Fréttablaðið - 09.08.2008, Blaðsíða 24

24 9. ágúst 2008 LAUGARDAGUR
K
ínverjar hafa klætt höfuðborg sína, Peking, í
nýjan og glæsilegan búning fyrir Ólympíuleik-
ana sem hófust í gær. Má í raun segja að borgin
sé í sannkölluðum Öskubuskukjól enda vart
skít ugan blett að finna á útliti borgarinnar og þar sem
sullast hefur yfir kjólinn hafa Kínverjar breitt yfir svo ekki
sjáist. Litadýrðin er áberandi og erlendir ferðamenn hafa
heillast af útliti borgarinnar. Mannmergðin er mikil og
áhugi heimamanna á leikunum er að mörgu leyti meiri en
hjá hinum erlendu gestum. Vilhelm Gunnarsson, ljósmynd-
ari Fréttablaðsins, hefur skoðað nágrenni Ólympíusvæð-
isins undanfarna daga og myndað það sem helst hefur
vakið athygli hans í umhverfinu.
Peking komin í
Öskubuskukjól
Í FANGI MÖMMU Ekki eru allir háir í loftinu sem fylgjast með fjörinu í Peking.
VÖRUSKIPTI „Ef ég læt þig fá tvö svona get ég þá fengið eitt svona?“ Gestir leikanna
skiptast á nælum og minjagripum frá Ólympíuleikunum í gegnum tíðina.
SUNDHÖLLIN Mótssvæðið er einkar glæsilegt og byggingarnar hver annarri skrautlegri. Þessi er kölluð Water
Cube og hýsir sundhöllina.
ALLIR Í RÖÐ Sjálfboðaliðarnir sem hjálpa til við Ólympíuleikana eru um 400.000 tals-
ins eða talsvert fleiri en allir Íslendingar. Þeir hafa næg verkefni og hjálpa til við allt.
Á RÚNTINUM Þótt borgin sé komin í hátíðarbúning ferðast íbúarnir enn á sinn gamla
máta. Þessi fjölskylda var hress þegar hún þeystist fram hjá ljósmyndara.
GLÆSILEG SETNINGARATHÖFN Mikið var um dýrðir á setningarathöfninni í gær og voru íslensku keppendurnir landi og þjóð til
sóma. Örn Arnarson lenti í smá vandræðum með með fánann en það kom þó ekki að sök.