Fréttablaðið - 08.08.2008, Blaðsíða 24
[ ]
Á Jökulsárlóni á Breiðamerk-
ursandi verður haldin flugelda-
sýning á morgun, laugardaginn
9. ágúst.
Hið fallega náttúruundur, Jökuls-
árlón, þar sem fljóta gríðarstórir
ísjakar, er í um fjögurra tíma fjar-
lægð frá höfuðborgarsvæðinu. Í
lónið flæðir sjór og er það því
blanda af sjó og fersku vatni. Árið
2005 var lónið orðið um 20 ferkíló-
metrar.
Árlega er haldin flugeldasýning
á Jökulsárlóninu og verður hún
haldin annað kvöld á miðnætti.
Þetta er í níunda sinn sem sýning-
in er haldin.
Í byrjun var hún haldin sem eins
konar kveðjuhóf fyrir starfsfólkið
en ekki leið á löngu þar til þetta
var orðinn stór atburður sem fólk
af öllu landinu sótti með spenningi
enda er glæsileiki sýningarinnar
mikill.
Flugeldasýningin í fyrra þótti
einstaklega falleg og sögðu gestir
hennar, sem voru um 900, að flug-
eldarnir hefðu notið sín einstak-
lega vel í logni og blíðu. Þeir lýstu
upp ísjakana sem spegluðust í
vatninu svo úr varð mikið sjónar-
spil.
„Fólk hefur sagt við mig að
þetta sé eitt það fallegasta sem
það hafi séð,“ segir Einar Björn
Einarsson, framkvæmdastjóri
ferðaþjónustunnar Jökulsárlón
ehf. „Flugeldasýningin er alltaf
haldin helgina eftir verslunar-
mannahelgi úti á lóni og verður
sýningin með svipuðu sniði og
undanfarin ár. Flugeldum verður
skotið upp vítt og breitt um lónið
og mun útkoman verða einstak-
lega falleg.“
„Við gerum þetta í samstarfi við
Björgunarsveit Hornafjarðar.
Hún hefur selt inn á þetta og fær
allan ágóða. Verðinu er haldið í
lágmarki, var 500 krónur í fyrra
og ætli það verði ekki svipað í ár,“
segir Einar Björn.
sigridurp@frettabladid.is
Ljósin speglast í lóninu
Flugeldarnir lýsa upp ísjakana sem
speglast í vatninu. MYND/JÖKULSÁRLÓN
Útsýnið á flugeldasýningunni er stórfenglegt. MYND/JÖKULSÁRLÓN
Hvíld er mikilvæg. Um helgar er gott að hvíla sig vel og hlaða
batteríin þannig að maður sé tilbúinn fyrir næstu vinnuviku.
Síðumúli 3, S. 553-7355 Hæðasmári 4, S. 555-7355
Opið virka daga kl: 11-18,
laugard. 11-15