Fréttablaðið - 22.08.2008, Blaðsíða 31

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
LANDBÚNAÐUR verður í brennidepli um helgina á landbúnaðar-
sýningu á Hellu sem haldin er í tilefni af hundrað ára afmæli Búnaðar-
sambands Suðurlands. Sýnd verða tæki og vélar, afurðir og búfé, og
kynntar vörur og þjónusta sem tengist landbúnaðinum. Landbúnaðar-
sýningin stendur frá föstudegi til sunnudags og er í senn fagsýning
fyrir landbúnaðinn og neytendasýning fyrir almenning.
„Ég er oft beðinn um að gera þess-
ar pönnukökur, þetta er einfaldur
og fljótlegur bakstur,“ segir Jökull
Sólberg Auðunsson vefhönnuður
um amerísku pönnukökurnar sem
hann bakaði. „Uppskriftin er úr
Happy days, bók Jamie Olivers.
Byrjað er á því að salta örlítið þrjár
eggjahvítur og stífþeyta þær. Þá er
þremur eggjarauðum, 115 g af
hveiti, einni kúfaðri teskeið af lyfti-
dufti og 140 ml af nýmjólk blandað
saman í skál og hvíturnar felldar
inn í deigið. Panna er smurð og
þremur hringjum af deigi hellt út á.
Þegar loftbólur myndast er pönns-
unum snúið við og þær steiktar þar
til orðnar gylltar báðu megin. Best
er að bera kökurnar fram með
hlynsírópi úr glerflöskunum.“
Jökull er mikill áhugamaður um
eldamennsku. „Ég hef mjög gaman
af því að elda. Pabbi minn er meist-
arakokkur og hefur smitað mig
eitthvað,“ segir Jökull sem er nokk-
uð duglegur að bjóða fjölskyldu og
vinum í mat. „Maður á margar
góðar stundir við að undirbúa mat-
inn, mér finnst afslappandi að
elda.“
Jökull kveðst horfa mikið á sjón-
varpsstöðina BBC Food og hefur
gaman af kokkum eins og Gordon
Ramsey. „Mér finnst líka mjög
gaman að skoða matreiðslubækur
en ég er samt pínu þrjóskur gagn-
vart uppskriftum; ég skoða margar
þeirra og fer kannski eftir þeim til
að byrja með en hætti því síðan.“
Jökull gerir þó fleira en að elda.
Hann endurgerði heimasíðuna
www.dv.is sem nú er komin í loftið
og var einnig að ljúka við aðra
heimasíðu í samstarfi við föður
sinn, www.skrinukostur.is. „Þessi
heimasíða er gerð til að halda utan
um innkaup, matseðla og uppskrift-
ir í mötuneytum. Þannig getur fólk
borið saman útgjöld milli mánaða
og séð hvað hver og einn réttur
kostar á mann. Heimasíðan hjálpar
þannig fólki við að taka meðvitaðar
og hagstæðar ákvarðanir út frá
rekstrinum.“ mariathora@frettabladid.is
Afslappandi að elda
Jökull Sólberg er mikill áhugamaður um eldamennsku og hefur gaman af því að skoða uppskriftabækur
og horfa á matreiðsluþætti. Hann eldaði amerískar pönnukökur eftir uppskrift frá Jamie Oliver.
Jökull Sólberg eldaði gómsætar
amerískar pönnukökur. „Jamie
Oliver mælir með bláberjum eða
ferskum maís með. Þá skal með-
lætinu stráð á ósteiktu hliðina rétt
áður en pönnsunni er snúið við,“
segir Jökull.
FRÉTTABLAÐIÐ/RÓSA
Veitingahúsið Perlan - Sími 562 0200 - Fax 562 0207
Netfang perlan@perlan.is - Heimasíða www.perlan.is
H
rin
g
b
ro
t
frábært fl ugeldaútsýni og næg bílastæði
Perlan býður ykkur velkomin á menningarnótt. Hefjið
menningarröltið á belgískum vöfflum á 4. hæð Perlunnar
eða njótið flugeldanna frá höfninni yfir 4ra rétta kvöldverði á
veitingastaðnum á 5. hæð. Hjá Perlunni eru næg bílastæði!
Gjafabréf Pe
rlunnar
Góð tækifæ
risgjöf!
4ra rétta tilboð
Léttreyktur lax með granateplum og wasabi-sósu
Rjómalöguð humarsúpa með grilluðum humarhölum
Lambahryggur með lambaskanka og rósmarínsósu
Banana- og súkkulaðifrauð með vanillusósu
6.490 kr.
Með 4 glösum af víni 9.990 kr.