Fréttablaðið - 13.08.2008, Blaðsíða 2

2 13. ágúst 2008 MIÐVIKUDAGUR
Dr. Mist úðavökvinn er verðlauna uppfinning.
Nýtt líf fyrir fólk sem glímir við mikla svita-
eða táfýlu. Græðir einnig sár og kláða
vegna skordýra- og móskítóbits. Efnið
skilur ekki eftir sig bletti á húð eða
fatnaði né veldur ertingu.
Byggt á uppfinningu
úr Dauðahafinu.
Þú trúir okkur ekki fyrr þú reynir Dr. Mist!
Viðvarandi
líkamslykt ?
P
IP
A
R

•
S
ÍA

•
7
2
5
0
3
ALÞINGI Óundirbúnar fyrirspurnir
verða á dagskrá fyrsta þingfund-
ar framhaldsþingsins, sem
stendur frá 2. til 12. september.
Að öðru leyti er dagskráin
óákveðin.
Sú tilhögun að halda þingfundi í
september er nýlunda sem
ákveðin var með breytingu
þingskaparlaga síðastliðinn vetur.
Meðal viðamikilla mála sem að
líkindum koma til meðferðar
septemberþingsins eru sjúkra-
tryggingar, skipulagslög,
þróunarsamvinna og innleiðing
matvælalöggjafar Evrópusam-
bandsins. Þá er viðbúið að þingið
staðfesti bráðabirgðalög sem sett
voru í sumar um eigin áhættu
tiltekinna tjónaþola í jarðskjálft-
anum á Suðurlandi í maí. - bþs
Störf þingsins í september:
Byrjað á fyrir-
spurnartíma
VIÐSKIPTI Yfir 66 milljarðar króna
eru í vanskilum í bankakerfinu,
samkvæmt tölum Fjármálaeftir-
litsins. Upphæð vanskila hefur
aldrei verið hærri. Vanskil jukust
verulega á öðrum fjórðungi
ársins. Vanskil fyrirtækja nema
nú 1,1 prósenti af heildarskuld-
bindingum, en námu 0,5 prósent-
um við lok fyrsta fjórðungs. Eitt
prósent lána einstaklinga er í
vanskilum. Á þessari öld varð
vanskilahlutfallið hæst haustið
2002, 4,11 prósent. Þá voru um 30
milljarðar í vanskilum, en
skuldirnar námu þá um 750
milljörðum. Þær eru nú átta
sinnum hærri. - ikh / Sjá Markaðinn
Aldrei fleiri krónur í vanskilum:
Hátt í 70 milljarð-
ar í vanskilum
DÓMSMÁL Hæstiréttur hefur
stað fest úrskurð héraðsdóms um
að erlendur karlmaður sem
grun aður er um glæpi víða
erlendis sæti varðhaldi til 19.
september.
Hann framvísaði fölsuðu
vegabréfi við komuna til Íslands
í júlí, sagðist vera Palestínumað-
ur og sótti um pólitískt hæli.
Hann er þekktur meðal alþjóð-
legra lögregluyfir valda og er
grunaður um ýmsa glæpi í
mörgum löndum. Þar hefur hann
gengið undir átta nöfnum og
sagst vera af ýmsu þjóðerni.
Maðurinn hefur tvisvar komið
við sögu lögreglu hér vegna
ölvunar og óspekta. - sh
Vildi pólitískt hæli hérlendis:
Átta nafna
maður í haldi
Sigurbjörn, eruð þið rán-stæð-
ir?
„Nei, við erum réttstæðir.“
Sigurbjörn Örn Hreiðarsson tryggði
Valsmönnum sigur á Fjölni í fyrrakvöld.
Þjálfari Fjölnis taldi rangstöðulykt af
markinu og sigurinn með stærri ránum
sumarsins.
FJÖLMIÐLAR Markaðurinn,
viðskiptablað Fréttablaðsins, er
frá og með deginum í dag
prentaður á hvítan pappír en
ekki þann bleika sem lesendur
eiga að venjast. „Þetta er gert í
hagræðingarskyni,“ segir Ari
Edwald, forstjóri 365. „Með því
að hafa Markaðinn samlitan
Fréttablaðinu verður hægt að
prenta Fréttablaðið og Markað-
inn í einu lagi, sem er að
sjálfsögðu mun ódýrara og
býður upp á meiri sveigjanleika
hvað stærðina varðar. Við höfum
ákveðið að hafa þennan háttinn
á þessar vikurnar meðan blaðið
er ekki stærra en raun ber vitni
en svo verður Markaðurinn
væntanlega aftur kominn í sitt
bleika form þegar blaðið
stækkar með haustinu.“
Önnur breytingin er sú að nú
er Markaðurinn utan um Allt-
blaðið en áður var því öfugt
farið. - jse
Breyting á Fréttablaðinu:
Markaðurinn á
hvítan pappír
LÖGREGLAN Leit að manni við Reynisdranga við Vík í
Mýrdal í gær byggðist á gabbtilkynningu. Björgunar-
teymi 27 björgunarsveitarmanna var kallað út,
ásamt lögreglu, björgunarskipi frá Vestmanna-
eyjum, þyrlu og gúmmíbát frá Vík.
„Þetta er rándýrt útkall,“ segir Guðmundur Ingi
Ingason, varðstjóri hjá lögreglunni á Hvolsvelli, en
segir að ekki sé búið að reikna út hve mikill
kostnaður inn sé. Hann útilokar ekki að gabbarinn
verði rukkaður um kostnaðinn.
„Við fengum upplýsingar um að maður væri í
háska úti á sjó,“ segir Kristinn Ólafsson, fram-
kvæmdastjóri slysavarnafélagsins Landsbjargar.
Hann segir kostnaðinn ekki mikinn fyrir Lands-
björg, vegna þess að allir hjá Landsbjörg séu
sjálfboðaliðar.
„Hitt er hins vegar alvarlegra, að menn rjúka frá
daglegum störfum sínum þegar útköll koma og þau
störf eru ekki unnin á meðan. Það er mjög súrt að
einhver einstaklingur finni sér leik í því að kalla
okkur út að gamni,“ segir Kristinn.
Símtalið var rakið og segir Guðmundur Ingi að
það hafi ekki komið frá nálægu svæði. - vsp
Leit Landsbjargar og lögreglu að manni við Vík í Mýrdal var byggð á gabbi:
Gabbarinn gæti borgað brúsann
BJÖRGUNARSVEIT Bátar, þyrla, skip og björgunarsveitarmenn
voru kölluð út til að sinna gabbútkalli. FRÉTTABLAÐIÐ/HEIÐA
FÓLK „Þetta leggst rosa vel í mig,“
segir Margrét Vilborg Bjarnadótt-
ir, sem tekur við kennslu- og rann-
sóknarstöðu við viðskiptaskóla
hins virta Stanford-háskóla í Kali-
forníu hinn 1. september. Athygli
vekur ungur aldur Margrétar, en
hún er aðeins þrítug.
„Ég kenni MBA-nemendum
„modeling“, það er bestun og herm-
un,“ segir hún. Hún segir þó aðal-
lega um rannsóknarstöðu að ræða.
„Það að ná langt í Stanford snýst í
raun meira um að ná langt á rann-
sóknarsviðinu en þessi kennsla. Ég
klára kennsluskylduna á sjö vikum
og afganginum af árinu eyði ég í
heilbrigðisrannsóknir.“
Margrét er verkfræðingur frá
Háskóla Íslands og með doktors-
gráðu í aðgerðagreiningu frá
Massachusetts Institute of
Technology.
„Rannsóknir mínar vestanhafs
snúast um hvernig hægt er að
beita aðgerðagreiningu í heil-
brigðisgeiranum,“ segir Margrét
Vilborg. „Þær snúast um það
hvernig hægt er að búa til spálík-
ön, fylgjast með lyfjum á mark-
aði og skapa nýja þekkingu með
stórum heilbrigðisgagnagrunnum
með upplýsingum um milljónir
lífa. Um það snerist doktorsrit-
gerðin mín.“
- gh
Margrét Vilborg Bjarnadóttir hefur störf við viðskiptaskóla Stanford í september:
Þrítug að kenna við Stanford
BORGARMÁL Gísli Marteinn
Baldursson, borgarfulltrúi
Sjálfstæðisflokksins, mun hætta í
þeim nefndum og ráðum sem
hann situr í á vegum Reykjavíkur-
borgar.
Ástæðan er að
hann hyggst
stunda nám í
borgarfræðum
við háskóla í
Edinborg. Ekki
mun Gísli hins
vegar ætla að
taka sér frí sem
borgarfulltrúi.
„Af því sem ég
best veit ætlar hann að fljúga
tvisvar í mánuði á borgarstjórnar-
fundi,“ segir Sif Sigfúsdóttir,
fyrsti varaborgarfulltrúi Sjálf-
stæðisflokksins. „Það hefur alla
vega ekki verið talað við mig um
að taka sæti hans.“ Ekki náðist í
Gísla Martein vegna málsins. - vsp
Gísli Marteinn fer í nám:
Flýgur á borgar-
stjórnarfundi
GÍSLI MARTEINN
BALDURSSON
MARGRÉT VILBORG BJARNADÓTTIR
Margrét er doktor í aðgerðagrein-
ingu, fræðigrein sem snýr að hagnýt-
ingu stærðfræði.
STÓRIÐJA „Auðvitað er mér fullljóst
að þið eruð öskuill út í mig,“ sagði
Þórunn Sveinbjarnardóttir
umhverfisráðherra á fjölmennum
borgarafundi í Borgarhólsskóla á
Húsavík í gærkvöldi. Kristján
Möller samgönguráðherra var
einnig á meðal fundarmanna.
Umhverfisráðherrann mætti
þangað til að gera grein fyrir þeirri
ákvörðun sinni að setja fram-
kvæmdir vegna fyrirhugaðs álvers
á Bakka í heildstætt umhverfis-
mat. „Ég er umhverfisráðherra í
þessu landi og mér ber að fram-
fylgja lögum um umhverfisnefnd;
það er beinlínis starfslýsing mín,“
sagði hún.
Fjölmargir Húsvíkingar stigu í
pontu og voru margir þeirrar skoð-
unar að ráðherrann hefði beitt
Húsvíkinga misrétti með því að
leggja stein í götu þeirra sem
standa að framkvæmdunum fyrir
norðan meðan hún léti framgang
mála vegna fyrirhugaðs álvers í
Helguvík óáreittan. Ráðherra tók
fram að ákvörðun sín væri ekki til-
komin af meinbægni við Húsvík-
inga né af sérstakri velvild við
Suður nesjamenn heldur hefði
kæra vegna álvers í Helguvík
komið of seint og því hefði hún
ekki heimild til að bregðast við í
því tilfelli með sama hætti og hún
gerði vegna álversins á Bakka.
Bergur Elías Ágústsson, sveitar-
stjóri Norðurþings, gagnrýndi Þór-
unni fyrir seinagang. Kæra Land-
verndar vegna áversins á Bakka
hefði borist 18. mars og afgreiðsl-
an hefði ekki átt að taka lengri tíma
en tvo mánuði. Ákvörðunin lá hins
vegar ekki fyrir fyrr en 31. júlí
síðast liðinn. Hann sagði enn frem-
ur að misræmi væri í málflutningi
flokksmanna Samfylkingarinnar
en Þórunn hefði sagt að ákvörðun
hennar gæti tafið framkvæmdir
um nokkrar vikur meðan Katrín
Júlíusdóttir, formaður iðnaðar-
nefndar, hefði sagt að framkvæmd-
ir myndu ekki tefjast um einn dag
vegna þessa.
Helgi Kristjánsson, sem talaði
fyrir hönd Orkuþings, afhenti ráð-
herra undirskriftir um fjögur
hundruð manna sem skora á stjórn-
völd að gera allt sem í þeirra valdi
stendur til að eyða allri óvissu um
framkvæmdirnar. Gagnrýndi hann
ráðherrann bæði í ræðu sem og
bundnu máli. klemens@frettabladid.is
Finnst sér mismunað
Umhverfisráðherra stóð fyrir máli sínu á borgarafundi á Húsavík í gær. Um 300
manns sóttu fundinn, sem haldinn var í Borgarhólsskóla. Mikill hiti var á fund-
inum og var ráðherrann gagnrýndur í ræðu sem og bundnu máli.
HITI Í KOLUNUM Á HÚSAVÍK Svavar Cesar Kristmundsson vörubílstjóri hlífir Þórunni Sveinbjarnardóttur ekkert þó að þau séu
þremenningar. Kristján Möller hlýðir á. FRÉTTABLAÐIÐ/VÖLUNDUR
SPURNING DAGSINS