Fréttablaðið - 21.08.2008, Blaðsíða 51
FIMMTUDAGUR 21. ágúst 2008 31
UMRÆÐAN
Karin Erna Elmarsdóttir skrifar
um umferðaröryggi barna.
Nú líður að því að grunnskólar um allt land verði settir og því
fylgir tilheyrandi umferð barna og
foreldra, gangandi sem akandi. Í
ár eru rúmlega 4.100 börn að hefja
sína skólagöngu og því að fara í
fyrsta skipti út í umferðina á leið
til skóla.
Umferðarstofa hefur sent út
bækling til foreldra/forráðamanna
allra 6 ára barna. Í bæklingnum er
að finna ýmsar góðar leiðbeiningar
varðandi hvernig best er að undir-
búa barnið
undir það að
ganga sjálft í
skólann. Við
mælum með að
foreldrar/for-
ráðamenn
kynni vel fyrir
barninu hvaða
leið er best að
ganga og við
leggjum
áherslu á að
stysta leiðin er ekki alltaf sú örugg-
asta. Því miður eru aðstæður víða
þannig að ekki er óhætt að láta
börn ganga ein í skóla fyrstu árin. Í
sumum eldri hverfum eru götur
með 50 km hámarkshraða sem
liggja í miðjum skólahverfum. Víð-
ast er þó búið að koma upp gang-
brautarljósum við þessar götur.
Við megum samt ekki ofmeta getu
barnsins.
Þegar börn eru keyrð í skóla er
mjög mikilvægt að þau fari út úr
bílnum þar sem þau eru örugg. Við
stofnum lífi okkar barna og ann-
arra í hættu með því að sleppa
þeim út við gangstéttarbrún.
Notum frekar sérstök stæði eða
útskot sem er að finna við flesta
skóla. Það er líka mikilvægt að
muna að barn sem er að hefja
skólagöngu er ekki orðið nógu
hávaxið til að sitja eingöngu með
bílbelti og því er nauðsynlegt að
nota bílpúða eða bílpúða með baki.
10 örugg ráð:
1. Æfum leiðina í og úr skóla með
barninu.
2. Veljum öruggustu leiðina í skól-
ann – ekki stystu.
3. Leggjum tímanlega af stað, flýt-
um okkur ekki.
4. Setjum einfaldar og fáar reglur
sem barnið á að fara eftir.
5. Kennum barninu að fara yfir
götu, með og án ljósastýringar.
6. Verum sýnileg, notum endur-
skinsmerki.
7. Notum hjólreiðahjálm, bæði
börn og fullorðnir.
8. Notum viðeigandi öryggisbúnað
í bifreið, bæði börn og fullorðnir.
9. Tökum tillit til annarra vegfar-
enda, sérstaklega í nánd við skóla.
10. Förum eftir leiðbeiningum skól-
ans um umferð á skólasvæðinu.
Höfum í huga að við erum fyrir-
myndir barnsins. Hvernig hegðum
við okkur í umferðinni? Barnið
lærir meira af því sem við gerum
en því sem við segjum. Munum því
að ganga aldrei á móti rauðu ljósi
og nota alltaf viðeigandi öryggis-
búnað, til dæmis öryggisbelti, hjól-
reiðahjálma og endurskinsmerki.
Höfundur er fræðslufulltrúi hjá
Umferðarstofu.
Umferðaröryggi skólabarna við upphaf skólaárs
KARIN ERNA ELM-
ARSDÓTTIR
UMRÆÐAN
Lúðvík Gizurarson skrifar um
virkjanir.
Nú á ekki lengur að reisa risaál-ver á Bakka við Húsavík eða
það er í vafa, þá höfum við betri
kost og það er að reisa á Bakka
verksmiðju, sem framleiddi olíu á
bíla og skip.
Þannig gætum
við bjargað
okkur sjálfir ef
olía verður of
dýr eða fæst ekki
keypt vegna
styrjaldar í olíu-
löndunum við
Persaflóa. Einn
kastar bombu,
jafnvel óvart, og
þá er allt komið í
gang. Hinir verja sig og bomba á
móti. Styrjöld er komin á og engin
eða lítil olía framleidd. Þá þurfum
við að geta framleitt okkar olíu
sjálfir eða efni, sem má nota í stað
olíu.
Hér var lengi áburðarverk-
smiðja í Gufunesi. Hún var seld
eða gefin í einkavæðingu. Betra
hefði verið að flytja hana út á land
og halda áfram. Gamla áburðar-
verksmiðjan framleiddi fyrst og
fremst vetni, sem svo var breytt í
áburð fyrir okkar landbúnað. Ef
menn vildu ekki framleiða áburð,
þá mátti nota vetnið á bíla. Gera
tilraunir sem væru tengdar vetni,
t.d. með vetni blönduðu saman við
önnur efni. Þá hefðu komið tækni-
framfarir, aukin þekking og jafn-
vel nýjar uppfinningar. Eitt leiðir
af öðru. Bara byrja og halda svo
alltaf áfram. Láta ekkert stoppa
sig. Á endanum kemur hagstæð
lausn.
Fyrir svona 20 árum skrifaði
þessi greinarhöfundur í Dagblaðið
DV grein sem hann kallaði „Lýs-
is trillan“. Þá benti hann á að nota
mætti lýsi til að reka trillu ásamt
olíu eða bara lýsi tómt. Þetta var
skrifað til að benda á nýja mögu-
leika þegar olían væri búin, of dýr
eða fengist ekki. 20 ár síðan.
Nú er höfundur með nýja hug-
mynd með trillur. Það er „Vind-
myllutrillan“. Hún gengi fyrir raf-
magni og hefði rafgeyma. En hún
hefði líka mastur með spaða sem
snerist og framleiddi rafmagn.
Svona vindmyllu-rafstöð mætti
setja á öll skip og spara rafmagn.
Setja margar vindmyllur á stærri
skip og spara olíu. LÍÚ ætlar e.t.v.
að nota segl sbr. blaðafregnir,
vindmyllan er betri. Svo passa
seglin ekki í dag.
Hættum við álver á Bakka við
Húsavík. Setjum þar upp verk-
smiðju til að framleiða vetni, met-
hanol og svo hreina dísilolíu. Það
er hægt tæknilega. Látum t.d.
Alþjóðabankann eða Kínverja lána
okkur. Vera hugsanlega í sam-
vinnu við þá báða. Þeir eru vinir
okkar.
Höfundur er hæstaréttarlögmaður.
Búum
til olíu á
Bakka
LÚÐVÍK GIZURAR-
SON
www.myspace.com/esja & Tonlist.is
Útgáfutónleikar á NASA í kvöld
Húsið opnað kl. 21.00 - Frítt inn!
Esja er hugarfóstur þeirra Krumma úr Mínus og Daníels Ágústs úr GusGus og Nýdönsk.
Þetta er rafmagns- og kassagítarblúsrokk með skírskotanir í fenjamúsík suðurríkja
Bandaríkjanna. Frumsamin, einföld lög með alvöru textum sem ættu að falla í kramið
hjá þeim sem kunna að meta lagasmíðar í hráum og einlægum búningi.
ESJA ER KOMIN Í VERSLANIR
Hit It // Drinking And Driving // Sound On Sound // Till The End // Slithering // Chase ( Till Kingdom Come)
Wind Machine // Rider Of The Meadows // Don’t Know Anything // Slow Ride // Find My Way
Esja4x30.ai 20/8/08 16:45:02