Fréttablaðið - 14.08.2008, Blaðsíða 2
2 14. ágúst 2008 FIMMTUDAGUR
Nóatúni 4 · Sími 520 3000
www.sminor.is
Létt og lipur. Kirsuberjarauð. Stillanlegt
3 lítra poki. Vinnuradíus: 8 m.
Vinnuhollt handfang.
Stillanleg lengd á sogröri.
Ryksuga VS 01E1800
A
T
A
R
N
A
9.900Tilboðsverð: kr. stgr.
(Verð áður: 12.700 kr.)
STJÓRNMÁL Formenn stjórnmála-
flokkanna hittust á þriðjudag og
ræddu um lögin sem gilda um
eftirlaun þingmanna og ráðherra
og hugsanlegar breytingar á þeim.
Geir H. Haarde forsætisráð-
herra sagði við þinglok í vor að
reynt yrði að finna viðunandi
lausn á málinu í sumar og kvaðst
gera ráð fyrir að formenn allra
flokka ynnu sameiginlega að
þingmáli sem lagt yrði fram í
haust.
Guðni Ágústsson, formaður
Framsóknarflokksins, segir fund
þriðjudagsins hafa verið fyrsta
fund sumarsins um málið og að
ekkert nýtt hafi komið fram. - bþs
Formenn flokkanna:
Ræddu eftir-
launamálið
DÓMSMÁL Héraðsdómur hefur
framlengt um þrjár vikur
gæslu varðhald yfir tveimur
mönnum sem grunaðir eru um
aðild að stóra hassmálinu
svo kallaða, þegar um 190 kílóum
af hassi, auk maríjúana og
kókaíns, var smyglað til landsins í
húsbíl um borð í Norrænu.
Annar mannanna, eldri
Hollendingur, hefur setið í
varðhaldi frá því að bíllinn kom
til landsins 10. júní síðastliðinn.
Hinn, Þorsteinn Kragh, hefur
setið í um mánuð í varðhaldi.
Lögregla taldi ástæðu til að
þeir sætu áfram í varðhaldi
vegna rannsóknarhagsmuna. - sh
Grunaðir í stóra hassmálinu:
Í varðhaldi í
þrjár vikur enn
KÍNA, AP Breskur blaðamaður var
handtekinn í gær þegar hann
reyndi að mynda mótmæli til
stuðnings Tíbet í Peking í Kína í
gær.
Blaðamaðurinn var snúinn
niður í jörðina og handtekinn,
ásamt átta mótmælendum. Hann
var svo dreginn út úr garðinum
þar sem mótmælin áttu sér stað
inn á veitingastað í nágrenninu.
Síðar var hann dreginn inn í
sendiferðabíl þar sem hann gat
loks sýnt skilríki þess efnis að
hann væri blaðamaður.
Lögregla segir að maðurinn
hafi verið handtekinn fyrir
mistök. - þeb
Breskur blaðamaður í Kína:
Handtekinn
fyrir mistök
LÍBANON, AP Minnst átján létust og
á fimmta tug særðist þegar
sprengja tætti í sundur strætis-
vagn á háannatíma í Trípólí, höf-
uðborg Líbanon, í gærmorgun.
Óttast er að hryðjuverka samtök-
in al-Kaída hafi staðið að baki
árásinni, sem er sú mann skæðasta
þar í landi í þrjú ár.
Árásin var gerð sama dag og
Michel Suleiman, forseti Líbanon,
fór í opinbera heimsókn til Sýr-
lands, þá fyrstu síðan árið 2005, í
viðleitni til að bæta samskipti þjóð-
anna sem hafa verið stirð undan-
farin ár. - sh
Sprengjuárás í Trípóli:
Átján fórust í
sprengingu
VAGNSFLAKIÐ Sprengjunni var komið
fyrir í poka fullum af skrúfum og róm til
að hámarka skaðann. FRÉTTABLAÐIÐ/AP
STJÓRNMÁL Þriggja manna sendi-
nefnd Bændasamtaka Íslands er
nú í Noregi til að kynna sér áhrif
innleiðingar matvælalöggjafar
Evrópusambandsins á stöðu
bænda þar í landi.
Haraldur Benediktsson, for-
maður Bændasamtakanna, segir
að svara verði leitað við spurning-
um á borð við hvernig innleiðing-
in birtist bændum, hvað þeir
gerðu til að mæta áhrifum hennar
og hvaða afstöðu norskir bændur
tóku til ýmissa álitaefna matvæla-
löggjafarinnar.
Að auki vinnur Lagastofnun
Háskóla Íslands að úttekt fyrir
Bændasamtökin á þeim þáttum
málsins er lúta að Evrópurétti.
Þegar hún liggur fyrir, ásamt
svörunum frá Noregi, verður, að
sögn Haraldar, umsögnin um
frumvarpið samin.
Spurður á hvaða nótum umsögn-
in komi til með að verða segir
Haraldur erfitt að segja til um
það. „Við munum örugglega gera
okkur grein fyrir að lögin verða
sett og leggjum líklega til ein-
hverjar mótvægisaðgerðir og
bendum á leiðir sem verða til þess
að við getum lifað við þau.“
Athugasemdirnar verði vafalaust
miklar.
Hann segir stefnt að því að skila
umsögninni til sjávarútvegs- og
landbúnaðarnefndar Alþingis
fyrir mánaðarlok en málið verður
tekið fyrir á þinginu sem stendur
fyrstu tíu daga septembermánað-
ar. - bþs
Bændasamtökin afla upplýsinga fyrir umsögn sína um matvælalöggjöf ESB:
Spyrja um áhrifin í Noregi
HARALDUR BENEDIKTSSON Formaður
Bændasamtaka Íslands.
VINNUMARKAÐUR Það er ekki í sam-
ræmi við verklagsreglur Norðuráls
að starfsmenn sem eru óvinnufærir
eftir vinnuslys séu kallaðir til vinnu.
Verkalýðsfélag segir mörg dæmi
um slíkt.
Formaður Verkalýðsfélags Akra-
ness átti í gær fund með forsvars-
mönnum Norðuráls um skráningu á
vinnuslysum í álveri félagsins á
Grundartanga.
Eins og fram kom í Fréttablaðinu
nýverið segir Vilhjálmur Birgisson,
formaður Verkalýðsfélags Akra-
ness, að dæmi séu um að yfirmenn
hjá Norðuráli kalli starfsmenn til
starfa þrátt fyrir að læknir hafi
metið þá óvinnufæra eftir vinnu-
slys.
Vilhjálmur sagði fyrir helgi að ein
möguleg skýring á því væri sú að
slys séu ekki skráð sem fjarverusl-
ys komi starfsmenn til vinnu strax
daginn eftir. Fjarveruslys séu talin
mun alvarlegri en minniháttar slys
sem ekki halda starfsmanni frá
vinnu.
Í sameiginlegri yfirlýsingu eftir
fundinn í gær kemur fram að æðstu
stjórn Norðuráls sé ekki kunnugt
um tilvik þar sem verklagsreglur
hafi verið brotnar. Upplýsingar frá
verkalýðsfélaginu gefi annað til
kynna og þau tilvik verðiskoðuð
nánar.
Í verklagsreglunum er gert ráð
fyrir því að starfsmönnum sé boðið
að sinna léttari störfum gefi læknis-
vottorð til kynna að þeir geti sinnt
slíkum störfum.
Á fundinum var ákveðið að farið
verði yfir verklagsreglur með trún-
aðarmönnum með það að markmiði
að allir komi sér saman um verklag
ef vinnuslys verður.
brjann@frettabladid.is
Ekki kunnugt um
brot á vinnureglum
Stjórnendur Norðuráls segja sér ekki kunnugt um tilvik þar sem óvinnufær
starfsmaður hefur verið kallaður til starfa. Verkalýðsfélag lét stjórnendum í té
dæmi um slík tilvik. Umrædd tilvik verða skoðuð og farið yfir verklagsreglur.
Þorsteinn, er það þá Jan May-
en næst?
„Já eða Smugan og mikið af loðnu-
bröndurum.“
Grínistinn Þorsteinn Guðmundsson sá
um þættina Svalbarða á Skjá einum síð-
asta vetur við góðan orðstír en getur ekki
lofað að þeir verði aftur á dagskrá.
KANADA, AP Tólf unglingar voru
handteknir í óeirðum í Montreal í
Kanada á þriðjudag. Unglingarnir
köstuðu steinum að lögreglu-
mönnum. Óeirðir urðu fyrst á
sunnudag, eftir að lögreglumenn
skutu þrjá unga menn, þar af einn
til bana.
Nokkrar búðir á svæðinu voru
rændar meðan á óeirðunum stóð
en engar skemmdir hafa verið
tilkynntar. Lögregla segir
búðareigendur óttast um öryggi
sitt enda gangi meðlimir ýmissa
gengja berserksgang um hverfið
og ógni öllum sem þar búa. - þeb
Óeirðir og rán í Kanada:
Tólf unglingar
handteknir
Macintosh á sögusafni
Fimmtán ára drengur úr Grafarvogi
fékk á dögunum risastóra Macintosh-
dós í viðurkenningarskyni fyrir að vera
fimm þúsundasti gestur sumarsins í
Eyrbyggju, sögumiðstöð í Grundar-
firði. Íslenskum gestum í sögumið-
stöðinni hefur fjölgað um 49 prósent
miðað við í fyrra og erlendum um
meira en 84 prósent.
GRUNDARFJÖRÐUR
„Vinnuslysin hjá Norðuráli eru miklu
fleiri og alvarlegri en þeir halda
fram,“ segir Kristján Haukdal Jónsson.
Hann starfaði hjá álveri Norðuráls
þar til í nóvember í fyrra, skömmu
eftir að hann lenti í vinnuslysi.
Kristján segist hafa fengið slettu
af glóandi heitu áli yfir fótinn þegar
hann var að vinna í álverinu, með
þeim afleiðingum að hann fékk 3.
stigs brunasár.
Brunasárið var strax kælt niður,
en Kristján segir yfirmenn ekki hafa
sinnt því að koma sér á spítala. Hann
hafi þurft að binda um sárið sjálfur,
bíða eftir því að vaktinni lyki og
koma sér á spítala eftir að fyrirtækið
keyrði hann heim.
Læknir mat Kristján óvinnufæran,
en hann var engu að síður beðinn
um að koma til vinnu kvöldið eftir
til að gefa skýrslu og sendur bíll
eftir honum þar sem hann var ekki
rólfær.
Kristján segir að þegar hann
hafi spurt hvers vegna hann mætti
ekki gefa skýrslu um slysið síðar
hafi honum verið tjáð að þar sem
hann hafi tæknilega séð komið
til vinnu daginn eftir slysið teljist
það ekki fjarvistarslys. Þar með var
slysið skráð eins og það væri minna
alvarlegt.
Kristján segir yfirmenn hafa lagt
hart að sér að koma aftur til vinnu
þrátt fyrir að hann væri óvinnufær.
Hann hafi komið hálfan dag, hangið
á skrifstofunni og látið sér leiðast.
Kristján fullyrðir að mörg dæmi séu
um að slasað fólk mæti á hækjum í
vinnuna, fái aðstöðu á skrifstofu en
vinni í raun ekki handtak.
SAGT AÐ MÆTA MEÐ 3. STIGS BRUNASÁR
STJÓRNMÁL „Sjálfstæðisflokkurinn er, samkvæmt
skoðanakönnunum, í þannig aðstæðum að það er ekki
fýsilegt fyrir hann að klára þennan samning sem hann
gerði við Ólaf F. Magnússon
borgarstjóra,“ segir Gunnar Helgi
Kristinsson, prófessor í stjórnmála-
fræði.
Hann telur erfiðleika Sjálfstæðis-
flokksins í borgarstjórn eiga eftir
að aukast þegar Ólafur lætur af
embætti borgarstjóra og Hanna
Birna Kristjánsdóttir tekur við. „Þá
hefur Ólafur F. engu að tapa lengur.
Þannig að maður sér fyrir sér að
fyrir Sjálfstæðisflokkinn verði
seinna tímabilið af þessum samningi jafnvel verra en
það fyrra.“
Gunnar Helgi segir myndun nýs meirihluta hljóti að
vera eðlilegt skref, frá sjónarhóli Sjálfstæðisflokksins.
Hann segir flokkinn vera í mjög erfiðri stöðu og sér
sýnist hann vera að gera hið skynsamlega í stöðunni,
að losa sig út úr núverandi ástandi.
„Fyrir Sjálfstæðisflokkinn er þetta svolítil klemma.
Það er ekki gott að standa fyrir enn einum meirihluta-
skiptunum en þau verða að vega kostnaðinn af því á
móti kostnaði við að sitja við óbreytt ástand þar sem
stjórnarandstaðan þarf ekki mikið að beita sér. Fylgið
bara flæðir til stjórnarandstöðunnar þótt hún geri
kannski ekki mikið.“
„Kannanir sýna að vinsældir borgarstjórans,
meirihlutans og Sjálfstæðisflokksins í borginni eru
mjög litlar. Seinni hluti kjörtímabilsins er hafinn og
flokkarnir þurfa að fara að undirbúa sig fyrir það.“ - ovd
Meirihlutasamstarf við F-lista ekki lengur fýsilegt fyrir Sjálfstæðisflokkinn:
Nýr meirihluti skynsamlegur
GUNNAR HELGI
KRISTINSSON
RÁÐHÚS REYKJAVÍKUR Kannanir sýna lítið fylgi við meirihluta
Sjálfstæðisflokks og F-lista í borgarstjórn Reykjavíkur.
FRÉTTABLAÐIÐ/STEFÁN
NORÐURÁL Starfsmenn og fyrrverandi starfsmenn álvers Norðuráls á Grund-
artanga hafa haldið því fram að þeir séu kallaðir til starfa hjá fyrirtækinu þrátt
fyrir að hafa verið metnir óvinnufærir eftir vinnuslys. Starfsmennirnir á myndinni
tengjast ekki efni fréttarinnar. FRÉTTABLAÐIÐ/VILHELM
SPURNING DAGSINS