Fréttablaðið - 19.08.2008, Blaðsíða 26

H ann er aleinn á fljótandi ísjaka norður í ballarhafi þessi einmanalegi hvítabjörn á nýju gólfmottunni frá mexíkóska hönnunarhópnum NEL. Mottan kallast Global Warming og á að minna okkur á andstæðurnar í veröldinni. Mottan
er mjúk og þægileg eins og við viljum hafa lífið
en minnir um leið á afleiðingarnar af öllum
okkar þægindum. Jöklarnir bráðna og litlir
ísbjarnarhúnar fljóta burt frá mömmu, jafnvel alla
leið til Íslands. Í ljósi hvítabjarnaheimsóknanna
fyrr í sumar kæmi ekki á óvart að gólfmottan
sú arna yrði vinsæl á Íslandi og eflaust sómir
hún sér vel á skagfirskum heimilum. Spænski
mottuframleiðandinn Nanimarquina framleiðir
motturnar og selur. Lesa má meira um hönnun
NEL á síðunni: www.nel.com.mx
19. ÁGÚST 2008 ÞRIÐJUDAGUR4 ● fréttablaðið ● híbýli - stofa
Bocca varasófinn færir bros inn
í hvaða umhverfi sem er. Hann
kom fyrst á markað árið 1971 en
nýjustu útgáfu hans, „a loveseat
for two“, má bæði hafa innandyra
og utan.
Það má því til dæmis sjá hann
fyrir sér í sjónvarpshorni, stofu
eða á verönd og eitt er víst. Hann
vekur eftirtekt og umtal hvar
sem honum er komið fyrir. Eins
og gefur að skilja fæst hann ein-
göngu í eldrauðu.
Franco Audrito á heiðurinn
af sófanum ásamt ungum hönn-
uðum í Studio 65. Fleiri hafa þó
spreytt sig á þessu óhefðbundna
húsgagnaformi. Listmálarinn Sal-
vador Dalí gerði sams konar sófa
eftir vörum bandarísku leikkon-
unnar Mae West í kringum árið
1937. Sá var á viðargrunni með
bleikum fagurmótuðum sessum.
Nánari upplýsingar um Bocca
sófann má nálgast á slóðinni
http://www.bonluxat.com.
Kyssilegur sófi
Bocca sófinn fæst eins og gefur að skilja
eingöngu í eldrauðu.
Skálarnar sem við sjáum hér eru
eftir listamanninn Sigrúnu Ólöfu
Einarsdóttur. Skálarnar fást í
mörgum stærðum og litum og
sóma sér vel á öllum sófaborðum.
Hægt er að geyma hluti í skál-
unum eða hafa þær til skrauts.
Sigrún Ólöf hannar þó ekki aðeins
skálar heldur einnig aðra hluti úr
gleri, til dæmis vasa.
Skálarnar ásamt öðrum verk-
um eftir Sigrúnu Ólöfu fást í
Kirsuberjatrénu, Vesturgötu 4,
Kraum, Aðalstræti 10 og hjá Sig-
rúnu sjálfri í Bergvík. Í Kirsu-
berjatrénu og Kraum er einung-
is seld íslensk hönnun og hægt er
að finna margt fallegt í stofuna á
þeim stöðum.
Fjölbreyttar að
stærð og lit
Skálarnar eru í mörgum stærðum og
fjölbreyttum litum.
MYND/GUÐMUNDUR INGÓLFSSON
Við eigum ekki að venjast því að eitthvað standi upp úr gólfmottunum okkar. Þessi
hvítabjörn ætti þó að falla vel í kramið hjá flestum, sérstaklega börnunum á heimilinu.
MYND/WWW.NEL.COM.MX
Mottan er stór og að mestu leyti blá eins og hafið. Ísjakinn með birninum
ætti þó ekki að fara fram hjá neinum.
Bangsi heldur sig á mottunni
●Ekki gleyma hlýnun jarðar meðan þú slappar af heima í stofu.