Fréttablaðið - 21.08.2008, Blaðsíða 62
42 21. ágúst 2008 FIMMTUDAGUR
HVAÐ? HVENÆR? HVAR?
Fimmtudagur 21. ágúst 2008
➜ Samkoma
20.00 Torg í borg Borgarbókasafn
Reykjavíkur stendur fyrir kvöldgöngu
í Kvosinni þar sem skoðuð verður
hönnun og saga torga sem setja svip
á miðborgina. Lagt af stað úr Grófinni
milli Tryggvagötu 15 og 17. Þátttaka
ókeypis.
➜ Leiklist
Á sviðslistahátíðinni artFart sem
haldin er af áhugafólki um sviðslistir,
verða sýnd þrjú leikverk í kvöld í
Smiðjunni, Sölvhólsgötu 13.
18.00 DJ Hamingja, höf. Íslenska
hreyfiþróunarsamsteypan.
20.00 Vinir, höf. Símon Birgisson.
22.00 Maddit, höf. Maddit Theater
Company
➜ Myndlist
Flökt – samsýning Ingunn
Fjóla Ingþórsdóttir og Þórdís
Jóhannesdóttir eru með samsýningu
í austur- og vestursal jarðhæðar hjá
Start Art. Start Art, listamannahús ,
Laugavegi 12b. Sýningu lýkur 27.
ágúst.
Bylgjulengdir – Creighton Michael
Sýning á skúlptúrum og grafíkverk-
um bandaríska myndlistarmannsins
Creighton Michael í Hafnarborg.
Strandgata 34, Hafnarfirði. Sýningu
lýkur 25. ágúst.
Keramik frá Níkaragva Síðasta
sýningahelgi á keramikgripum
frá Níkaragva. Sýningu lýkur 25.
ágúst. Hafnarborg, Strandgata 34,
Hafnarfirði.
Straumar – verk í eigu Listasafns
ASÍ Sýning á völdum verkum úr
safneigninni m.a. eftir J.S. Kjarval.
Sýningu lýkur 25. ágúst. Listasafn
ASÍ, Freyjugötu 41, Reykjavík. Safnið
er opið frá klukkan 13-17, alla daga
nema mánudaga.
Bjarni Bernharður sýnir 20 akrýl-
myndir í 12 Tónum, Skólavörðustíg
15.
Þórunn Bára sýnir í Kirsuberjatrénu
við Vesturgötu. Sýningunni lýkur á
mánudag 25. ágúst. Opið laugardag
kl. 11.00 – 15.00. Lokað á sunnu-
daginn.
Katrín Elvarsdóttir sýnir í Gallerí
Ágúst. Katrín hefur nýtt sér ljósmynda-
tæknina sem aðal miðil. Sýningin
ber yfirskriftina Margsaga/Equivocal
og stendur til 27. september. Gallerí
Ágúst, Baldursgötu 12. Opið miðviku-
daga til laugardaga kl. 12-17.
Yfirlitssýning á verkum Guðmundar
Ármanns Sigurjónssonar stendur
yfir á Listasafninu á Akureyri. Sýningu
lýkur 24. ágúst. Listasafnið á Akureyri,
Kaupvangsstræti 12.
Hlynur Hallsson er með yfirlits-
sýningu sem samanstendur af eldri
og nýrri verkum í Nýlistasafninu,
Laugavegi 26. Sýningin stendur til 28.
september.
➜ Ljósmyndir
Ragnheiður Arngrímsdóttir er með
ljósmyndasýninguna „Hvað ætlar þú
að verða“ á Ráðhústorgi á Akureyri.
Sýningin verður til 31. ágúst.
➜ Sýning
Í húsi Orkuveitunnar að Bæjarhálsi 1
stendur yfir sýningin „Ljós í myrkri“.
Þar eru sýndar nýjungar í raflýsingu
og hönnun. Sýningin stendur til 26.
september og er opin 9-16 mánud.-
föstud.
Upplýsingar um viðburði sendist á
hvar@frettabladid.is
Það er útlit fyrir annasama daga
hjá kvikmyndaunnendum næstu
vikur. Reykjavik Shorts and Docs-
hátíðin er yfirvofandi og verður
með aðsetur sitt í Austurbæjar-
bíói. Miðasala og sýningar hefjast
þar í dag kl. 14. Miðaverðið er 600
krónur og aðgöngupassi á allar
myndir hátíðarinnar er 4.000 krón-
ur. Dagskráin er óhemju fjölbreytt
og er ánægjulegt að Austurbæjar-
bíó skuli aftur orðið virkt sem
kvikmyndahús.
Þá er Græna ljósið að hefja sýn-
ingarhald á nýju en þessi listakvik-
myndaklúbbur hefur sýningarhald
á nýjum stað í lok september og
sest að í Háskólabíói.
Loks er að styttast í Alþjóðlegu
kvikmyndahátíðina sem verður
líka í lok september.
Dagskrá Shorts&Docs er tilbúin
og aðgengileg á vefnum www.
shortdocs.info. Um eitt hundrað
myndir bárust Reykjavik
Short&Docs þetta árið, sem marg-
ar hverjar verða frumsýndar á
hátíðinni sem hefst í dag. Mikil
gróska virðist vera að færast í
íslenska stuttmyndagerð og spenn-
andi að opna hátíðina á nýjum og
metnaðarfullum verkum: þar
verða sýndar fjórar lengri heim-
ildarmyndir eftir Hans Kristján
Árnason, Kára Schram, Tómas
Lemarquis og Joseph Marzolla, og
þær Helgu Rakel Rafnsdóttur og
Huldu Rós Guðnadóttur. Tíu
mynda úrval frá norrænu kvik-
myndahátíðinni Nordisk Panor-
ama er á dagskránni og einnig
úrval stuttmynda frá kvikmynda-
hátíðinni í Cannes. Hátíðin hefur
opna skrifstofu á Laugavegi og
geta áhugasamir snúið sér þangað
til að fá prentaða dagskrá.
Nokkrar nýjar íslenskar stutt-
myndir eru einnig á dagskránni
eftir höfunda á borð við Dögg Mós-
esdóttur, Jón Egil Bergþórsson,
Baldvin Kára Sveinbjörnsson,
Börk Sigþórsson og fleiri.
Græna ljósið hefur aftur störf
26. september með frumsýningu
Where in the World is Osama Bin
Laden, nýjustu myndar Morgans
Spurlock. - pbb
Reykjavík Shorts&Docs hefst í dag
HEIMILDA- OG STUTTMYNDIR Hans
Kristján Árnason frumsýnir mynd sína
um Holger Gohill á Reykjavik Shorts
and Docs sem hefst í dag.