Fréttablaðið - 21.08.2008, Blaðsíða 66

46 21. ágúst 2008 FIMMTUDAGUR
maturogvin@frettabladid.is
Berglind Richardsdóttir,
hár- og förðunarmeistari,
segist vera dugleg að baka
bananabrauð og súkk-
ulaðikökur, en að það sé
eiginmaðurinn sem sjái um
eldamennskuna á heimilinu.
Berglind er hár- og förðunar-
meistari en hún rekur einnig net-
verslunina Netbud.is sem selur
bæði skart ásamt ýmislegu öðru.
Berglind segir verslunarrekstur-
inn ganga vel og um mánaðamót-
in næstkomandi mun hún færa út
kvíarnar og opna hár- og snyrti-
stofu. „Ég er að fara að opna
nokkurskonar vinnustofu í Mos-
fellsbæ þar sem ég get klippt og
tekið á móti konum í snyrtingu og
förðun,“ segir Berglind
Að eigin sögn er það eiginmað-
ur Berglindar sem sér yfirleitt
um eldamennsku á heimilinu,
„Ég sé um allan bakstur en eigin-
maður minn sér yfirleitt um
kvöldmatinn og alla flóknari
matargerð.“ Hún segir hvers
kyns kjúklingarétti vera í miklu
uppáhaldi hjá fjölskyldunni og
eru þeir oft á matseðlinum. „Ég
er mjög hrifin af kjúklingarétt-
um, sérstaklega indverskum þar
sem það er bæði fljótlegt og auð-
velt að matreiða þá.“ Berglind
segir að kjúklingur með fetaosti
sé í sérstöku uppáhaldi hjá allri
fjölskyldunni. „Eldra barnið
borðar þetta með bestu lyst, það
er reyndar alltaf vel borðað af
þessum rétti þegar hann er á
borðstólnum. Þetta er líka auð-
veldur réttur og það er lítið upp-
vask sem fylgir honum, sem er
ávallt kostur,“ segir Berglind og
hlær, „Við borðum þennan rétt
yfirleitt með smábrauði og salati
en hann er einnig góður með
hrísgrjónum,“ segir Berlind að
lokum.
sara@frettabladid.is
Hvaða matar gætirðu síst verið án? Segjum
sem svo að heilbrigðisnasistar heimsins,
myndu komast að því að það væri ekki
aðeins óhollt að grilla mat, heldur myndu
gufurnar frá grillunum, hugsanlega auka
líkur á geirsveiki eða gin- og klaufaveiki og
í kjölfarið yrði fólki bannað að grilla. Ef það
myndi gerast, þá gæti ég þess vegna hætt að
vakna á morgnana.
Besta máltíð sem þú hefur fengið: Ég man
eftir unaðslegu morgunarverðarhlaðborði
í Lubeck, stórkostlega hrárri steik á framúr-
stefnulegum veitingastað í París og svaðaleg-
um humar á Seyðisfirði. Ætli ég muni þó ekki
best eftir íslenskri kjötsúpu með nýbökuðu
brauði, á Café Nielsen á Egilsstöðum.
Er einhver matur sem þér finnst vondur?
Já, saltkjötfars, lifur, svínakótilettur í raspi,
flest sem kemur úr dós og hellingur af
öðrum viðbjóði sem Íslendingar á vissum
aldri kalla „heimilismat“.
Leyndarmál úr eldhússkápnum Ég flyt
stundum galdraþulur yfir ákveðnum
réttum, til að töfra fram einstakt bragð.
Enda kallaður kukl-kokkurinn. Annars
er gott að eiga einhverja bandaríska
„hot sauce“, chili og ost.
Hvað borðar þú til að láta
þér líða betur? Ef mér líður
eins og aumingja, þá borða
ég eitthvað sterkt. Ef ég er
sorgmæddur þá fer ég á
McDonalds, sem er eitthvert
öruggasta geðlyf sem til
er. Annars borða ég til að
gleyma.
Hvað áttu alltaf til í ísskápnum? Hillu-
pláss, sterka sósu, núðlur og svo auðvitað
hið vikulega ógeð sem ég var harðákveðinn
í að elda, en missti svo móðinn á miðri leið.
Ef þú yrðir fastur á eyðieyju, hvað
tækirðu með þér? Ég tæki með mér
mannakjöt, helst ferskt. Þá myndi mér
allavega ekki leiðast.
Hvað er það skrítnasta sem þú
hefur borðað? Matur á íslenskum
skyndibitastöðum. Hugmyndin
um skyndibita byggir á því að
hann sé ódýr og afgreiddur
hratt, það vegur upp á móti
óhollustunni. Hér á Íslandi er
hann rándýr, lengi á leiðinni og
að sjálfsögðu óhollur. Verulega
skrítið.
MATGÆÐINGURINN HALLDÓR HALLDÓRSSON, DÓRI DNA, LEIKLISTARNEMI
Flytur galdraþulur yfir ákveðnum réttum> Gulrætur geta hjálpað við náttblindu
Gulrætur eru fullar af A-vít-
amíni, sem á að vera styrkjandi
gegn náttblindu. A-vítamín styrk-
ir augun, beinin og er gott fyrir
húðina. Þá eru uppi kenn-
ingar um að vítamín-
ið dragi úr líkum á
krabbameini og
hjartasjúkdómum.
Sætar kartöflur og
spínat eru einnig
mjög A-vítamínrík.
Kjúklingaréttir í uppáhaldi
DUGLEG AÐ BAKA Berglind segir að
eiginmaðurinn sjái um alla flóknari
matargerð á heimilinu.
FR
ÉTTA
B
LA
Ð
IÐ
/VA
LLI
4 kjúklingabringur
1 krukka rautt pestó
Fetaostur
Pestóið sett í eldfast mót og bring-
unum raðað ofan á. Því næst er
fetaosturinn settur ofan á bringurn-
ar. Sett inn í ofn þangað til bring-
urnar eru tilbúnar. 180 gráður.
Meðlæti
Gott er að bera kjúklinginn fram
með smábrauði og salati. Smá-
brauð eru skorin í tvennt og smurð
með hvítlauksolíu. Mozzarellaostur
settur ofan á ásamt oregano og
hvítlaukskryddi. Sett inn í ofninn
með bringunum. Brauðin eru tilbúin
þegar osturinn er farinn að brúnast.
Kjúklingur með fetaosti
Þórey Ploder Vigfúsdóttir sér um
innkaup á kaffi, gæðaathugun,
kynningarmál, kaffibarþjóna-
þjálfun og fleira fyrir Estate Coff-
ee í Danmörku. Hún snobbar þó
ekki fyrir kaffivélum.
„Ég er algjörlega með filtervél-
um. Allar þessar fínu og flottu
vélar gera ekkert endilega betra
kaffi. Þá skiptir meiru að vera
með gott kaffi. Ég mæli með kaffi
frá Gvatemala eða Brasilíu í filt-
ervélar, eitthvað með góðum botni
eða fyllingu.“
Sjálf er hún með pressukönnu
og vill hafa kaffið sitt svart. „En
ef maður er á góðum kaffibar þá
mæli ég með „espresso contana“.
Með handþeyttum rjóma. Það er
algjört himnaríki.“
Hún er ekki hrifin af ískaffi
með sírópi. „Það er betra að nota
vanilluís og ekki vera hrædd við
að gera það með bara venjulegu
kaffi. Það eina sem þarf er hrist-
ari, smá ís, kaffi og mesta lagi
tveir ísmolar. Það er rosafínn sum-
ardrykkur og ekki of sætur.“
Varðandi geymslu segir hún
enga leið betri en önnur. „Fólk á
bara að kaupa lítið í einu. Þá getur
maður bara geymt það inni í skáp
og enn betra ef það er í lofttæmdu
máli. Maður á bara að kaupa og
drekka, það er mitt mottó.“
- kbs
Ekkert að filter-kaffivélunum
ÞJÁLFAR OG SMAKKAR Hér sést Þórey þjálfa keníska meistarann fyrir heimsmeistara-
mótið í Danmörku í júní síðastliðnum.
Bláber lita nú heiðar og móa bláa
og tilvalið að nýta þá guðs gjöf.
Skemmtileg nýjung er að baka úr
þeim bláberja- og sítrónubrauð,
sem slær örugglega í gegn bæði
hjá börnum og saumaklúbbum.
6 matskeiðar mjúkt smjör
1 bolli sykur
2 egg
1½ bolli hveiti
1 matskeið lyftiduft
¼ teskeið salt
½ bolli mjólk
1½ bollar stór bláber
1 matskeið rifinn sítrónubörkur
2 teskeiðar sítrónusafi
1 matskeið Limoncello (má sleppa)
Blandið saman sykrinum og
smjörinu. Hrærið eggin saman-
við. Blandið hveitinu, lyftiduftinu
og salti saman í annarri skál eða
poka. Blandið þurrefnunum hægt
og rólega við eggin, sykurinn og
smjörið og hellið mjólkinni rólega
saman við. Hrærið öðrum inni-
haldsefnum saman við og athugið
að fara að öllu mjúklega.
Smyrjið eldfast form, til dæmis
álbakka og hellið deiginu í. Dreifið
hrásykri yfir ef þið viljið hafa
brauðið sætara. Bakið í 50-60 mín-
útur við 180 gráður.
Losið brauðið úr forminu og
leyfið að kólna. Penslið svo með
mjúku smjöri. Brauðið er einstak-
lega gott með rjómaosti. - kbs
Bláberin í brauðið
Íslenskar kartöflur eru gæðamat-
ur og um að gera að prófa nýjar
leiðir í matreiðslu þeirra. Til
dæmis má prófa þetta fína suð-
ræna kartöflusalat.
Kartöflusalat
10 til 12 kartöflur
3 sellerístilkar með laufum
1 laukur
1 græn paprika
steinselja
4 harðsoðin egg
1 teskeið sykur
franskt sinnep
majónes
cayenne-pipar
Látið kartöflurnar sjóða. Skerið
grænmetið mjög smátt. Þegar
kartöflurnar hafa soðið, og eru
enn heitar, flysjið þær og stappið,
eina í einu í skál. Bætið við salti,
pipar, sykri, steinselju og loks
grænmetinu. Bætið við majónesi
og teskeið af sinnepi. Blandið vel.
Bætið við cayenne-pipar eins og
þið treystið ykkur til. Salatið ætti
að vera dálítið sterkt. Bætið loks
við eggjunum, skornum í milli-
stóra bita. Fínt með steikinni eða
fisknum. - kbs
Suðrænar kartöflur
LOSTÆTI Bláber eru ekki bara góð með
sykri og rjóma.
KARTÖFLUSALAT SEM BRAGÐ ER AÐ
Franskt sinnep og cayenne-pipar krydda
tilveruna. NORDICPHOTOS/GETTY
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...