Fréttablaðið - 22.08.2008, Blaðsíða 33

HÁTÍÐIR verða haldnar um helgina, menningarnótt
eins og flestir vita og fyrir þá sem vilja fara úr bænum
eru lokadagar tíu daga hátíðar á Austfjörðum, Ormsteitis.
„Við erum að safna sögum af því
hvernig er að vera Reykvíkingur
og búa í borginni en yfirskrift
verkefnisins er Reykjavíkur-
sögur,“ segir Unnur María Berg-
sveinsdóttir, sagnfræðingur og
verkefnastjóri Miðstöðvar munn-
legrar sögu, og bætir við að leitað
sé að sögum frá borgarbörnum
jafnt stórum sem smáum.
Unnur María segir að Reykja-
víkursögur sé þriggja ára verk-
efni sem unnið sé í samstarfi við
Reykjavíkurborg en nú er annað
ár þess. „Við höfum verið með lít-
inn upptökukofa á bæði
menningarnótt og Vetrar-
hátíð og hlustað á og
tekið upp sögur fólks.“
Að sögn Unnar Maríu
er leitað að sögum
fólks úr frítíma þess, hvernig það
eyðir tímanum og hvort borgin
hafi áhrif á frístundir Reykvík-
inga. „Þetta virkar þannig að fólk
skýst bara inn í kofann og segir
okkur frá. Sumir koma með
ákveðna minningu en aðrir koma
bara og spjalla. Síðan fá allir
sendan disk með upptökunni
sinni,“ upplýsir Unnur María en
hluti af upptökunum verður einn-
ig settur inn á heimasíðu Mið-
stöðvar munnlegrar sögu, www.
munnlegsaga.is, þar sem hægt
verður að nálgast þær í haust.
Unnur María segir að Reykja-
víkursögukofinn hafi verið vin-
sæll í fyrra og hún hafi tekið eftir
því að fólk hafi yfirleitt gaman af
því að segja sína sögu. „Munnleg
saga byggir á að ná persónulegri
sýn á hversdaginn og atburði sem
rata ekkert endilega inn í Íslands-
sögubækur.“
„Við höfum sérstaklega boðið
ættingjum að koma og spjalla
saman því það er gaman að sjá
sögu fólks af ólíkum kynslóðum
og fyrir ættingjana að bera saman
sögu sína,“ segir Unnur María
aðspurð hverjir geti komið í
kofann til hennar. „Í fyrra kom
þriggja ára stelpa með mömmu
sinni. Mamma hennar er úr Breið-
holti og hún sagði frá því hvernig
það var að alast þar upp fyrir tut-
tugu til þrjátíu árum. Stelpan kom
svo með sína útgáfu af því hvern-
ig það er að vera þriggja ára
Breiðholtsbarn í dag.“ Kofinn
verður á horni Túngötu og Aðal-
strætis á milli 12 og 18 á morgun.
martaf@frettabladid.is
Sögum kynslóða safnað
Menningarnótt verður haldin hátíðleg í borginni á morgun og setur Miðstöð munnlegrar sögu upp
upptökuver á horni Túngötu og Aðalstrætis í tilefni af því þar sem einstaklingar, ættingjar og vinir geta
komið og sagt sögur úr frístundum sínum í borginni.
Skaftholt í Gnúpverjahreppi
heldur opinn dag á morgun og
er tilvalið að taka sunnudags-
bíltúrinn snemma og bregða
fjölskyldunni úr borg.
„Fólk getur komið og séð staðinn
og hvað við erum að fást við,“
segir Guðfinnur Jakobsson, bóndi
í Skaftholti, sem býður fólk vel-
komið heim til sín á morgun.
„Við erum með lífræna græn-
metisræktun og búskap hérna,“
upplýsir Guðfinnur og bætir við
að ýmislegt sé unnið úr afurðum
dýra á bænum meðal annars ostar
úr mjólkinni.
Að sögn Guðfinns er opinn
dagur í Skaftholti árlegur viðburð-
ur sem í mörg ár hefur verið hald-
inn seinustu helgina í ágúst þó nú
sé hann aðeins fyrr. „Ástæðan
fyrir opnum degi var fyrst og
fremst sú að það er svo margt fólk
sem langar til að koma, sjá hvað er
hérna og hvað við erum að gera.“
Aðspurður segir Guðfinnur
opna daginn hafa verið vinsælan
hingað til og að margt fólk hafi
kíkt í heimsókn. - mmf
Heimboð í sveitina
Gestir eru boðnir velkomnir í Skaftholt í Gnúpverjahreppi á morgun á opnum degi.
MYND/SKAFTHOLT
Reykjanesbæ • Hafnargötu 10 • s: 421 4601 • www.rain.is • rain@rain.is
Rúnar Þór leikur alla helgina
Föstudag og Laugardag.
Eldhúsið er opið
11:00-15:00 & 18:00 -22:00.
Nýr matseðill.
Smurþjónusta
fyrir allar gerðir bíla
Eigum olíusíur í flestar gerðir bíla
Komdu með bílinn til okkar!
Frábær verð og góð þjónusta!
Alltaf heitt á könnunni!
Unnur María Bergsveinsdóttir segir að fjölskyldan geti komið í upptökukofann og sagt sögu sína á morgun. FRÉTTABLAÐIÐ/RÓSA