Fréttablaðið - 18.08.2008, Blaðsíða 2

2 18. ágúst 2008 MÁNUDAGUR
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
flugfelag.is
Ævintýrin liggja í loftinu!
Flugvallarskattar innifaldir, takmarkað sætaframboð, einungis bókanlegt á netinu.
Vestmannaeyjar frá 3.990 kr.
REYKJAVÍK Óskar Bergsson mun
einn framsóknarmanna geta leitt
nefndir á vegum borgarinnar.
Marsibil Sæmundardóttir, vara-
maður Óskars, hefur lýst því yfir
að hún styðji ekki nýjan meirihluta
og einungis borgarfulltrúar og
varaborgarfulltrúar geta veitt
nefndum formennsku.
Hanna Birna Kristjánsdóttir,
oddviti sjálfstæðismanna, vill ekki
tjá sig um verkaskiptingu milli
flokkanna, en hún verður kynnt
næstkomandi fimmtudag. „Við
leggjum bæði mikla áherslu á að
tryggja að allar þessar breytingar
þýði sem minnst umskipti inn í
stjórnkerfinu,“ segir Hanna Birna.
Óskar og Hanna Birna funduðu
um helgina. „Viðræður okkar
ganga mjög vel og enginn
ágreiningur hefur komið upp,“
segir hún.
Óskar hyggst leita út fyrir fram-
boðslista Framsóknarflokksins í
borginni við skipun fulltrúa í
nefndir og ráð.
„Ég mun leita inn í flokkinn að
góðu fólki á rétta staði,“ segir
Óskar. „Ég verð að vinna í þessu
fram á fimmtudag enda gefst ekki
langur tími til þess að skipa í
liðið.“
„Ég styð ekki nýjan meirihluta
og það þýðir að ég mun ekki starfa
með honum,“ sagði Marsibil
Sæmundardóttir í samtali við
Fréttablaðið í gær.
- ht
Oddvitar Sjálfstæðisflokks og Framsóknarflokks í borginni funduðu um helgina:
Óskar getur einn leitt nefndir
HANNA BIRNA OG ÓSKAR Kynntu nýtt
meirihlutasamstarf Sjálfstæðisflokks og
Framsóknarflokks í borginni á fimmtu-
dagskvöldið. FRÉTTABLAÐIÐ/ANTON
SKIPULAGSMÁL „Þetta er nákvæm-
lega sama aðferð og Hollendingar
nota. Þriðjungur af Hollandi er
fyrir neðan sjávarmál. Ef allt
þetta land er fáanlegt, hvers
vegna ætti að setja svona háan
verðmiða á Vatnsmýrina? Þarna
er hægt að fá fimmtán sinnum
stærra svæði í nágrenninu,“ segir
Björn Kristinsson, fyrrverandi
prófessor við verkfræðideild
Háskóla
Íslands.
Björn hefur
lagt fram hug-
myndir um að
byggja 6.500
metra langan
varnargarð yfir
grynningar
milli Álftaness
og Seltjarnar-
ness. Með því
móti mætti
dæla vatni úr Skerjafirðinum og
skapa um 2.300 hektara nýs lands.
Byggð í Reykjavík þekur nú tæp-
lega fimm þúsund hektara lands.
Björn áætlar að framkvæmdin
kosti tvo til þrjá milljarða. Verð-
mæti landsins telur hann hins
vegar hlaupa á tugum milljarða.
„Mér finnst þetta áhugaverð hug-
mynd af því að ef maður lítur á
stöðuna hjá Reykjavík þá er sam-
kvæmt núgildandi aðalskipulagi
áætlað að íbúum fjölgi um sextán
þúsund og átta hundruð til 2024,“
segir Sigríður Kristjánsdóttir,
skipulagsfræðingur hjá Landbún-
aðarháskóla Íslands. „Ef maður
horfir á þann þéttleika sem er á
nýju byggingarsvæðunum eru að
jafnaði um tuttugu íbúðir á
hektara. Þá vantar um sex
hundruð hektara svæði til 2024.
Það er rosalega mikið – eins og
niður úr miðbæ að Grensási.“
Nýtingarmöguleika svæðisins
telur Björn vera mikla. Flugvöll-
inn í Vatnsmýrinni mætti færa
vestarlega á nýja svæðið fjær
byggð og jafnvel væri hægt að
færa millilandaflug frá Keflavík
til nýs flugvallar.
Björn segir einnig að varnar-
garðarnir myndu verja Skerja-
fjarðarsvæðið fyrir hækkandi
sjávarborði. Á varnargarðinum
sjálfum yrði vegatenging milli
Seltjarnarness og Álftaness.
Hann segir að huga þyrfti sér-
staklega að ýmsum þáttum er lúta
að öryggi garðsins, röskun á nátt-
úrulegu umhverfi og lagalegum
atriðum, svo sem varðandi eignar-
rétt yfir nýja svæðinu. Koma
þyrfti einnig til móts við eigendur
húsa sem nú standa við ströndina.
gunnlaugurh@frettabladid.is
Prófessor vill þurrka
upp Skerjafjörðinn
Fyrrverandi verkfræðiprófessor við Háskóla Íslands hefur lagt fram róttækar
hugmyndir um byggingu varnargarðs milli Seltjarnarness og Álftaness. Þá væri
hægt að þurrka upp Skerjafjörðinn og 2.300 hektarar lands yrðu til.
SKERJALANDIÐ Á myndinni má meðal annars sjá mögulega staðsetningu flugvallar
og olíutanka á „Skerjalandinu“. MYND/BJÖRN KRISTINSSON
BJÖRN
KRISTINSSON
KVIKMYNDIR Gamla varðskipið Þór
var flutt upp í Hvalfjörð í gær
þar sem það er notað sem
sviðsmynd í hryllingsmyndinni
Reykjavík Whale Watching
Massacre sem nú er í vinnslu.
„Það er búið að taka í ellefu
daga og það eru þrjátíu eftir,“
segir Júlíus Kemp, leikstjóri
myndarinnar. Reykjavík Whale
Watching Massacre fjallar um
hóp hvalaskoðara sem er bjargað
af fiskveiðiskipi þegar bátur
þeirra ferst, en þá fara hlutirnir
úr böndunum.
„Þetta hefur gengið mjög vel.
Við munum taka upp í Hvalfirði
næstu tvær vikurnar og verðum
svo í Atlantic Film Studios í
Keflavík þangað til tökum lýkur,“
segir Júlíus. - ag
Hvalaskoðunarhryllingsmynd:
Þór kominn
upp í Hvalfjörð
Á LEIÐ Í HVALFJÖRÐINN Varðskipið Þór
var dregið upp í Hvalfjörð í gær.
FRÉTTABLAÐIÐ/PJETUR
Ísólfur Gylfi, springurðu ekki
úr monti ef kaleikurinn finnst?
„Nei, það er meiri hætta á að ég
springi úr gleði.“
Ítalskir fjölmiðlar hafa fjallað um leit
íslenskra og erlendra áhugamanna að
fjársjóðum musterisriddara á Kili. Í ítölsku
blaði var talað um Ísólf Gylfa Pálmason,
borgarstjóra í Hrunamannahreppi.
Ísólfur segist gríðarlega montinn af þeirri
nafngift.
VELFERÐARMÁL „Það hefur aldrei
verið rætt um að skera flatt niður
launakostnað á velferðarsviði,“
segir Jórunn Frímannsdóttir, for-
maður velferð-
arráðs Reykja-
víkurborgar.
Jórunn segir
að á öllum svið-
um borgarinnar
sé unnið að því
að kanna hag-
ræðingarmögu-
leika vegna
viðsnúnings í
efnahagslífinu.
Ekki verði frek-
ar skorið niður í velferðarmálum
en öðrum málaflokkum.
„Við munum gera allt sem við
getum til þess að þurfa ekki að
skera niður þjónustu við borgar-
búa,“ segir Jórunn. „Síðasti kostur
væri að skera niður laun starfs-
fólks.“ - ht
Formaður velferðarráðs:
Ekki rætt um
að skerða laun
JÓRUNN FRÍ-
MANNSDÓTTIR
INDLAND, AP Að minnsta kosti
ellefu fórust er skólabíll í útjaðri
Mangalore í suðurhluta Indlands
hrapaði ofan í á, nú fyrir helgi.
Níu hinna látnu voru skólabörn.
Lögregla bjargaði fjórtán
börnum úr ánni en sjö barna er
enn saknað.
Bílstjóri skólabílsins missti
stjórn á bílnum í krappri beygju
með þeim afleiðingum að hann
lenti í ánni.
Banaslys eru algeng í umferð-
inni í Indlandi. Algengar orsakir
þeirra eru meðal annars lélegir
vegir og gamlar og ofhlaðnar
bifreiðar.
- þeb
Indverskur skólabíll lenti í á:
Minnst níu
skólabörn létust
SVEITARSTJÓRNIR Smíði níutíu
metra langrar göngubrúar að
gamla vitanum á Breiðinni á
Akranesi er í uppnámi. Byggingar-
fulltrúi á Akranesi bendir á að
göngubrúin samræmist ekki
aðalskipulagi, og umhverfisnefnd
bæjarins leggst einnig gegn
hugmyndinni.
Bæjarráðið, sem í byrjun júli
ákvað að semja við fyrirtækið
Steðja um smíði á göngubrúnni,
íhugar nú framhald málsins eftir
að hafa fengið umbeðna umsögn
frá umhverfisnefndinni. Kveðst
nefndin leggjast gegn fram-
kvæmdinni vegna hverfisverndar
auk þess sem hún telji menn-
ingar- og byggingarsögulegu gildi
best borgið í óspilltu náttúrulegu
umhverfi. - gar
Gamli vitinn á Akranesi:
Smíði göngu-
brúar í uppnám
KVIKMYNDIR „Þetta kom okkur
öllum í opna skjöldu, en er auðvit-
að frábært og mikill heiður,“ segir
Mireya Samper, aðstoðarkona
leikstjóra íslensku kvikmyndar-
innar Skrapp út. Myndin fékk
verðlaun á 61. Locarno-hátíðinni í
Sviss í gær.
Kvikmyndahátíðin er ein sú
elsta í Evrópu og nýtur mikillar
virðingar. Skrapp út hlaut svoköll-
uð Variety Piazza Grande-verð-
laun, sem eru kennd við kvik-
myndatímaritið virta og veitt
þeirri mynd sem að mati dóm-
nefndar þykir hafa til að bera
mikið listrænt gildi og höfða einn-
ig sterklega til almennings. Er
þetta í fyrsta sinn sem þessi verð-
laun eru veitt.
Myndin, sem framleidd er af
Zik Zak og Ex Nihilo, var sýnd á
Piazza Grande-vanginum, sem
rúmar 8.500 manns í sæti undir
berum himni. Mireya segir stemn-
inguna hafa verið ólýsanlega. „Það
hafði rignt mikið dagana áður, en
um leið og sýningin á Skrapp út
hófst stytti upp. Það átti vel við.“
Hún segir myndina hafa vakið
mikla athygli og henni hafi þegar
verið boðið á fjölmargar kvik-
myndahátíðir. „Ég vona líka að
þetta verði til þess að Íslendingar
flykkist í bíó á þessa verðlauna-
mynd,“ segir Mireya, stolt af sigr-
inum. - kg
Kvikmyndin Skrapp út hlaut verðlaun á Locarno-hátíðinni í Sviss í gær:
Kom okkur öllum á óvart
Eldur í gasleiðslu í grilli
Slökkvilið höfuðborgarsvæðisins var
kallað að íbúð í Álfatúni í Kópavogi í
gær eftir að eldur kviknaði í gasleiðslu
á grilli. Greiðlega gekk að slökkva
eldinn, að sögn lögreglu, en grillið
mun vera ónýtt.
Ók á staur en slapp vel
Ökumaður fólksbíls var fluttur á
slysadeild í gær eftir að hann ók bíl
sínum á ljósastaur á Reykjanesbraut.
Ekki er talið að maðurinn hafi slasast
alvarlega.
LÖGREGLUFRÉTTIR
PIAZZA GRANDE Mireya Samper segir stemninguna við sýningu Skrapp út hafa verið
ólýsanlega.
SPURNING DAGSINS