Fréttablaðið - 06.08.2008, Blaðsíða 34
26 6. ágúst 2008 MIÐVIKUDAGUR
sport@frettabladid.is
FRJÁLSAR Hápunktur íþróttamanna
á Íslandi sem og annars staðar er
að taka þátt í Ólympíuleikum en
það þarf margt að ganga upp til
þess að ná því enda leikarnir
aðeins á fjögurra ára fresti og
reglur um lágmarksárangur
strangar. Þegar spjótkastarinn
Ásdís Hjálmsdóttir lá á skurðar-
borðinu fyrir rúmum átta mánuð-
um þá gátu fáir séð það fyrir að
hún yrði búin að margbæta
Íslandsmetið og búin að ná Ólymp-
íulágmarki aðeins hálfu ári síðar.
Ásdís glímdi við erfið meiðsli á
kasthendinni sem eyðulögðu allt
síðasta ár fyrir henni og reyndust
læknum þrautin þyngri.
„Þetta er búið að vera frábært
ár en það byrjaði ekki vel því ég
fór í aðgerð í nóvember og eftir
hana vissi ég ekki við hverju ég
átti að búast. Ég vissi ekki hvort
ég gæti kastað yfirhöfuð og ef að
ég gæti kastað þá hafði ég enga
hugmynd um hvað ég gæti kastað
langt,“ segir Ásdís sem setti nýtt
Íslandsmet í Finnlandi í júlí.
Erfið meiðsli
Meiðsli Ásdísar voru á mjög erfið-
um stað fyrir spjótkastara.
„Þegar ég var að kasta á æfingu
í fyrra þá koma rifa í sin sem ligg-
ur frá vitlausa beininu fram í
vöðva í framhandlegg. Það greri
aldrei saman aftur og fór síðan að
kalka inni í sininni, en því fylgdi
gríðarlegur sársauki þegar ég var
að kasta. Það uppgötvaðist ekki
fyrr en í haust hvað þetta væri
nákvæmlega því við héldum bara
að þetta væru einhverjar bólgur,“
segir Ásdís og í raun kom það ekki
í ljós fyrr en á skurðarborðinu.
„Læknarnir vissu ekki hvað var
að þegar þeir opnuðu mig. Þeir
giskuðu á að það væri eitthvað í
þessarri sin. Þeir opnuðu mig og
þá sáu þeir hvað var að en það
hafði ekki sést á neinum myndum.
Þeir þurftu að skera þennan kalk-
blett í burtu sem var inni í miðri
sininni og sauma svo sinina saman.
Þeir skáru síðan sinina frá beininu
til þess að láta hana gróa betur.
Við vissum ekkert hvernig þetta
myndi gróa saman og hvort að
þetta myndi halda þegar ég væri
byrjuð að kasta. Við vissum ekk-
ert hvað myndi gerast,“ segir
Ásdís.
Aðgerðin var í byrjun nóvem-
ber og hún mátti ekkert byrja að
kasta fyrr en í byrjun febrúar eða
þremur mánuðum eftir aðgerð.
„Þá var ég rétt byrjuð að halda á
spjótinu. Þetta var því mjög stutt
undirbúningstímabil. Ég átti mjög
mikið inni í fyrra og ég held að
hluti af þessari bætingu sé það
sem ég átti inni í fyrra. Ég hefði
kastað þetta í fyrra ef að ég hefði
getað keppt,“ segir Ásdís en hún
var ekki alveg hólpin.
Vissi að ég gæti þetta
„Ég vissi að ef ég myndi getað
kastað þá myndi ég ná þessu. Þetta
gekk rosalega vel fyrst, allur verk-
ur var farinn og ég var byrjuð að
kasta aftur. Svo lenti ég í því í
æfingabúðum um páskana, þegar
ég fór að kasta í fyrsta sinn með
fullri
atrennu,
að fá
verk í
hendina en þá hafa ein-
hverjir samgróningar verið að
rifna í sundur. Þetta var eitthvað
sem þurfti að gerast en þá var ég
aum á eftir og ég hélt því fyrst að
þetta væri bara farið aftur og var
mjög óróleg yfir þessu. Við tókum
þá upp endurhæfingaræfingar
aftur og ég var í fríi frá því að
kasta í heilan mánuð. Ég er því
ekki einu sinni búin að fá fullt und-
irbúningstímabil síðan í febrúar,“
segir Ásdís.
Þótt það væri mikið undir á
þessum stutta tíma sem Ásdís
hafði til þess að ná Ólympíulág-
markinu þá sýndi hún skynsemi
og þolinmæði við að koma sér
aftur af stað.
„Ég hugsaði þetta þannig að ég
yrði bara að gefa þessu tíma. Ég
ætlaði ekki að láta þetta verða
krónískt og ég ætlaði ekki að vera
rífa þetta upp aftur og aftur því þá
myndi ég geta eyðilagt ferilinn.
Ég hugsaði þetta þannig að restin
af ferlinum væri meira virði en
þessir einu Ólympíuleikar. Ef
ég yrði ekki tilbúin á réttum
tíma þá yrði bara að hafa það en
ég ætlaði ekki að eyðileggja mig
til þess að reyna að vera tilbúin á
réttum tíma,“ segir Ásdís sem
neitar því þó ekki að þessi barátta
hafi tekið mikið á.
„Á síðustu þremur árum er ég
búin að lenda tvisvar sinnum í
stórum meiðslum sem í bæði
skiptin hefðu getað endað ferilinn.
Þetta tekur rosalega á,“ viður-
kennir Ásdís.
Tilhlökkun fyrir Peking
Ásdís er orðin spennt fyrir leikun-
un í Peking en hún keppir á
ellefta degi leikanna.
„Ég er að fara þarna til
þess að gera mitt besta en
ég veit að þetta er rosa-
lega upplifun og það er
svolítið það sem þetta
snýst um. Ég vona að
þetta verði ekki
einu Ólympíuleik-
arnir mínir en ég
hef verið spurð
svolítið að því
hvað ég ætla
að gera í
haust fyrst
að ég er
komin á
Ólympíu-
leikanna. Það
eru allir að tala
eins og ég sé að
hætta en ég er
bara 22 ára gömul
og finnst það full-
snemmt að fara að
huga að því. Mér
finnst ekki eins og
ég sé búin að ná
takmarkinu og nú
sé þetta búið. Þetta
er bara upphafið en
ekki endirinn,“
segir Ásdís.
ooj@frettabladid.is
Tók aftur á spjótinu í febrúar
Ásdís Hjálmsdóttir vissi ekki hvort hún gæti kastað spjóti aftur þegar hún fór í aðgerð á kasthendinni í
nóvember. Ásdís gerði gott betur en það með því að margbæta Íslandsmetið, tryggja sig inn á Ólympíuleika
og verða aðeins 20 sentímetrum frá að kasta nýja spjótinu yfir sextíu metra fyrst íslenskra kvenna.
TILHLÖKKUN Ásdís er orðin
spennt fyrir leikunum í Peking
og ætlar að gera sitt besta þar
en telur að þetta verði ekki
síðustu Ólympíuleikar sem hún
tekur þátt í.
FR
ÉT
TA
B
LA
Ð
IÐ
/A
N
T O
N
>Leikið í Landsbankadeild karla í kvöld
Fjórir leikir fara fram í 14. umferð Landsbankadeildar
karla í kvöld. Topplið FH fær Þrótt í heimsókn en liðin
skildu jöfn í fyrri leik liðanna. Breiðablik og KR mætast
í stórleik á Kópavogsvelli en Blikarnir unnu fyrri leik
liðanna á KR-vellinum. Botnbaráttuliðin HK og ÍA verða
bæði í eldlínunni, en HK mætir Keflavík á Sparisjóðs-
vellinum í Keflavík og ÍA heimsækir Fram á Laugar-
dalsvöllinn. Nýju þjálfararnir, Rúnar
Páll Sigmundsson hjá HK og Arnar
og Bjarki Gunnlaugssynir hjá ÍA,
eru enn að leita að fyrstu sigrum
sínum í Landsbankadeildinni
síðan þeir tóku við liðunum
í síðasta mánuði. Allir leikir
kvöldsins hefjast klukkan
19.15.
Landsliðsmaðurinn Birkir Már Sævarsson er farinn að láta til sín
taka hjá Noregsmeisturum Brann eftir að hafa gengið í raðir
félagsins frá Íslandsmeisturum Vals í síðasta mánuði. Birkir Már
lék á dögunum allan leikinn með Brann gegn HamKam í norsku
úrvalsdeildinni og þótti standa sig vel.
„Það var alveg frábært að fá þetta tækifæri og
eitthvað sem maður var búinn að bíða eftir þessar
tvær vikur sem ég er búinn að vera í Björgvin.
Mér gekk líka vel og gat svona heilt yfir verið
sáttur með frammistöðu mína í leiknum,
þó svo að það sé vissulega alltaf eitthvað
sem má bæta,“ sagði Birkir Már.
Það er stórt stökk að fara frá því að
vera áhugamaður á Íslandi og skrifa undir
atvinnumannasamning erlendis en Birkir
Már fagnar áskoruninni.
„Það er ekki bara stórt stökk að vera að
fara úr íslensku deildinni í þá norsku, heldur
er það líka krefjandi verkefni að fara frá liði
þar sem maður var búinn að vera byrjunarliðsmaður í langan
tíma í það að þurfa að sanna sig að nýju. Brann er með alla
vega þrjá aðra leikmenn sem geta spilað í hægri bakverðinum
og það er því mikil og góð samkeppni hjá liðinu og það er mjög
jákvætt. Það ýtir manni bara til þess að leggja enn meira á sig og
taka framförum. Fyrirgjafir eru til að mynda stór hluti af mínum
leik og ég veit ég þarf að bæta mig á því sviði og það er bara
gaman að vinna á fullu í því,“ sagði Birkir Már.
Birkir Már hefur notið góðs af því að Björgvin er hálfgerð
Íslendinganýlenda og Kristján Örn Sigurðsson, Ólafur Örn
Bjarnason, Ármann Smári Björnsson og Gylfi Einarsson
leika allir með Brann.
„Það er búið að hjálpa mér mikið að aðrir íslenskir leik-
menn séu fyrir hjá Brann og þeir eru búnir að reynast mér
vel. Það er auðvitað hellingur af hlutum sem þarf að hafa
á hreinu þegar menn flytja sig um sess. Ég er sem betur fer
búinn að finna húsnæði og fjölskyldan er komin út þannig
að við getum nú loksins farið að eiga heima hérna í Björg-
vin,“ sagði Birkir Már.
BIRKIR MÁR SÆVARSSON: BÚINN AÐ KOMA SÉR FYRIR Í BJÖRGVIN OG LÉK SINN FYRSTA LEIK MEÐ BRANN Á DÖGUNUM
Jákvætt hvað það er mikil samkeppni hjá Brann
Stofnfjáreigendafundur hjá Byr sparisjóði verður
haldinn 27. ágúst á Hilton Nordica Hótel, Reykjavík.
Fundurinn hefst kl. 17.00.
Sparisjóðsstjórn
Stofnfjáreigendafundur
hjá Byr sparisjóði
ÓL 2008 Kínversk stjórnvöld
segjast sannfærð um að bæði
íþróttamenn og áhorfendur verði
óhult á Ólympíuleikunum í
Peking sem hefjast á föstudag.
Sextán lögreglumenn létu lífið í
sprenginu í Xinjiang héraði í
Kína á mánudag.
Þrátt fyrir að það sé langt frá
Peking eru skipuleggjendur
leikanna órólegir yfir tímasetn-
ingunni á árásinni en eru fullviss
að allt verði með kyrrum kjörum
á leikunum sjálfum.
„Kína hefur einbeitt sér að því
að auka öryggisgæslu í kringum
Ólympíuþorpið og leikvangana
sem keppt verður í. Peking er
tilbúin til að bregðast við
hótunum og hvers kyns árásum,“
sagði Sun Weide talsmaður
leikanna við BBC. 100 þúsund
lögreglumenn og hermenn standa
vaktina í kringum setningar-
athöfnina á föstudag. - hþh
Kínverjar sannfærðir:
Allir óhultir á
leikunum í Kína
MIKIL GÆSLA Þúsundir lögreglumanna
og hermanna eru um alla Peking til að
tryggja að allt fari fram með ró og spekt.
FRÉTTABLAÐIÐ/AFP