Fréttablaðið - 09.08.2008, Blaðsíða 8

Styrkur frá NATA
Samstarf á sviði ferðamála
milli Grænlands, Íslands og Færeyja
Allir sem áhuga hafa á bættum samskiptum á sviði ferðamála milli landanna þriggja geta
leitað eftir aðstoð við að fjármagna verkefni, hugmyndir, ferðir eða því um líkt. Umsóknir
skulu fela í sér samstarf milli tveggja af löndunum þremur hið minnsta.
Sækja má um aðstoð á eftirfarandi sviðum:
Menntun
Dvöl til að kynna sér aðstæður, faglegar námsferðir, skólaferðalög, menntun á sviði
ferðamála, rannsóknir o.s.frv.
Þróun ferða
Siglingar, þemaferðir, stuttar heimsóknir (short break) o.s.frv.
Samstarf þjóða í milli
Menningartengdir viðburðir, skólaferðir, íþróttaferðir, vinabæjatengsl o.s.frv.
Markaðssetning og skilgreining ferðamennsku
Allar umsóknir skulu vera á þar til gerðum eyðublöðum. Sem fylgiskjöl með umsókninni skal
leggja fram nákvæma útlistun á verkefni, svo og fjárhagsáætlun.
Umsóknir skulu vera á dönsku eða ensku og sendast til:
NATA c/o
Ferðamálastofa
Lækjargata 3,
101 Reykjavík
Lokafrestur til að senda umsóknir er til 29. ágúst 2008.
Umsóknareyðublað má nálgast á vef Ferðamálastofu, www.ferdamalastofa.is

NATA er samstarfssamningur ferðamálaráðuneyta í Færeyjum, á Grænlandi og á Íslandi. Markmið samningsins
er að auka skilvirkni í samstar aðila er sinna ferðamálum í Færeyjum, á Grænlandi og á Íslandi með því að
styrkja, samhæfa og tryggja framboð samvinnuverkefna aðildarlandanna á þeim sviðum ferðamála þar sem þau
eiga einkum sameiginlegra hagsmuna að gæta.
8 9. ágúst 2008 LAUGARDAGUR
Fjórir í gæsluvarðhald
Fjórmenningar á milli þrítugs og
fimmtugs hafa verið úrskurðaðir í
gæsluvarðhald til mánudags. Þeir eru
grunaðir um þjófnaði og innbrot á
höfuðborgarsvæðinu. Í fórum þeirra
fannst þýfi úr innbrotum sem framin
voru um síðustu helgi. Hluta þýfisins
hefur verið komið til skila.
DÓMSMÁL
Ekki úrskurðað enn
Starfsmenn dómsmálaráðuneytis
hafa ekki lokið við úrskurð um kæru
Pauls Ramses flóttamanns, eftir því
sem næst verður komist, en stefnt er
á að gera það í mánuðinum. Dóms-
málaráðherra, Björn Bjarnason, gefur
ekki upp nánari tímasetningu.
ÓVÍST UM RAMSES
LONDON Bretar leyfa nú sölu
sýklalyfja án lyfseðils. Fólk yfir
sextán ára aldri, einkennalausir
sjúklingar og bólfélagar þeirra,
geta nú nálgast lyfið azithromycín
til að meðhöndla klamydíu.
Lausala sýklalyfja hefur ekki
verið skoðuð hér á landi að sögn
Rannveigar Gunnarsdóttur,
forstjóra Lyfjastofnunar. Slíkt geti
þó komið til verði breytingar í
nágrannalöndunum.
„Ofnotkun sýklalyfja er hins
vegar ekki æskileg vegna hættu á
myndun ónæmra baktería,“ segir
Rannveig. „Það er mikilvægt að
læknir ávísi lyfjunum og að þau
séu notuð rétt.“ - ht
Bretar fá sýklalyf án lyfseðils:
Lausasala lyfja
ekki skoðuð hér
TÉKKLAND, AP Hraðlest á leið frá
Póllandi til Prag rakst í gær á
hluta úr brú með þeim afleiðing-
um að minnst sex manns fórust.
Þrettán manns hlutu alvarleg
meiðsl og tugir slösuðust minna.
Þetta er versta lestarslys sem
orðið hefur í Tékklandi síðan árið
1995, þegar nítján manns dóu í
árekstri tveggja lesta. Forsætis-
ráðherrar bæði Tékklands og
Póllands skunduðu í gær á slys-
stað til að kynna sér aðstæður.
Slysið varð með þeim hætti að
bútar úr brú, sem verið var að
endurnýja í grennd við bæinn
Studenka í Austur-Tékklandi,
hrundu niður á teinana rétt áður
en lestina bar að. - aa
Lestarslys í bænum Studenka í Tékklandi í gær:
Minnst sex fórust
RAKST Á BRÚ Lestin lenti á hluta úr brú
sem er í smíðum. FRÉTTABLAÐIÐ/AP
ÍTALÍA, AP Harðar deilur standa nú yfir á Ítalíu um
dómsúrskurð, þar sem fallist var á beiðni frá Beppino
Englaro um að læknar taki úr sambandi tækjabúnað
sem heldur lífi í dóttur hans.
Dóttirin, Eluana Englaro, hefur legið í dái í sextán ár
og læknar telja engar líkur til þess að hún vakni til
meðvitundar á ný. Hún var tvítug þegar hún lenti í
bílslysi árið 1992 og hefur síðan þá verið haldið á lífi á
sjúkrahúsi í borginni Lecco á Norður-Ítalíu.
Faðir hennar hefur í meira en áratug reynt að fá því
framgengt að tækjabúnaðurinn verði tekinn úr
sambandi. Hann heldur því fram að það væri ósk
dóttur sinnar. Hann segir að hún hafi skömmu fyrir
slysið heimsótt vin sinn á sjúkrahús, en hann var þá í
svipuðu ástandi og hún nú. Þá hafi hún sagt að hún
myndi neita meðferð ef hún lenti í sömu stöðu og hann.
Á Ítalíu er líknardráp ekki leyft, en sjúklingar hafa
rétt til að neita meðferð.
Áfrýjunarréttur í Mílanó féllst á beiðni föðurins, en
nú hefur öldungadeild Ítalíuþings falið hæstarétti
landsins að fjalla um úrskurð áfrýjunarréttarins.
Saksóknarar hafa einnig áfrýjað málinu til æðsta
sakamáladómstóls landsins. - gb
Ítalskur faðir vill að dóttir sín fái að deyja:
Hefur legið sextán ár í dái
HITAMÁL Á ÍTALÍU Vegfarandi skoðar myndir af Englaro.
NORDICPHOTOS/AFP
MENNTAMÁL Skiptar skoðanir eru
hjá foreldrum barna í Korpuskóla
um að sextíu nemendum áttunda til
tíunda bekkjar verði næstu tvo
vetur kennt í Víkurskóla. Gert er
ráð fyrir að nemendum verði ekið á
milli í upphafi og lok skóladags.
„Það leggst ekki vel í okkur að
börnin þurfi að skipta tímabundið
um skóla,“ segir Birgir Ísleifsson,
faðir stúlku í sjöunda bekk Korpu-
skóla. „Það er ljóst að mistök voru
gerð og börnin líða fyrir.“
Korpuskóli var tekinn í notkun
árið 2005 en var áður til húsa á
Korpúlfsstöðum. Skólabyggingin
rúmaði frá upphafi ekki börn hverf-
isins og lausum kennslustofum var
því komið fyrir við skólann. Þær
verða nú fjarlægðar eftir að þar
fundust myglusveppir og bakteríur
eins og fram hefur komið í Frétta-
blaðinu.
Nokkrir foreldrar sem Frétta-
blaðið ræddi við eftir fund með
menntaráði Reykjavíkurborgar í
fyrrakvöld lýstu áhyggjum af rót-
leysi unglinganna, sem þurfi núna
að sækja skóla í annað hverfi en
þangað sé löng leið og yfir hættu-
lega umferðargötu að fara.
Foreldrar lýstu yfir mikilli
ánægju með að byggt verði við
skólann, en því verki á að vera lokið
árið 2010. Magnea Karlsdóttir sagði
niðurstöðuna framar vonum. „Ef
nýbygging fæst er ekki hægt að
óska sér meira.“
„Ég tel þessa niðurstöðu farsæla
og góða en eðlilega vöknuðu spurn-
ingar hjá foreldrum þar sem ekk-
ert er okkur kærara en velferð og
menntun barna okkar,“ segir Júlíus
Vífill Ingvarsson, formaður
menntaráðs Reykjavíkurborgar.
Júlíus Vífill segir stefnu borgar-
innar að fækka lausum kennslu-
stofum en það geti tekið sinn tíma
vegna þess hversu margar þær séu.
„Það er augljóslega hagkvæmara
að byggja við skólann en koma
fyrir nýju bráðabirgðahúsnæði.“
Menntaráð kannar hvort fýsilegt
sé að safnskóli rísi fyrir unglinga-
deildir nokkurra grunnskóla í Graf-
arvogi. „Það er ýmislegt sem mælir
með því þar sem unglingar finni sig
betur í fjölmennari skólum þar sem
meira val og félagsleg breidd
býðst,“ segir Júlíus Vífill.
Þessar hugmyndir hafi þó ekki
áhrif á það hvort viðbygging rísi
við Korpuskóla. „Húsnæðið yrði
hannað þannig að það væri fjölnota
fyrir hverfið og gæti því hentað
fyrir aðra starfsemi færi svo að
safnskóli risi í Grafarvogi.“
helgat@frettabladid.is
Úr heilsuspill-
andi stofum í
annan skóla
Skiptar skoðanir eru hjá foreldrum barna í Korpu-
skóla um að unglingadeild skólans verði kennt í Vík-
urskóla. Menntaráð kannar safnskóla fyrir unglinga.
FORELDRAR Í KORPUSKÓLA Menntaráð kynnti tillögur sínar á fjölsóttum foreldra-
fundi í Korpuskóla í fyrrakvöld. Þær ganga út á að nýbygging rísi við skólann eftir tvö
ár en áttunda til tíunda bekk verði í millitíðinni kennt í Víkurskóla. FRÉTTABLAÐIÐ/STEFÁN
Fulltrúar Samfylkingar og VG lögðu á
fundi heilbrigðisráðs fram fyrirspurn
um hvort formaður menntaráðs
hefði gert heilbrigðiseftirliti borg-
arinnar viðvart eftir að foreldrar í
Korpuskóla ræddu við hann um
áhyggjur sínar af ástandi lausra
kennslustofa við skólann.
Júlíus Vífill Ingvarsson, formaður
menntaráðs, gagnrýnir fyrirspurn
fulltrúanna harðlega og segir hana
koma til vegna vanþekkingar á
málaflokknum.
„Heilbrigðiseftirlitið kom í Korpu-
skóla fjórum sinnum á ári síðustu
þrjú árin eins og fulltrúarnir eiga að
vita,“ segir Júlíus Vífill.
Einni kennslustofunni var lokað
eftir heimsókn heilbrigðiseftirlitsins
þann 13. júní og voru viðgerðir á
stofunum fyrirskipaðar í kjölfarið.
Eftirlitið átti að viðgerðunum loknum
að meta hvort þær væru viðunandi.
„Eftir ábendingu foreldranna
töldum við þó enga ástæðu til þess
að bíða þess að viðgerð færi fram
og fundum aðra farsæla lausn á
málinu,“ segir Júlíus.
FJÓRUM SINNUM EFTIRLIT Á ÞESSU ÁRI
1 Hvaða leikari hefur skipt úr
Þjóðleikhúsinu í Borgarleik-
húsið?
2 Forseti hvaða Afríkuríkis vill
koma til Íslands að kynna sér
jarðvarma?
3 Hvaða ungi ljósmyndari
heldur sína fyrstu ljósmynda-
sýningu í London um þessar
mundir?
SVÖRIN ERU Á SÍÐU 46
VEISTU SVARIÐ?