Fréttablaðið - 08.08.2008, Blaðsíða 44

8. ÁGÚST 2008 FÖSTUDAGUR10 ● fréttablaðið ● skólar og námskeið
Skóli skapandi greina hjá Keili
býður í haust upp á nám fyrir
fólk sem vill skapa sér atvinnu
út frá eigin viðskiptahugmynd.
Frumkvöðlanámi sem byggir á
eigin viðskiptahugmynd verður
hleypt af stokkunum í skóla skap-
andi greina hjá Keili í haust. Um
er að ræða hnitmiðað nám á há-
skólastigi í samvinnu við verk-
fræðideild Háskóla Íslands og Ný-
sköpunarmiðstöð Íslands.
Námið miðar að því að nemend-
ur fullvinni viðskiptahugmynd
undir handleiðslu sérfræðinga.
Þeir sækja námskeið í ýmsum
greinum sem gagnast þeim sem
vilja stofna fyrirtæki og má nefna
verkefnastjórnun og áætlanagerð,
fjármál og fjármögnun, gerð við-
skiptaáætlana, lagaumhverfi fyr-
irtækja, skapandi hugsun og tíðar-
andagreiningu.
„Við höfum náð að manna þessi
námskeið með mjög öflugum hópi
kennara, góðri blöndu af reynslu-
boltum úr atvinnulífinu og frum-
kvöðlastarfi ásamt öflugu ungu
fólki sem býr að spennandi reynslu
og menntun,“ segir Magnús Árni
Magnússon, framkvæmdastjóri
skóla skapandi greina og fyrrver-
andi aðstoðarrektor á Bifröst.
Skólinn verður til húsa í nýju
orku- og frumkvöðlasetri á Kefla-
víkurflugvelli sem hefur hlotið
heitið Eldey, en húsið hýsti áður
verkfræðideild bandaríska hers-
ins. Magnús segir um fimmtán til
tuttugu nemendur koma til með
að hefja nám í haust. „Þeir munu
geta nýtt sér fyrsta flokks að-
stöðu í Eldey og aðgang að smiðj-
um innan um frumkvöðla og fyrir-
tæki sem verða með aðsetur þar á
vegum Nýsköpunarmiðstöðvar.“
Skóli skapandi greina er að
hefja sitt fyrsta starfsár en hann
er einn fjögurra skóla Keilis.
Frumkvöðlanámið er eingöngu
fyrsta námsbrautin innan skól-
ans en verður þó jafnframt ein af
meginstoðum hans.
Skapandi greinar eru að sögn
Magnúsar þær atvinnugreinar
sem eru upprunnar í sköpunar-
gáfu einstaklingsins en fela í sér
möguleikann til tekju- og atvinnu-
sköpunar með framleiðslu og hag-
nýtingu hugverka. „Við ætlum
okkur stóra hluti og viljum efla
veg skapandi atvinnugreina á Ís-
landi.“
- ve
Hugmyndum komið í verk
Magnús Árni Magnússon segir markmið skólans að efla veg skapandi atvinnugreina
á Íslandi í góðri samvinnu við það fólk sem starfar við þessar greinar og þá skóla sem
hafa sinnt hliðstæðri menntun. MYND/INGIGERÐUR SÆMUNDSDÓTTIR
Háskólinn á Bifröst býður í fyrsta
skipti upp á viðskiptanám sem
kennt er á ensku nú í haust. Með
þessu vill skólinn koma til móts
við þá sem ekki hafa íslensku að
móðurmáli og einnig þá sem vilja
nema fræðin á ensku og búa sig
þannig undir framhaldsnám eða
störf á alþjóðavettvangi.
„Íslenskt samfélag er löngu
orðið alþjóðlegt samfélag. Það er
mögulegt að taka ígildi stúdents-
prófs á ensku hér á landi. Hér
býr fjöldi fólks af erlendum upp-
runa, margt með erlendar próf-
gráður, og eftirspurn eftir ensku-
mælandi fólki á atvinnumarkaði
hefur aldrei verið meiri,“ segir
Ágúst Einarsson, rektor Háskól-
ans á Bifröst.
Viðtökurnar hafa verið góðar að
sögn Kristínar Ólafsdóttur, mark-
aðsstjóra Háskólans á Bifröst.
„Aðsóknin hefur verið vonum
framar, ef svo mætti að orði kom-
ast, því við kynntum námið seint,“
segir Kristín. „Við tókum inn tut-
tugu nemendur en þurftum að
vísa jafnmörgum yfir í almennu
viðskiptafræðina sem kennd er á
íslensku.“
Flestir sem sóttu um viðskipta-
námið á ensku hafa íslensku að
móðurmáli, þó að í hópnum séu
nemendur af erlendu bergi brotn-
ir. „Það er annað að læra á ensku
en íslensku, enda eru flestar bæk-
urnar á ensku,“ útskýrir Krist-
ín. „En fólk velur að læra á ensku
af ýmsum ástæðum, til dæmis
vegna þess að það hyggur á fram-
haldsnám erlendis, eða ætlar sér
í meistaranám hér sem að mestu
er kennt á ensku. Svo eru einn-
ig einhverjir sem hyggjast starfa
á alþjóðavettvangi og fyrir þá er
þetta kostur.“
- tg
Mikil aðsókn í nýtt nám
Viðskiptanám á ensku er liður í alþjóðavæðingu háskólans á Bifröst að sögn Kristínar
Ólafsdóttur, markaðsstjóra skólans. FRÉTTABLAÐIÐ/HARI