Fréttablaðið - 05.08.2008, Blaðsíða 24

5. ÁGÚST 2008 ÞRIÐJUDAGUR4 ● fréttablaðið ● sparneytnir bílar
Vistakstur dregur úr eldsneyt-
iseyðslu, eykur umferðarör-
yggi og getur mögulega stytt
ferðatíma. Húmbúkk, hugsaði
Tryggvi Gunnarsson blaða-
maður áður en hann mætti
í vistaksturstíma og fékk að
finna til tevatnsins.
Ef ég keyri eins og afi gamli í
sunnudagsbíltúr á vinstri akrein
með bílalestina á eftir mér og fer
svo hægt að ég fæ meðvind ef ég
sting höfðinu út um gluggann þá
spara ég bensín, bjarga heiminum
og buddunni um leið. Það hélt ég
að minnsta kosti þegar ég settist
upp í bíl með Marteini Guðmunds-
syni ökukennara til að læra undir-
stöðuatriði vistaksturs og hugsaði
að þetta ætti eftir að verða pínleg
lífsreynsla.
Ökutíminn byrjaði eins og búast
mátti við. Kurteislegt spjall um
daginn og veginn, bílamenningu
Íslendinga og auðvitað veðurblíð-
una sem ekki einungis var blessun
og yndi, heldur einnig áminning
um að ef við breyttum ekki lífs-
stíl bráðlega yrði Ísland þekkt sem
landið sem eitt sinn átti stærsta
jökul Evrópu.
Svo var lagt af stað. Ég keyrði
fyrirfram ákveðna leið og notaði
til þess mitt hefðbundna aksturs-
lag á mínum hefðbundna hraða. Nú
verða aðrir að dæma um ökuhæfni
mína en Marteinn var nokkuð sátt-
ur og sömuleiðis ég. Eyðslan var 7,1
l/100 km á dísilknúna Opel Vecta-bíl
hans. Marteinn hrósaði mér fyrir
notkun á akreinum og ég hugsaði
með mér að nú byrjaði það. Hann
sæi að ég æki ekki eins og vitleys-
ingur sem þýddi að hann gæti ekki
bætt eyðsluna hjá mér nema að litlu
leyti. Það taldi ég þar til hann sneri
sér að því sem mátti bæta.
Hann tilkynnti mér að ég stæði
allt of mikið á kúplingunni og léti
bílinn renna of mikið. „Nú!“ sagði
ég. „Sparar það ekki bensín?“
Þarna ljóstraði ég upp um fávisku
mína fyrir honum og geri það nú
fyrir alþjóð.
Hann hélt áfram og taldi upp
nokkur atriði sem betur mættu
fara. Ég hlustaði með athygli
og svo lögðum við aftur af stað,
sama hringinn, nema í þetta skipt-
ið reyndi ég að fara eftir leiðbein-
ingum hans og hann sagði mér til
jafnt og þétt. Mér leið eins og ég
væri 17 ára í bílprófi.
Þegar við skoðuðum tölurn-
ar eftir annan hringinn kom hinn
stóri sannleikur í ljós. Ég var kom-
inn niður í 5,7 l/100 km. Eldsneyt-
iseyðslan hafði dregist saman um
20 prósent.
Til þess að það gerðist þurfti ég
að fórna 3 km/klst í meðalhraða
og 1,28 mínútu. Ég er reyndar
viss um að ég gæti bætt vistakst-
urinn því í síðari ferðinni var um-
ferðin þyngri og ég var óheppn-
ari með ljós. Enn fremur fullyrð-
ir Marteinn að hægt sé að ná betri
tíma með vistakstri og bendir á að
starfsmenn Strætós hafi bætt sinn
tíma er Marteinn tók þá í kennslu-
stund.
Ég yfirgaf Martein vísari og
betri (öku)maður. Auk þess að
spara pening og bjarga ísbjörnum,
sem virðist vera eitthvað sem Ís-
lendingar eru ófærir um, var ég
einnig öruggari ökumaður. Þrjár
flugur í einu höggi. - tg
Miklu minni eyðsla
Vistakstur er vinsæll meðal fyrirtækja en færri einstaklingar koma í kennslu hjá
Marteini Guðmundssyni ökukennara. FRÉTTABLAÐIÐ/GVA
Rétt eins og þegar kraftakarl leggur af
stað með trukk í eftirdragi tekur mesta
orku fyrir bíl að taka af stað. Því þarf
að forðast stopp eins og hægt er, innan
skynsemismarka auðvitað.
FRÉTTABLAÐIÐ/STEFÁN
Indverskir bílar af gerðinni Reva City Car komu fram
á sjónarsviðið hér á landi í lok síðasta árs. Einn slíkur
vann ökutækjakeppnina Kappaksturinn mikli í sept-
ember í fyrra sem snerist um sem minnsta mengun.
Sá sem flytur inn Reva City Car heitir Bragi Þór
Valsson og er með fyrirtækið Perlukafarann. Hann
segir fólk hafa sýnt Reva-bílnum vaxandi áhuga.
„Reynsluakstur er oft umsetinn og bíllinn vekur
mikla athygli hvar sem hann kemur,“ segir Bragi
Þór. „Áhuginn hefur fylgt hækkandi bensínverði og
aukinni umhverfis- og náttúruverndarum-
ræðu enda er Reva City Car eini bíllinn á
markaðnum sem mengar ekkert,“ tekur
hann fram. Hann segir rafmagnsreiðhjól
og rafmagnsvespur njóta líka sívaxandi
vinsælda og bendir á að aukin eftirspurn
skili sér í því að á næstu mánuðum sé
áætlað að setja upp hleðslustaura
bæði á Egilsstöðum og Ísa-
firði.
Bragi telur Reva City
Car að lágmarki níu sinn-
um sparneytnari en
bensínbíla og segir hægt
að reikna út sparnað-
inn við að aka á honum
miðað við mismunandi forsendur á www.perlu-
kafarinn.is/reva undir upplýsingar/mengun og
eldsneytiskostnaður.
Hægt er að panta reynsluakstur hjá Perlu-
kafaranum í Kópavogi og einnig verður
bíllinn til sýnis og reynsluaksturs á Egils-
stöðum helgina 24. og 25. ágúst ásamt raf-
magnsreiðhjóli. - gun
Fækkið stoppum eins og hægt er
Haldið jöfnum hraða
Nýtið brekkur til hraðaaukningar
Veljið rétta gíra miðað við aðstæður
Sýnið framsýni og lesið umferðina
Veljið rétta akrein til að forðast
stopp
Hafa gott bil milli bíla
RÁÐLEGGINGAR
Reva City Car-bílnum er stungið í samband við venjulega
innstungu. Hann kemst á 60 til 70 kílómetra hraða.
FRÉTTABLAÐIÐ/VILHELM
Aukinn áhugi á rafmagnsbílum
„Fyrstu bílarnir komu á götuna
seint árið 2001 og seldust þá fimm
bílar. Árið 2007 seldust 96 bílar
og 47 bílar hafa selst það sem af
er árinu 2008,“ segir Jón Óskar
Halldórsson, sölustjóri Toyota á
Íslandi, um Toyota Prius sem er
fyrsti tvinnbíllinn sem kom til
landsins.
Jón Óskar segir tölurnar sýna
að salan hafi aukist verulega milli
ára. „Það sem er hamlandi í söl-
unni er að við höfum ekki fengið
nóg af bílum, því eftirspurnin er
svo sannarlega til staðar. En á það
má benda að Primusinn markaði
upphafið að þróun bíla með um-
hverfismarkmið, sem eitt af aðal-
áherslunum. Aðrir framleiðendur
eru að feta í fótspor Toyota í þeim
efnum.“
Toyota Prius er fyrsti tvinnbíll-
inn sem kom á markað en byrj-
að var að hanna kerfið fyrir um
30 árum. „Þá hófst Toyota handa
við að finna upp kerfi sem myndi
menga minna og eyða minna bens-
íni, sem á sér stað til dæmis við
hemlun. Útkoman, tvinnkerfið,
samanstendur af rafmótor og
bensínvél. Toyota hannaði kerfið
með það fyrir augum að óháð orku-
gjafa, hvort heldur bensíni, dísil
eða vetni, gerði það bílinn um-
hverfisvænni,“ segir Jón Óskar og
bætir við að Toyota í Evrópu telji
tvinnbíla hagkvæmnustu lausnina
miðað við núverandi aðstæður.
„Á þeim tíma sem bensínvélin
er óhagkvæm eins og þegar fólk
tekur af stað og annað slíkt, þá er
rafmagnsmótorinn aðalorkugjaf-
inn í tvinntækni og síðan tekur
bensínvélin við þegar það er orðið
hagkvæmt hvað varðar mengun og
eyðslu.“
Ýmsar efasemdir hafa komið
upp varðandi kosti tvinnbíla en
Jón gerir lítið úr þeim. „Þú þarft
ekkert að gera. Keyrir bílinn með
nákvæmlega sama hætti og annan
bíl,“ segir Jón Óskar. - stp
Fyrstur til landsins
Byrjað var að hanna
tvinnbíla fyrir um 30
árum hjá Toyota.
M
YN
D
/T
O
YO
TA
Bragi Þór í Perlukafaran-
um verður var við aukinn
áhuga á rafmagnsbílum.
FRÉTTABLAÐIÐ/HÖRÐUR