Fréttablaðið - 13.08.2008, Blaðsíða 23

[ ]
Í stað þess að sandblása gler í glugga
er ódýrara og einfaldara að setja í þá
sandblástursfilmu. Þegar skipta á um
munstur er skipt um filmu.
Þegar koma á í veg fyrir að sjáist inn eða
út um glugga eru gardínur ekki eina ráðið.
Hægt er að fara þá leið að sandblása gler
en það getur verið dýrt og flókið. Önnur
lausn er að setja svokallaðar sandblásturs-
filmur í glugga.
„Það eru bæði fyrirtæki og heimili sem
setja filmur í glugga. Kostir þeirra eru
margs konar og nýtast þær meðal annars
þar sem á að vernda einkalífið, eins og í
baðherbergisgluggum og öðrum herbergj-
um sem ekki má sjást inn í,“ segir Pétur
Pétursson, framleiðslustjóri Mako merkja.
„En fólk er að leika sér endalaust með
þetta því það er auðvitað hægt að setja
munstur og myndir í filmurnar.“
Helstu viðskiptavinir Péturs eru
fyrirtæki en þó eru heimilin sem Pétur
hefur heimsótt fjölmörg. „Fólk hringir þá
einfaldlega og getur fengið okkur til að
mæla út gluggann sem filman á að fara í,
eða það getur mælt hann út sjálft,“ segir
Pétur. „Svo er farið yfir það hvernig filman
á að vera, ég sendi mynd af filmunni í
tölvupósti og fæ svo lokasamþykki.“
Þá er komið að því að setja filmuna upp í
glugga og er verkið annaðhvort í höndum
Péturs eða viðskiptavinarins sjálfs. „Við
getum komið og sett filmuna í og við
gerum það í langflestum tilvika,“ segir
Pétur. „Það er leiðinlegra ef ísetningin
mistekst og fólk þarf að fá nýja filmu og
þar sem maður þarf að kunna aðferðina þá
er það kalt mat að miklu betra er að fá
fagmenn í verkið.“
Þegar filman er komin í gluggann er lítið
eftir nema að njóta. Svo þegar fólk er orðið
leitt á munstrinu má einfaldlega skafa
gömlu filmuna af og fá nýja.
Nánari upplýsingar um sandblásturs-
filmurnar er að finna á www.marko.is.
tryggvi@frettabladid.is
Lítið mál að skipta um mynstur
Ljósin í eldhúsið
SKEMMTILEG LJÓSAHÖNNUN SEM
Á VEL VIÐ YFIR ELDHÚSBORÐINU.
ILMANDI HUNANG OG STÁLSIGTI.
Ljósakrónan „Strainer“ er
samansett úr stálsigtum
sem finnast í hverri eld-
hússkúffu. Sigtin eru hengd
á snaga umhverfis peru-
stæðið og peran lýsir upp
mismunandi þétt netið í sigt-
unum.
Hönnuðurinn sem á heiður-
inn af þessari hugmynd er Nichol-
as Furrow en hann hefur gert ýmsar tilraun-
ir í ljósahönnun. Meðal annars steypti hann
bývax utan um glerkrukku og bjó þannig til
lampaskerminn „Honey Jar“ sem gefur frá
sér ljúfan hunangsilm þegar hann hitnar.
Farrow rekur vinnustofu í New York og
nánar má kynna sér áhugaverðar hug-
myndir hans á síðunni www.nicholasfur-
row.net. - rat
Sigti ættu að vera á hverju heimili til hægindaauka við matargerð,
hvort sem er til að þrífa salatið eða taka vatnið af núðlunum.
Filmurnar í gluggum Orange eru verk Péturs.
FRÉTTABLAÐIÐ/ARNÞÓR
Pétur hefur sett ófáar filmur í
glugga og segir hann að gott
og vandað verk sé hans helsta
auglýsingaleið.
FR
ÉT
TA
B
LA
Ð
IÐ
/G
VA