Fréttablaðið - 19.08.2008, Blaðsíða 2
2 19. ágúst 2008 ÞRIÐJUDAGUR
„Björn, gerir þú ráð fyrir fisk-
þurrkun í Skerjafirðinum?
„Ekki sérstaklega, en það verður alla
vega engin þurrð á möguleikum á
svæðinu.“
Björn Kristinsson, fyrrverandi prófessor
við verkfræðideild Háskóla Íslands, hefur
lagt fram róttækar hugmyndir um bygg-
ingu varnargarðs og með honum þurrka
upp Skerjafjörðinn. 2.300 fermetrar lands
yrðu til við framkvæmdina og gríðarlegir
möguleikar til uppbyggingar.
Meðallestur á tölublað m.v. höfuðborgarsvæðið, 18–49 ára. Könnun Capacent í maí–júlí 2008.
Fréttablaðið er með 46% meiri lestur en 24 stundir
og 116% meiri lestur en Morgunblaðið
Fréttablaðið stendur upp úr
33,47%
49,65%
72,34%
Fréttablaðið er sem fyrr mest lesna dagblað landsins
með glæsilegt forskot á samkeppnisaðila sína eins
og síðasta könnun Capacent Gallup ótvírætt sýnir.
Við erum auðvitað rífandi stolt af þessum góða
árangri og bendum auglýsendum á að notfæra sér
forskotið okkar þegar þeir velja auglýsingamiðil.
Allt sem þú þarft... ...alla daga
REYKJAVÍK Marsibil Sæmundardótt-
ir, varaborgarfulltrúi Framsóknar,
hefur sagt skilið við flokk sinn.
Hún segist hafa greint Óskari
Bergssyni og
skrifstofu
flokksins frá
þessu í gær.
Hún muni
áfram styðja góð
mál og „ekki
stunda tækifær-
ismennsku og
fella meirihlut-
ann komi til þess
að Óskar Bergsson forfallist“.
Ákvörðunin hafi verið erfið, en
úr því sem komið er sé þetta best
fyrir sig og flokkinn.
Marsibil verður óháður vara-
borgarfulltrúi. Hún hafði áður sagt
að hún gæti ekki starfað með Sjálf-
stæðisflokknum. - kóþ
Varaborgarfulltrúi Framsóknar:
Marsibil skilur
við flokk sinn
SAMGÖNGUMÁL Siglingastofnun,
Landspítali og Læknadeild Háskóla
Íslands hafa í sumar staðið fyrir
rannsókn á sjóveiki um borð í far-
þegaferjunni Herjólfi. Vonast er
til að í framtíðinni verði hægt að
gefa út sjóveikispá til að létta
undir með þeim sem þjást af þess-
um vágesti.
Hannes Petersen, yfirlæknir á
háls-, nef- og eyrnadeild Landspít-
alans, er umsjónarmaður rann-
sóknarinnar. „Sjóveiki er lítið
rannsakað vandamál og við erum
að tengja saman í fyrsta sinn sjó-
veikiupplifun hjá fólki við hreyf-
ingarnar í sjónum. Bæði þá með
upplýsingum frá öldudufli sem
Siglingastofnun er með og hreyfi-
skynjara í Herjólfi og spurninga-
lista sem dreift er til farþega Herj-
ólfs um líðan þeirra í tengslum við
sjóferðir. Þannig getum við jafn-
vel í framtíðinni gefið út sjóveiki-
spá með því að segja fólki sem er
næmt að það séu til dæmis 90 pró-
sent líkur á að viðkomandi finni
fyrir sjóveiki eins og sjólagið verð-
ur á morgun.“
Hannes segir að í raun verði
allir sjóveikir en menn sjóist mis-
jafnlega vel. „Einkennin eru mis-
jafnlega mikil og margir tala ekki
um sjóveiki fyrr en þeir kasta upp.
Það er þó langt frá því að vera rétt
mat og margir verða mjög veikir
án þeirra einkenna.“ - shá
Unnið er að rannsókn á sjóveiki um borð í Vestmannaeyjaferjunni Herjólfi:
Ætla að spá fyrir um sjóveiki
Í ÓLGUSJÓ Herjólfur heldur uppi siglingum til og frá Eyjum í alls konar aðstæðum.
Veran um borð er því mörgum erfið. FRÉTTABLAÐIÐ/ÓSKAR
REYKJAVÍK Líklegt þykir að fram-
sóknarmenn verði varaformenn í
öllum helstu ráðum Reykjavíkur-
borgar, en Óskar Bergsson, verð-
andi formaður borgarráðs, fari
með formennsku í skipulagsráði.
Einungis borgarfulltrúar og
varaborgarfulltrúar mega vera
formenn fagráða og setur strik í
reikninginn að Marsibil Sæmund-
ardóttir, varaborgarfulltrúi Fram-
sóknar, styður ekki nýjan meiri-
hluta. Því þurfa framsóknarmenn
að sætta sig við varaformennsk-
una.
Heimildir Fréttablaðisins segja
einnig líklegt að framsóknarmaður
setjist í stjórn Orkuveitunnar í stað
Ástu Þorleifsdóttur og gæti það
verið Óskar Bergsson, en ekki hafi
komið til tals að Alfreð Þorsteins-
son, fyrrum stjórnarformaður
Orkuveitunnar, taki að sér trúnað-
arstörf í fyrirtækinu. Það sé þó
ekki útilokað frekar en annað.
Gengið var út frá því í gær að
Vilhjálmur Þ. Vilhjálmsson yrði
forseti borgarstjórnar, en hann er
nú formaður borgarráðs. Almenna
línan sé þó sú að breyta sem
minnstu, eftir tíðar hræringar síð-
ustu mánaða. - kóþ
Gert er ráð fyrir því að Vilhjálmur Þ. verði forseti borgarstjórnar:
Framsókn fær varaformenn
ÓSKAR BERGSSON Gert er ráð fyrir að
Óskar muni fara með formennsku í
skipulagsráði í nýjum meirihluta.
FRÉTTABLAÐIÐ/ANTON
RÚSSLAND, AP Dmitri Medvedev
Rússlandsforseti fór að landa-
mærum Georgíu í gær og hitti
þar rússneska hermenn. Hann
þakkaði þeim vel unnin störf og
útdeildi heiðursmerkjum.
Hann endurtók ásakanir á
hendur Georgíuher um að hafa
stundað þjóðarmorð í Suður-
Ossetíu. Rússar sögðust í gær
byrjaðir að flytja her sinn frá
Georgíu. - gb
Medvedev Rússlandsforseti:
Heiðraði rúss-
neska hermenn
ÚTHLUTAR HEIÐURSMERKJUM Med-
vedev segir hernað Rússa í Georgíu
réttlætanlegan. FRÉTTABLAÐIÐ/AP
MARSIBIL
SÆMUNDSDÓTTIR
STJÓRNSÝSLA „Ég hef búið hér alla ævi og hef aldrei
séð hér eins mikið drasl í nokkrum garði,“ segir
Sigmar Magnússon, íbúi í Garðinum á Suðurnesjum.
Sigmar segir að á næstu lóð við hús móður hans sé
nú mikið af gömlum bílum og alls kyns járn- og
dekkjarusli að viðbættum tjaldvagni sem farinn sé
að skjóta rótum. „Fyrir utan að þetta er hrikalega
ljótt er oft verið að vinna langt fram á kvöld í
garðinum með tilheyrandi skarkala. Þetta er
náttúrlega ólíðandi starfsemi í íbúðahverfi,“ segir
hann.
Sjálfur segist Sigmar hafa verið með nokkra
númerslausa bíla við hús móður sinnar þegar krafa
barst frá heilbrigðiseftirlitinu um að þeir yrðu
fjarlægðir. „Við tókum bílana burt innan þriggja
vikna. Hins vegar er nánast enn allt við það sama á
lóð nágrannans. Ég hringi reglulega í heilbrigðiseft-
irlitið til að spyrjast fyrir um hvers vegna ekkert sé
aðhafst og fæ alltaf það svar að nágranna okkar hafi
verið gefið enn eitt tækifærið. Þetta er með ólíkind-
um,“ segir hann.
Sigmar kveðst hafa vera svo undrandi á fram-
göngu Heilbrigðiseftirlits Suðurnesja að hann hafi
borið málið óformlega undir Heilbrigðiseftirlit
Suðurlands. „Þeir sögðu mér að væri þetta á
starfssvæði þeirra á Suðurlandi yrði gengið í málið
strax næsta dag enda hefði heilbrigðiseftirlitið enga
heimild til að láta þetta viðgangast,“ segir hann.
Ríkharður Friðriksson, heilbrigðis- og umhverfis-
fulltrúi Suðurnesja, segir rétt að nágranna Sigmars
hafi verið gefinn frestur til að koma skikki á lóð sína.
„Hann gat lítið gert í þessu í vetur vegna veðurs.
Eftir að mál hans kom fyrir heilbrigðisnefnd í vor
hefur hann hins vegar gert góðan skurk og þetta lítur
allt saman miklu betur út. Við munum skoða þetta
betur á næstu dögum og ákveða næstu skref,“ segir
Ríkharður sem vísar því á bug að heilbrigðiseftirlitið
hafi ekki heimild til að gefa fólki frest til að uppfylla
kröfur. „Það er einfaldlega réttur hvers einstaklings
að fá svigrúm til að vinna úr sínum málum.“
gar@frettabladid.is
Bílhræ valda gremju
í íbúðahverfi í Garði
Íbúi í Garðinum gagnrýnir Heilbrigðiseftirlit Suðurnesja fyrir linkind gegn ná-
granna hans sem er með gamla bíla og járnarusl á lóð sinni. Heilbrigðisfulltrúi
segir nágrannann hafa komið til móts við kröfur. Málið sé þó enn til skoðunar.
ÓREIÐA Í GARÐINUM Sigmari Magnússyni ofbýður draslið
á lóð nágrannans og undrast hversu langan tíma það tekur
heilbrigðiseftirlitið að knýja fram úrbætur. MYND/VÍKURFRÉTTIR
REYKJAVÍK Rætt er um það innan
stjórnkerfis Reykjavíkurborgar
að tímabært sé að borgin, helsti
eigandi Strætós, skipi stjórnarfor-
mann fyrirtækisins.
Ármann Kr. Ólafsson, fulltrúi
Kópavogs og núverandi stjórnar-
formaður Strætós, myndi því
víkja fyrir nýjum manni úr
borginni. Þetta herma heimildir
blaðsins hjá borginni, en Ármann
hefur starfað sem formaður
stjórnarinnar lengur en hann
gerði ráð fyrir að sitja.
Enn fremur sé lag að koma
nýjum manni inn, því staða losnaði
í stjórninni, þegar Gísli Marteinn
Baldursson fór út í nám. - kóþ
Líklegar breytingar á Strætó:
Ármann hætti
sem formaður
SPURNING DAGSINS