Fréttablaðið - 07.08.2008, Blaðsíða 52

32 7. ágúst 2008 FIMMTUDAGUR
Öðruvísi samlokur
GÓMSÆTIR ÞISTLAR Prófaðu að gera þitt eigið
ætiþistlamauk. Notist á samlokur, með pasta,
fiski eða hverju sem er.
NORDICPHOTOS/GETTY
> Viltu vatn?
Við vitum öll að vatnsdrykkja er holl
og góð. Gerðu sötrið skemmtilegra
með því að bæta ferskri myntu út í
vatnskönnuna, það er sérlega frísk-
andi. Svo má líka nota sítrusávexti,
gúrkusneiðar, vatnsmelónu
eða jafnvel rósmarín til að
stríða bragðlaukunum að-
eins.
Pestó hefur verið
gríðarlega vinsælt
síðustu ár og gerði
samlokur svo sannarlega
áhugaverðari með innreið
sinni í ísskápa lands-
manna. Ef þú vilt breyta
til er hins vegar um að
gera að prófa að búa til
ætiþistlamauk. Það er
einstaklega bragðmikið
og gott og hentar sérlega
vel á samlokuna. Verði
eitthvað afgangs, sem
hlýtur að teljast nokkuð
hæpið, má geyma maukið
í ísskáp í allt að viku.
1 krukka ætiþistlar í olíu
1 msk. ólífuolía
5 sardínur úr dós
1 hvítlauksgeiri, ef vill
½ dl basilikublöð
Látið renna vel af ætiþistl-
unum. Setjið allt hráefnið í
matvinnsluvél eða blandara
– passið að þjappa basiliku-
blöðunum vel í desílítramálið. Hrærið þar til hráefnið er orðið að grófu
mauki og njótið.
Topphár • Dvergshöfði 27 • 110 Reykjavík
Opið mán.-föstud. kl. 08-18 og á laugard. kl. 09-14
587 2030
H á r s n y r t i s t o f a
Bryndís
Björk
Gerður
10%
opnunar-
afsláttur
maturogvin@frettabladid.is
Í Sandholtsbakaríi er boðið upp á
gott úrval af ljúffengum hand-
gerðum konfektmolum sem kitla
bragðlaukana. Bakarameistarinn
Ásgeir Sandholt segir að hér á
landi hafi verið mikil vakning
þegar kemur að konfektgerð og
séu menn nú óhræddari við að
nota hráefni sem ekki hafa verið
notuð áður, líkt og timían og basil-
iku.
„Ég lærði meðal annars í Frakk-
landi og Ítalíu þar sem konfekt- og
súkkulaðimenningin er mun meiri
en hér heima. Hér er meira um
sælgætisgerð heldur en klassíska
konfektgerð,“ segir Ásgeir en
hann segir Íslendinga vera
óhræddari við að smakka nýjar
konfekttegundir en áður. „Ég
keppi með kokkalandsliðinu þar
sem ég hef mikið unnið að þróun
eftirrétta og hef eytt upp í tveim-
ur árum við að þróa einn konfekt-
mola.“
Ásgeir segist nú vera að sanka
að sér íslenskum jurtum, líkt og
hvönn og blóðbergi, til þess að
nota í konfektgerð. Vinsælasti
molinn þessa dagana er hins vegar
fersksultað og súkkulaðihjúpað
engifer, „Flestum finnst hann
mjög góður en það er eins með
hann og margt annað, fólk annað
hvort elskar hann eða hatar. Svo
er einnig hægt að fá mjólkur-
súkkulaði-ganache með ástarald-
inum og Bombay gini.“ Þeir sem
vilja dekra við sig geta valið sér
nokkra dásamlega mola til þess að
narta í yfir góðu rauðvínsglasi.
- sm
Ljúffengt og nýstárlegt konfekt
Á internetinu er aragrúi af alls
kyns uppskriftasíðum, matarum-
fjöllunum og bloggi um mat, sem
eru geysivinsæl víða um heim. Á
síðunni foodblogsearch.com er
að finna stórsniðuga leitarvél,
sem skannar yfir tvö þúsund
matarblogg í leit að uppskrift
fyrir þig. Sláðu inn það hráefni
sem þig langar að nota og fáðu
tugi uppástungna að notkun þess
í matseldinni.
Sé til dæmis leitað að kókos-
hnetu má finna uppskriftir að
öllu frá kókoshnetu- og bláberja-
múffum til kókosrækja með
sætri apríkósu- og chili-ídýfu.
Njótið vel.
Matarblogg vinsæl
FÁÐU INNBLÁSTUR Einföld leit á food-
blogsearch.com leiðir í ljós margvíslega
möguleika á notkun kókoshneta í
matseld. NORDICPHOTOS/GETTY
Hvaða matar gætirðu síst
verið án? Má kaffi vera
matur? Ég gæti ekki verið án
lattesins míns með hrísgrjóna-
mjólkinni. Sama hvort það er
heimagert eða frá Kaffitári.
Besta máltíð sem þú hefur
fengið? Á gamlárskvöldi á
hverju ári er kalkúnn á boðstól-
um hjá mömmu og pabba. Hann
er alveg í uppáhaldi. Svo var mér
boðið í heimagert sushi um dag-
inn, sem kemur líka sterkt inn.
Er einhver matur sem þér
finnst vondur? Mér finnst vont
að borða allan mat sem er seigur
undir tönn.
Leyndarmál úr eldhússkápnum: Að
eiga alltaf til Thai Pride Curry í dós. Þá
er lítið mál að búa til dýrindis máltíð
úr því sem er til í ísskápnum. Það er
samt best ef maður býr svo vel að eiga
hrísgrjón, kjúkling og mannsæmandi
grænmeti.
Hvað borðar þú til að láta þér líða
betur? Dökkt súkkulaði, eða bara
súkkulaði yfirhöfuð.
Hvað áttu alltaf til í ísskápnum? Ég
á alltaf til hrísgrjónamjólk, kotasælu,
engifer og hvítlauk.
Ef þú yrðir föst á eyðieyju, hvað
tækirðu með þér? Ef ég festist á eyði-
eyju og það yrði jafn planað
og spurningin gæfi til kynna
þá tæki ég klárlega með mér
álfabrauð eins og í Hringa-
dróttinssögu.
Hvað er það skrýtnasta
sem þú hefur borð-
að?
Slátur. Hverjum
datt í hug að
hakka niður
kindaafganga og
sjóða þá svo í
vömbum? Það er
engu síður ágætt
svona öðru
hverju.
MATGÆÐINGURINN MARÍA MAGNÚSDÓTTIR SÖNGKONA
Gæti ekki verið án kaffis latte með hrísmjólk
Gróa Ásgeirsdóttir stendur
fyrir átakinu Á allra vör-
um sem lýkur í ágúst. Hún
er nemi í viðskiptafræði
auk þess að vera verkefna-
stjóri Flugfélags Íslands.
Hún býður lesendum upp
á uppskrift að kjúklingi og
spínatsalati.
„Ég er ekki uppskriftakona, ég vil
frekar hafa þetta einfalt og bý
bara til úr því sem er til í ísskápn-
um,“ segir Gróa Ásgeirsdóttir.
„Ég vil hafa matinn frekar hollan
og góðan. Ég nota kjúkling mjög
mikið og finnst það rosalega
góður matur. Ég geri þessa upp-
skrift svolítið oft og hún er vin-
sæl heimafyrir.“
Gróa stendur fyrir átakinu Á
allra vörum. „Ég greindist sjálf
með brjóstakrabbamein síðasta
vetur. Við fórum af stað með þetta
átak í framhaldi af því. Við höfum
verið að selja gloss um borð í Ice-
landair-vélunum frá í lok maí. Svo
vorum við með söfnunarþátt á
Skjá einum 20. júní. Samtals áætl-
um við að safnast hafi um 50-55
milljónir. Við munum afhenda
þær í lok ágúst með stolti.“
Glossin eru enn til sölu um borð
og hjá Krabbameinsfélaginu.
Safnað var fyrir tækjabúnaði.
„Við lokum átakinu um leið og
þessi tæki verða tekin í notkun
þannig að það passar mjög vel
saman.“
Sjálf er Gróa á batavegi. „Ég er
búin í öllum meðferðum og hef
verið að byggja mig upp. Haustið
fer í að halda áfram að koma mér
í samt form á ný og klára skólann
um áramótin. Þá er gott að vera
með heilsusamlegan mat. Maður
verður að hugsa um það í þessu
öllu saman.“
Gróa segir hreyfingu hafa
hjálpað sér mest. „Og bara að
vera úti. Það er náttúrlega búið að
vera yndislegt veður til þess í
sumar. Þannig að ég hef náð að
geta verið úti og slaka á. Nota
góða veðrið í göngutúra og svona.“
kolbruns@frettabladid.is
Kjúklingur á allra vörum
LÍTIÐ FYRIR UPPSKRIFTIR Gróa Ásgeirsdóttir einbeitir sér að hollu mataræði.
FRÉTTABLAÐIÐ/STEFÁN
Kjúklingur í pestó og rjóma
með spínatsalati
Kjúklingabringur
Salt og pipar
Rautt pestó
Rjómi
Spínatsalat
Spínat
Ristaðar furuhnetur
Fetaostur og olía
Smákramið nachos
Aðferð:
Kryddið kjúklingabringurnar vel
með pipar og smá salti. Penslið
rauðu pestói á bringurnar og setjið
þær í eldfast mót. Smá rjóma hellt
yfir bringurnar og þær settar inn í
ofn. Bætið svo rjóma við eftir því
sem líður á og kryddið kannski
aðeins meira.
Berið fram með salatinu og
heitu brauði, ef vill.
KLASSÍSKT KONFEKT Hægt er að kaupa
alvöru konfekt í Sandholtsbakarí til að
hafa með kaffinu. FRÉTTABLAÐIÐ/GVA