Fréttablaðið - 07.08.2008, Blaðsíða 12

12 7. ágúst 2008 FIMMTUDAGUR
Besti bankinn á Ís
landi!
Varstu að fá endurgreitt
frá skattinum?
SIGRI FAGNAÐ Bandaríski ökuþórinn
Carl Edwards fagnar með heljarstökki
ofan af bíl sínum eftir sigur í Pennsylv-
ania 500-kappakstrinum í NASCAR-
mótaröðinni vestra. FRÉTTABLAÐIÐ/AP
BANDARÍKIN, AP Bandaríska
alríkislögreglan kynnti í gær þau
sönnunargögn, sem aflað hefur
verið gegn Bruce E. Ivins,
bandarískum vísindamanni sem
talinn er hafa staðið að miltis-
brandsárásum haustið 2001.
Ivins framdi sjálfsvíg í síðustu
viku, aðeins fáeinum dögum áður
en leggja átti fram ákærur á
hendur honum. Hann var 62 ára
og hafði starfað í 18 ár hjá
rannsóknastöð Bandaríkjahers í
Fort Dedrick í Maryland, þar
sem unnið var að rannsóknum á
lífefnahernaði.
Árásirnar kostuðu fimm
manns lífið, lömuðu póstdreifing-
arkerfi Bandaríkjanna og ollu
miklu uppnámi haustið 2001,
skömmu eftir árásir hryðju-
verkamanna á New York og
Washington.
- gb
Miltisbrandsfárið 2001:
Sönnunargögn
lögð fram í gær
UMHVERFISMÁL Loftslagsbreytingar
munu hafa veruleg áhrif á nátt-
úrufar hér á landi strax á næstu
árum og áratugum, að því er fram
kemur í nýrri skýrslu um lofts-
lagsbreytingar og áhrif þeirra á
Íslandi. Skýrslan var unnin af vís-
indanefnd sem umhverfisráð-
herra skipaði.
Hitastig á Íslandi mun að líkind-
um hækka um rúmar 0,2 gráður á
áratug næstu áratugi. Afleiðingar
þessarar hlýnunar verða miklar á
Íslandi. Allir jöklar munu líklega
hopa mjög ört á þessari öld og
Langjökull verður með öllu horf-
inn um miðja næstu öld, haldi
fram sem horfir. Vatnajökull og
Hofsjökull munu einnig hörfa upp
á hæstu tinda sína.
Talið er að sjávarborð geti
hækkað um 0,2 til 0,6 metra á þess-
ari öld. Í skýrslunni er þó tekið
fram að óvissa sé um það mat og
ekki sé hægt að útiloka enn meiri
hækkun. Hærra sjávarborð mun
auka líkurnar á sjávarflóðum og
kemur fram í mati nefndarinnar
að mikilvægt sé að fylgst sé vel
með landsigi og sjávarstöðu. Jafn-
framt er búist við að úrkoma auk-
ist og samfara því gætu flóð orðið
fleiri og víðar á landinu.
Flóra fugla og fiska mun breyt-
ast með hlýnuninni. Samkvæmt
spám mun vera orðið of hlýtt fyrir
nokkrar norrænar fuglategundir
strax í lok aldarinnar. Þá er talið
að botnfiskum muni fjölga og nor-
rænum fisktegundum muni fækka.
Hlýnunin mun að líkindum hafa
góð áhrif á landbúnað og gróður-
far og er áhrifa hennar strax farið
að gæta.
„Hin beinu áhrif af hlýnuninni,
allavega fyrst um sinn, er nokkuð
sem við ráðum mjög vel við,“ segir
Þórunn Sveinbjarnardóttir
umhverfisráðherra. Hún segir
niðurstöður skýrslunnar skjóta
styrkari stoðum undir starf stjórn-
mála í loftslagsmálum. „Hún sýnir
að loftslagsbreytinga gætir hér
eins og annars staðar í heiminum.“
Íslendingar séu þó vel í stakk
búnir til að takast á við vandann
„og aðlagast þeim breytingum
sem við sjáum fram á á næstu
árum og áratugum. Öll vinna og
aðgerðir sem við munum þurfa að
grípa til verða að byggja á vís-
indalegu mati. Hér höfum við það
mat og það er mjög mikilvægur
þáttur í starfi stjórnvalda í lofts-
lagsmálum.“
thorunn@frettabladid.is
Gífurlegar afleiðing-
ar hlýnunar á Íslandi
Jöklar munu minnka og sjávarborð hækka samkvæmt nýrri skýrslu um lofts-
lagsbreytingar. Langjökull mun rýrna mest og gæti horfið. Niðurstöður skjóta
styrkari stoðum undir starf stjórnvalda, segir umhverfisráðherra.
NIÐURSTÖÐUR KYNNTAR Þórunn Sveinbjarnardóttir umhverfisráðherra og Halldór
Björnsson formaður vísindanefndarinnar. Ellefu vísindamenn unnu að gerð skýrsl-
unnar, en niðurstöður hennar gefa sterkt til kynna að hlýnun jarðar muni hafa mikil
áhrif hér á landi. FRÉTTABLAÐIÐ/GVA
UMHVERFISMÁL Snæfellsjökull
þykir aldrei hafa verið eins
snjólítill og hann er nú. Frá þessu
er sagt á Skessuhorni.is.
Fyrirtækið Snjófell, sem hefur
boðið upp á snjósleðaferðir upp á
jökulinn, hefur ákveðið að hætta
ferðum vegna þess hversu lítill
snjórinn er. Sverrir Hermannsson
sem rekur Snjófell segir það vera
meðal annars vegna þess að
hættulegar sprungur séu margar
og því varasamt að vera á
ferðinni. - þeb
Snæfellsjökull minnkar:
Aldrei minni
snjór á jöklinum

SNÆFELLSJÖKULL Snjórinn á jöklinum
hefur minnkað til muna. FRÉTTABLAÐIÐ/GVA
JAPAN, AP Fimm verkamenn í
Tókýó soguðust niður í holræsis-
brunn þegar skólpvatnið hækkaði
skyndilega vegna úrhellis fyrr í
vikunni.
Einn mannanna fannst meðvit-
undarlaus í fljóti í um þriggja
kílómetra fjarlægð frá brunnin-
um. Hann lést stuttu síðar á
sjúkrahúsi en fjögurra félaga
hans var enn leitað.
Sjötti verkamaðurinn gat með
naumindum bjargað sér upp úr
brunninum þar sem þeir höfðu
unnið að viðgerðum.
Þrumuveður með miklu úrhelli
reið skyndilega yfir á þriðjudag í
Tókýó og nágrenni og spáð var
frekari úrkomu og flóðum. - gb
Verkamenn í Japan:
Fimm soguðust
niður í holræsi