Fréttablaðið - 23.08.2008, Blaðsíða 2

2 23. ágúst 2008 LAUGARDAGUR
STJÓRNMÁL Evrópunefndin, nefnd
um þróun Evrópumála, hefur
hafið athugun á hvort mögulegt
sé að Ísland taki upp eða tengi
íslensku krónuna evru með vilja
og í samvinnu við Evrópusam-
bandið.
Nefndin mun nálgast verkefnið
út frá þremur þáttum: hagfræði-
legum, lagalegum og stjórnmála-
legum.
Að líkindum mun nefndin kalla
eftir sérstakri hagfræðilegri
úttekt á viðfangsefninu og starfs-
maður hennar kanna lagalegan
þátt þess. Pólitíska afstaðan er
svo í höndum stjórnmálamann-
anna.
Ágúst Ólafur Ágústsson, vara-
formaður Samfylkingarinnar og
annar tveggja formanna nefnd-
arinnar, segir málið tekið upp
eftir að forsætisráðherra fól
henni að skoða það sérstaklega.
Talsverðar umræður fóru fram
miðsumars um möguleikann á
upptöku evru í framhaldi af hug-
leiðingum Björns Bjarnasonar
dómsmálaráðherra þar um.
Spurði hann á heimasíðu sinni
hvernig væri að láta reyna á það
á markvissan hátt, hvort unnt
væri að taka upp evru í samstarfi
við Evrópusambandið og renna
þannig þriðju stoðinni undir sam-
starf Íslands og ESB. Núverandi
stoðir samstarfsins eru EES-
samningurinn og Schengen-sam-
komulagið.
Í kjölfar umræðnanna fól Geir
H. Haarde forsætisráðherra Evr-
ópunefndinni að gaumgæfa þenn-
an möguleika.
Auk áðurnefndra athugana
hyggst nefndin óska eftir að
Björn Bjarnason mæti á fund
hennar svo spyrja megi hann
ítarlega og milliliðalaust út í hug-
myndir hans um málið. Björn fór
fyrir nefnd um Evrópumál sem
starfaði í tæp þrjú ár og skilaði
skýrslu í mars síðastliðnum.
Þá mun nefndin fara til Brussel
í september og ræða við forvígis-
menn innan Evrópusambandsins,
jafnt embættismenn sem stjórn-
málamenn. Auk annarra verður
rætt við Joaquin Almunia, efna-
hagsmálastjóra ESB.
Ágúst Ólafur segir nefndar-
menn á einu máli um að rétt sé að
skoða gjaldmiðilsmálin af alvöru.
„Það er mikilvægt að leggja mat
á hvort þetta sé annars vegar
raunhæft og hins vegar skynsam-
legt, ekki síst í ljósi þess að breitt
bil er á milli skoðana. Sumir segja
þetta óraunhæft en aðrir að þetta
sé hægt.“ bjorn@frettabladid.is
Kannað verði hvort
evruaðild sé möguleg
Evrópunefndin skoðar hvort aðild að Myntbandalagi Evrópu og/eða upptaka
evru sé möguleg. Hagfræðilegar, lagalegar og pólitískar hliðar verða kannaðar.
Nefndarmenn ræða við embættis- og stjórnmálamenn í Brussel í september.
Á FUNDI EVRÓPUNEFNDARINNAR Ágúst Ólafur Ágústsson, annar formanna nefndarinnar, segir gjaldmiðilsmálin verða skoðuð af
alvöru. Mikilvægt sé að meta hvort og þá hvaða möguleikar séu á upptöku evru eða tengingu krónunnar við hana.
FRÉTTABLAÐIÐ/ANTON
FLÓTTAMENN Dómsmálaráðuneytið
hefur ákveðið að mál Pauls Ram-
ses verði tekið til efnislegrar með-
ferðar á Íslandi.
Þetta þýðir að Ramses samein-
ast fjölskyldu sinni að nýju og
verður fluttur til landsins á kostn-
að Útlendingastofnunar.
„Það er skýr afstaða okkar að
hann komi til landsins sem fyrst,“
segir Haukur Guðmundsson, for-
stjóri Útlendingastofnunar. Haft
var samband við ítölsk yfirvöld í
gær vegna þessa.
Ráðuneytið fellst ekki á að
nokkuð hafi verið athugavert við
málsmeðferð og niðurstöðu stofn-
unarinnar á sínum tíma. Hins
vegar hafi ný gögn komið fram.
„Það kom í ljós að kona hans var
ekki með gilt dvalarleyfi í Sví-
þjóð. Hennar hefði því beðið brott-
vísun til Kenía. Það er vegna
þessa sem ráðuneytið lítur til
mannúðarsjónarmiða. Það vildi
ekki vísa henni og barninu til
Kenía, meðan hann er í hælisleit á
Ítalíu,“ segir Haukur. Björn
Bjarnason dómsmálaráðherra
segir að auki að upplýsingar um
aðra ættingja Pauls á landinu hafi
spilað inn í ákvörðunina.
Ekki náðist í Ramses í gær, en
kona hans, Rosemary, er yfir sig
hamingjusöm.
„Ég fékk þessa sænsku kenni-
tölu og mér var sagt að ég mætti
vera eins lengi og hún gildir, sem
er til ársins 2012,“ segir Rosemary.
- kóþ
Mannúðarsjónarmið réðu för þegar dómsmálaráðuneyti tók ákvörðun:
Paul Ramses kemur til Íslands
ROSEMARY ATIENO OG FÍDEL SMÁRI
Rosemary og manni hennar varð til
happs að sænsk kennitala hennar jafn-
gildir ekki dvalarleyfi, eins og hún segist
hafa haldið. FRÉTTABLAÐIÐ/ANTON
PAKISTAN, AP Stærsti flokkurinn í
ríkisstjórn Pakistans lagði í gær til
að ekkill hinnar myrtu Benazir
Bhutto, Asif Ali Zardari, yrði
eftirmaður Pervez Musharrafs á
forsetastóli landsins.
Samstarf stjórnarflokkanna
tveggja stendur tæpt og tilefning
Zardaris eykur líklega á ágreining-
inn. Kjörstjórn tilkynnti í gær að
þingmenn myndu kjósa eftirmann
Musharrafs 6. september.
Sjálfsvígssprengjuárásir við
stóra vopnaverksmiðju nærri
Islamabad urðu minnst 59 manns
að bana á fimmtudag. Tilræðið
gerði út um vonir manna um að
takast mætti að lægja öldurnar í
kjölfar afsagnar Musharrafs. - aa
Stjórnmál í Pakistan:
Zardari í for-
setaframboð
UPPNÁM Lögregla á vettvangi sjálfsvígs-
tilræðanna á fimmtudag. FRÉTTABLAÐIÐ/AP
VIÐSKIPTI „Þetta er hluti af okkar
heimildum til aðstoðar fólks í
greiðsluerfiðleikum. Sú staða
hefur komið upp í vaxandi mæli á
fyrri hluta árs að fólk situr uppi
með tvær eignir eftir að hafa
fjárfest í nýrri,“ segir Guðmund-
ur Bjarnason, framkvæmdastjóri
Íbúðalánasjóðs.
Sjóðurinn hefur ákveðið að fólk
sem keypt hefur húseign en situr
uppi með aðra sem ekki hefur
tekist að selja, geti fryst lán.
Guðmundur segir að þetta hafi
verið ákveðið fyrir tveimur
mánuðum en ekki var greint
formlega frá þessu fyrr en í gær.
Þegar það varð ljóst fór fyrir-
spurnum að rigna yfir sjóðinn.
- ikh / sjá síðu 12
Íbúðalánasjóður frystir lán:
Fyrirspurnum
rignir inn
Námskeið við ofþyngd
• Hefurðu ítrekað reynt að
grenna þig án árangurs?
• Gætu aðferðir hugrænnar
atferlismeðferðar komið þér
að gagni?
Tíu vikna námskeið er að hefjast á vegum
Kvíðameðferðarstöðvarinnar undir stjórn
Sóleyjar D. Davíðsdóttur, Sigurbjargar J.
Ludvigsdóttur og Brynjars Halldórssonar
sálfræðinga. Kenndar verða leiðir til breyta
hugarfari og atferli sem grefur undan
árangri á þessu sviði.
Skráning fer fram á kms@kms.is
eða í síma 822-0043 og lýkur 25. ágúst n.k.
Nánari upplýsingar má fi nna á: www.kms.is.
VEÐUR Búist er við nokkurri
úrkomu á höfuðborgarsvæðinu í
dag þegar borgarbúar halda
menningarnótt.
„Það verður blautt meginpart
dags,“ segir Kristín Hermanns-
dóttir, veðurfræðingur á Veður-
stofu Íslands. Mesta úrkoman
verði þó um hádegið. Kristín
segir þokkalegt útlit með veður í
kvöld. „Það gæti orðið þurrt og
rólegur vindur í kvöld,“ segir
Kristín. Réttast sé fyrir fólk að
klæðast skjólgóðum og regnheld-
um fatnaði á menningarnótt. - ovd
Blautt meginpart dagsins:
Vætusamt á
menningarnótt
Anna Pála, stólið þið á nýjan
meirihluta?
„Nei, ég held að það myndi koma
okkur í koll.“
Ungir jafnaðarmenn og ung vinstri græn
stóðu fyrir stólaleik á fyrsta borgarstjórn-
arfundi nýs meirihluta. Anna Pála Sverris-
dóttir er formaður ungra jafnaðarmanna.
ÍÞRÓTTIR Alþjóðlega Ólympíu-
nefndin hefur farið þess á leit við
forráðamenn Ólympíska fimleika-
sambandsins að kannað verði
hvort kínversku fimleikastúlkurn-
ar uppfylli aldursskilyrði leikanna.
Reglur segja til um að fimleika-
stúlkur megi ekki vera yngri en
sextán ára en sumar eru taldar
mun yngri, eða fjórtán ára.
„Barnatennurnar eru ekki enn
dottnar úr sumum. Eina þeirra
vantar enn þá eina framtönn,“
sagði Martha Karoliy, þjálfari
bandaríska fimleikaliðsins, í
samtali við CNN. - kg
Kínversku fimleikastúlkurnar:
Sumar með
barnatennur
IÐNAÐUR Suðurlandsskjálftinn í
maí sparaði Reykvíkingum
líklega umtalsverðar fjárhæðir.
Hann reið yfir þegar Orkuveit-
an var með útboð á tryggingum
fyrir virkjanir sínar og veitur.
Flest mannvirki fyrirtækisins eru
á hættusvæði, vegna jarðhrær-
inga og eldvirkni.
„Og hann kom nánast eftir
pöntun. Vátryggingafélögin
erlendu sáu þá að öll okkar
mannvirki stóðust skjálftann og
að það væri ekki glapræði að
tryggja okkur,“ segir Hjörleifur
B. Kvaran, forstjóri Orkuveitunn-
ar. Iðgjaldið nemur um 130
milljónum á ári. - kóþ
Orkuveita Reykjavíkur:
Jarðskjálftinn
lækkaði iðgjald
STJÓRNMÁL Óvíst er hvort þverpól-
itísk samstaða næst um breyting-
ar á lögum um eftirlaun ráðherra
og þingmanna.
Málið var eitt dagskrármála
fundar formanna stjórnmála-
flokkanna í gær. Geir H. Haarde
forsætisráðherra segir málið
hafa verið rætt vítt og breitt en
kveðst aðspurður ekki hafa lagt
fram tillögur að breytingum.
„Nei, ég gerði það ekki. Við þurf-
um að vega og meta hvernig við
stöndum að því og eins hvort um
það næst samstaða. Það er ekkert
víst.“
Í vor boðaði Geir að reynt yrði
að finna viðunandi lausn á eftir-
launamálinu í sumar og kvaðst
um leið gera ráð fyrir að formenn
allra flokka ynnu sameiginlega að
þingmáli sem lagt yrði fram í
haust. Þó Geir segi nú að óvíst sé
um samstöðu býst hann engu að
síður við að frumvarp komi fram
í haust. „Ég reikna nú með því en
veit ekki hvort það verður frum-
varp allra flokka eða eitthvað
annað.“ Áfram verði rætt um
málið á vettvangi flokksformanna
enda standi vilji til þess. „Ég held
að allir hafi áhuga á að finna
lausn, en við verðum að sjá hvað
gerist. Hins vegar er mikill mis-
skilningur í gangi varðandi lög-
gjöfina. Fyrir þingmenn flesta er
hún síður en svo betri en gömlu
lögin þannig að það þarf að velta
ýmsu fyrir sér í þessu.“
- bþs
Formenn stjórnmálaflokkanna funduðu um breytingar á eftirlaunum í gær:
Óvíst um samstöðu um eftirlaunin
GEIR H.
HAARDE Segir
óvíst hvort
samstaða
náist meðal
flokksfor-
manna um
eftirlauna-
málið.
Bruni í sumarbústað
Slökkvilið Brunavarna Árnessýslu var
í gærkvöldi kallað að sumarbústað í
Ásgarðslandi í Grímsnesi. Greiðlega
gekk að slökkva eldinn en bústaður-
inn, sem er í byggingu, var mann-
laus. Eldsupptök eru ekki kunn en
bústaðurinn er nokkuð skemmdur af
völdum elds og reyks.
LÖGREGLUFRÉTTIR
SPURNING DAGSINS