Fréttablaðið - 21.08.2008, Blaðsíða 78
58 21. ágúst 2008 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. fyrst fædd, 6. kusk, 8. stúlka, 9.
heyskaparamboð, 11. ullarflóki, 12.
skopleikrit, 14. starfsaðferð, 16.
grískur bókstafur, 17. skörp brún, 18.
kerald, 20. bor, 21. glufa.
LÓÐRÉTT
1. skref, 3. 950, 4. töfraþulna, 5.
traust, 7. eilífð, 10. frjó, 13. gerast, 15.
liðormur, 16. krass, 19. frá.
LAUSN
„Ég fæ mér yfirleitt smoothie
eða hafragraut. Svo fæ ég mér
sterkan espresso. Í smoothie-inn
set ég oftast skyr og frosin ber,
kannski hálfan banana með.
Annars er það mismunandi og
fer eftir hvað ég á í ísskápnum.
Hafragrauturinn er oftast með
kanil.“
Hlín Reykdal fatahönnuður.
LÁRÉTT: 2. elst, 6. ló, 8. mær, 9. orf,
11. rú, 12. farsi, 14. tækni, 16. pí, 17.
egg, 18. áma, 20. al, 21. rifa.
LÓÐRÉTT: 1. klof, 3. lm, 4. særinga,
5. trú, 7. óratími, 10. fræ, 13. ske, 15.
igla, 16. pár, 19. af.
„Jájá, handritið er langt komið. Og
nafnið segir mikið um innihaldið,“
segir Pétur Jóhann Sigfússon,
skemmtikraftur með meiru.
Í vetur verður settur á svið
Borgarleikhússins einleikur eftir
Pétur og Sigurjón Kjartansson
sem heitir Sannleikurinn. Fyrir-
hugað er að Stefán Jónsson leik-
stýri verkinu en þar stendur Pétur
Jóhann einn á sviðinu.
„Þarna kemur fólk til með að fá
svör við öllu sem tengist því af
hverju við erum hérna, hvað við
erum að gera og hvert leiðin ligg-
ur eftir dauðann. Menn hafa verið
að spyrja sig þessara spurninga í
gegnum aldirnar. Ég tel mig vita
sannleikann. Og ákvað að fara
frekar með þetta á leiksvið en í
Ísland í bítið. Já, það er búið að
leggja þann þátt niður, en … sem
sagt, frekar en í einhvern maga-
sínþátt þar sem verið er að búa til
salat á sjö mínútum og svo er sagt:
Og nú kemur Pétur hérna með
sannleikann. Ég held á lyklinum,
hann er vandmeðfarinn og ég
ákvað að fara með hann á leik-
svið,“ segir Pétur. Og bætir því við
að þetta sé einhvers konar uppi-
stand sem brotið er upp með
söng atriðum frumsömdum af
Pétri: „Sannleikur, söngleikur, ein-
leikur.“ Sigurjón Kjartansson
segir að Pétur hafi þurft hækju
með til að skrifa handritið sem
hefur nú verið í vinnslu með hléum
í eitt ár.
„Stefán Jónsson leikstjóri er
eyrnamerktur þessari pródúsjón.
Okkur datt hann í hug af því hann
er mikill húmoristi og getur komið
með nýtt yfirbragð á þetta. Við
erum hvorugur einhverjir leik-
húslistamenn. Ég er haldinn mikl-
um fordómum gagnvart leikhúsi
og tel mig fyrst og fremst vera
þjón ljósvakamiðlanna. Hef oftar
en ekki lent í ýmsu stríði við dag-
skrá leikara sem er yfirleitt full-
skipuð æfingum á einhverjum
leikritum þegar þeir ættu að vera
í tökum á stórmerkilegum sjón-
varpsþáttum. Skrítin forgangsröð-
un það,“ segir Sigurjón.
Verkefnið leggst vel í Pétur þó
þetta sé frumraun hans á leiksviði.
Og kvíðir því ekki að þurfa að læra
texta utanbókar: „Ég er kominn í
góða æfingu. Þarf ekki nema rétt
líta yfir atriðin og þá er ég með
textann alveg á hreinu. Þú getur
spurt alla sem ég hef unnið með í
Nætur- og Dagvaktinni. Fólk hefur
rekið í rogastans: „Djöfull er hann
klár á textann.“ Og oft minnst á
Rainman í sömu andrá.“
jakob@frettabladid.is
SIGURJÓN KJARTANSSON: EINLEIKURINN FER UPP Í VETUR
Sannleikur Péturs Jóhanns
fer á leiksvið í vetur
SANNLEIKURINN Pétur Jóhann og
Sigurjón Kjartansson eru með einleikinn
Sannleikann í smíðum. Þeir hafa áður
náð saman í Stóra planinu, eins og sjá
má á þessari mynd.
Plötusnúðurinn DJ SexBomb,
betur þekktur sem Óttarr Proppé
úr Dr. Spock, mun hita upp fyrir
franska tónlistarmanninn Seba-
stien Tellier á Rúbín 28. ágúst.
Þetta er í annað sinn sem DJ Sex-
Bomb þeytir skífum opinberlega,
en hann hitaði upp fyrir hljóm-
sveitina Apparat fyrir nokkrum
árum og því mætti tala um eins
konar endurkomu.
„DJ SexBomb er andi sem
kemur yfir mig og þegar það ger-
ist get ég ekki annað en hlýtt
honum. Hann er það sterkur að
maður verður viljalaust verkfæri
í höndunum á honum og maður
fyllist kynþokka og grúvi,“ segir
Óttarr um hinn kynþokkafulla
plötusnúð. Spurður um nafnið, DJ
SexBomb, segir Óttarr að erlend-
ar strípimeyjar hafi gefið honum
nafnið fyrir mörgum árum. „Þær
voru fljótar að sjá SexBomb í mér
þó að ég hefði þá aldrei fundið
fyrir honum áður.“ Óttarr segir
að plötusnúðurinn spili einungis
kynþokkafulla tónlist og leggi
mikla áherslu á tónlist áttunda
áratugarins, en samkvæmt Óttari
var upptökutæknin þá upp á sitt
kynþokkafyllsta og söngvarar
voru almennt í kynþokkafullum
klæðnaði.
Óttarr verður uppáklæddur að
vanda í tilefni kvöldsins og verð-
ur kynþokkinn að sjálfsögðu alls-
ráðandi þegar kemur að fataval-
inu. En eiga DJ SexBomb og hinn
franski Tellier eitthvað sameigin-
legt?
„Þeir eru báðir mjög kynþokka-
fullir og eru sammála því að öll
tónlist eigi rætur sínar í mjaðma-
grindinni. Ég er nokkuð öruggur
um að þeir eigi eftir að verða
góðir félagar og að Sebastien eigi
eftir að fíla íslenska kynþokk-
ann,“ segir Óttarr að lokum.
- sm
Kynþokkafyllsti plötusnúður landsins
TELLIER TIL ÍSLANDS Sebastien Tellier
spilar á Rúbín 28. ágúst næstkomandi.
Tómas Hermannsson hjá
Sögum útgáfu er að leggja
lokahönd á bókina Fánýtur
fróðleikur IV bindi og
leitar eftir misgáfu-
legum tilvitnunum
sem eiga að vera
uppistaða eins
kafla bókarinnar. Eftir því sem Frétta-
blaðið kemst næst eru íþróttamenn
og þeir í bankageiranum höfundar
ýmissa ummæla sem komast á blað.
Svo sem: „Við erum svolítið eins og
síðasta óspjallaða meyjan á útihátíð
og þriðji dagur útihátíðarinnar er
runninn upp, þannig að margir
vilja inn í tjaldið. Það fara að verða
fáir uppistandandi sem vert er að
fá í svefnpokann en við erum hins
vegar í þeirri stöðu að geta valið vel
hverjum við myndum opna tjaldið,
ef við gerum það yfir höfuð,“ sem er
líkingamál haft eftir Þorvaldi Lúðvík
Sigurjónssyni hjá Saga Capital um
sameiningar í bankageiranum.
Annars er mikil
hreyfing á útgáfu-
bransanum og
ljóst að þeir
JPV-feðgar,
Jóhann Páll
Valdimarsson og
Egill Örn, sem nú
eru hæstráðendur
á Forlaginu, eru að
taka til og stilla upp á nýtt skálda- og
rithöfundaliði sínu. Enda viðbúið að
hreyfing kæmi á mannskapinn eftir
samruna JPV og Eddu fyrir um ári.
Þannig heyrist að Sigmundur Ernir
Rúnarsson, sem hefur gefið út ljóð
sín og bækur um árabil hjá JPV, sé
hættur hjá JPV og sé að svipast um
eftir nýjum útgefanda.
Marsibil Sæmundardóttir, fyrr-
verandi framsóknarkona, sat fyrir
svörum í DV í gær. Þar var hún meðal
annars spurð hvers vegna hún hafi
gengið til liðs við Framsóknarflokkinn
í upphafi. Sagði Marsibil það vera
vegna stefnu flokksins í
forvarna- og fíkniefna-
málum, en Framsókn
boðaði á sínum tíma
fíkniefnalaust Ísland
árið 2000. Það hefur
augljóslega ekki
gengið eftir. - jbg/shs
FRÉTTIR AF FÓLKI
Leikkonan og leikstjórinn Selma Björnsdóttir
hefur í nægu að snúast þessa dagana, en ásamt
því að leika í söngleiknum Ástin er diskó, lífið
er pönk, leikstýrir hún einnig tveimur barna-
leikritum á komandi leikhúsvertíð.
„Við erum að fara að æfa Gosa upp aftur núna
í haust í Borgarleikhúsinu og í desember hefj-
ast síðan æfingar á Kardimommubænum í
Þjóðleikhúsinu,“ útskýrir Selma, sem sest þá í
leikstjórastólinn. Að vissu leyti snýr hún þá
aftur á heimaslóðir, því Selma steig einmitt
sín fyrstu skref á leiklistarbrautinni sem
Kamilla í Kardimommubænum árið 1984.
„Ég var þá tíu ára gömul og í sömu upp-
færslu lék Örn Árnason ræningjann Jónatan.
Mér finnst mjög skemmtilegt að hafa fengið
tækifæri til þess að leikstýra þessu sama
verki núna, tuttugu og fimm árum seinna,“
segir Selma. Örn Árnason verður ekki heldur
fjarri í þetta skiptið, því í komandi uppsetn-
ingu á Kardimommubænum
fer hann með hlutverk ræn-
ingjans Kaspers. Áður hefur
Örn leikið bæði Jónatan og
Jesper, og lokar því hringn-
um í ár. Rúnar Freyr Gísla-
son, eiginmaður Selmu, fer
með hlutverk Jespers, en
Kjartan Guðjónsson
bregður sér í gervi
þriðja ræningjans,
Jónatans. Aðspurð
hvort hún kvíði
því að leikstýra
eiginmanni
sínum segir
Selma svo ekki
vera, „Ég hef
enga trú á því
að hann eigi
eftir að verða til vandræða,“ segir hún og
hlær við.
Selma var á dögunum valin sem einn af tíu
sérlegum sendiherrum ABC barnahjálpar í
nýju verkefni sem vekja á athygli á hjálpar-
starfi samtakanna. „Verkefnið er á algjöru
byrjunarstigi og það á eftir að þróa það
áfram. Ég verð sendiherra Senegal og ég
hef verið að styrkja barn þaðan í nokkurn
tíma. Það sem það kostar að veita
barni læknishjálp og menntun í
heilan mánuð samsvarar því að
leigja eina vídeóspólu og nammi
með,“ segir þessi atorkusama
kona að lokum. - sm
Selma snýr aftur í Kardimommubæinn
VEISTU SVARIÐ
Svör við spurningum á síðu 8.
1 Jón Magnússon.
2 Air.
3 Edinborgar.
SNÝR AFTUR Selma steig sín fyrstu
skref á sviði sem Kamilla en snýr
nú aftur sem leikstjóri verksins.
KYNÞOKKAFULLUR DJ SexBomb segist
vera undir miklum áhrifum frá áttunda
áratugnum. FRÉTTABLAÐIÐ/VALLI