Fréttablaðið - 21.08.2008, Blaðsíða 33

FIMMTUDAGUR 21. ágúst 2008 3
Börn hafa innbyggðan stærð-
fræðihæfileika jafnvel þótt þau
kunni ekki að tjá hann.
Rannsókn sem framkvæmd var
meðal fjörutíu og fimm frum-
byggjabarna Ástralíu á aldrinum
fjögurra til sjö ára sýndi að frum-
byggjabörnin stóðu sig jafn vel og
enskumælandi börn í tölulæsi þó
að tungumál þeirra skorti töluorð.
Niðurstaðan gengur í berhögg
við fyrri rannsóknir sem sýndu að
undirstaða tölulæsi væru töluorð-
in í tungumálinu.
Vísindamennirnir rannsökuðu
frumbyggjabörn sem búa á
afskekktum svæðum Ástralíu og
báru þau saman við börn í Mel-
bourne sem tala ensku.
Rannsóknin fór þannig fram að
fyrst sáu börnin nokkra hluti og
áttu að setja jafn marga hluti á
teppi fyrir framan sig. Eftir það
var æfingin gerð erfiðari með því
að láta hlutina undir teppið og áttu
börnin að komast að því hversu
margir voru þar. Í erfiðustu æfing-
unni þurftu börnin að finna út
hversu oft vísindamennirnir börðu
tveimur prikum saman.
Rannsóknin sýndi að enginn
munur var á tölulæsi barna með
töluorð í tungumálinu og hinna
sem ekki höfðu þau. - mmf
Tölulæsi og töluorð
Tölulæsi barna með töluorð í tungumáli
sínu virðist vera sú sama og þeirra sem
ekki hafa þau. NORDICPHOTOS/GETTY
Hugdjarfir háskólanemar með
sterkan persónuleika stunda
síður svindl á námsárunum.
Þetta segja niðurstöður nýrrar
bandarískrar rannsóknar sem birt-
ar voru á ráðstefnu American Psy-
chological Association. Úrtakið
var 400 stúdentar við ríkisháskól-
ann í Ohio.
Í rannsókninni voru námsmenn-
irnir spurðir hvort þeir hefðu
svindlað í námi sínu undanfarin
mánuð eða ár og hvort þeir teldu
líklegt að þeir svindluðu í framtíð-
inni. Að auki gengust þeir undir
sálfræðipróf sem mældu hug-
rekki, heiðarleika og hluttekn-
ingu.
Niðurstöður sýndu að „fræðileg-
ar hetjur“ væru í minnihluta. Þær
reyndust ekki hafa svindlað né
hafa geð í sér til að svindla í fram-
tíðinni. Þær sögðust þjást af sekt-
arkennd við tilhugsunina um að
svindla og gátu ekki réttlætt svindl
með nokkru móti; auk þess sem
þeim þótti erfitt að trúa slíkum
óheilindum upp á samnemendur
sína. Ekki kemur á óvart að þær
fengu hæstar einkunnir þegar kom
að hugrekki, hluttekningu og heið-
arleika, en hafa einnig sterkari
persónuleika og eru ólíklegri til að
falla fyrir freistingum. Heiðar-
legu stúdentarnir reyndust einnig
hafa jákvæðari sýn á annað fólk.
Nýja rannsóknin, ásamt eldri
rannsóknum, sýnir að allt að 80
prósent háskólastúdenta svindla á
námsárunum sínum. - þlg
Hugrekki og svindl
Allt að 80 prósent háskólastúdenta svindlar á námsárunum, segja bandarískar rann-
sóknir, en hugrakkasta námsfólkið lætur svindl með öllu eiga sig.
Kvæntir lifa lengur
PIPARSVEINAR LIFA SKEMUR EN KVÆNTIR MENN
Hjón hafa löngum lifað lengur en ógiftir en bilið á lífaldri þessara
hópa er að styttast. Líf ungra og ókvæntra karla er að lengjast jafnt
og þétt en ungir piparsveinar hafa það betra í dag en fyrir þrjátíu
árum. Heilsufar þeirra er betra og þeir lifa lengur, meðan heilsa
kvæntra karla hefur staðið í stað. Þetta kemur fram á fréttavef Berl-
ingske Tidende en þar er vitnað í Hui Liu, prófessor við Michigan-
háskóla. Hann hefur rannsakað heilsu fólks frá 1972 til
2003 og segir gift fólk enn þá lifa lengur en ógift fólk
en lífsskilyrði piparsveina og -meyja hafa batnað
síðustu 32 ár. Staða ekkna og ekkla hefur hins vegar
versnað á sama tíma. Sjá www.berlingske.
Útsölustaðir: Heilsuhúsið, Maður Lifandi, Yggdrasill, Fjarðakaup
Lífsins lind í Hagkaup, Hagkaup Smáralind, Lyfja, Lyfjaval, Krónan,
Blómaval, Nóatún Hafnarfirði og Heilsuhornið Akureyri.
Vegna einstakra gæða nýtur SOLARAY
sívaxandi virðingar og trausts um allan heim
WWW.GAP.IS