Fréttablaðið - 14.08.2008, Blaðsíða 25

FIMMTUDAGUR 14. ágúst 2008 3
Úr háborg tískunnar
BERGÞÓR BJARNASON SKRIFAR FRÁ PARÍS
Ágúst er mánuður svartklæddu blæjukvennanna í tískuhúsunum og
stóru verslunarhúsunum svo sem Galerie Lafayette í París. Rama-
dan-mánuðurinn nálgast hjá múslimum en þá leggjast ferðalög af og
nú er því síðasta tækifæri til að fá sér eitthvað af nýju vetrartísk-
unni. Að vísu færist hann fram á hverju ári og því munu blæjukon-
urnar á endanum koma þegar honum lýkur.
Blæjurnar eru mismunandi eftir því frá hvaða arabalandi konurn-
ar koma en sýna einnig trúar- og þjóðfélagsstöðu. Sumar konurnar
eru klæddar í þröng föt og eru með tískuslæður frá Dior, Chanel eða
Vuitton vafðar um höfuðið. Aðrar eru algjörlega huldar frá toppi til
táar svo aðeins sést í augun, oftast í svörtum kuflum sem kallast
abaya. Fylgihluti nota konurnar til þess að sýna þjóðfélagsstöðu sína
og ríkidæmi. Heima fyrir klæðast þær hins vegar eins og þær vilja
og þá er nánast allt leyfilegt, jafnvel sexý undirföt. Hins vegar er
það skýrt í hugum flestra að blæjurnar eru merki um undirgefni við
guð, trúnað við eiginmann og skýr skilaboð um að frjálsar ástir séu
ekki í boði. Hér í landi er þessi klæðnaður þó ekki talinn í anda
grundvallarhugmynda lýðveldisins um jafnrétti og á dögunum var
konu neitað um franskan ríkisborgarétt vegna þess að hún gengur
eingöngu í búrku. Á þeim klæðum sést aðeins í augun í gegnum net
og konan sagðist lifa undir valdi eiginmanns síns.
Í ríkjum eins og Sádi-Arabíu þar sem konur fara ekki út án þess að
vera klæddar í abaya eru kuflarnir oft með útsaumi eða steinum og í
tískumusterinu Villa Moda í Kúveit-borg er hægt að kaupa þessa flík
hannaða af bæði Tom Ford og Jil Sander. Með hækkun olíuverðs eru
þeir ríku við Persaflóa enn ríkari og í fyrsta skipti í mars var haldin
tískuvika í Abu Dhabi, höfuðborg Sameinuðu arabísku furstadæm-
anna en í Dúbaí er ár síðan sú fyrsta var haldin. Hönnuðir eru því
uppteknari af klæðahefð í þessum löndum en áður. Konurnar ganga
sumar í vestrænum klæðum þegar þær ferðast og eru vanar að
skipta um föt á salernum flugvélanna.
En slæður hafa lengi verið notaðar í tískuheiminum þó meira beri
á trúarlegum blæjum síðustu áratugi. Slæður komust í tísku á
millistríðsárunum þegar hjól urðu almenningseign og konum þótti
þægilegt að setja klút yfir hárið og í seinni heimsstyrjöldinni var
gott að geta hulið hárið sem ekki var hægt að eyða peningum í að
greiða. Fram yfir 1960 þótti slæðan ómissandi utandyra og hver man
ekki eftir Grace Kelly í Hollywood-myndum keyrandi opinn sportbíl.
Kringum ´68 árin varð krafan um frelsi til þess að ýta slæðunni út
því hún varð tákn um þvingun. Frá þeim tíma hafa slæðurnar verið
um háls kvenna á Vesturlöndum en ekki um höfuð. bergb75@free.fr
Svartar blæjur og tískuslæður
Lítill og léttur dömu- og herra-
ilmur sem hæglega kemst í
vasann eða veskið er nýjasta
uppfinning Calvin Klein.
Ilmurinn, sem heitir ck IN2U 2
GO, er í 20 ml flösku, og því fyrir-
ferðarlítill. Glasið er hannað með
þeim hætti að snúa þarf botninum
á flöskunni til að pumpan komi í
ljós og því er lítil hætta á því að
leki úr henni.
Dömuilmurinn inniheldur bleikt
greip og sykur-orkídeur og einnig
vott af neon amer. Hann mætti
flokka sem ferskan blómailm.
Herrailmurinn inniheldur hins
vegar lime ásamt blöndu af musk.
Hann mætti flokka
sem framandi og
ferskan viðarilm.
- ve
Ilmur í vasa
Af herra-
ilminum
er fersk og
framandi
viðarlykt.
Ferskur blómailmur er
af dömuilmvatninu.
STÆRÐIR
38-60
25% auk
aafsláttu
r
af útsölu
vörum
Útsala
30-50%
afsláttur
990,- 2990,- kr Slár
Nú 2 fyrir 1
af öllum
útsöluvörum
Lokadagur
útsölu er
föstudaginn
15. ágúst.
Opnunartími mánud. - föstud. kl. 10.00-18.00
Bonito ehf. Friendtex, Faxafen 10, 108 Reykjavík, sími 568 2870
www.friendtex.is
Hringdu í síma
ef blaðið berst ekki