Fréttablaðið - 23.08.2008, Blaðsíða 8
8 23. ágúst 2008 LAUGARDAGUR
Handboltaáhrif er nýyrði í
íslensku viðskiptalífi. Með áhrif-
unum er vísað til þeirrar ládeyðu
sem var á markaðnum þegar
Íslendingar kepptu við Spánverja
um sæti í úrslitaleiknum á Ólymp-
íuleikunum.
Nánast engin viðskipti áttu sér
stað með krónuna. Einhver hreyf-
ing var þó í hálfleik en svo hélst
gengisvísitalan óbreytt út leikinn.
„Það voru engin viðskipti á
skuldabréfamarkaði meðan á
leiknum stóð en það voru 48 við-
skipti gerð á hlutabréfamarkaði,“
segir Kristín Jóhannsdóttir, sam-
skiptastjóri Kauphallarinnar. Hún
segir að heildarvelta dagsins hafi
verið sæmileg, bæði fyrir hluta-
bréfa- og skuldabréfamarkað en
svo virðist sem fjárfestar hafi
tekið sér tveggja klukkustunda
hlé í dag.
Ef rýnt er í fortíðina má sjá að
íslenska handboltalandsliðið leik-
ur yfirleitt vel í kreppu. Þegar
landsliðið stóð á verðlaunapalli í
B-keppninni í Frakklandi 1989 var
efnahagsástand þjóðarinnar ekki
upp á marga fiska. Árið 2002 var
niðursveifla á Íslandi en þá lenti
íslenska landsliðið í fjórða sæti á
Evrópumótinu í Svíþjóð.
Sérfræðingum á markaði kemur
því tæpast á óvart nú mitt í allri
bölsýninni og krepputali, að
„strákarnir okkar“ standi undir
nafni og tryggi sér verðlaunapen-
ing á Ólympíuleikunum. - ghh
„Handboltaáhrif“ er eitt nýyrða í íslensku viðskiptalífi:
Ládeyða á markaði
meðan á leik stóð
VETRARGARÐURINN Það var hreint
mögnuð stemning í Smáralindinni þar
sem fólk var komið saman til að hvetja
strákana okkar áfram. FRÉTTABLAÐIÐ/KJARTAN
HANDKNATTLEIKSLIÐ ÍSLANDS Í ÚRSLIT Á ÓLYMPÍULEIKUNUM
Tangarhöfða 1 110 Reykjavík Sími: 551 5464 www.wendel.is
TÆKI TIL VERKLEGRA FRAMKVÆMDA
Ammann valtarar og jarðvegsþjöppur
Geir H. Haarde forsætisráðherra
horfði á síðari hálfleik Íslands og
Spánar á Gaddstaðaflötum við
Hellu þar sem hann var við setn-
ingu viðamikillar landbúnaðar-
sýningar. Þar fagnaði hann úrslit-
unum í fjölmenni.
Með fyrri hálfleik fylgdist Geir
hins vegar í bílnum á leið austur.
Og það var strax þá sem hann var
viss um íslenskan sigur. „Ég var
sannfærður um sigur þegar við
vorum komnir í fimm núll,“ sagði
Geir í samtali við Fréttablaðið í
gær.
Hann telur árangurinn stór-
kostlegan þó úrslitin í gær komi
ekki alveg á óvart í ljósi þess hve
vel liðið hafi staðið sig á mótinu
fram til þessa. „Þetta er stærsti
sigur í íslenskri íþróttasögu
hingað til, og það er aldrei að vita
hvað gerist á sunnudaginn,“ segir
Geir, sem líkt og sjálfsagt þorri
þjóðarinnar fer snemma á fætur í
fyrramálið til að horfa á
úrslitaleikinn.
Geir segir Ísland eiga raun-
hæfa möguleika á gullverðlaun-
um; leikur liðsins til þessa beri
þess merki. „Menn mega þó ekki
vera vanþakklátir ef við fáum, í
gæsalöppum, bara silfrið því það
er auðvitað stórkostlegt að ná svo
langt. Frakkarnir eru mjög sterk-
ir en fyrst við gátum unnið Rússa
og Þjóðverja, komist í gegnum
riðilinn og unnið svo Pólverja og
nú Spánverja getum við auðvitað
unnið Frakka á góðum degi.“
Geir segir gengi íslenska liðs-
ins hafa góð og jákvæð áhrif á
þjóðarsálina. Gott sé fyrir þjóð-
ina að fá jákvæðar fréttir um
þessar mundir.
„Þetta er glæsileg frammistaða
og sýnir hverju menn fá áorkað
ef þeir eru jákvæðir og liðsand-
inn er góður,“ segir Ingibjörg
Sólrún Gísladóttir utanríkisráð-
herra. Hún segir að starfsmenn
utanríkisráðuneytisins hafi reynt
að fylgjast með leiknum eftir því
sem kostur var. „Hér var mikil
stemning og gaman að fylgjast
með hvað handboltamennirnir
okkar eru í góðu formi og vel
stemmdir.“
Hún ætlar að fylgjast spennt
með leiknum á sunnudagsmorg-
uninn. „Við krossum fingur og
óskum þeim alls hins besta,“ segir
Ingibjörg Sólrún.
„Þetta er merkilegasti íþrótta-
viðburður sem við höfum upplif-
að,“ segir Þorgerður Katrín Gunn-
arsdóttir, menntamála- og
íþróttaráðherra, sem segir það
töfrum líkast að horfa á liðið
spila. „Mér finnst þeir vera svo
einlægir og mannlegir. Og mér
finnst þeir miðla svo miklu til
allra kynslóða, ekki síst ungu kyn-
slóðanna. Þetta skiptir okkur máli
og auðveldar baráttuna við að
hvetja fólk til að hreyfa sig meira
og hugsa meira um heilsuna.
Þetta hefur jákvæð áhrif þvert
yfir samfélagið og við stöndum í
mikilli þakkarskuld við þá alla.“
Þegar er hafinn undirbúningur
fyrir heimkomu landsliðsins á
miðvikudag. „Það verður tekið á
móti liðinu með pomp og prakt,
eins og svona hetjur eiga skilið,“
segir Þorgerður. Og auðvitað
verði öllum Ólympíuförunum
fagnað.
bjorn@frettabladid.is
thorunn@frettabladid.is
Geir var viss um sigur
þegar staðan var 5-0
Forsætisráðherra segir sigurinn gegn Spánverjum stærsta sigur íslenskrar
íþróttasögu. Árangur landsliðsins hafi góð áhrif á þjóðarsálina. Menntamála-
ráðherra segir liðið miðla miklu til unga fólksins og vera því góð fyrirmynd.
ÚRSLITUNUM FAGNAÐ Geir H. Haarde fylgdist með síðari hálfleiknum í gær í hópi
annarra ráðherra, þingmanna og fleira fólks við setningu landbúnaðarsýningarinnar á
Gaddstaðaflötum. FRÉTTABLAÐIÐ/ÁSKELL ÞÓRISSON
„Ég gat auðvitað ekki misst af
leiknum. Það liggur við að maður
hefði sleppt jarðarför fyrir þetta,“
segir Guðni
Már Harðarson
sóknarprestur í
Lindarkirkju
glaður í bragði
eftir sigur
íslenska lands-
liðsins á Spán-
verjum í gær.
Guðni er
ókrýndur prest-
ur hand-
boltalandsliðs-
ins og hefur
fylgt liðinu út til útlanda. „Ég hef
reynt að fylgja landsliðinu á stór-
mót. Ég fór meðal annars til Pól-
lands í ár til að styðja þá.“
Margir af strákunum biðja fyrir
leiki að sögn Guðna og hann segir
það oft hjálpa þeim. Sjálfur biður
hann fyrir þeim alltaf á kvöldin,
daginn fyrir leik. „Ég geri það allt-
af og ég hugsa að þó nokkuð marg-
ir hafi munað eftir þeim í kvöld-
bæninni í gærkvöldi,“ segir Guðni
sem einnig biður meðan á leik
stendur og biður þakkarbæn að
leik loknum.
„Ég hef haft ótrúlega góða til-
finningu fyrir þessu móti og ég
held að gott partý verði eftir þetta
á sunnudaginn. Ég þori samt ekki
að segja hvernig fer á sunnudag-
inn. Sá getur allt sem trúir og ef
maður gerir það þá uppsker maður
vel,“ segir Guðni sem er á leið á
ættarmót í Danmörku.
„Áður en ég fór var ég búinn að
kanna það hvort þetta væri ekki
alveg örugglega sýnt og þetta er
sýnt á TV2. Annars hefði maður
ekki farið,“ segir Guðni kátur að
lokum.
- vsp
Ókrýndur prestur handboltalandsliðsins:
Hefði sleppt ættar-
móti fyrir leikinn
GUÐNI MÁR
HARÐARSON
„Það er mikið undur að finna
bræðralagið með þessum köpp-
um, sem eru óstöðvandi vegna
þess að þeir
standa saman,“
segir Thor Vil-
hjálmsson rit-
höfundur um
íslenska lands-
liðið í hand-
bolta.
Thor segist
hafa horft á
leikinn í gær,
eins og þjóðin
öll, og skemmt
sér óskaplega vel.
„Kjarval sagði eitt sinn: Fólk
sem aldrei lyftir neinu í samtaki,
verður aldrei þjóð.
Vonandi verða þessir rösku
drengir innblástur þjóðinni í
heild, að standa saman, halda öllu
sínu óspilltu og hrinda af sér allri
óværu. Þeir leggja sig alla fram,
hver og einn með sitt ágæti og
allt í þágu heildarinnar og þjóð-
arinnar þar með,“ segir Thor.
- kg
Thor Vilhjálmsson:
Innblástur
þjóðinni í heild
THOR
VILHJÁLMSSON
Danmörk: „Sensasjón!“
Fréttinni af undanúrslitaleiknum
var gerð góð skil á forsíðu frétta-
vefjar Politiken. „Sensasjón: Ísland
í handboltaúrslitunum“, sagði þar í
fyrirsögn. Þar muni „leikmennirnir
frá einu minnsta landi Evrópu reyna
að vinna fyrstu Ólympíugullverðlaun
þjóðarinnar nokkru sinni“.
AFP: Ísland malar Spán
„Ísland, sem ekki hafði verið talið
sigurstranglegra fyrir leikinn, malaði
Spán 36-30 í undanúrslitum hand-
bolta karla og ná með því í fyrsta sinn
í gullverðlauna-úrslitaleik,“ skrifar
AFP-fréttastofan. Spánverjar hafi verið
„teknir í bólinu“ af baráttuglöðum
Íslendingum og þeir hafi aldrei náð
sér á strik gegn „mótherja sem hefur
sett mótið á annan endann með því
að taka hvern risann af öðrum af lífi“,
segir þar.
Þýskaland: „Þýskur“
úrslitaleikur
Fréttavefur þýska blaðsins Rhein-Zei-
tung gerir það að aðalumfjöllunarefni
að í báðum liðunum sem leika til
úrslita, því franska og því íslenska, sé
fjöldi leikmanna sem leika eða hafa
leikið með þýskum félagsliðum. Að
Guðmundi Guðmundssyni landsliðs-
þjálfara meðtöldum bendir blaðið á
að sex af fjórtán manna heildarliði
Íslendinga leiki með þýskum liðum.
Foxsports: Ísland malar
Spán
Bandaríska fréttastofan Fox segir
Íslendinga hafa bætt einu höfuðleðri
í beltið með því að sigra Spán eftir að
hafa sigrað stórþjóðir eins og Rússa,
Þýskaland og Pólland.
ERLEND VIÐBRÖGÐ
„Þetta var stórkostlegt,“ segir
Jóhannes Jónsson oft kenndur við
Bónus aðspurður um hvað honum
fannst um leik íslenska landsliðs-
ins og Spánverja í gær.
„Engin viðskipti voru hjá okkur
á meðan á leiknum stóð en fólk
gerði síðan vel
við sig í mat og
drykk þegar sig-
urvíman hrísl-
aðist um þjóðina
eftir leikinn,“
segir Jóhannes.
Franska liðið
er gríðarlega
sterkt að mati
Jóhannesar en
íslenska liðið
virðist skipað
ofurmennum og
því hefur hann fulla trú á þeim á
sunnudaginn. „Ég verð nú samt í
laxveiði á sunnudeginum en það
verður væntanlega ekki byrjað að
veiða fyrr en eftir leik,“ segir
Jóhannes. - vsp
Jóhannes Jónsson í Bónus:
Engin viðskipti
á meðan á
leiknum stóð
JÓHANNES
JÓNSSON