Fréttablaðið - 08.08.2008, Blaðsíða 78

42 8. ágúst 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
Gríðarlega mikill viðbúnaður er
vegna komu Erics Clapton og
hefur Fréttablaðið heimildir
fyrir því að forsetaembætt-
ið hafi krækt sér í miða á
tónleikana. Tónleikahaldarar
hafa gert ráðstafanir til að
taka á móti Ólafi Ragnari
Grímssyni og Dorrit
Moussaieff bakdyramegin
svo þau lendi ekki í mann-
þröng.
Eric Clapton lenti hér á
landi á einkaþotu sinni í
gær og mun dvelja hér
fram á laugardag. Tónleik-
ar hans í Egilshöll verða í
kvöld og stígur hann á svið
klukkan 21. Þegar hafa 13
þúsund manns tryggt sér
miða á tónleikana sem verða þeir
næststærstu sem haldnir hafa
verið hér á landi. Aðeins Metallica-
tónleikarnir slá þessum við.
Ellen Kristjánsdóttir hitar
upp ásamt hljómsveit
sinni frá klukkan 20.
Þrjátíu manna gengi
kemur með Clapton og
er sérstakur maður
sem hefur það hlut-
verk eitt að vakta
gítarsafn þessa
mesta gítargoðs
rokksögunnar, safn sem meta má
á tugi milljóna.
Egilshöll opnar klukkan 18 og
eru tónleikagestir, sem verða hátt
í 14 þúsund talsins, hvattir til að
gefa sér góðan tíma til að koma
sér til og frá höllinni. Auk bíla-
stæða við Egilshöll hafa tónleika-
haldarar bent á stæði við íþrótta-
hús Fjölnis, Borgarholtsskóla,
Rimaskóla og Spöngina. Enn eru
til miðar á tónleikana en verði
ekki uppselt í forsölu verða miðar
seldir í Egilshöll á tónleikadag.
- fb/jbg
Forsetahjónin í Egilshöll á Eric Clapton
ERIC CLAPTON
Sérstakur maður er í því að sjá um og
vakta gítarsafn goðsins, safn sem meta
má á tugi milljóna.
DORRIT Hún er rokkunnandi
eins og dæmin sanna og
hefur vitaskuld tryggt sér miða
á Clapton.
VEISTU SVARIÐ
Svör við spurningum á síðu 8
1 Örn Arnarson
2 Júlíus Kemp
3 London
LÁRÉTT
2. hland, 6. í röð, 8. farfa, 9. stefna,
11. karlkyn, 12. töng, 14. einkennis,
16. tveir eins, 17. segi upp, 18. utan,
20. tveir eins, 21. kvenklæðnaður.
LÓÐRÉTT
1. fituskán, 3. gangflötur, 4. eyja í
Miðjarðarhafi, 5. stykki, 7. hnöttur, 10.
hestaskítur, 13. fley, 15. þekking, 16.
stígandi, 19. númer.
LAUSN
LÁRÉTT: 2. piss, 6. rs, 8. lit, 9. átt, 11.
kk, 12. kjafi, 14. aðals, 16. rr, 17. rek,
18. inn, 20. yy, 21. sarí.
LÓÐRÉTT: 1. brák, 3. il, 4. sikiley, 5.
stk, 7. stjarna, 10. tað, 13. far, 15.
skyn, 16. ris, 19. nr.
Þeir Auðunn Blöndal og Kjartan
Guðjónsson hafa nú snúið bökum
saman og sitja að skrifum á nýrri
gamanþáttaröð. Samkvæmt heim-
ildum Fréttablaðsins er vinnuheiti
þáttanna Heima-
vistin og munu
þeir fjalla um
tvo kauða
sem eru rekn-
ir úr vinnu á
flugvelli og
ákveða því að fara í heima-
vistarskólann á Laugarvatni.
Þeir Kjartan og Auðunn
munu leika þessa tvo náunga
sem halda að þeir verði
aðalmennirnir þegar á
heimavistina er komið,
og geti þar vaðið í píum
og brennivíni.
Auðunn hefur eilitla
reynslu af viðfangs-
efninu en hann var
eina önn í heimavist á
Sauðárkróki þegar for-
eldrar hans fluttu
suður. Ekki er vitað um
reynslu Kjartans af
heimavist.
Stefnt er að því að þætt-
irnir fari í tökur næsta vor
en um átta þætti er að ræða, til að
byrja með. Fái þættirnir góðar
viðtökur mætti ætla að fleiri
verði gerðir. Það er Stöð 2 sem er
á bak við þættina en Auðunn
er samningsbundinn stöð-
inni. Báðir eru þeir reyndir
í að skrifa grínþætti eða
leika í þeim en báðir komu
þeir að Stelpunum en Auð-
unn skrifaði og lék einnig
í Svínasúpunni.
Hvorki náðist í Auðun né
Kjartan við vinnslu fréttar-
innar. - shs
Skrifa þætti um heimavist
AUDDI BLÖNDAL Hefur reynslu
af heimavist en hann dvaldi eina
önn á heimavistinni á Sauðárkróki.
KJARTAN GUÐ-
JÓNSSON Skrifar
gamanþætti
með Audda
sem hafa
hlotið
vinnuheitið
Heimavistin.
„Já, ég hef verið í tuttugu ár í Þjóð-
leikhúsinu. Þetta þróaðist bara
svona,“ segir Jóhann Sigurðarson,
einn ástsælasti leikari þjóðarinn-
ar, sem jafnan gengur undir nafn-
inu Jói stóri. Hann hefur skrifað
undir fastan samning við Magnús
Geir Þórðarson, leikhússtjóra
Leikfélags Reykjavíkur, og mun
því leika í Borgarleikhúsinu á
næstunni.
Jói hefur verið einn af burðarás-
um Þjóðleikhússins lengi og hlýtur
að sæta tíðindum þegar hann færir
sig um set. Jói segir tímana breytta
síðan menn voru annaðhvort Þjóð-
leikhúsleikarar eða LR-leikarar.
„Þetta hefur breyst og mikil hreyf-
ing á leikurum á undanförnum
árum. Meira rúnt á leikurum milli
húsa og menn ekki eins fastir á
básum,“ segir Jói sem telur þessa
þróun jákvæða fyrir leikhúslífið
og listamennina. „Hollt fyrir alla.
Ég var í launalausu leyfi en hélt
samningi mínum við Þjóðleikhúsið
og var í Ivanoff. Hugsanlega verð-
ur sú sýning tekin upp og þá verða
leikhússtjórarnir að semja um það
sín á milli hvort ekki megi lána
menn milli húsa,“ segir
Jói sem reyndar hóf
sinn feril hjá LR og
lék þar baki brotnu í
einum 600 sýning-
um nýskriðinn úr
skóla.
Magnús Geir
hrósar happi, safn-
ar vopnum sínum
og leikarahópurinn
er að taka á sig
athyglisverða mynd.
Hann hefur einnig
fastráðið við Borgar-
leikhúsið Þröst
Leó Gunn-
arsson
sem
einnig var hjá Þjóðleikhús-
inu auk leikara sem voru
með honum fyrir norðan;
Jóhannes Hauk Jóhannes-
son og Guðjón Davíð Karls-
son. Að auki eru þau Hall-
grímur Ólafsson, Kristín
Þóra og Björn Thors komin
á fastan samning hjá Magn-
úsi.
Jóhann fer með
aðalhlutverk-
ið í jóla-
sýningu
Borg-
arleik-
húss-
ins
ásamt skólasystur sinni, Sigrúnu
Eddu Björnsdóttur, en Kjartan
Ragnarsson leikstýrir verkinu
Milljarðamærin snýr aftur eftir
Dürrenmatt. „Ég hugsa að það
muni vekja eftirtekt enda á það
ótrúlega vel við á Íslandi dagsins
í dag,“ segir Magnús. Og sjá
menn eitthvað kunnuglegt við
þetta plott? Kona snýr til baka í
ótilgreindan smábæ þaðan sem
hún hrökklaðist ung. Hún hefur
auðgast verulega og vill láta eftir
bæjarfélaginu og bæjarbúum,
sem eru á vonarvöl, fúlgur fjár
að uppfylltu einu skilyrði. Hún
vill réttlæti – að fyrrverandi eig-
inmaður hennar verði drepinn.
jakob@frettabladid.is
JÓHANN SIGURÐARSON: MIKIL HREYFING INNAN LEIKHÚSANNA
Jói stóri í Borgarleikhúsið
MAGNÚS GEIR Er að safna vopnum sínum og
hefur krækt í stórleikarana Jóa stóra og Þröst
Leó meðal annarra.
JÓI STÓRI Er nú kominn á samning hjá Leikfélagi Reykjavíkur eftir að hafa verið
fastráðinn við Þjóðleikhúsið í tuttugu ár. FRÉTTABLAÐIÐ/GVA
„Við vorum að enda við að
hlusta á Paper Planes með
M.I.A. Annars er það allur skal-
inn, frá Ellý Vilhjálms til Kylie
Minogue. Frá Páli Óskari yfir í
harðasta dauðarokk.“
Melkorka Sigríður Magnúsdóttir dansar
og semur með Hreyfiþróunarsam-
steypunni.
Tónlistarmaðurinn Jakob Smári
Magnússon er einn af skemmtilegri
bloggurum landsins en popparar
hafa verið að gera sig æ
meira gildandi á þeim
vettvangi. Nýverið ætl-
aði bókstaflega allt um
koll að keyra í þeirri
kreðsu eftir öfluga
færslu Jakobs þar sem
hann lýsti því yfir að
Ingó og Veðurguð-
irnir væru sennilega það versta sem
komið hefur fram í íslenskri dægur-
lagatónlist frá því Árni Johnsen fyrst
opnaði á sér munninn. Ótrúlega
margir íslenskir tónlistarmenn komu
skrámaðir út úr þeim ýfingum sem
urðu.
Öflug færsla Jakobs Smára kveikti
funheitar umræður í athugasemda-
kerfinu hans en einn helsti bloggari
landsins og poppfræðingur, sjálfur
Jens Guð, lýsti sig sammála Jakobi
– að ýmislegt væri nú
ómerkilegt í poppheimum
– til þess eins að fá eina
helstu stjörnu landsins
kolbrjálaðan í
höfuðið. Magni
hjólar í Jens
með látum, segir fátt
sorglegra en miðaldra
maður sem situr dagana
langa – vonandi klæddur
– fyrir framan tölvuna og
bloggar. Segir að hann sé nýkom-
inn frá því að skemmta 15 þúsund
manns á þjóðhátíð með Á móti sól
og allir sungu með. Hann frábiður
sér snobb af þeirri tegund sem Jens
og menn á borð við Arnar Eggert á
Mogganum hafa tamið sér.
Í gær var sagt frá meintum veiðum
Þrastar Leós Gunnarssonar í
Trostansfirði, þar sem menn moka
upp fiski og þeirri staðreynd að
óprúttnir aðilar hafa veitt þar án
leyfis. Þröstur mun þó ekki hafa
verið við veiðar í Trostanfirði heldur
mokar hann upp silungi í Fossfirði
sem er inni í Arnarfirði, sem og
á Bíldudal. Veiðin á
þessum slóðum er svo
mikil að menn þurfa
að horfa rúm tuttugu
ár aftur í tímann til að
finna sambærilegt
fiskirí. -jbg/shs
FRÉTTIR AF FÓLKI