Fréttablaðið - 07.08.2008, Blaðsíða 32

7. ÁGÚST 2008 FIMMTUDAGUR4 ● miðborgin okkar
Jakob Frímann Magnússon
segir mikilvægt fyrir framtíð
miðborgarinnar að eiga í
opnum og hreinum samskipt-
um við þá lykilaðila sem að
henni standa og í henni starfa.
Með slíkum hætti hafi meðal
annars verið tekið á svefntrufl-
unum íbúa af völdum hávaða,
veggjakroti og almennri um-
gengni, og þannig muni sátt
nást um Listaháskóla Íslands.
Jakob Frímann Magnússon, mið-
borgarstjóri Reykjavíkurborg-
ar, hefur ekki setið auðum hönd-
um síðan hann tók við starfi sínu.
Enginn þarf að undrast annir
hans, enda nóg af verkefnum
sem biðu og bíða enn í miðborg-
inni.
„Í upphafi valdatíðar Ólafs
F. Magnússonar var það gert að
forgangsmáli að endurreisa mið-
borgina með markvissu átaki
á öllum meginsviðum,“ segir
Jakob. „Flestir voru sammála um
að umgengni og árásir á einka eig-
ur fólks, þar með talið húseignir
og veggi, hefðu lækkað virðing-
arstig borgarinnar, svo baráttan
gegn þessu var sett í forgang.“
Með árásum á Jakob Frímann
við veggjakrot og -list sem mörg-
um þótti orðin plága í miðborg-
inni. Þar er hart tekið til orða en
Jakob Frímann segist engu síður
bera mikla virðingu fyrir góðum
veggjalistamönnum. „Allir lista-
menn verða hins vegar að skapa
list sína í sátt við umhverfið,“
segir hann og bætir við að þar
hafi nokkuð skort á og því hafi
þurft að bregðast harðar við en
ella. „Með því að eiga í opnum og
hreinskiptum samskiptum við þá
sem starfa á þessum vettvangi
höfum við náð góðum árangri og
veggir sem hafa verið hreinsaðir
hafa nú að mestu verið látnir af-
skiptalausir.“
Jakob Frímann segir útkomu
átaksins vera nýtt og betra yf-
irbragð borgarinnar. „Til þess
þurfti áþreifanlegt átak og reglu-
bundið, bein samskipti við helstu
sviðsstjóra borgarinnar auk
fulltrúa íbúasamtaka, veitinga-
manna, lögreglu, leigubílstjóra,
slökkviliðs og fleiri. Þetta legg-
ur borgarstjórinn höfuðáherslu á
og fyrir mig sem er nýr hérna er
afar ánægjulegt að vinna í svona
andrúmslofti.
Til að koma til móts við þá
veggjalistamenn sem erfitt eiga
með að finna sköpunarþörf sinni
farveg hef ég lagt fram hugmynd-
ir um að reisa einn tiltekinn vegg
sérstaklega fyrir veggjalist. Eðli
málsins samkvæmt yrðu verk á
slíkum vegg síbreytileg en hug-
myndir eru uppi um að velja lista-
verk mánaðarins, ljósmynda þau
og færa til bókar fyrirtaks veggja-
listar í höfuðborginni. Það er eng-
inn vafi á því að margir góðir
listamenn spretta upp í gegn-
um veggjalistina. Listamenn sem
færa sig svo yfir á önnur svið,
eins og grafíska hönnun, með
góðum árangri. Við viljum endi-
lega styðja við bakið á þeim.“
Nokkur styr hefur staðið um
hönnun, umfang og staðsetn-
ingu nýs Listaháskóla og tak-
ast þar á þeir sem vilja halda í
upprunalega götumynd og þeir
sem leggja áherslu á að miðbær-
inn þróist í takt við tímann. Mitt
á milli standa svo yfirvöld sem
verða að reyna að gera öllum til
hæfis. Þá sögu segja fjölmiðlar
að minnsta kosti, þótt Jakob Frí-
mann sé ekki jafn sannfærður.
„Þarna er á ferð afar glæsi-
leg bygging sem ber hönnuð-
unum fagurt vitni,“ segir hann.
„Ég er ekki í nokkrum vafa um
að sátt muni nást á milli borgar-
yfirvalda og aðstandenda bygg-
ingarinnar. Fyrir lágu skýr til-
mæli um varðveislu götumynd-
ar og þær hugmyndir sem nú eru
til umræðu munu án efa stuðla
að farsælli sátt í málinu. Annars
virðist mikil gúrkutíð vera í fjöl-
miðlum þessa stundina og þess
vegna hefur þessi háværa um-
ræða skapast.“
Jakob Frímann er mikill að-
dáandi gamalla götumynda mið-
bæjarins og vill síst af öllu fórna
gömlum fallegum húsum fyrir
gler- og stálkassa. „Glæstar
kringlur og steinhallir eiga full-
an rétt á sér og við í miðborginni
fögnum samkeppninni við þær,“
segir hann og hlær. „En það er
ekki endilega slíkt sem fólk leit-
ar eftir í miðbænum. Götumynd-
ina ber að varðveita og viðhalda
enda virðist það mannskepnunni
eðlislægt að leita í kósí hugguleg-
heit eldri bygginga, ef til vill til
að rækta tengslin við fortíðina.
Nægir þar að benda á eina eft-
irsóttustu verslunargötu austur-
strandar Bandaríkjanna, M-
street í Georgetownhverfi Wash-
ingtonborgar. Laugavegurinn er
okkar M-stræti.“
- tg
Bein samskipti við þá
sem að borginni standa
Jakob Frímann segir erlenda gesti ávallt undrast hversu fjölskrúðugt og öflugt
menningar- og tónlistarlíf sé í Reykjavík. FRÉTTABLAÐIÐ/VALLI
Nokkur styr hefur staðið um hönnun, umfang og staðsetningu Listaháskóla. Jakob
Frímann segist ekki vera í nokkrum vafa um að sátt muni nást á milli borgaryfirvalda
og aðstandenda byggingarinnar.
Mikið hefur verið rætt um ástand
miðbæjarins um helgar upp á síð-
kastið. Nokkurrar svartsýni hefur
gætt í umræðunni en ekki deila
allir þeirri svartsýni.
„Ég held að málefni miðborg-
arinnar séu í góðum farvegi og
að ástandið um helgar hafi batn-
að mikið á skömmum tíma,“ segir
Kristján Jónsson, betur þekktur
sem Kiddi Bigfoot, meðlimur í Fé-
lagi kráareigenda. „Félag kráar-
eigenda hefur unnið náið með
Reykjavíkurborg, lögreglunni,
miðbæjarþjónum og fleirum og
þetta samstarf hefur virkað rosa-
lega vel.“
Þar á Kiddi við vikulega fundi
borgarstjóra, lögreglu og fleiri op-
inberra aðila þar sem farið er yfir
málin og bent á hvað megi betur
fara. „Þar er farið yfir helgina og
farið strax í hvað má laga, án þess
að það þurfi að bíða eftir því að
málin séu sett í nefnd eða eitthvað
slíkt,“ segir Kiddi. „Þegar við
fáum ábendingar um hvað betur
mætti fara þá getum við farið
strax og talað við staðina og þeir
fara að vinna í sínum málum.“
Kiddi væntir þess að áfram-
haldandi náið samstarf skili sér
í enn betri miðborg allan sólar-
hringinn. „Fólk virðist oft halda að
veitingamaðurinn sé á móti öllum
og sé að henda flöskum og sé með
hávaða og læti en það er að sjálf-
sögðu ekki málið,“ segir Kiddi.
„Við viljum auðvitað hafa hreint
og öruggt í kringum okkur og lifa
í sátt og samlyndi við umhverfið
og nágrannana.“ -tg
Ástandið mun betra
Kiddi Bigfoot vonast eftir áframhaldandi samstarfi við yfirvöld til að stuðla að betri
borg. FRÉTTABLAÐIÐ/MYND ÚR SAFNI