Fréttablaðið - 06.08.2008, Blaðsíða 10
10 6. ágúst 2008 MIÐVIKUDAGUR
RÚSSLAND, AP Þúsundir Rússa lögðu
leið sína að kistu rithöfundarins
Alexanders Solzhenítsyn í gær til
að votta honum hinstu virðingu
sína. Hann verður jarðsunginn í
dag við Donskoi-klaustrið í
Moskvu.
Hátíðlegur blær var yfir öllu í
stórum sal rússnesku vísinda-
akademíunnar í Mosku þar sem
kistan stóð á miðju gólfi umkringd
hermönnum sem stóðu heiðurs-
vörð.
Ekkja hans, Natalja, stóð við kist-
una ásamt sonum þeirra og barna-
börnum. Meðal þeirra sem komu til
að votta honum virðingu sína var
Vladimír Pútín, sem nú er forsætis-
ráðherra Rússlands eftir að hafa
verið forseti landsins í átta ár.
Solzhenítsyn verður jarðsung-
inn í dag við Donskoi-klaustrið í
Moskvu. Hann lést á sunnudaginn
fyrir utan heimili sitt í Moskvu af
völdum hjartasúkdóms, sem lengi
hafði hrjáð hann.
Margir þeirra sem komu í gær
til að votta honum virðingu sína
þurftu að bíða lengi í röð í rigningu
fyrir utan vísindaakademíuna eftir
að komast inn. Flestir voru yfir
fimmtugt, Rússar, sem lásu bækur
Solzhenítsyns þegar þær komu
fyrst út á sjöunda og áttunda ára-
tug síðustu aldar.
„Uppáhaldsskáldsagan mín er
Krabbameinsdeildin,“ sagði einn
syrgjenda, Jevgení Bystrov, þar
sem hann stóð með svarta regnhlíf
í röðinni. „Það er svo mikil bjart-
sýni í henni, svo mikil lífsjátning.
Hann þröngvar aldrei hugmynd-
um sínum upp á lesandann, heldur
biður mann um að hugleiða málin,
og þá áttar maður sig á alvörunni
og mikilfengleiknum sjálfur.“
Þriggja binda bálkur hans um
dvöl hans í Gulag-fangabúðunum,
sem kom út á áttunda áratugnum,
fór mjög fyrir brjóstið á valda-
klíku Sovétríkjanna og átti stóran
þátt í að eyða stuðningi við þau á
Vesturlöndum og hvatti jafnframt
til dáða heila kynslóð andófsmanna
heima fyrir.
Solzhenítsyn var rekinn úr landi
árið 1974 og bjó síðan í tuttugu ár í
útlegð. Afstaða Rússa til hans er
nokkuð blendin. Yngri Rússar líta
margir á hann sem strangan og
harðneskjulegan fulltrúa liðinnna
tíma. Þeir sem enn minnast tíma
kommúnismans með hlýju vanda
honum ekki kveðjurnar, en á hinn
bóginn fældi hann einnig frá sér
frjálslynda umbótamenn með
dyggum stuðningi sínum við þær
skorður, sem Pútín hefur sett lýð-
ræðinu á síðustu árum.
gudsteinn@frettabladid.is
Solzhenítsyn
kvaddur
Þótt Rússar beri blendnar tilfinningar til Alexand-
ers Solzhenítsyns var mikið haft við í gær þegar
líkkista hans stóð í vísindaakademíunnar í Moskvu.
Vladimír Pútín vottaði honum hinstu virðingu.
LÍKVAKA Í MOSKVU Natalja, ekkja Alexanders Solzhenítsyns, kraup við kistu hans í
sal vísindaakademíunnar í Moskvu. FRÉTTABLAÐIÐ/AP
Ævintýraferð um Pólland 1.-10. september
Fararstjóri í verður Þorleifur Friðriksson, netfang thleif@hive.is
Nánari upplýsingar hjá Söguferðum í síma 564 30 31, soguferdir@soguferdir.net
Hringdu í síma
ef blaðið berst ekki
SÝNA FÆRNI SÍNA Landamæraverðir í
borginni Basra sunnarlega í Írak sýndu
færni sína þegar nýjar höfuðstöðvar
landamæralögreglunnar þar í borg
voru teknar í notkun nú í vikunni.
NORDICPHOTOS/AFP
Þjónustugjald er innifalið í verði flestra veit-
ingahúsa. Þetta þýðir að þegar neytandi
kemur og greiðir fyrir kaffið sitt, þá greiðir
hann meira sökum þess að ekkert þjórfé er
gefið.
Guðrún Pálsdóttir í Reykjavík sendi Frétta-
blaðinu bréf: Um daginn fór ég á Vegamót með
vinkonum mínum út að borða. Við biðum fyrst
heillengi eftir þjónustu en fengum hana að
lokum. Loksins þegar við vorum búnar að
borða og báðum um reikninginn þá
sagði stelpan að við yrðum að borga
hann við kassann. Ég sagði henni að
ég vildi fá þjónustu til borðs með
reikninginn eins og með matinn,
hún sagði að það væri aldrei gert og að við
yrðum að fara á kassann.
Óli Már Ólason, einn eigenda Vegamóta,
segir að viðskiptavinir staðarins eigi að geta
fengið þessa þjónustu til borðs.
„Einu undantekningarnar sem við gerum
eru á sumrin úti í garði, stundum kemur mikið
af fólki óvænt. Reyndar er okkar reynsla sú
að í hádeginu stendur fólk bara upp og fer
sjálft að barnum til að borga.“ Óli bætir því
við að honum þyki það sjálfsögð þjónusta við
viðskiptavini Vegamóta að leyfa þeim að
borga sitjandi.
„Það á að vera þannig að ekki eigi að þurfa
að ganga að barnum til þess að greiða fyrir
þjónustu,“ segir Óli og bætir við að „þeir sem
biðja um að fá að greiða við borðið, fá að
greiða við borðið“.
Viðskiptavinir Vegamóta eiga ekki að þurfa að fara á kassann:
Þjónusta veitingastaðarins á að vera innifalin í verðinu
VEITINGASTAÐURINN VEGAMÓT Einn eigenda staðar-
ins segir að þeir sem sitji inni megi borga við borðið
sitt.
Sendið umboðsmanni neytenda ábendingar eða sparnaðarráð á neytendur@frettabladid.is
HELGA ÞÓREY neytendur@frettabladid.is