýju ReSound Ziga heyrnartækin eru samefld þannig að þau skila meiru en nemur samanlagðri virkni
þáttanna sem í þeim eru.
Með Ziga geturðu vænst þess að heyra á notalegan og eðlilegan hátt vegna þess að þau hafa
framúrskarandi hljóðgæði, eru mjög þægileg og hraðvirk og með mikla aðlögun að þörfum notandans.
Fáðu ReSound Ziga til reynslu í nokkra daga, nánari upplýsingar á www.heyrn.is
Byrjaðu sem fyrst að njóta sameflingar! Tímapantanir 534-9600
Í góðra vina hópi njótum við þess að ...
HEYRNARÞJÓNUSTAN
Heyrnarþjónustan Heyrn ehf. Hlíðasmára 11, 201 Kópavogur, sími 534 9600, heyrn@heyrn.is
Original Arctic Root
Ein vinsælasta lækningajurt heims
Original Arctic Root öðru nafni Burnirót er ein vinsælasta lækningajurtin í
heiminum í dag. Klínískar rannsóknir hafa leitt í ljós að hún eflir einbeitingu,
úthald og vinnur gegn streitu og álagi.
Vinnur gegn streitu og álagi
Original Arctic Root er fljótverkandi og þeir sem nota hana finna jákvæða
breytingu á einbeitingu og úthaldi á skömmum tíma. Original Arctic Root hefur
svo sannarlega slegið í gegn á Íslandi og nýtur nú mikilla vinsælda.
Fæst í apótekum og heilsubúðum.
Heilsuvara ársins
í Svíþjóð
2003, 2004 og 2005