Fréttablaðið - 18.08.2008, Blaðsíða 20
18. ágúst 2008 MÁNUDAGUR4
„Þetta er villigarður að því leyti
að við byrjuðum bara á bletti og
svo bættum við öðrum við. Þannig
að skipulagið er bara út í hött,“
segir Auður Sigurðardóttir, sem
hlaut í vikunni sérstaka viður-
kenningu umhverfisnefndar Sel-
tjarnarness fyrir garðinn sem
hún hefur sinnt í fjörutíu ár. Hún
segir eiginmanninn Hafstein
Einars son, sem nú er látinn, hafa
átt sinn þátt í ræktuninni. „Við
vorum samtaka í þessu hjónin en
hér var ekki stingandi strá árið
1963 og heldur ekkert skjól, alveg
sama hvaða átt var. Því þurfti að
búa til hlíf ef sett var niður planta
en nú vex allt, enda komin hús í
kring og gróðurinn myndar gott
skjól.“
Auður kveðst aldrei láta garð-
inn plaga sig heldur aðeins hafa
af honum ánægju. „Ef ég get ekki
sinnt honum gerir það ekkert til.
En þegar veðrið er eins og í
sumar vil ég hvergi annars staðar
vera.“ gun@frettabladid.is
Hér var ekki stingandi strá
Rósir og runnar, tjarnir, klappir og hleðslur. Allt þetta og margt fleira fallegt ber fyrir augu í garðinum við
húsið Berg á Seltjarnarnesi sem hlaut sérstaka viðurkenningu umhverfisnefndar bæjarins.
Nú felst helsta vinnan að sögn Auðar í því að halda gróðrinum í skefjum.
Náttúrulegt landslag setur svip á garðinn.
„Ég hef aldrei áhyggjur þó að ég geti ekki hreinsað þetta eða hitt beðið,“ segir Auður brosandi og hefur þó bæði um gróðurhús
og garð að hugsa og gerir það vel. FRÉTTABLAÐIÐ/ARNÞÓR